Wednesday, May 7, 2008

درل

دائما أنهي إبني عبدالله بأن لا يضع الجل على شعره ، لانني مكتوي بنار الجل ايام المراهقه ، وكلما أشاهد قوطي الجل او علبة الجل اتذكر الأيام الخوالي ، كان كل عاقل أعرفه ينهيني عن استعمال الجل وتصفيف خصلات شعري الحريريه (أخاف بس حريريه ) المهم
شفت العبد يعشق الجل فحبيت أكتبله قصيده بالآثار الجانبيه لإستخدام الجل وهو سائل هلامي يوضع على بصيلات الشعر لكي يتزركش

استمعوا لنصيحة والد أصلع لإبنه يشرح فيه معاناته مع الجل بفتح الجيم

هذي توالي الجل
ماتلقى لصلعتك حل
ينتهي موضوع المشط
لاتروح بعيد وتشط
ماكو شعر
ماكو شعر
لو تييب درِل
هذي توالي الجل
تستاهل تبي تصير رامبو
اللحين ماتستعمل الشامبو
خلاص تحمّل ماصار
صرح الشعر إنهار
وخلّك بالصلع
معتل
هذي توالي الجل
قالولك لاتلطّخ عمرك
دير بالك على شعرك
ماسمعت الكلام
اشبع صلع
لو تلقى الفانوس السحري
وتقوله ابي شعر
يطالعك ويقول
يالله ول
هذي توالي الجل
20/04/2008
الأحد

82 comments:

JuVeNTiNa said...

حلوة حلوة حلوة

و يا عبدالله لا تحط جل

U-Turn said...

لووووووووووول

:]الله يخليــلك بو بــراك إن شاء الله


ايي والله محد ودر روس الشباب إلا هالجل
ويالييت شكله حلو :S
جنه شعر مدهن :D
"مع إحترامي للكــل "
بس الصــج ينقال وهذا رايي :p

أخواني كلهم صلعوا منه :D

صــح لســانك أخــوي براك
وعساك على القــوة

صبا said...

الله يخليك حق عبدالله ويخلي عبدالله

ويطول بعمره يارب
اي والله وما ادراك ما الجل
تلف شعور اليهال والكبار
يلوع الجبد

وانت مصلع ؟؟

اها يعني مرنز بالمقلوب :)
وصح السانك يا بو عبدالله

من شروطي للزواج انه مومصلع
شكلي ماراح اتزوج
كلهم صلعو
عيل ما كو الا العبد ولدك
محجوز لي
؛)
عادي انطر

The Voice Within said...

و علياااااااا

لا لا حده مو خوش

انزين ليش عاد بفتح الجيم انا خبري انها بين الضمة و الفتحه - وحده بتفلسف مي عارفة شلون :D


‏<‏ سالفة خارج نطاق الموضوع

:D

يت ساعة الشماتة

‏(6) الله يا بعض الناس دجوهم 4-1 اليوووم ياااااااو < أصلية مالت قحطة
الظاهر غياب الجل عن قرعة فالديز كان له كبير الأثر في تعرض مرماه لرباعية كادت تكون نظيفة

بدينا نسقل :p ‎

اترخص و صح لسانك
شو بدي أوول بوست روعا متل ما عودتنا









كان

JD.. said...

لوووووول
حلوه القصيده وترى الصلع موضه الحين
D:
وقول حق عبود ييوز من الجل ويستخدم كريم فاتيكا وحده بوحده P: لووووول

فوتكم بعافيه

قلب طفله said...

ههههههههههههههههه

الله يخلي لك عبدالله و يبلغك فيه

و الله الجل مشكله اللي ما صلع منه

قرب يصلع مع هذا متمسكين فيه شتقول

يا بو عبدالله كل ممنوع مرغوب يمكن لو

!! تقول حطوه و تلزم عليهم يكرهونه

و صح لسانك ع القصيده الحلوووه

دمت بود

haifa said...

