للحين علي تطري
رغم كل هالغياب
يحن لك قلبي
والوله باليوف ينساب
ويتجدد هواك بصدري
للحين علي تطري
....
....
يقولون كثر الصّد ينسّي
وأنا أصبّح فيك وأمسّي
شكثر فيني حب
شكثر لي قلب
أحب أنسان
مليون مرّه بغيابه أدري
للحين علي تطري
...
...
سنين مرّت وأيامك تتجدّد
سنين مرّت وملامحك تتحدّد
بحدود خفوقي
والله وربّي فوقي
ماحبّيت غيرك أحّد
يابعد عمري
للحين علي تطري
76 comments:
barrakyyyyyyyyyyyy eshhal2ejraam 7aram 3alaik :(
كالعادة قمة في الروعة
ياحلو كلماتك
وتنقرا آخر الليل
عز الله رحنا فيها
:(
وعسى الله لا يغير عليكم
:)
..
..
جزت عيني
وكل شي ممكن سويته علشان أنام
وماكو فايده
نفسيتي شوي تعبانه ومالي خلق عمري
بس مريتك وآنا واثقه إني بلقا شي يسرني
..
ذكرتني بشخصية عمرها ما تنسي
ومهما تمر سنين فرقاها
عايشه فيني
الله يرحمها ويرحم جميع أموات المسلمين
تسلم يمينك يا بوعبدالله
وأبي اقول : تصبح على خير
:)
صح لسانك
هالمره حسيت بشعرك غير
اي أدري بس الأهم هو يدري؟
هذا الحب الأول يابراك ما يتنسا
ياللي على البال تطري وانت ما تدري
اليوم كنت اسمعها
إي يطري
ويطري طيفه معاه
واسمه
ورسمه
كل فكرة تشرحه
كلماتك تأجج أعاصير الذكريات
تسلم ايدك
شاعر المهجر
تحياتي لك
متميز دائماً
و لا تتوقع ان يجي يوم ما يطري
:)
كلماتك يا شاعرنا
تطلع من القلب
وترسو على طول بقلوبنا
وتشعل معاها فتيل الذكريات
المشابهه لمشاعرك
صح إلسانك يا براك
أبدعت بصدق
كلماتك فضيعة
عيوني غورقت
كلمة بسيطة لكن معناها كبير
شكرا
القلب إللي يحب يحن
شتسوي في بد يا براك
تصبر
;)
Om Jaber
هذا مو إجرام
هذا وفا
عيون الحب
اشكرك ياعيون الحب
هاللكلام من كتبته وأنا اصبّح فيه وأمسّي
عز الله انا اللي رحت فيها
78o8eYa
جزى من غرابيله الزمان
نفس الحاله
جزت عيني عشان أكتب اللي بصدري
والحمد لله قدرت ابين اللي حسيته
سيدتي حقوقويه
هناك كلمه
كانت لها جمل عديده
ولكني عجزت أن أجد كلمه تشرح ماأحسسته الى ان قرات تعليقك ووجدت هذه الكلمه
يسرني
بصراحه
حاولت ان اعيد صياغة هذه القصيده إن جاز التعبير بعد ان وجدت ضالّتي بكلمة يسرني
وطرأت أيضا كلمة مرني
ولكنني لم أستطع
الله يرحم أمواتنا وأموات المسلمين
Q8DOLL
فعلا هالمره الشعور غير
وهذا ماأستطيع أن أقولهخ
هالمره غير
وايد غير
اشكرك
qesat_5ayal
ربي يسلمك
عجبتني هذه الجمله الخياليه
كل فكرة تشرحه
اي والله
اشكرك
الحارث بن همّام
الله يمسي بو بحر بخير
اشكرك ياسيدي
kila ma6goog
خل يطري بس ببالي مو بصدري
Aldenya
أشكرك بصدق
DanDash
اشكرك
مو بس إنتي عيونج غرقت
Яeema
أتصبر بعد
ماأقدر
أدري
خطييييييييييره
يعطيك العافيه على هالكلمات
:)
حنيني غصب يدفعني
وياخذني الوله يمك
وأبد ماظن تمنعني
مسافات الظما عنك
!!
براك...مرات الجفا يولد قسا
واذا قسا قلبك نسى
بس المشكله لي صد اهو ونسى
وبقى الحب في روحك يزيد ويبقى
انته تلومه ولا بتلوم قلبك؟
القلب اللي يقدس العشره
ويحب بكل نبضه؟
:))
كلماتك اليوم كلها رقه باحساس مشتاق
مساك ورد ونوير :)
لي الحين عليي تطري
--
الوفاء أجمل الأخلاق
بس وين اللي يستاهل
صباح الخيييييير
يا ويه الخيييييير
براك
مع هالجو الجمييييييييل قلت لازم لااااااازم أصبح ببلوق أخوي العزيز براك
أكييييييييد راح ألاقي اللي يعبر عن اللي فيني
و فعلا ما خيبت ظني يا براك
للحين علي تطري
رغم كل هالغياب
يحن لك قلبي
والوله باليوف ينساب
الوله باليوووووف ينساااااب يا براك
شنو هذاااااا
!!!!
