مثلي إنت شقيان ؟؟
مثلي إنت شفيان ؟؟
وإلا أنا مشتقي بريحاتي
مثلي إنت ولهان ؟؟
وإلا الوله شيمة حياتي
والله وباللّه تعبان
مثلي إنت شقيان ؟؟
مثلي انت شفيان ؟؟
.....
.....
أبيّن لك خوافي علومي
وشكثر فيني حزن
ملا علي دنيتي
شكثر الوحده
مبروزه معالم قصتي
وشكثر
إنكتب علي أكون
أتعس من بهاالزّمان
مثلي إنت شقيان ؟؟
مثلي إنت شفيان ؟؟
....
....
ماأبيك تشتقي
بس إفهم اللي فيني
ماأبي نلتقي
وتشوفك عيني
أبي وحنا بعاد
أحس بأمان
مثلي شقيان ؟؟
وإلا أنا مشتقي بريحاتي
19/2/2008
الثلاثاء
61 comments:
الله الله يا براك ..
والله كلماتك بجتني
تشتقي
بس إفهم شاللي فيني
ماأبي نلتقي
وتشوفك عيني
أبي وحنا بعادأحس بأمان
مثلي شقيان ؟؟وإلا أنا مشتقي بريحاتي
واااي عوار قلب ...
مابي نلتقي وتشوفك عيني ؟!!؟ شنو هالمقطع
أبي وحنا بعادأحس بأمان
يصيــــــــــــــــر ؟!!؟ يا ريت
شقيان .. الكل شقيان يا براك !
قمة الشقاء حين تدور برأسك المعاني و تتملك روحك المشاعر ولا تجد أحد حولك برغم من وجودك وسطهم _ لا أعلم يا صديقي لماذا أصبحنا نخاف البوح إلى أن أصبحنا وحيدين / مساؤك سكر / وحده من الناس
قمة الشقاء حين تدور برأسك المعاني و تتملك روحك المشاعر ولا تجد أحد حولك برغم من وجودك وسطهم _ لا أعلم يا صديقي لماذا أصبحنا نخاف البوح إلى أن أصبحنا وحيدين / مساؤك سكر / وحده من الناس
شقيان وتعبان وفيني النوم بعد
كلماتك حلوه بس حزينة واتعب القلب .
الله يبعد عنك الشقا في زمن لا يعرف فيه الا الشقاء ، ولكن توجد ثغرات أمل ولو كانت قليله
وعذرا على الانقطاع
الله يبعد عنكم الشقا
كلمات حزينة للغاية
سم بالرحمن و اقرا دعاء الهم و الحزن
( اللهم اني عبدك ، ابن عبدك ابن امتك ، ناصيتي بيدك ، ماض فيّ حكمك ، عدل فيّ قضاؤك ، أسألك بكل اسم هو لك ، سميت به نفسك ، أو أنزلته في كتابك ، أو علمته أحداً من خلقك، أو استأثرت به في علم الغيب عندك ، أن تجعل القرآن ربيع قلبي ، و نور صدري ، و جلاء حزني ، و ذهاب همي )
و ان شالله ماكو إلا العافية
و أخيراً
الكلمات على الرغم من الأحزان اللي فيها
الا انها حلوة
:)
يااارك الله
!!
واي كلمة بريحاتي تعور قلبي
مادري ليش؟
:)
مابي نلتقي
وتشوفك عيني
ابي وحنا بعاد أحس بأمان
انكسر خاطري بهالمقطع
اكيد اهوقمة احلامة يتلقي عاه
ويشوف العيون اللي عشقها
بس بكل ألم يتنازل عن هالحلم
ويرضى بكل شي
مقابل اهم احساس...وهو الاحساس بالأمان
هل الأمان اهم من الحب يا براك؟
الشقا يتعب
والوله يعذب
بس عند اللقا
كل شي يهون ويزول
براك
أنت
فارس الإحساس
اشلون يا براك
و احنا بعاد
نحس بأمان؟
يصير؟
:(
يسعد لي مساك و قلبك
منو ينسى
اذا كتلة احزان ماتبجي
عيل شنو اللي يبجّي
يصير واحنا بعاد
نعيش بأمان
يصير
ياصاحبة التعليق الاول
يصير
Kuw_Son
كل واحد معه همه على قده
مافي احد مرتاح
وحده من الناس
اشكرك
فتى الجبل
مليان قلبي مليان
ويسير مثل الغزلان
ارقوك لاتعذبني
وتروح عني زعلان
moowa6en
اشكر وجودك استاذ مواطن
على ثغرات الامل
نحاول نكمل مابقى
اشكرك
بعثرة مشاعر
اشكرك
وجزاك الله الف خير
esTeKaNa
اللي قاعد بروحه يمكن شوي مستانس
اما اللي قاعد بريحاته
هذا حالته حاله
وعلى قد الحاله ينرسم الكلام
سيدتي
