Monday, November 19, 2007

خيازرين



ابي شي بالدّور غير طابور البنزين

أبي أحس بسنع وترتيب ونظام

أبي هالديره مره بنظامها تزين

أبي أحس مشينا سنه جدّام

ماأبي كثرة التشرّه والونين

أبي أحس تحققت لنا أحلام

و الديره تنمحي من البوّاقين

أبي تكتب بحريّه كل الأقلام

ماأشوف على هالأرض مسكين

ماأشوف إلا حب ووئام

فيه ناس عندنا مال خيازرين

 ناس تاكل وتشرب حرام

 يعافيكم شوية عقل رزين

وعين من خوفها من الله ماتنام

ابي خريطه واضحة للمواطنين

أبي شوية ذوق ونتيفة إحترام

أبي احس بيهال الديره فرحانين

أبي افعال والله شبعنا كلام

أبي النيّه بهالبلد أبد ماتشين

نفرّق بين المظلوم والظلاّم

أبي إيد تبني وإيد تعين

أبي شوية رقي بالذوق العام

أبي أحوال اتحاد القدم تزين

والخريج يلقى بوظيفته انسجام

ماأقول ودّي ننافس الصّين

أبي الكل يعيش بخير وسلام

أبي أقبر الجذب والجذّابين

أبي نرتقي عام بعد عام

بس واقفين صح بمحطة بانزين

واحنا زانطين السّنع والنظام

1/9/2007
السبت

59 comments:

lawyer said...

أبي أحس مشينا سنه جدّام

اي والله اي والله صااااج يا براك

مال خيازرين اوووووف حدا مال خيازرين بردت قلبي و حرتي
دوم عسى الله يبرد عليك


صصصصصصصج مال خيازرين

احباااط

الوضع محبط

فتى الجبل said...

الله يسمع منك ويصير اللي تبيه

Kuw_Son said...

يبيله خيازرين !!

nEo said...

أبي إيد تبني وإيد تعين
أبي شوية رقي بالذوق العام


قلتها و الله


مال خيازرين !

ياقلبي ابتسم said...

كعادتك متألق دوما بكتاباتك

قصيدة رائعه
وعسى الله يحقق لك امانييك ياارب :)

charisma said...

الخااتمه عجييبه

واحنا زانطين السنع والنظام

:/

الى ما يخافون ربهم
بهذلونا وبهذلو الديره
وهلقاو فيها

اى والله خيازريين

إيلاف said...

أريدُ وطنًا راقــــــــي ..

مليئ بالراقين أمثالكم

Mohammad Al-Yousifi said...

عورت قلبي يا بو قلب

:(

Najmah said...

ابي افعال ملينا من الكلام

اي والله

صح لسانك براك

Aldenya said...

حتى البانزين راح يحوشه التعثر

ويصير فوضه ومو بالدور

اذا مو اليوم باجر

اذا مو باجر اللى عقبه

صرت متشائمة بسبت الأوضاع الحالية

SHAHAD said...

تستااهل صفقة بصراحة
كلامك جدا جميل وواقعي
حده مال خيازرين ..
تسلم براك .. متألق

ezain_kilah said...

لوووووول ومن قال إنه واقفين سنع بحطة البانزين؟ من وقت لي الثاني يطلع لك واحد يحاول غصب يدعس عمره جدامك...أو مطفوق يبي يلحق يوصل للطابور قبلك...أو عديم ذوق ما يطوف البنات قبله مثل المليق مال ذاك اليوم :(

فراوله said...

مساالورد والجوري
غالينا المبدع
أتمني ان يتحقق ماتصبوا اليه من خلال
ماصاغه احساسك الجميل
وبالاحري التفاؤل لتغير ماهو موجود
):
بس تدري يبيلهم خيازرين ومن نوع خاص بعد
الله يعينا علي الايام اليايه
دمت يامبدعنا
ابدا
:)

kuwaitya_7saweya said...

أبي النيّه بهالبلد أبد ماتشين


اي والله
اي والله

وكلنا نبي

Barrak said...

lawyer

سيدتي صاحبة التعليق الأول

اود أن اوضح نقطه أحببت بهذه القصيده إن جاز التعبير أن أبيّن ان نحن نعاني من مشاكل مع انفسنا فقط مجبورين على النظام في محطة البنزين
لماذا لايحاسب المواطن نفسه قبل أن يتشكّى ماذا صنع لدولته قبل ان يتذمر على وزير هل هو بالاساس _ داوم اليوم_ هل اكمل واجباته تجاه ربه وعائلته ووطنه
فيه ناس مال خيازرين مايداومون ويتشكون يبوقون ويمرحون من ربهم مايخافون
في ناس وايد يبيلهم خيازرين شوفي الشارع وانتي حكمي

قبل لانحتر على اي شي نجدد الظام والالتزام بداخلنا ننتظم مو بس بمحطات بانزين

Barrak said...