تدري براك

ذكرتني بوحدة من قريباتي .. تعلق على كل شي وتنتقد ادق الامور وتهتم كثيرا بالشكليات .. ماوسعتها فرحتها بعد ماتقدم لها شخص يطابق المواصفات والشروط المصرة عليها .. والتي كان اهمها الوسامة والطول واسم العايلة والشهادة .. طول فترة الملجة كانت طايرة من الفرحة وتتباهى دايما فيه بطوله ورزته ووسامتة وذرابته ..؛

بس ليلة الدخلة شافته اول مره بدون غترة .. واكتشفت بانه اصلع!! بكت ..قول ناحت .. واهوا مستغرب وموعارف سبب هالنواح بهالليلة بالذات

kila ma6goog said...

قوي

لوول

بس بدون غشمرة

ترى تو الناس عالجل

حاول تحببه بالقرعة

shahad said...

لوووووووووووووووووووووووووووووووووووووووووووووووووووووول

قوي قوي الشعر

إخليلك ولدك ، و القصيجة تنطبق حتى على البنات:P

5ala9 kilna in7awel "ishteshwar 4 ever"

Anonymous said...

خل الولد يستانس
باجر يتحلطم ويطاحس
يصير مثل ابوه
شعرتين .. ومستشورهم

خل الولد يستانس
خله يحط الجل الخايس
دمر شعري وشعرك
كنت مستانس .. والحين اتحطلم

خل الولد يستانس
خله يشوف شعـري
مثل شعار ماكدونلز
ناقصه كلمتين:
انا احبه

وسلامتكم وسلامة الحضور وصح لساني ولسانك ولسان الجميع

`~MnO YeNSa! ~` said...

الله
يا حلوة
يخليـــــــــــه لك
يا رب
عاد
درل !!!!!!!
:P

حسافتج يا كويت said...

أسألني أنا


راح الشعر يا عبيد

بالك تحط الجل

الشعر طاح وصفيت على الباجي

أنعرف بالسوق من بعيد

تلاقيها جنها أم المرادم

Kuw_Son said...

والله مارد نحيس
:P !

Shaima'a Alkandari said...

اى والله تاليها صلع

الله كريم تدري عاد ذاك اليوم رفيجتي بالدوام جم شعره من راسها ناطه تقول متكهربه فقلت لها يافلانه نومي شعرج لاتفشلينا جان تطلع دوووف وتحطه على شعرها

يعني صج بدع

يبه انصح ولدك وخله يستخدم سفن آب او دووووف

وتسلم على هيك شعرررر

ShLaLaT said...

الراوي براك

صاحب الصلعه الجميله
واللمعه المتميزه


ما الجل الا اداة لغش الشباب
فتونسهم فتره وتكدرهم باقي العمر

لا انكر ان بعض الناس اذا حطوا جل وودوا شعرهم لي ورا شكلهم يصير حلو وجنهم توهم متسبحين

اما اللذين يضعونه ويوقفون شعرهم ما هم الا مقلدين لعرف الديج

وبعد كل هذه المقدمه

ماكو احلى من القرعه
نظافه
رجوله
ثقل
جمال


انا من اعشق شكل الرجل بالقرعه

وقول حق العبد ان القرعه هالأيام اهي الموضه
واهي الاجمل دائما خاصه في ايام الصيف الحاره


كلمات جميله
نعم مضحك الموضوع ولكنه واقع

وعلى فكره لا تتكدر وايد من الصلعه
فالجمال جمال الروح والوجه
وليش جمال القفه والبكله


دامت لنا نصائحك الذهبه
ودام هذا الابداع

~warda~ said...
This comment has been removed by the author.
~warda~ said...

لوول

براك والله ضحكت واايد وطارت مني الفصحى :)

الله يخليلك عبدالله ويخليك له.. ويتعظ انشالله وياخذ بنصيحتك

بـنـت بـطنـهـا said...

لووووووول صح لسانك .. وعسى يخليك لوليدك ويخليك له يا رب

خرعتني من الجل عاد انا توني هالاسبوع هابه فيه حق الهباهيب يكون يعني باريح شعري من السشوار

وبعدين على فكرة الصلعه هالايام صارت دليل وقار او عبقرية :)

صح لسانك

the.thinker said...

