Tuesday, March 4, 2008

كتلة أحزان

مثلي إنت شقيان ؟؟

مثلي إنت شفيان ؟؟

وإلا أنا مشتقي بريحاتي

مثلي إنت ولهان ؟؟

وإلا الوله شيمة حياتي


والله وباللّه تعبان

مثلي إنت شقيان ؟؟

مثلي انت شفيان ؟؟

.....

أبيّن لك خوافي علومي

وشكثر فيني حزن

ملا علي دنيتي

شكثر الوحده

مبروزه معالم قصتي

وشكثر

إنكتب علي أكون

أتعس من بهاالزّمان

مثلي إنت شقيان ؟؟

مثلي إنت شفيان ؟؟

....

ماأبيك تشتقي

بس إفهم اللي فيني

ماأبي نلتقي

وتشوفك عيني

أبي وحنا بعاد

أحس بأمان

مثلي شقيان ؟؟

وإلا أنا مشتقي بريحاتي

19/2/2008
الثلاثاء

61 comments:

`~MnO YeNSa! ~` said...

الله الله يا براك ..
والله كلماتك بجتني


تشتقي
بس إفهم شاللي فيني
ماأبي نلتقي
وتشوفك عيني
أبي وحنا بعادأحس بأمان

مثلي شقيان ؟؟وإلا أنا مشتقي بريحاتي

واااي عوار قلب ...
مابي نلتقي وتشوفك عيني ؟!!؟ شنو هالمقطع


أبي وحنا بعادأحس بأمان

يصيــــــــــــــــر ؟!!؟ يا ريت

Kuw_Son said...

شقيان .. الكل شقيان يا براك !

Anonymous said...

قمة الشقاء حين تدور برأسك المعاني و تتملك روحك المشاعر ولا تجد أحد حولك برغم من وجودك وسطهم _ لا أعلم يا صديقي لماذا أصبحنا نخاف البوح إلى أن أصبحنا وحيدين / مساؤك سكر / وحده من الناس

Anonymous said...

قمة الشقاء حين تدور برأسك المعاني و تتملك روحك المشاعر ولا تجد أحد حولك برغم من وجودك وسطهم _ لا أعلم يا صديقي لماذا أصبحنا نخاف البوح إلى أن أصبحنا وحيدين / مساؤك سكر / وحده من الناس

فتى الجبل said...

شقيان وتعبان وفيني النوم بعد

mowa6en said...

كلماتك حلوه بس حزينة واتعب القلب .

الله يبعد عنك الشقا في زمن لا يعرف فيه الا الشقاء ، ولكن توجد ثغرات أمل ولو كانت قليله


وعذرا على الانقطاع

بعثرة مشاعر said...

الله يبعد عنكم الشقا
كلمات حزينة للغاية

سم بالرحمن و اقرا دعاء الهم و الحزن

( اللهم اني عبدك ، ابن عبدك ابن امتك ، ناصيتي بيدك ، ماض فيّ حكمك ، عدل فيّ قضاؤك ، أسألك بكل اسم هو لك ، سميت به نفسك ، أو أنزلته في كتابك ، أو علمته أحداً من خلقك، أو استأثرت به في علم الغيب عندك ، أن تجعل القرآن ربيع قلبي ، و نور صدري ، و جلاء حزني ، و ذهاب همي )

و ان شالله ماكو إلا العافية

و أخيراً
الكلمات على الرغم من الأحزان اللي فيها
الا انها حلوة
:)

esTeKaNa said...

يااارك الله
!!
واي كلمة بريحاتي تعور قلبي
مادري ليش؟
:)
مابي نلتقي
وتشوفك عيني
ابي وحنا بعاد أحس بأمان


انكسر خاطري بهالمقطع
اكيد اهوقمة احلامة يتلقي عاه
ويشوف العيون اللي عشقها
بس بكل ألم يتنازل عن هالحلم
ويرضى بكل شي
مقابل اهم احساس...وهو الاحساس بالأمان


هل الأمان اهم من الحب يا براك؟

Aldenya said...

الشقا يتعب
والوله يعذب
بس عند اللقا
كل شي يهون ويزول
براك
أنت
فارس الإحساس

طائر بلا وطن said...