فتى الجبل

اللهم آمين

Barrak said...

Kuw_Son

بس يكونون مملحين

Barrak said...

nEo

بقولك شي تذكر اغنية سينمائيات
3
2
1
جاهزين
صابين بانزين
متأكشنين

Barrak said...

ياقلبي ابتسم
اللهم آمين
بس هم يبيله
خيازرين

Barrak said...

charisma

الخاتمه اهي اصل الحكايه
واحنا زانطين السنع والنظام

انا ابسطها لك
لما نجتهد اننا نسوق السياره كأن الشارع بإسمنا
هني نزنط السنع
لما مانوقف بالدور الا لما الحواجز توقفنا بالدور مثل محطات البانزين
هني نزنط النظام

ابي نكون بالنظام ملتزمين
مو للسنع زانطين


الديره فيها رياحين نديه
وربك حافظها

Barrak said...

Ealaf

لا أعتقد

Barrak said...

kila ma6goog

سلامتك
ياقلب

Barrak said...

Najmah

ترى صج وايد ملينا من الكلام
صح بدنك

Barrak said...

Aldenya

فيه كلمه وايد اسمعها
هي افضل تعليق

انا متشائل

Barrak said...

SHAHAD

اشكرك
وشكرا على الصفقه

Barrak said...

ezain_kilah

تصدقين المكان الوحيد اللي اتنرفز فيه
محطة البانزين
كلنا بندفع وكلنا بنروح
هناك حرب عصبيه كبيره اشاهدها في محطات البانزين عند الاتجاه الى المحصل

هني المفروض يوزعون علينا خيازرين
واحنا انتنقّى

Barrak said...

اضافه


فيه مقطع طلع معاي اللحين

عطونا خيازرين
واحنا انتنقّى
منو نسامحه
منو نطقّه
منو اندادي عليه
منو جيبه انشقّه
عطونا خيازرين
واحنا انتنقّى

Barrak said...

فراوله

مساء النور

اتمنى ان تتحقق الاحلام
ونشوف يومين جدام


اللهم امين
بس هم مال خيازرين

Barrak said...

kuwaitya_7saweya

على قولة بوعدنان

صف النيه

Fahad Al Askr said...

أبيك تهدي بالك

اللي تبيه مو عندنا

Selezya said...

من بؤك لباب السما

حنطفيس said...

احلامك شبه مستحيلة ولكنها مشروعة

أي نظام والبلد انترست خرفان ؟؟
أي نظام وحتى الصلب قامو يكسرون قناة فضائية ؟؟

أي نظام وعضو مجلس الامة يطق الناس ويعتدي على الدكاترة ؟؟

أي نظام وشيوخك تارسين الديرة مخدرات ؟؟

خلها على الله يابراك

2 u ALL said...

إلي "تبيه" يا براك خطفته من نبض قلوبنا وحديث عقولنا ..!! ولحنته على صفحات مدونتك حروف موسيقيه ..!! تعزف أنقى نشيد وطني ..!! وأطهر أحساس شعبي ..!! كالعاده مبدع ولكني أعشق "العين من خوفها من الله ماتنام" وأكره الأخرى ....!!؟

7osen said...

صح لسانك يالبرك

بس اعتقد هالشي صعب واايد

يحتاج عمل وصدق

وهذي الأشياء للاسف مفقوده


كلامك روعه

تحياتي لك

سيدة نفسي said...

بارك الله فيك يا اخي براك

لكن .. ولا أريد أن أقول لكن حتى لا تحبط

Barrak said...

Fahad Al Askr

وين القاه
جدّيني

Barrak said...

Selezya

حلوه بقوّك

تذكرت محمد العجيمي
بق شفايف
حلج

Barrak said...

حنطفيس

وليش مانبتدي احنا بالنظام
ننتظم بكل شي
قبل لانتشكى نسأل نفسنا شسوينا اليوم بدواماتنا
اشتغلنا عشان غيرنا يشوفنا
والا نشتغل حق هالبلد

اذا احنا تنظم السنع فينا وكثرت العيون اللي من خوفها من الله ماتنام
هني اعتبر ان القصيده مشطوبه

Barrak said...