لووووووووووووول

الله يخليه لك .. بس انصحه يحط خفيف عشان مايحت الشعر .. اذا جذي متعلق فيه وايد :)

والله يخليك له ويخليه لك

sologa-bologa said...

الشعر اليعد ما ينفل
أرجوك عمّي عطني الحل
نبي القذلة الحرير
مثل الفلتة الخطير
وبالهوا نلوفح
بس من غير جل

:)

قلم حبر said...

lo0o0oo0o0ol
:)
والحين وش الحل !!
مالك الا تحط حل
دابر املا
مشكلت معاه تنحل
:)

DiLLi O MiLLi said...

ههههههههه

الله يخليلك عبدالله ويطرح فية البركة يارب

وييييه ألحيين الجـل فية فيتامينات تحافظ على لمعان الشعر وتغذية
:)

78o8eYa said...

بعد هالحجي المصفف عن آثار الجل
لازم
العبد يبطل
جل

:))

Naif Abu-Saida said...



ربي يسعدك دوووم
اثر الجل مسويلك قلق
وأزمة نفسية ;)

تفاعل جميل منك

دمت بود،

hamdool said...

مالك شغل زيـــن

أكو دراسات في أمريكا
والدول المتقدمه تقول
إن الأصلع أذكى من اللي عنده
شعر لأن الشعر يأخر خروج
الفكره إلى النور

و الأصلع ما يستهلك شامبو
و لوشن ومو أثنين بواحد
حتى واحد بواحد ما يدور
في البيت حاله حال المشط

والوقت اللي بتضيعه بالتمشيط
يا بو شعر .. الأصلع يقضيه
بقراءة كتاب مفيد أو بكتابة
قصيده عن الجل

;p hehehehehehehehe

Great post .. smart & funny :)

ما لك إلا دعايات

رضاؤكم هو هدفنا

إتصل الآن

Aldenya said...

اشله بالجل
توه صغير


وصح اللسانك على الكلمات الحلوة

Barrak said...

JuVeNTiNa


شكرا شكرا شكرا

ياصاحبة التعليق الاول

اسمع كلام خالتك ياعبدالله انزين

Barrak said...

U-Turn

الله يسلمج ويخليج مشكوره


الجل يقتل بصيلات الشعر ويخلي الواحد ان مشى الظهر تصير صلعته منظره الحمدلله والشكر

اكيد اخوانك راح يصفقون طويلا لهذه القصيده
واعتقد انها ستصبح النشيد الوطني للمصلعين

Barrak said...

صبا

حلوه منك ياصبا
مرنز بالمقلوب ايه عيبوا عيبوا
الله يرزقك واحد ان شاء الله شعره حرير مدهّن ووبعد الملجه بساعه ونص يطيح شعره

قولي امين


بالنسبه للعبد ماأنصحج لانه شعره من النوع اذا دست بالسياره 180 كيلو وطلع راسه من الدريشه مايتحرّك


الحمد لله على النعمه

Barrak said...

The Voice Within

لا لا لاتقولين وعليه وتكسرين مياديفنا

حاولي انك ترفعين معنوياتنا
حرام عليج

بالنسبه لتسمية الجل كل شخص يسميها على كيفه مره بفتح الجيم مره بكسر الجيم واديلوا ادي




خارج نطاق الموضوع

والله قالولي يابراك لاتتحرش بالمدريديين خصوصا قبل لايبارون برشلونه ماسمعت الحجي
عاد فالديز مااواطنه انا عندي مطير شرقاط احسن منه

من وين مطلع يابراك مطير شرقاط ماادري
ايه نفس البوهه



هههههههههههههه

Barrak said...

JD

الحلو وجودك

ايه جذيه خلي معنوياتنا تكون بالموجب
ناس كسروا مياديفنا الله يهداهم

انا بقول للعبد ييوز عن الجل ويحط صابون رقي احسن من هاللويه

وانا ابيج عون صرتي فرعون

عيبوا عيبوا مايخالف

|:| DUBAI |:| said...

