Thursday, May 29, 2008

طراره


اعاده لما سبق نشره ليش ...؟ ماأدري 

مادقّوا علي ماعطوني وزاره

ولاحسّوا بإمكانياتي الجباره


ولا رقمي سألوني عنّه


ولا بالغلط عطوني رنّه


ياقاصدينها ياعياره


ماعطوني وزارة


....


ودّي أعرف شنهي المعايير


يبوني أهوّس وإلا أطير


ودي أفهم شنهي المواصفات


يبون ضمير حي وإلا مات


يبون ناس مريشه


وإلا فقاره


ماعطوني وزاره


....


 على الأقل وزارة التخطيط


خل يعطون ويه للزعاطيط


يمكن يلقون فيهم حلول


خل أصبر يمكن أنول


يمكن تنفع الطراره


ماعطوني وزارة


....


 انفع للأعلام والأشغال


يمكن أعدّل أصلح الأعطال


يمكن أسمح لبرنامج للمدونات


يمكن أهدي لشعبي حياة


وتكون بيدي مكامن السّنع


وأسراره


ماعطوني وزارة


31/07/2007
السبت

20 comments:

Q8 Chili said...

عطو الكويت "خيارة" الله كريم


Q8 chili

Shaima'a Alkandari said...

افا عليك بس

بس وزاره الا ثنتين وثلااااااث انت طب وتخير شنو تبي




لك اللى تبي

افا علييييييييك بس

ولا تدري شلون

يبه اختاروا الرجل الغير مناسب وحطووه بالمكان الغير مناسب له

عادي مو خربوطه خربوطه السالفه

shahad said...

يمكن يبون حكمة جحا و حمارة!

أو يبون ألطم بالحسنية على مغنية و الدموع من عيني جرارة!

أو أخذلي قطعة عالبحر أبنيها مشروع مو مرخص و اللي يكلمني أسدل على كلامه الستارة

مستغلين علي وزارة الخارجية او الدفاع إشناقصني أصلا إشزيني لا شهادة و لا خبرة و لا مهارة

ورقمي سهل بمحكمة العدل إبملف الادلة الناقصة بالخط الاحمر القاضي حاط يمة إشارة

ياأخي الواحد شسوي اكثر من جذي عشان يصير وزير إبهل إمارة

مُحَسّدْ said...

في جميع دول العالم الكل يرغب بالتوزير الا بالكويت :)

صبا said...

ليش ما يعطونك وزاره

خالف تعرف ويعطونك الديره بالي فيها
!!!

وعلي الدنيا السلام

(روح) said...

تستااهل

ليه مايعطونك؟

غلطانين بصراحة :)


يمكن لو نزل الديوان اللي لك
سنين تكتب عنه

تمسك الاعلام

ويا سلاام
صدق بنشوف
وبنسمع اشياء تسوى


واهم شي الاماانة والثقة :)


تستاهل بو عبدالله

وربي ينولك الخير :)

قلب طفله said...

تستاهلها يا بو عبدالله

اللي خذوها مو احسن منك بس

بالاول لازم يكون لك ملف بأمن

الدوله او عليك قضيه و ساعتها

تستحقها بجداره

:(

2cool2care said...

انا بين قراءة البوست وبين اني قاعد اشوف The Bourne Ultimatum

ما امل من هالفلم
على اي حال راحت اللقطة الحلوه وخلني اكتب قبل لا تجي
لقطة احلى

... انا اقول يمكن انت امقدم انك تبي معاش اكثر من ثلاث آلاف

وتدري بما ان ميزانية الكويت على سعر البرميل لمن كان 20 دولار

فأرجوك لو توافق على الثلاث آلاف تراها زينه.

والله يوفقك للي فيه الخير

تراب الكويت said...

!!!!

كفاية

::

:(

Barrak said...

Q8 Chili

ياصاحب التعليق الاول

مافهمت كلامك

الكويت انبل من اننا نعطيها ثمرة

لانها هي الاصل

وتقول ليش مدونتي انوخذت

Barrak said...

Shaima'a Alkandari


اذا وزارتين

ابي وزاره الاعلام

وبسوي وزاره للوناسه

وبغير اسمي من براك الا مؤنس


اخر جمله قلتيها بالصميم ياشيماء بالصميم
وكثرت آهاتك يابلد

Barrak said...

shahad

هالمره انتي قويه وايد

اقوى مني



بس برد على موضوع الحسينيه

بصراحه وزير البلديه انا احترمه شخصيا بغض النظر عن اللي صار

لكن خل نشوف الموضوع من فوق

الترضيه عمرها مابنت دوله


ياقويه

Barrak said...

مُحَسّدْ

انا اقولك ليش

لانك ان صرت وزير راح تتخيل عيالك يشوفون جلسه من جلسات مجلس الامه

وولدك يشوف واحد مايسوى بيزه يصارخ ويزف


اشتري كرامتي وراحتي وخلي عيالي يشوفوني بصوره محترمه وانا بينهم بالبيت


واه يابلد

Barrak said...

صبا

شفيكم اليوم

الموضوع غشمره خليتوه جد

شفيكم قلوبكم متروسه

علامكم

لا النتخابات عاجبتكم
ولا التشكيل الوزاري

شتبون

ادري شتبون

تبون الافضل

الافضل بعيدين عنه وايد ياصبا وايد

Barrak said...

روح


عندنا مايبوني
حتى ماعطوني رنه

شوفيلي وزاره عندكم

بالنسبه للديوان

ايه ياروح

خلصنا وصدقيني ابي اقدم شي قوي ويسوى
ابي دعواتكم بس

صدقيني مايبتدي موسم السفر الا كل شي خالص بامر الله

Barrak said...

قلب طفله


لايامعوده

الحمد لله لاقضيه بامن الدوله ولا قضيه مرور حتى

بس الظاهر بعد تعليقك

بتحوشني قضيه

هههههههههههههههههه


هم انتي بعد قويه
مع ان قلبك قلب طفله

Barrak said...

2cool2care

عاد الفيلم اللي انت تشوفه جنه فلم هندي


عموما انا ماابي شي

السؤال المطروح

اذا انا مو قبلي ولا اتبع طائفه معينه ولا حزب معين ولاتاجر ولا من اصحاب الملايين
وابوي ضحى سنين عشان الكويت
وامي ضحت سنين عشان الكويت
وجنسيتي اولى
كل هالشي مايشفعلي اصير وزير

شهادتي علوم سياسيه
عشر سنين خبره
اكتب شعر كويتي بحت
سياراتي كلهم اقساط

كل هذا مايشفعلي اصير وزير


عجبي

Barrak said...

تراب الكويت

حرااام

قلم حبر said...

:))))))))))
like it

Barrak said...

قلم حبر

اشكرك