اشلون يا براك

و احنا بعاد
نحس بأمان؟

يصير؟


:(



يسعد لي مساك و قلبك

Barrak said...

منو ينسى


اذا كتلة احزان ماتبجي
عيل شنو اللي يبجّي


يصير واحنا بعاد
نعيش بأمان

يصير
ياصاحبة التعليق الاول
يصير

Barrak said...

Kuw_Son

كل واحد معه همه على قده
مافي احد مرتاح

Barrak said...

وحده من الناس


اشكرك

Barrak said...

فتى الجبل

مليان قلبي مليان
ويسير مثل الغزلان
ارقوك لاتعذبني
وتروح عني زعلان

Barrak said...

moowa6en

اشكر وجودك استاذ مواطن
على ثغرات الامل
نحاول نكمل مابقى


اشكرك

Barrak said...

بعثرة مشاعر

اشكرك
وجزاك الله الف خير

Barrak said...

esTeKaNa

اللي قاعد بروحه يمكن شوي مستانس
اما اللي قاعد بريحاته
هذا حالته حاله

وعلى قد الحاله ينرسم الكلام

سيدتي
كنت اخشى ان يسألوني عن مهنى هذا الشطر


مابي نلتقي
وتشوفك عيني
ابي وحنا بعاد أحس بأمان

مو لاني خايف من السؤال كخوف لا
لاني ادري اني ماراح اقدر اعبر
او ماراح توصل هالجمله لانها غريبه
وبعد ماقريت كلامك وشرحك لهالشطر
ارتحت لسببين
اني قدرت اوصل شي من احساسي وهذا بحد ذاته شي يفرحني
والسبب الثاني
ان فيه ناس مثلك يقدرون يحسون بالكلمه ويفسرونها ويقيمونها ويرسمونها بدالي

اشكرك وايد

Barrak said...

Aldenya


اشكرك
بس فارس مره وحده

لا

اعتقد لقب كتلة احزان افضل واصدق

اشكرك

Barrak said...

طائر بلا وطن

الله

يابختي اليوم

كل الناس الحساسه تتمخطر على مدونتي بالترتيب
واللحين التقيت استاذ الحس

اه ياطائر

سؤالك جاوبت عليه استكانه

واجابتها وايد اوضح من اجابتي اللي بقولها اللحين


و احنا بعاد
نحس بأمان؟

ايه يصير
انا اقولك شلون بس ادري يمكن ماراح تفهم ولا كلمه لاني مااعرف ارعبر على هالسؤال بالذات

انا اقولك شلون لما نكون بعاد ماعندنا امان يصير ثلاث ارباع الوقت خوف
ماعندنا امان يسكن ويكبح جماح هالخوف
الامان الوحيد اللي بيدينا واحنا بعاد
او الاحساس بوفى وثبات قلب من تحبه


تدري ليش اكتب قصيده
عشان احساس احسه وماافهمه اكتبه يمكن اقدر لما اقرا الكلمه مره ثانيه يمكن افهم شاللي صاير
اسميها مرحلة وصف داخلي
اعطيك مثال

مثل ماتكتب قصيده لما تقراها بروحك ماتحسها ماتفهمها ماتستفزّك
بس لما تكتبها وتعطيها لغيرك يقراها جدامك وتسمع حروفك بصوته
هني توصل كل كلمهانت ماتفهمها

وايد طولت بردي بس اعذرني سؤالك اهو السبب

mtfa2el said...

بيعني بالسوق يا بو عبد الله
مو انت يا براك اللي يشقى ..عداك الهم ان شا الله
ما يمر عليك احد و لا يطريك الا بالخير و الطيبة ..هونها و تهون
ما مضى فات و المؤمل غيب
و لك الساعة التي أنت فيها
ارد و اقولك.. بيعني بالسوق يا بو عبدالله

Barrak said...

mtfa2el

اشتريك بالغالي يالغالي
هذا من طيب اصلك

تصدق ناس ماتعرفهم ومابينك وبينهم الا حروف وتعليقات ويقولون لك بيعني بالسوق
وناس والا تدري ماني مكمل

ادعيلي اني اعرف اهونها عشان تهون
ماانسالك كلامك ياغالي

تسلم

7osen said...