كنت اخشى ان يسألوني عن مهنى هذا الشطر
مابي نلتقي
وتشوفك عيني
ابي وحنا بعاد أحس بأمان
مو لاني خايف من السؤال كخوف لا
لاني ادري اني ماراح اقدر اعبر
او ماراح توصل هالجمله لانها غريبه
وبعد ماقريت كلامك وشرحك لهالشطر
ارتحت لسببين
اني قدرت اوصل شي من احساسي وهذا بحد ذاته شي يفرحني
والسبب الثاني
ان فيه ناس مثلك يقدرون يحسون بالكلمه ويفسرونها ويقيمونها ويرسمونها بدالي
اشكرك وايد
Aldenya
اشكرك
بس فارس مره وحده
لا
اعتقد لقب كتلة احزان افضل واصدق
اشكرك
طائر بلا وطن
الله
يابختي اليوم
كل الناس الحساسه تتمخطر على مدونتي بالترتيب
واللحين التقيت استاذ الحس
اه ياطائر
سؤالك جاوبت عليه استكانه
واجابتها وايد اوضح من اجابتي اللي بقولها اللحين
و احنا بعاد
نحس بأمان؟
ايه يصير
انا اقولك شلون بس ادري يمكن ماراح تفهم ولا كلمه لاني مااعرف ارعبر على هالسؤال بالذات
انا اقولك شلون لما نكون بعاد ماعندنا امان يصير ثلاث ارباع الوقت خوف
ماعندنا امان يسكن ويكبح جماح هالخوف
الامان الوحيد اللي بيدينا واحنا بعاد
او الاحساس بوفى وثبات قلب من تحبه
تدري ليش اكتب قصيده
عشان احساس احسه وماافهمه اكتبه يمكن اقدر لما اقرا الكلمه مره ثانيه يمكن افهم شاللي صاير
اسميها مرحلة وصف داخلي
اعطيك مثال
مثل ماتكتب قصيده لما تقراها بروحك ماتحسها ماتفهمها ماتستفزّك
بس لما تكتبها وتعطيها لغيرك يقراها جدامك وتسمع حروفك بصوته
هني توصل كل كلمهانت ماتفهمها
وايد طولت بردي بس اعذرني سؤالك اهو السبب
بيعني بالسوق يا بو عبد الله
مو انت يا براك اللي يشقى ..عداك الهم ان شا الله
ما يمر عليك احد و لا يطريك الا بالخير و الطيبة ..هونها و تهون
ما مضى فات و المؤمل غيب
و لك الساعة التي أنت فيها
ارد و اقولك.. بيعني بالسوق يا بو عبدالله
mtfa2el
اشتريك بالغالي يالغالي
هذا من طيب اصلك
تصدق ناس ماتعرفهم ومابينك وبينهم الا حروف وتعليقات ويقولون لك بيعني بالسوق
وناس والا تدري ماني مكمل
ادعيلي اني اعرف اهونها عشان تهون
ماانسالك كلامك ياغالي
تسلم
أبيّن لك خوافي علومي
وشكثر فيني حزن
ملا علي دنيتي
شكثر الوحده
مبروزه معالم قصتي
وشكثر
إنكتب علي أكون
أتعس من بهاالزّمان
مثلي إنت شقيان ؟؟
الله عليك يا لبرك
في هالقصيدة ترجمتني لكلمات
وإنت خير من يترجم مشاعرنا
تبهرني كلماتك لحد الصمت
والصمت في حرم الجمال جمال
حسيت بشي مختلف هالمرة
يمكن لأن الكلام وصل مباشرة لتلابيب القلب
:
:
براك
أحب كلامك
يعطيني شعور غيييير
:
:
تذكرت قصيدة السياب
أنشودة المطر
أتعلمين أي حزن يبعث المطر وكيف يشعر الوحيد فيه بالضياع
**
دائماً أخضر
7osen
اشكرك ياخوي
كأن طفلا بات يهذي قبل ان ينام
مثل ماتحب كلامي انا احب وجودك واعشق تعليقك
وكنت اعلم انني ساجدك في هذه القصيده
لاني اعرفك
واعرف احساسك
اشكرك
نعم
مثلك شقيان
البركة بحكومتنا الرشيدة اللي وصلتنا الى هذه الحاله المركبه.
قلبي وتحياتي
كويــتي لايــعه كبــده
الله يبعد الشقى عنك
كلماتي مالها شغل بالحكومه من بعيد او قريب
مجرد احساس احسه
والحكومه ماقصرت
وكل شي زين
والشوارع فاضيه
وكل شوي بيقولوا فكوا الحزام فكوا الحزام
شقا و تعب و حر و غبار.. كلوووو
اكيد مثلك شقيان
الله يبعد الشقى عن الجميع ياارب
روعة براك
!!
