بعد 50 سنه جدّام إحنا شبنكون
ممكن تصير شوي أحسن الحاله
بتظل قناة الوطن وسكوب وفنون
وبتظل جرايدنا همّها العباله
بنكون أسعد ناس بهالكون
ويتطمّن الأبو على مستقبل أجياله
بينتهون اللي دوم يحسدون
بتتعمّر فيلجا ومسجان والحاله
الشّمّاته ممكن بيوم ينقرضون
ويتطمّن الواحد على عياله
بيتمّون نوابنا كلّه يصرخون
وإلا السالفه بكبرها سهاله
بتهتني قلوب بتفرح عيون
وإلا السالفه طواله بطواله
بتظل باقيه مشكلة البدون
ممكن ينفرض قانون الإزاله
بعد 10 سنين احنا شبنكون
أحسن ؟ وإلا على نفس الحاله
11/3/2008
الأربعاء
37 comments:
مرحبا براااك
انا دايما اقول الكويت بعد 30 سنه بيتعدل حالها
واذا 50 لا بصيرون خوش ناس
وحالتهم احسن من حالتنا
لان راح تنقرض الديناصورات!!
انوجه سؤالك لسمو رئيس الوزراء و ننتظر الاجابة
على نفس الحاله واحنا نضحك
علــى هالحــالة وأردى
وسؤالك وجهه للي ماسكيين الديرة
أذا أنصــلح حـالهم راح ينصـلح حـال هالديرة
نحمد الله انا احنا على هالحالة
من الناس منهو مو لاقي لباس بس نعاله
يكفي ان ديرتنا فيها الخير والعداله
عطو شبابكم من ولا تنطرون ثمن
وكل من باجر بيشوفه بعياله
:)
صح السانك بس انا اعتقد ان هذا الزمن طول عمرهم الناس جملتهم المتداوله جيلنا وجيلكم والجيل الياي وتاكد هالشي راح يظل لي نهاية الزمن كل من يشتكي والرضى شي محال
الله أعلم شو بيكون بالمستقبل بس احنى راح نظل نتأمل الخير دوما
براك
عسى ما نرد قري
الحين نقول شوفوا دبي وين وصلت و احنا وين
خوفك ايي يوم نقول شوفوا غينيا بيساو وين وصلوا و احنا على حطتنا
هذا اذا بقينا لي 50 سنة جدام
تنشد عن الحاله
بعد سنين و سنين
و انشد عن الحاله هاليومين
و ارد ارفع كفي ربٍ كريم
عله يحفظنا و يحمينا من كل مكروه
ما بني على باطل فهو باطل
و اذا طبخت جاول لا توقع بتلقى بالجدر مطبق هامور
اذا استمر التأزيم بين السلطتين
اقولها وانا مغمض على نفس الحاله لي يوم القيامة
السلام عليكم
اخوي براك
والله انا قاعده اخاتي من الحين
باجي اذا تزوجت ويبت عيال شلون راح يعيشون ؟؟ منو ربعهم ؟؟
احس الناس السنعين صاروا شويه
واحس ان احنا بديرتنا بعد 20 سنه راح نحس روحنا اغراب
الله يستر من الياي
المشكله اكثر شي بالنواب صاروا يخرعون كل واحد يشوف مصلحته محد يشوف مصلحه البلد
اما الحكومه شكلها قاعده تتعدل وتفرض سيطرتها
اتمنى بس يصير حالنا احسن من الحين
والناس السنعه ترد مثل قبل
يعطيك العافيه
انت جوابت من خلال كلماتك اللي سبقت السؤال :)
بس اتوقع بين البينين
عجبني هالمقطع
بيتمّون نوابنا كلّه يصرخون
وإلا السالفه بكبرها سهاله
مساالورد والجوري
مبدعنا الراقي
باختصار شديد
جان ربي كتب لنا معاك طولت العمر
اللهم آمين
بيتم الحال كما هو عليه
علي قولتهم
هذا سيفوه وهذس خلاجينه
...