أحسن نصيحة حق شباب هاليومين

: D

mantovani said...

انا ضحية من ضحايا الجل

و الحين عندي دوار فوق راسي

==

يا عمي الشعر مو حق الرياييل

و يقولك الاصلع عنده مظهر رجولي غير

(كلام فقارة )

مانتوفاني

~FaHaD iN MiND~ said...

7ayakom allah eb my blog .. this is my first post atmana ena ya3jebkom :)

The Voice Within said...

وي ... لا بالعكس اصلا ماكو على الصلعة الذهبية
‏<‏ انا ارفع و انت اجبس :p


بعد الملوك يتمون ملوك ما اقدر اقول اكثر :D


شرقاط؟
لك مين هيدا؟ متأكد انو بيشبهلو؟ لك شو بكره فالديز ... حلايا لدماغ < ما لقيت المرادف حق هالعبارة بالكوري

فراوله said...

مساالورد والجوري
مبدعنا الراقي
وانت رايق...مبدع
وانت مالك خلق...مبدع
وانت متوتر ومنغث من احوال الديره
مبدع
وحتي بالصلعه...قمة بالابداع
;)))
الله يغربل هالجل وسنينه
دير بالك علي العبد
تري تو الناس علي الصلع
خله يتمتع بحياته
قول آمين
الله يخليه لك ويخليك له
وتفرح فيه
...
دمت بدفء وعذوبه
ابدا
:)))))

Anonymous said...

http://benkerishan.blogspot.com/

7osen said...

ههههههههههه

حلوووة يابو عبدالله

يعطيك العافية

مشكلة الجل
لا تخليه يستعمله راح يعاني من الصلع

هههههه

Mamloo7a Q8ia said...

ههههههههه
اي والله هذي توالي الجل
حتى الفانوس السحري يقولك ول
هههههههه
امتعتنا كعادتك يا وخيي
تسلم ايدياتك

Barrak said...

قلب طفله

الله يسلمج ويخليج

الجل مو بس مشكله الا بلوه
لا وانا طحت فيه قبل الغزو
كان لونه اصفر
اللحين يقولون الجل صار دوى للراس على ايامنا الجل يعطيك سنتين وبعدين يقولوك قول لشعررك بايباي

واهوده اللي صار ياسيد


شكرا

Barrak said...

haifa

مسكينه رفيجتك

انصدمت
بس الله يهداها ماطلبت منه قبل الملجه صوره للريال مكشوف الراس


اسعدني وجودك سيدتي

جدا

Barrak said...

kila ma6goog


احاول احببه بالقرعه ملزوم لانه اعتقد راح يكون مصيره نفس مصيري

واشكرك

Barrak said...

shahad

الله يسلمج ويخليج



عاد انا كاتب قصيده طويله عن الاستشوار
بس الاستشوار اللي قبل اللي فيه جنطه نفس لونه والدقمه اللي تشغله نفس مالت المكيف ولونها برتقالي

عليه صوت تقولين كمارو داقينها سلف

Barrak said...

خل الولد يستانس
باجر يتحلطم ويطاحس
يصير مثل ابوه
شعرتين .. ومستشورهم


والله ابوه لو يلقاله شعرتين جان مو يسشورهم يسويهم ميش

Barrak said...

منو ينسى

الله يسلمج ويخليج
سيدتي


الدرل

هذا الجهاز العجيب
محد عطاه حقّه

والدرل نحتاجه في المهمات الشاقه
يعني ماكو فايده
ماكو شعر
لو تييب
درل


اذكر واحد من الربع سمونه بوشميس الدرل


هههههههههه

Barrak said...

