الثواني بليّاك غير
ماألقى فيها خير
ثجيل الوقت علي
تدق دقاته بيوفي
وأتذكّر
إشّافت عيني
وأشوف شفيني
ماألقى إلا قلب يدق
وصاحبه محروم
الثواني بليّاك غير
....
....
أسلّي نفسي بهمس شفاتك
أعلّم حسّي يتنفّس ذكرياتك
أقضي لحظه وأرسمك
أخلق كلام وأتكلمّك
وأسولف وأتخيّلك ترد
وأعيد ماقلته
عل وعسى
ألقى رد يسر
عل وعسى
الدنيا تبر
وأشوفك حقيقه
تعبت أحلم
وماأشوف حلمي
تعّبني الندم
ومحد يمّي
أنا تعّبت الهم
وتعّبت حلمي
وتصبح على خير
الثواني بلياك غير
47 comments:
الله الله الله و أكبر عليك
روعة يا براك
صباح الخير
:)
اخوي براك كل ثانيه و انت بخير
بس الوجود شي و وجوده اهو اللي غير
:)
ليش شنو اهو الغير
غير انك تكون بخير
تضوي علي دنيتي
و يكون الكون بحضرتك غير
بدونك انااضيع
بدونك انا بقاع البير
يا غايب عني تعال يمي
تعال نبني بيدنا المصير
و يكون العالم ملكنا
يكون العالم كله بخير
يا سلاااااام عليك يا براك
فعلا غير
!
تسلم ويسلم لنا هالاحساس
أي و اللــــــــــــــه غييييييييير
أقضي لحظه وأرسمك
أخلق كلام وأتكلمّك
وأسولف وأتخيّلك ترد
و الحلم و الهم تعبوا يا براك خلاص مافيهم حيل
صح لسانك
أبدعت
كالعادة
:)
حوّل انتخابات و خلك من الرومانتيكية
:)
ترى حلوا مجلس الامه وبتصير انتخابات وروما اطلعوا من الدوري :)
صح لسانك
kalam ya39er el galb :/
9a7 elsanek
9a7 lsanek :) 3asa allah la yfaregkom
الثواني معاك غير
يابراك ياولد ام براك
طعم مميز نتلذذ فيه لمن نقرا ابداعاتك المتواصله
وأتذكّر
إشّافت عيني
وأشوف شفيني
ماألقى إلا قلب يدق
وصاحبه محروم
الثواني بليّاك غير
رووووعة ماشاءالله
أنت غير الناس عندي
يا براك
بوتشخيص
الروعه وجودك
وتعليقك الاول
انت الروعه
يا حلو كلامك
ويا حلو مدونتك
براك انت مبدع وسلامتك من التعب
,,
جارة القمر
وانتي بخير
تخيلي الثانيه غير
فمابالج بيوم
اهو غير وايد غير
بس جاسي
وايد جاسي
قلبه ابيض
بس تكوينه غير
أطباعه غير
ظالم
بس لحظات عدالته رغم قلتها جميله
ادري اني ماأضيع
اهو بيضيع
مو لانه ماكو احد مثلي
لانه ماكو قلب يحتويه غيري
تخيلي انا ملت مني احلامي
واقوله تصبح على خير
اشكرك
vancouver
على قولة ساهر
طبعا غير
اشكرك سيدتي الراقيه
شكرا
Purplecious
هلا فيج شهالغيبه
سيدتي بعد ان كتبت هذه القصيده ان جاز التعبير
قرأت بوستك
احسست ان ماأعانيه يشبه حروفك
كوني بخير
kila ma6goog
الانتخابات ونتايجها واثارها لها وقت وتنتهي
لكن الرومانطيقيه على قولتك ماراح تنتهي
كلمات معبرة
الوحدة في مواجهة الآلام قاسية
الثواني بليّاك غير
بأبسط لحظاتي ماألقى خير
ثجيل الوقت علي
تدق دقاته بيوفي
لأن وجوده غيير
حتى الوقت يصير غيير
من ثجله على قلوبنا نحسه يدق فينا
..
والحلم
والهم
ونتخيل
ونتعب
والدقايق
وكل الثواني
نحسهم غير
لأنها باختصار
قااااقدتهم
..