خلاص دام اني صبحت بهالكلام الحلو
أكييييييييد ان شاءالله اليوم عليه بعد بمسي
:)))
تتألق دوما وتبهرنا بالجديد
والذي يميزك حروفك الرائعه
ياقلبي ابتسم
اشكرك سيدتي
الله يعافيك
esTeKaNa
خير خير انشاء الله !!!
تبقى الذكرى عطرا نشتم انفاسه لنعيش
اشكرك على الاطراء
شكرا جزيلا
mtfa2el
الوفاء
كلمه حجمها كبير بقلبي
اشكرك سيدي المتفائل
Purplecious
صباح النور
يانور
فعلا الجو هالايام جميل ودائما بداية الشتاء تعطيني احساسا غريبا
وهذا نموذجا من ذاك لالحساس
اي والله الوله ينساب
مثل القطره لما تنساب من خدود الغيوم الى وجنة الارض
الانسياب دائما يكون بطيئا ويترك اثرا عميقا
حلوه شنو هذا
والله ماأدري شنو هذا
شي حسيته وقلته
اشكرك
Shaima'a Alkandari
اشكرك ياشيماء
كلامك يونّس
Ee wallah lyl7yen ya6rey…
O 3ad yalytah yadrey…b’3alah
إستخدامك لكلمة "تـطـري" أحسها من القلب و قديمه و بسيطه
قواك الله
nEo
الدنيا للحين زينه
بس محتاجه العيون اللي تشوف زينها
ورق باون ماتخليك تطلع الباب
Someday
يدري والا مايدري
المهم للحين يطري
يا اخي كل ما اقرالك احس الدنيا زينة
و لو ان هل ايام الدنيا مو شي
ورق باون ما يخليك تييب سبعة هل ايام
:P
nEo
الدنيا للحين زينه
بس محتاجه العيون اللي تشوف زينها
ورق باون ماتخليك تطلع الباب
rwatan
اعشق الكلمات القديمه والبسيطه الى حد الجنون
اشكرك
الله يديم المحبة
للحين علي تطري
رغم كل هالغياب
يحن لك قلبي
والوله باليوف ينساب
تتغير الناس حولي
وأذكرك بلحظه
اروع ما في كلماتك يا براك
مو بس الاسلوب و البساطه و التعبير
الحلو فيها انها تصلح لكل مزاج و مود
تصلح للحبيب
و تصلح للاخ
و تصلح للصديق
الكل مثلا يقرا كلماتك و يذكر و يطري عليه حبيب
لكن تصدق
يا براك
ان كلماتك وياي انا بالذات
اتذكرني في اي احد اوله عليه
او احبه
مرات قصيده روعه عن الصد اهديها
اخوي
او صديقه
او اي احد
لكن كلماتك اليووووووووووم يابراك
حركت فيني اشياء غريبه
دمعت عيني
و حسييييييت فعلا
الكل يغيب و يتبدل
لكن وحده من رفيجاتي
خذاها الزمن
و مستحيييييييل يبدلها بثاني
للحين علي تطري
رغم كل هالغياب
يحن لك قلبي
والوله باليوف ينساب
تتغير الناس حولي
وأذكرك بلحظه
فتى الجبل
اللهم آمين
lawyer
هذه الابيات كتبت بمزاج جديد
رسمت حروفها باسلوب اعتبره غريبا بعض الشيء
هذه الابيات هي رحلتي الابديه بالحياة
هذه الابيات
كتبتها ولم أراجعها
الدنيا تتغير وتتغير الناس التي اراها امامي
ولكن الى الان يطري
يطري الوله
تطري الذكريات
كلامك سيدتي هالمره غير
اليوم كل شي غير
اشكرك
مشكل لما يكون الواحد وفي في زمن نصه انذال يالبرك
كلام من أروع ما كتبت يمكن ولكن كل مرة اقول نفس الجملة لان جميل جدا ما تكتب
يعطيك العافية
:)
Mishari
اي والله مشكل
اشكرك يادكتور مشاري
وجودك يشرف فمابالك بإطرائك
تسلم يادكتور
الوفا صار عمله نادرة وصعب انا نلاقيها بين البشر في عصر صارت القلوب تطفح من السواد
روووووعة يا براااك
وتسلم يمناك
يا بعد عمري
حروفك حفرت في نفسي معانٍ افتقدتها في غمرة الزحام
شكراً
وأنا اقرى كلماتك
طرى علي
قعدة اليال
والبحر يسفسف
