إتجاه فرعي
لأحوال التّخلّف يستدعي
ينثر على الأرض
رفض
وفوضى بالطّول
والعرض
الفزعه ياهلي
وربعي
إتّجاه فرعي
...
...
حذّف صخر كسّر سيايير
رفرف بمباديك وطير
الصّح يبقى ياخوي
صرّخ وتشكّى ولوي
ولاتقول إكسروا
صبعي
إتجاه فرعي
....
....
إحنا ترى نحترم القانون
والهون أبرك مايكون
بكيفك بس خذ جزاك
لاتصارخ محد معاك
لاجاسم لابزّه
لامرعي
إتّجاه فرعي
...
...
الوطن له كيانه وإحترامه
كل بهالبلد له كرامه
إحنا قبيلتنا الكويت
ماتبي اقعد بالبيت
ولاتقول كسّروا ضلعي
إتجاه فرعي
....
....
ياديرتي سامحيهم بيتعلّمون
ياديرتي حتى لو يغلطون
إنتي قلبج كبير
إنتي الملاذ والمصير
كلنا لج
ندعي
إتجاه فرعي
12/04/2008
السبت
67 comments:
لا فض فوك ومات حاسدوك :)
مبدع كالعادة يا براك ..
وصفت اللي في قلوبنا
تتحفنا مثل عادتك بكلامك القوي
يعطيك العافيه وسلمت يمناك :)
الله يرحم حال هالديره
ويحميها من كل شر
كلامك قوي ويعور القلب
إحنا قبيلتنا الكويت
ياليت يطبقونها يابراك ياليت
:(
مُحَسّدْ
اشكرك ياسيدي الفاضل
ياصاحب التعليق الاول
من يحسد هو من لايقرا الناس بعين تحب الوطن
بوتشخيص
كل انسان شريف
يحب هذا الوطن ولاشي سواه يقول نفس كلامك
ياقلبي ابتسم
الله يسلمك ويخليك
بهذا البلد نقول مانشاء
وننتقد
ولكن هالمره انتقادي حاد جدا
اشكرك
صبا
آمين ياصبا آمين
الاتجاه الفرعي مانعرفه
ابدا ابدا
Najmah
قبيلتي الكويت
ونعم القبيله
ونعم الاصل
صدقيني تبقى الكويت
رغم كل هذا
ندعي
مطقوق
الله يتقبل دعاؤنا ودعائك
اييي والله اتجاه فرعي, كلمات جمبله
Moi
الاجمل زيارتك الاولى
شرفتني اخوي
صح لسانك اخوي
عبرت عن ما بدوخلنا بروعة كلماتك
ربي يحمي هالديره من كل شر
دمت بود
مبدع اخوي براك
بس يا ليت يتعلمون مثل ما اقول
اللي يدافع عن الغلط شلون يتعلم ؟
صح السانك يا اخوي
اتجاه فرعي
و يبتها على جرحي
!!
اتجاه فرعي
يعطيك الخيار
و بيدك القرار
يا المجد او الانتحار
صح لسانك
والله يحمي هالديره
" والهون أبرك مايكون "
بارك الله لك أخي الكريم بهذا المنطق الكبير الذي فقده بعض هواة الكراسي
سلمت يداك
صح لسانك يا براك
عزيزي لو إهي رادة على سالفة الإتجاه الفرعي جان السالفة تهون و نقدر نطق رصيف و نتلاحق..ولكن الوضع يبدو إنه نفس حال دوار البدع..زحمة و دزني و دزك ولا مخرج إلا بالللإلتزام و إحترام القوانين
ايــــــــــــــــــــــــــــــــه
الله كريم
صح لسانك
صح السانك
وختامها مؤثر
:(
ياديرتي سامحيهم بيتعلّمون
ياديرتي حتى لو يغلطون
إنتي قلبج كبير
إنتي الملاذ والمصير
يا بعد عمرى يالكوييييت
والله ما تستاهلين الى يسونه فى عيالج
صـــح لســانك
يا براك
طول عمرنا وأهلنا علمونا نمشي سيده
ما أدري شنو هالأوادم اللي بايعين الديره
من متى نمشى ونحذف صخر على اللي يفرض القانون والهيبه
والله يا براك الود ودي أرجّع السنين ورا وأعيش عيشة يديده
الله على ذاك الزمن الواحد باله مرتاح وينام طول ليله
الله على سوالف يديده عن ذاك الزمن وأيامه
يوم الناس على قلب واحد .. أفراحهم وحده وأحزانهم وحده
كان الفريج بيت واحـد .. كانت بيبانهم كله مفتوحه
كانت الزوارة ما توقف .. وأذا واحد غط .. سألوا وينه ؟
الله على جاي الضحى بذيج اللواوين وكل من في أيده مهفه
على طاري الجاي تذكرت شعر في وصف الجاي كانت يديده كله تقوله
تقـــــــول فيــه
جايكــم والله شـــقردي
يــوم عــود ويــوم وردي
ونّحصـــلي كيــف يــردي
ونّتســــكر فنـــه عجييـــب
شفت يا براك .. حتى أشـعارهم فيها البساطه
بذمتك يا خوي يا براك
ما ودك تعيش بذاك الزمن ؟
إحنا قبيلتنا الكويت
صح لسانك
براك
تحية طيبة و بعد
انا راد عليك في مدونتي
اتمنى انك تقرى البوست الاخير
احييك
==
تعال متى تنشر مجموعتك الشعرية ؟؟
انا ابي كلامك معاي بكتاب
ملينا من اللابتوب
عيونا راحت يا حجي
==
مانتوفاني
لا ما راح يتعلمون
وبيظلون على طول فرعي
اتجاه فرعي
شفيكم على أطفال الحجاره؟