أبيّن لك خوافي علومي
وشكثر فيني حزن
ملا علي دنيتي
شكثر الوحده
مبروزه معالم قصتي
وشكثر
إنكتب علي أكون
أتعس من بهاالزّمان
مثلي إنت شقيان ؟؟

الله عليك يا لبرك

في هالقصيدة ترجمتني لكلمات
وإنت خير من يترجم مشاعرنا

تبهرني كلماتك لحد الصمت

والصمت في حرم الجمال جمال

حسيت بشي مختلف هالمرة
يمكن لأن الكلام وصل مباشرة لتلابيب القلب

:
:
براك
أحب كلامك
يعطيني شعور غيييير

:
:
تذكرت قصيدة السياب
أنشودة المطر

أتعلمين أي حزن يبعث المطر وكيف يشعر الوحيد فيه بالضياع

**
دائماً أخضر

Barrak said...

7osen

اشكرك ياخوي


كأن طفلا بات يهذي قبل ان ينام

مثل ماتحب كلامي انا احب وجودك واعشق تعليقك


وكنت اعلم انني ساجدك في هذه القصيده
لاني اعرفك
واعرف احساسك

اشكرك

كويــتي لايــعه كبــده said...

نعم
مثلك شقيان

البركة بحكومتنا الرشيدة اللي وصلتنا الى هذه الحاله المركبه.

قلبي وتحياتي

Barrak said...

كويــتي لايــعه كبــده

الله يبعد الشقى عنك

كلماتي مالها شغل بالحكومه من بعيد او قريب
مجرد احساس احسه

والحكومه ماقصرت
وكل شي زين
والشوارع فاضيه
وكل شوي بيقولوا فكوا الحزام فكوا الحزام

S-Q8 said...

شقا و تعب و حر و غبار.. كلوووو

Najmah said...

اكيد مثلك شقيان

الله يبعد الشقى عن الجميع ياارب

|:| DUBAI |:| said...

روعة براك

!!

Q8DOLL said...

منو فينا مو شقيان
بس الألم لما تكووووون بريحاتك انته اللي شقيان

مشكور على نزف المشاعر

Barrak said...

Ni3Na3aH

الله كريم الله كريم
يهوّن الجرح الاليم
بالنسبه للغبار حتى المطر مايبينا شاسوي

Barrak said...

Najmah

اللهم آمين

Barrak said...

دبي

اشكرك واشكر اهل دبي دار الحي

Barrak said...

Q8DOLL

العفو يازميلتي السابقه

vancouver said...

اتمنى ماتكون شقيان بس


وفوق هذا بريحاتك بالشقى

:(

كلامك جميل
بس
الشعور مؤلم براك
:(((

Barrak said...

vancouver

اشكرك
اي والله الشعور مؤلم

ربك كريم

عيون الحب said...

أدميت قلبي يابراك
ليش هالحزن كله؟

والله ضاق خلقي عليك
:(

Barrak said...

عيون الحب

اشكرك
شدعوه عاد
مافيني الا العافيه

صبا said...

الله عليك يا براك

الله يبعد عنك الشقي يارب


احاسيسك تعبتني

سلامتك من الشقي

تحياتي

charisma said...

ماأبيك تشتقي
بس إفهم شاللي فيني
ماأبي نلتقي
وتشوفك عيني
أبي وحنا بعاد
أحس بأمان
مثلي شقيان ؟؟
وإلا أنا مشتقي بريحاتي

براك انت شنوو
شنوو بالضبط
الله يحفظك

الامان
والله ان الامان اهم من اى حب
الامان يولد الحب ويزيده

ابدعت حسيتها دشت باعماقى

صعب التعليق على هالكلمات صعب

ودى بس اخاف اخوره
:/

`~MnO YeNSa! ~` said...

براك اسأذنك ببوستي اليديد

Unknown said...

مرض ما منك علاج انت

حلاوة كتابتك تخلي الواحد يقول جذى واكثر

يعطيك العافيه يالبرك

هذيان said...