دمت بدفء وعذوبه
وبطولت عمر
آمين
:))
صبا
وانا اقرا التعليقات انتي الوحيده تقريبا اللي تأمّلت خير
هذي القصيده ان جاز التعبير ممكن يقراها المتشائم ويلقى حلول والعكس صحيح
اشكرك ياصاحبة التعليق الأول
kila ma6goog
ابي اعرف مممكن تتعمر مسجان والحاله
فريج سعود
ماأعتقد
DiLLi O MiLLi
انا اوجهه لكم
اقروا الكلام بصورتين
الصوره الاولى ان السالفه كلها سهاله
والصوره الثانيه ان السالفه طواله بطواله
اشكرك تفاءلي
linda
ماعندنا الا اننا نتأمل خير
بس متى هالخير الله واعلم
اشكر مرورك سيدتي الراقيه
mtfa2el
انت اصلا اسمك متفائل لازم
انت الوحيد اللي المفروض يقرا الكلام ويشوفه بصوره أفتح
المفروض تشوف
ممكن تصير شوي أحسن الحاله
المفروض تشوف
بنكون أسعد ناس بهالكون
المفروض تشوف
بينتهون اللي دوم يحسدون
المفروض تشوف
ويتطمّن الواحد على عياله
صح يامتفائل
؟
فتى الجبل
بس يمكن تبقى 10 سنين
جارة القمر
الله على كلامك
والله على اخر جمله كتبتيها
بس ياوخيتي
انتي قلتي
اذا جاول
جان زين طابخين جاول
الطبخه ماني قايل
اخ بس اخ
هم فيه امل
مُحَسّدْ
لا ولا لك لوا
اذا استمر الشعب مايقدر معنى كلمة تصويت
ماراح نشوف مطر
هذا اذا احنا اصلا نبي مطر
waterfall
بصراحه كلامج يخوف
بس انا بقراه بصوره ثانيه
عيالنا بيتمون يحلمون
ويقدرون يشوفون احلامهم
تدرين ليش
لان احنا شعب فينا خير
بس بايام الرخا والطفره الماديه ماادري شيصير فينا
وهذي كل السالفه
اللي عن الصج حالفه
Selezya
انا كلش ملش مااحب الصراخ
وللاسف غصبن علي اسمع الصراخ بالتلفزيون من نوابنا قبل
واشوف صراخهم حتى بالجرايد
قبل وبعد واثناء الانتخابات
بس هم سهاله
فراوله
مساء النور
سيدتي انا حضرت مسرحية هذا سيفوه قبل الغزو
كانت أغنية المسرحيه
هذا سيفوه وهذي خلاجينه
واحنا ياناس لا رحنا ولاجينا
اشكرك
ما مضى مضى و المؤمل غيب
و لك الساعة اللتي أنت فيها
دعوة لعدم التشاؤم فقط و ليس بالضرورة أن نكون متفائلين
الشّمّاته ممكن بيوم ينقرضون
كل شي ممكن يصير الا هالشي :)
human
صراحة تبي مالت الله
كلامك الرائع ماأقدر ازيد واعلق عليه
كفيت ووفيت
Eng_Q8
يمكن لان الشماته صارت عنصر هام للمواطنه
:/
نتأمل خير
خمسين
اميه
ميتين
المهم
يتعدل حالنا
أمس أسولف مع أمي
عن زمانها
وزماني
طلعت بنتيجه
وهي دعوة بالقلب
جانزين الكويت ترد مثل قبل
لكن
بإزدهار
مثل قبل
بناسها
ومثل الحين
بتطورها
ان شاءالله
نبقى
نحب الكويت
و نحب اهلها
كلمات حروة يا براك
واتوقع ان فلاش اهي الفضائية اللي راح تصمد
مانتوفاني
تفائلوا بالخير تجدوه =)
،
الأوضاع بتتعدل و اذا احنا مالحقنا عليها انشالله بوقت احفادنا كل شي جايز
حتى فيلجا يقولون بتصير شي !
Aldenya
شبيدنا غير اننا نتأمل خير
وزمان قبل ماينرد
والله يطول بعمر الوالده
mantovani
يبقون اهل الكويت فيهم خير
والله كريم
حلوه قناة فلاش راح تستمر
اهي ماصار لها سنه انقطعت ترليون مره
ماادري ليش من اشوف قناة فلاش اتذكر عبدالله السلمان بمسرحية فرحة امه
يمه لا لا توصيني بحبه
awtar
راح نتفائل يااوتار
والله كريم
فيلجا اه يافيلجا
تفائلو بالخير تجدوه
:)
ان شاء الله بنكون احسن
بس قول يارب
esTeKaNa
يارب ياوخيتي يارب
انا بتفائل عشانج
Post a Comment