2 u ALL

اللي ابيه القى حسك هنيه


هذا بيت شعر اهداء مني لك

Barrak said...

7osen

صح بدنك

اذا العمل والصدق شفته باللي يتشكون بلغ النصف
ابشر بعزك

Barrak said...

سيدة نفسي

اشكرك اختي العزيزه


انا متفائل الى حد ما
رغم الخيازرين

The Voice Within said...

اهوا من ناحية خيازرين فيبيلهم خيازرين منقعة بماي و ملح و تعلق بالصفاة


صح لسانك :D

بنت الشاميه said...

اخوي براك

الله يااااااااااا طلبك صعب
هذا ما تالقاه الا بالمدينة الفاضلة
هذى احلاااااااام
بس ماكو ما يمنع ان نحلم فيها
ونطلبها يمكن يمكن يمكن يتحقق لو جز بسيط.....من هالاحلام

mtfa2el said...

وين براك
اهو بس خيازرين !!
الوضع يبيله شغل

sologa-bologa said...

إي والله نبي

نتيييفة احترااام


ودمت بحب وشاعرية مفرطة
أيها الإنسان الجميل

Barrak said...

The Voice Within

صح لسانك

Barrak said...

بنت الشامية

السؤال اللي يطرح نفسه
شنو الشي اللي مو موجود فينا يمنع وجود المدينه الفاضله
هذا البلد فيه الكثير من الأفاضل


اشكرك سيدتي

Barrak said...

mtfa2el


احس ان الخيازرين تلسع
احسن من العقال
والا شرايك

Barrak said...

sologa-bologa
ابي سوية سنع ونتيفة احترام

تصدق عاد

من هالبيت ابتدت القصيده

لاني ماابي وايد شوية سنع بس
ولو يحصل بعد نتيفة احترام


ماأجمل تعليقك

What Will Be , Will Be .. said...

allaaaah 9a7 lsanik

yalet t7e6ha b jareda first page o bil bon6 il 3areth

o abashrek ako nas tkh6er il dor bil banzeeen

mabrook 3alena kmalna

Barrak said...

What Will Be , Will Be

صح بدنك


اذا حطيتها بالجريده وبالبونط العريض
يمكن ماتوصل

اعتقد لو احطها بمحطات البانزين وايد أبرك

اشكرك

esTeKaNa said...

يارب يصير كل اللي تبيه
الخريج يا براك الخريج
الخريج اللي عايش ببطاله وقاعد بالبيت عقب كل هالتعب لا شغل ولا مشغله
عبرت عن احساسنا
الله كريم
:(

Barrak said...

esTeKaNa

اللهم امين
اختي العزيزه
فعلا موضوع الخريج محد التفت له في هذه القصيده ان جاز التعبير
دائما تلتفتين لامور اعنيها

اشكرك
وان شاء الله الخريج يلقى بوظيفته انسجام
ونصير تمام التمام

magnoonah said...

احترام
ذوق
اسلوب راقي
تعامل مهذب

وين ممكن تقول وين الا نادرا عشان ما اكون ظلمت احد

مرات والله استغرب انسان كبير ومثقف واسلوب ماكو
طالب متعلم وماكو احترام لغيره

زمن يخوف

تسلم ايدك شيوب ويسلم هالقلم الي ادعي الله انه يدوم يمتعنا بكل كلمه تخطها ايدك من خلاله

tasty_as_berry said...

خوش كلام يعبر عن واقعنا الأليم .. يعطيك العافية وايييد حلوة

بالوفيج :)

Barrak said...

magnoonah

اذكر مره كتبت قصيده عن الرموز
اللي نشوفهم ونتخيلهم رمز لنا او رمز للاخلاق ونكتشف العكس

وانا من زمان قايل اننا نعاني من ازمة اخلاق بالنسبة للحكومه وبالنسبه للشعب

Barrak said...

tasty_as_berry

اشكرك على مرورك
بالوفيج هذي شنو

لان مسجل عليك غياب مايخالف هالمره حتعدي

Anonymous said...

صح لسـانك و الله انك يبتها بالصميم

أنا أهدي هالمقطع للي باقو مدونتك

أبي الديره تنمحي من البوّاقين
أبي تكتب بحريّه كل الأقلام


وهوب هوب

Barrak said...

Very.Q8ya

صح بدنك

اشكرك