مذ بدى الكون سنينه
وكل حديث له مديثه
فما بال حديثك يا براك
لم ينتهى منه أنينه


أهداء لك يا براك


تحياتي

فراوله said...

مساالورد والجوري
مبدعنا الراقي
ينابيعك هالمره لها طعم غير
لذه عجيبه مالها دوا
!!!
اهنيه تتجلي ينابيعك اللي وصلت لاقصي مدي بالضمير
مثلي انت شقيان؟؟؟
مثلي انت شفيان؟؟؟
اللي له احساس ينبض بذره من هالينابيع
اكيد بكون جذيه
والا شرايك؟؟؟؟
دمت بدفء وعذوبه
ورقي ابدا
:)))

Anonymous said...

حاس بشقاك يالبرك

Barrak said...

صبا

هلا فيك ياصبا
اشكر لك دعاؤك الصادق

اشكرك

Barrak said...

charisma

انا شنو انا براك
انا اللي لعبت فيني الدنيا
بس قادرلها
انا التعبان
انا الشقيان
انا الشفيان
بس عايش
راس مالي كلامي
واحاسيسكم

واذا خايفه تخورينه
باقولك مايجي منك الا الطيب

اشكرك

Barrak said...

منو ينسى

سمعت كلامج
ورحت لي عندج
وعلقت
ومالقيت رد

Barrak said...

Mishari

اللحين مالقيت الا المرض

انا فاهم مقصدك
واشكرك
انت شخبارك
شهالغيبه
خبري فيك لما سألت منو اللي رقمه 10 بمنتخب المانيا
علقت عندك وجاوبت ومالقيت رد
حياك الله

Barrak said...

هذيان

اشكرك
فعلا كلماتك وصلت
لانها رسمتني

قد لاتكفيك كلمة شكر
كل ماأقوله احترمك جدا جدا

Barrak said...

فراوله

مالي راي بعد رايك

كفيتي ووفيتي

كل اللي اقوله
الينابيع تنبع من العين
وانتي العين

اشكرك

Barrak said...

حسافتج يا كويت

بعد عمري انت

Almas said...

بس على شرط الطرف الثاني يكون عنده ذرة احساس

مو يشتقي والثاني رافع الجام

أخ أخ أخ

والله وبالله

شوف طالعة من قلبي

والله هالشعور صعب جدا

الواحد يحس روحه واقفه ببلعومه

على قولة على المفيدي

من الحب

لكن وين يا وخيي حب حقيقي في هالزمن

يمكن فيه بس نادر

الله يديم المحبة والإستقرار

هـــدب said...

كنت على بالي اليوم الصبح يا براك
بس انشقلت اشوي فقلت امرك العصر
لانك بصراحه من اللي يتميزون بقلم رائع وروح أروع

قلوبنا مليانه احزان وجروح
نقدر نتحمل بعضها بصمت والبعض الاخر من الاحزان لا ندري يا براك ان كانت هي
تكتبنا
ام نكتبها

بهذه المدونه

الله يعطيك العافيه ويبعد عنك الحزن

qesat_5ayal said...

صار لي زمن
أمر هني
وألقى حزن

يوقف فيني احساسي
تعبنا نحزن

كنت أنتظر شي مفرح

charisma said...

:)

Barrak said...

Almas

بهموم الوله
وبهموم الشقا مافي شروط
الواحد يحس روحه واقفه ببلعومه
صح لسانك انتي والمفيدي
اشكرك

Barrak said...

هـــدب

مااقول الا يابختي

اشكرك

Barrak said...

qesat_5ayal

صار لي زمن
امر هني
والقى حزن

ياسلام
مطلع حلو

والقادم مافيه حزن

Barrak said...

charisma

:)

magnoonah said...

منت بريحاتك يالشيبه

كلنا وياك بس شقا عن شقا يفرق
وظروفنا تختلف


تاكد مثل ما انت حاس فيه مرده بيحس فيك

وبيكون لك شفيان

جان مو اليوم بكره ومع الوقت يحس ولا احد عنده مثل قلبك ويكون شقيان

:)

عسى الشقا يفارق دروبك

Barrak said...

magnoonah

اشكرك واشكر وجودك
ومن اللحين انا شيبه

عيل ان صرت 44 شبتسموني