و اشفيه التجمع في البراحه؟
إقعد في بيتك يا شرطي
أو خذلك طريج فرعي
و إحذر اتروح البراحه
في تفلّع في البراحه
هذاني قلت لك ما عندي
و لا اتقول ما قلت لي
لا تروح صوب البراحه
و اشلك في العباله
خذلك طريج فرعي
ببلغ عنك
احنا كلنا عيال قبيله وحده
وننتمي لقبيلة الكويت
وكلامك عين الصوااااااااب ياخوي لافرعيه ولابطيخ
قلب طفله
ماأدري ان اللي فيني نفس اللي فيكم
اشكرك واشكر قلبك الطفولي
waterfall
غصب طيب بيتعلمون
اشكر مرورك الاول
جارة القمر
اعتقد انهم اجبن من الانتحار
اشكر وجودك المستمر
آمار
صح بدنك
واشكر مرورك الاول
سيدة نفسي
اشكرك
وعلى فكره مبدأ الهون ابرك مايكون
مايعرفونه
عتيج الصوف
هلا فيك بالغايب
اتمنى ان ربعنا يصملون
عندي سؤال بسإلك اياه انت بس
ليش اهل دواوين الاثنين ماانحاشوا
وربعنا من اول طلقه من صيد امس ليش
magnoonah
ياهلا وسهلا فيك
يهون الجرح الاليم
Selezya
صح بدنك اشكرك
charisma
السؤال المطروح هل فعلا اهم عيالها
العيال مايأذون امهم
مايحذفونها بصخر
اتجاه فرعي
حاد ومنزلق
اي والله
صح لسانك يا براك
يات عالطلب
DiLLi O MiLLi
اهلنا علمونا نمشي سيده لانهم يحبون هالبلد
من ايام الفقر والنقر وهم يحبونها
حبوها واهم فقاره وبعد العز هم حبوها
على فكره انا كتبت قصيده كامله تخيلت فيها نفسي بسنة
1920
اشكرك
يعقووبوو
صح بدنك
احنا قبيلتنا الكويت فخذ شرق
mantovani
تشرفت بقراءة بوستك الاخير
واحرجتني
بالنسبه لديوان الله كريم
فريج سعود
لازم يمشون سيده
كا احنا ماشين سيده
Pinky And The Brain
هذا وانتي دارسه قانون بعد
عموما اشكر وجودك
وانتي بنفسك قلتي انهم اطفال
والاطفال لازم يطقونهم عشان يصيرون خوش رياييل
Eng_Q8
اذا تتغشمر مايحتاي انا ادش من البيت يعرفون رقمي
وانا بالكويت اقول اللي ابي وانام ببيتي
واذا من صجك
واي يمه خفت
Shaima'a Alkandari
اشكرك
والطريج الفرعي طول عمره مؤذي
الطريج اللي سيده هذا وايد زين
نون النساء
صح بدنك
انا وعدتك بالبوست اللي فات
ووعد الخر دين عليه
اشكر وجودك سيدتي
تسلم ياخوي
ولا يتعلمون خذها مني
قاعد نرجع قري
لابد من احترام القانون
اذا لم يحترم ضاعت هيبة ديرتنا
الكويت غالية
الله يحميها
سلمت اناملك
براك دايما تييبها عالجرح ^.^
أجدت طرح القضية التي هزت الشارع الكويتي
ولم يرضى عليها كل من يدين بالولاء والحب لأمه الكويت
فمهما تعدت مصالحهم وكثرت انشاغالاتهم يجب أن تكون الكويت نصب أعينهم وهي شغلهم الشاغل
اسلوبك جدا راقي ومؤثر بالطرح
فرعي ومصيره بيلتقي مع الطريج الصح
بس متى؟
ما نقول غير ياناس حبوا الكويت بضمير
ولا الضمير صار من أفعال كان
تسلم أخوي ولا تحرمينا روعة جديدك طرح جدا مميز
للأمام
مساالورد والجوري
مبدعنا الراقي
الاتجاهات كثيره
والتوجهات كبيره
بس وين محورها
هذا السؤال الاهم
؟؟؟؟؟
باختصار شديد الكويت...ثم الكويت...وللابد الكويت
عساها دووووم تاج فوق روسنا
قول آمين
:)
وختامها كان مستقر الابداع
وبتظل قلبها كبير
بس لي متي
؟؟؟؟؟
دمت بدفء وعذوبه
ابدا
:)
فتى الجبل
يسلمك ويخليك اخوي
mtfa2el
لا ولالك لوى
بيتعلمون
وصدقني الديره بخير
~warda
اشكر وجودك سيدتي الورده
وكل شي له حد
E6eba_Ethb7tny
اشكرك سيدتي الطيبه
كل هذا عني
جنه وايد علي
مشكوره
وصدقيني الكلام اللي قلته قريته بعيون وايد ناس
اشكرك
فراوله
مساء الفراوله
هلا فيج اختي
والله قلبها كبير
وتتحمل
لازم نريحها
اذا عيالها مايريحونها منو عيل يريحها
اشكرك
عيل انت ولد عمي
انا من فخذ شرق
--
شوف بلشنا عنصريه d-;
يعقووبوو
ونعم فيك
على فكره العنصريين اهم اهل جبله
اهل شرق شياطين بس مو عنصريين
كلامك اصلي يا براك ماهو بفرعي
حسافتج يا كويت
الأصل يبقى
والمسباح يقول
الصج يبقى
والتصنف جهاله
صح لسانك
رائعه
فالك البيرق يا براك
وصح لسانك
GUCCI-q8
صح بدنك
شكرا
قلمي
اشكرك على زيارتك الاولى
من اسمع طاري البيرق
اتذكر شخص مليق
Post a Comment