روعة يابراااك
Eng_Q8
بالسبه للانتخابات اقرأ قرطبه وانت تعرف اني ادري ان فيه انتخابات
بالنسبه لروما
شدعوه انا فرانكو سينسي
تعرف منو سينسي
كلماتك و وصفك روعه شويه عليه ، =)سلمت يمينك و دام احساسك
Soul
صح بدنك
تصدقين هالكلام دوا للقلب
Glass Fabric
صح بدنك
والطيور طارت برزاقها
Shaima'a Alkandari
الله يرد أم براك بالسلامه
هالمقطع بالذات تعبت وياه وايد
سيدتي كلامك بلسم للروح
اشكرك
وردة حب
اشكرك جدا سيدتي الورده
حسافتج يا كويت
عاد انت بالذات عندي شي كبير
على فكره هالاغنيه من اسمعها اروح ماوراء باريس
احبك
صبا
مره قلت جمله مالقيت احد يفهمها
بس اكيد انتي راح تفهمينها
ياسيدتي
من اختلافات الاشياء احنا نعيش
وبس
مُحَسّدْ
بس مرات الوحده تعلمك وتفهمك
انك هم انت بعد غير
وانا الدنيا مافيها خير
Najmah
والله والله
لو يطلبون مني اشرح معاني الكلام اللي كتبته
ماراح اوصفه كثرج
صج انتي نجمه
awtar
سيدتي
اشكرك على زيارتك الاولى
واللي مو شويه المقدمه اللي كاتبتها بمدونتك
من اول ماقريتها حسيت ان الرقي مو بعيد عنج
اشكرك وايد
كنت أشتكي يا مقصر أوقات لقياك
واليوم يا طول الثواني بدونك
وينك عجاج الوقت لا شك يفداك
مبطي وكوني ما تراوى لكونك
نفس الزمان اللي شهد يوم لقياك
هدَّه غيابك وإنتحر في غصونك
يا ليل سهرني على جمر ممساك
لا تغفي عن حلم التلاقي جفونك
يا ليل لا تنسى وأنا أوعدك منساك
بذكرك و ربوع السهر يذكرونك
كلمات جميله لا ينسج حروفها الا مبدع
وصاحب موهبة شعرية فريدة وقلم راقي
انت لست بحاجة لمدحي
ولكنها مجرد عبارات خرجت لعلها توفيك حقك
يا حلو كلماتك
صح لسانك
كلمة بلياك بروحها تعور
كل يوم نتعلم منك يا بو عبد الله
احساس راااقي و كلمات رااائعه
تعزف على اوتار الانتظار المؤلمه
ما اقساها و ما اصعبها
(( الثواني بلياك غير ))
صح لسانك براك و اعتلى شانك
تقبل مروري
هالمره الجو غير
موسيقى المدونة وهالكلمات
ارسموا لي خيالي
طبيعة وعصافير تغرد
وبراك
متسند على جذع اشيرة
سرحاااان
يفكر باللى غيابه
هز الأوطان
مشاعر الشوق حلوة
لكنها اتنرفز أحياناً
:P
تعتبر محرض كتابي فعّال
بس نبي سياسي
:P
مساالورد والجوري
مساالثواني اللي لها طعم غير
اكيد مع مبدعنا الراقي
:)
بكل ثانية...وبكل دقيقه..وبكل ساعه...وبكل يوم...و و و و
الي ماله نهايه
بتكون غير
لانها مع الوجود بعينه
ياسلام علي ابداعك
" أخلق كلام وأتكلمك"
أروع شي بالدنيا لمن يوصل الاحساس
لين هالحد
أكيد يبكوووووون
؟؟؟؟؟!!!!!
دمت بدفء وعذوبه
ابدا
:))
دلّي وملّي
واليوم يا طول الثواني بدونك
شقول
كل اللي اقوله
اشكرك
وماعندي تعليق
اشكرج
وماعندي تعليق
اشكرج وايد ياراقيه
Selezya
احلو وجودج
صح بدنج
اشكرج
mtfa2el
كنت كاتب الثواني دونك غير
قريتها مره ثانيه قلت بلياك دون ماأدري
شلون الاستاذ يتعلم من تلميذه
ياأستاذ متفائل
عدل ؟
قلب طفله
اهلا بك
ليست مؤلمه
بقدر ماهي غريبه علي بعض الشئ
اشكر وجودك
حلو اسم قلب طفله
Aldenya
شيره عاد
ان شاء الله ماأنطر بعد
النطره تدعو للكسل
وأنا احاسيسي نشيطه
والحمد لله
اشكرك
نون النساء
اولا هلا فيج سيدتي
من زمان مامريتينا
او بالاصح احنا من زمان مامريناج
وعشان هالطله
بوست سياسي قادم
اشكرك
فراوله
تصدقين من كثر ماأخلق كلام
اقدر اكتب مسلسلات مكسيكيه
هذا الحد ياسي
تي فراوله مرات يتعّب الواحد
اقول مرات
ودائما تختارين المقطع اللي أحبّه
اشكرك
ماشالله قريت ما امداني اقرا كل كتاباتك بس بحاول اكمل قرائتهم ضروري انشالله
كتاباتك واسلوبك شدني
اتمنى لك التوفيق
وللأمام سر :)
قلم حبر
لي الشرف بتواجد قلم حبر راقي بمدونتي
اشكرك
Post a Comment