حسافتج يا كويت

ليش اسإلك
مبين انت اول اسف بمدونتك حسافه

اكيد اللي يقول حسافه متحسف

حسافتك يالشعر


شاب الشعر ياعبيد


لما رابح يقول يالا لالالاله مو جنه صوت شفر طاقه فوق تحت بمطر

بعدين تعال انت صلعتك مثل ام المرادم يعني فيه شوية شعر

أنا صلعتي يامحفوظ السلامه بحاصه تقول رخامه


فيها من مسجان شوي

Barrak said...

Kuw_Son

اقولك شي
وانا اكتب هالقصيده ان جاز التعبير كنت ابي اسم هذا اللي يطلع من الفانوس السحري ماعرفت ينّيت ماقدرت
اثاري اسمه المارد

Barrak said...

Shaima'a Alkandari

شيماء ابسإلك سؤال اهو مو سؤال اهي حره من الصلع اللي حايشني


تدرين لو رفيجي يقولي براك
نوم شعرك لاتفشلنا
ألمه احضنه

غاية امالي يقولي واحد او وحده اخوي شفيه شعرك متكهرب

زبعدين عبيد جذيه ومو مترقع بقوله يحط سفن اب يصير شعره جنه ليفه مسشورينها

Barrak said...

ShLaLaT

اللحين عقب هالحجي أنا الراوي

ما الجل الا اداة لغش الشباب
فتونسهم فتره وتكدرهم باقي العمر

تدرين ان هالحجي لو سامعه انا من عشرين سنه جان شعري اللحين لي جتفي



اشكرك

Barrak said...

~warda

الله يسلمج ويخليج

اهم شي ضحكتي وايد

Barrak said...

بـنـت بـطنـهـا


ناس هابين بالهباهيب مابين الاستشوار والجل
وناس ماعندهم الا مكينه رقم واحد




ديري بالج من الجل

انتي وعبدالله

Barrak said...

the.thinker

الله يسلمك

شيحط خفيف
الحبيب ملطخ عمره تشوف شعره يلق على بعد كيلو وربع

Barrak said...

sologa-bologa


حبيبي انت سالفة القذله الحرير انساها مو بس تنساها

الا شسمه



والشعر اليعد له عدة مزايا
اولها انك لما تلبس غتره وعقال يبين شعرك ملامح زلفك
بس في حالة العبد الفقير اللي اهو انا
يلبس الغتره جنك حاطها على كاشيه
الحمد لله والشكر


تدري شلون


احنا الخطاوي

Barrak said...

قلم حبر

ماكو حل ماكو حل

الصله يقول للحل ول

ماكو حل

Barrak said...

DiLLi O MiLLi


الله اللحين الجل صار فيه فيتامينات
على حظي

واحنا قبل يمكن حاكين بالجل تيزاب ماندري
اهم شي ريحته حلوه
واحنا نغيّـل فيه


انا ابي افهم من وين طالعه نغيل

نغيل من الغيله

Barrak said...

78o8eYa


اي والله لابد

وهم انتي بعد لابلد

تشوفين لغيباتك حل


اشكرك

Barrak said...

Naif Abu-Saida

هلا فيك استاذ

لا مو قلق ولا ازمه نفسيه

بس مجرد نصيحه اوجهها لابني
عشان مايحوشه اللي حاشني

يالهوتيني ياني

Barrak said...

hamdool

كلامك عباره عن جرعات تفاؤل بالعضل

بس خربتها لما يبت طاري المشط

وايد عيالي يسألوني هالسؤال

يبا ليش ماعمرنا شفناك تشتري مشط

هذا السؤال سيدي لايستطيع ان يجاوب عليه علماء الدول المتقدمه

صح ؟

Barrak said...

Aldenya


قوليله يالدنيا قوليله
يمكن يسمع كلامج

صح بدنج

واشكرج

Barrak said...

دبي




ياليت الشباب يسمعون

Barrak said...

mantovani

ييبا دوار مو مشكله
يعني لو تلبس غتره وعقال تضيع السالفه

والدوار حيكبر وحتبقى هناك حواري وممرات
وبعديها انصحك يابني تشتريلك بتاعه كده يسمونها الكوايته مكينه وتديلوا


انت واصل في مراحل الصلع الدرجه الثالثه

هذي عاديه بس مو تسوي مثل حسن مصطفى

تيب اللي شوي عاليمين عاليسار

بالك

Barrak said...