منو فينا مو شقيان
بس الألم لما تكووووون بريحاتك انته اللي شقيان
مشكور على نزف المشاعر
Ni3Na3aH
الله كريم الله كريم
يهوّن الجرح الاليم
بالنسبه للغبار حتى المطر مايبينا شاسوي
Najmah
اللهم آمين
دبي
اشكرك واشكر اهل دبي دار الحي
Q8DOLL
العفو يازميلتي السابقه
اتمنى ماتكون شقيان بس
وفوق هذا بريحاتك بالشقى
:(
كلامك جميل
بس
الشعور مؤلم براك
:(((
vancouver
اشكرك
اي والله الشعور مؤلم
ربك كريم
أدميت قلبي يابراك
ليش هالحزن كله؟
والله ضاق خلقي عليك
:(
عيون الحب
اشكرك
شدعوه عاد
مافيني الا العافيه
الله عليك يا براك
الله يبعد عنك الشقي يارب
احاسيسك تعبتني
سلامتك من الشقي
تحياتي
ماأبيك تشتقي
بس إفهم شاللي فيني
ماأبي نلتقي
وتشوفك عيني
أبي وحنا بعاد
أحس بأمان
مثلي شقيان ؟؟
وإلا أنا مشتقي بريحاتي
براك انت شنوو
شنوو بالضبط
الله يحفظك
الامان
والله ان الامان اهم من اى حب
الامان يولد الحب ويزيده
ابدعت حسيتها دشت باعماقى
صعب التعليق على هالكلمات صعب
ودى بس اخاف اخوره
:/
براك اسأذنك ببوستي اليديد
مرض ما منك علاج انت
حلاوة كتابتك تخلي الواحد يقول جذى واكثر
يعطيك العافيه يالبرك
مذ بدى الكون سنينه
وكل حديث له مديثه
فما بال حديثك يا براك
لم ينتهى منه أنينه
أهداء لك يا براك
تحياتي
مساالورد والجوري
مبدعنا الراقي
ينابيعك هالمره لها طعم غير
لذه عجيبه مالها دوا
!!!
اهنيه تتجلي ينابيعك اللي وصلت لاقصي مدي بالضمير
مثلي انت شقيان؟؟؟
مثلي انت شفيان؟؟؟
اللي له احساس ينبض بذره من هالينابيع
اكيد بكون جذيه
والا شرايك؟؟؟؟
دمت بدفء وعذوبه
ورقي ابدا
:)))
حاس بشقاك يالبرك
صبا
هلا فيك ياصبا
اشكر لك دعاؤك الصادق
اشكرك
charisma
انا شنو انا براك
انا اللي لعبت فيني الدنيا
بس قادرلها
انا التعبان
انا الشقيان
انا الشفيان
بس عايش
راس مالي كلامي
واحاسيسكم
واذا خايفه تخورينه
باقولك مايجي منك الا الطيب
اشكرك
منو ينسى
سمعت كلامج
ورحت لي عندج
وعلقت
ومالقيت رد
Mishari
اللحين مالقيت الا المرض
انا فاهم مقصدك
واشكرك
انت شخبارك
شهالغيبه
خبري فيك لما سألت منو اللي رقمه 10 بمنتخب المانيا
علقت عندك وجاوبت ومالقيت رد
حياك الله
هذيان
اشكرك
فعلا كلماتك وصلت
لانها رسمتني
قد لاتكفيك كلمة شكر
كل ماأقوله احترمك جدا جدا
فراوله
مالي راي بعد رايك
كفيتي ووفيتي
كل اللي اقوله
الينابيع تنبع من العين
وانتي العين
اشكرك
حسافتج يا كويت
بعد عمري انت
بس على شرط الطرف الثاني يكون عنده ذرة احساس
مو يشتقي والثاني رافع الجام
أخ أخ أخ
والله وبالله
شوف طالعة من قلبي
والله هالشعور صعب جدا
الواحد يحس روحه واقفه ببلعومه
على قولة على المفيدي
من الحب
لكن وين يا وخيي حب حقيقي في هالزمن
يمكن فيه بس نادر
الله يديم المحبة والإستقرار
كنت على بالي اليوم الصبح يا براك
بس انشقلت اشوي فقلت امرك العصر
لانك بصراحه من اللي يتميزون بقلم رائع وروح أروع
قلوبنا مليانه احزان وجروح
نقدر نتحمل بعضها بصمت والبعض الاخر من الاحزان لا ندري يا براك ان كانت هي
تكتبنا
ام نكتبها
بهذه المدونه
الله يعطيك العافيه ويبعد عنك الحزن
صار لي زمن
أمر هني
وألقى حزن
يوقف فيني احساسي
تعبنا نحزن
كنت أنتظر شي مفرح
:)
Almas
بهموم الوله
وبهموم الشقا مافي شروط
الواحد يحس روحه واقفه ببلعومه
صح لسانك انتي والمفيدي
اشكرك
هـــدب
مااقول الا يابختي
اشكرك
qesat_5ayal
صار لي زمن
امر هني
والقى حزن
ياسلام
مطلع حلو
والقادم مافيه حزن
charisma
:)
منت بريحاتك يالشيبه
كلنا وياك بس شقا عن شقا يفرق
وظروفنا تختلف
تاكد مثل ما انت حاس فيه مرده بيحس فيك
وبيكون لك شفيان
جان مو اليوم بكره ومع الوقت يحس ولا احد عنده مثل قلبك ويكون شقيان
:)
عسى الشقا يفارق دروبك
magnoonah
اشكرك واشكر وجودك
ومن اللحين انا شيبه
عيل ان صرت 44 شبتسموني
Post a Comment