~FaHaD iN MiND

ان شاء الله

Barrak said...

The Voice Within


سيدتي


السيد مطير شرقاط هو حارس مرمى منتخب الكويت السابق ونادي الجهراء الرياضي


وفالديز هذا انا لو عندي صخلتين مااعطيهم اياه

غيرنا المدرب والوعد قدام والحي بيشوف

shahad said...

barrak HAAA SHAL ESTESHWAR:p min wayn im6al3a ay 3a9er ??

GUCCI-q8 said...

يعطيك العافيه بو عبدالله

Barrak said...

فراوله

مساء الورد والرقه والاحساس والطيبه

اشكرك سيدتي

وما كتب بصدق من القلب يصل للقلب


الجل اه يالجل مابي اتكلم عنه وايد يعورني قلبي ولما يعورني قلبي تتمدد الصلعه وانا موناقص كلش ملش

Barrak said...

7osen

اشكرك سيدي العزيز وشكرا على وجودك

وعيال هالوقت مايسوون الا اللي براسهم

Barrak said...

Mamloo7a Q8ia

هلا فيج ياوخيتي


تخيلي الفانوس يقولي ول

يعني اغسل ايدي من موضوع الشعر

Barrak said...

shahad

هذا من العصر ماقبل الحجري بستمية سنه



هههههههههه

Barrak said...

GUCCI-q8

يعافيج ويخليج ويسلمج



اشكرك

فتى الجبل said...

اي والله الجل نهايته مصيبة اسمها الصلعة

Lavender said...

لووووووووول

يقولون الريال الأصلع حنوون بزووود ..صج عاد ؟

ولا مسويـــن دعايه حق الصلعــــــــــان ؟

:))

moowa6en said...

أضحك الله سنك

بما أن تأليف الكتب أصبح مهنة مربحة جدا وبعد جدا ، أنصحك بتأليف ديوان شعري بعنوان .

(( مع الجل كانت أيام)) على غرار في صالون العقاد كانت لنا أيام .

charisma said...

اح ليش عااد درل والله قمة راسى عورتنى

لووووووووووووووووووول

الله يخليه ويحفظه ويحفظه من اثاار الجل
:))

وسعت صدرى بهالليل

تصبح على خير

Barrak said...

فتى الجبل


اي والله ياخوي مصيبه

Barrak said...

Lavender

اشكرك على مرورك الاول
يمكن يكون الاصلع حنون
بس مصدوم

اشكرك

من غير دعايه ولا حاجه

Barrak said...

moowa6en


اشكرك استاذي
ياخي استانس بتعليقك


اخوي قول امين
ان شاء الله أألّف كتاب اسمه
مذكرات اصلع سابق

Barrak said...

charisma

استعانتي بالدرل لكي اوضح عمق المشكله
اشكرك
والله يحفظك ويسلمك

ويشرح صدرك

Noor said...

لووووووووووووووول

اثبت دراسه ان الرجل الاصلع هو الاجمل عند البنات
ههههههههههه لانه حاليا ماكوو غيره
فلازم نرضي بالصلع

والله يخلي لك عبدالله و قوله لا اتحط جل السفن احسن منه نفس المفعول بس بدون لمعه
:p
وصح لسانك علي هالكلمات المعبره
:)

ANeeN-elFaJr said...

صح لسانك :)

بقراها حق اخواني جود يتوبون يحطون جل :p

يعطيك العافيه ويخليلك عبدالله

Barrak said...

Noor

خوش دراسه بس للاسف يمكن العينه كانت قليله


محد راضي يطل بويوهما والسبه الجل

الله يسلمج ويخليج

اسف على التأخير

Barrak said...

ANeeN-elFaJr

صح بدنك
ومشكوره على الزياره الاولى


والله يطول شعور اخوانك

ويعطينا مثل ماعطاهم



ويخليهم لكم