والهوا ينسنس
لوحة فنية عشتها في منتهى الروعه
في غيبتك ماغبت لحظه عن البال
تطري علي ذكراك مع كل طاري
قهويتني من دلة الهجر فنجال
من يوم فاحت فوق جمر انتظاري
تعال حبك داخل القلب لازال
يا منوتـــــي
يا رغبتــــي
يا غناتـــــي
أشكرك .. وسعت صدورنا
وأحنا بغلاية الوضع السياسي اللي بالديرة
روووح يا براك الله يوسعها عليك دنيا وآخره
(( ))
قرأت النص اليوم الظهر وأعدت قرائته الحين ووجدت ان تعليقى سيكون ناقصا ولذا رأيت أن أترك المساحه الفاضيه بين القوسين لتكون هى اختيارى للتعليق
ولما رفعت رأسى وجدت العنوان هو
أدرى
-------
فعلا هو كذلك
-------------------------
الله يحفظك ويحفظ لك اسرتك
سؤال
هل الوفى يظل ذليل؟
وهل الحب يذل الحبيب؟
والوفا يقتل ببطء
براك
آه يابلد و آه يا قلب
ترى شرعاً لا يجوز
الـفــــجـــ الــبـــعـــيـــد ــــــر
اشكرك سيدتي
كل شي حلو هالايام صار عمله نادره
تسلمين
Fahad Al Askr
أدري
رحـّــال
قمة السعاده اعيشها الان وانا اقرا تعليق دكتور راقي مثلك سيدي
اهلا بمرورك الأول الراقي
شرف لي ان تحفر حروفي البسيطه معان في مخيلة دكتور
DiLLi O MiLLi
اهلا باختي
اهلا فيك
صج انك كويتيه حتى النخاع
من وين طالعه يسفسف
يا رغبتــــي
عجبتني هالكلمه
انا اللي اشكرك
ياحلو هالدعاء وانا اقراه من صباح الله خير
ربي يحفظك
nadeyah
الله يسلمك ويخليك
ادري هالكلام هالمره غير
ليش غير ماأدري
اشكرك على دعائك الصادق الذي يتكرر بكل وجود لك وبكل تعليق لي بمدونتك الراقيه
هل الوفى يظل ذليل؟
لا
وهل الحب يذل الحبيب؟
لا
هذا رأيي
على نفسها جنت براقش
شنو اللي مايجوز
يقولون كثر الصّد ينسّي
وأنا أصبّح فيك وأمسّي
.
.
عجبني حييل هالمقطع
مبدع يا براك
كلمات رااااااااااائعة
يعطيك الف عااافية
يقولون كثر الصّد ينسّي
وأنا أصبّح فيك وأمسّي
مساء الورد أخوي براك
قصيدة حلوة بمعانيها ومره بموضوعها
لأنها تلمس جرح الذكرى لناس وأحباب راحوا منبين أيدينا
قصيدة حلوة ومكتوبة بإحساس جهنمي
وبس
بابل
SHAHAD
هناك جملا معينه لاتشعر بها الا عندما تراها مكتوبه أمامك
يقولون كثر الصّد ينسّي
وأنا أصبّح فيك وأمسّي
كانت انعكاس لهذا الشطر
يقولون البعيد عن العين بعيد عن القلب
اشكرك سيدتي
عالية
الله يعافيك
وجودك هو الرائع
بـابـل
مساء الفل استاذي بابل
اشكرك سيدي
بعضا مما لديكم
ياي ياي
:) yat 3ala iljar7
97 lsanik
وااو :)
مشاعر جمييلة قمة في الذوق والحب والشوق
اهني قلبك فيك :)
ya salaaam 3alaik ya barooky :*
6arrashtlah elqa9eedah by email chan yedeg ;P
a7ebbeeeeeeeeeeeeeeeeek :*********
هم بعد دخلت بعد أقراها للمره كم ؟ والله مادرى بس اليوم قريتها مرتين وقبل كم مره .. عد وخربط كم مره قريتها....
احساسى فيها هم غير
تدرى انى قاعده اسمعها على عود مغناه موسيقى داخليه الحين وبصوت المسباح
كتبتها باحساس غير غير
الله يحفظك ويحفظ لك اسرتك
ويحفظ لنا ابداعك
ما اقول يا برااك الا يا حلو الطارى لى صار ذكرى حلوه
تذكرها وينشرح صدرك
وتقول يا ليتها ترجع
الله يهنيك بهالطارى وهالذكريات الحلوه
وعساك دوم متهنى يالغالى
The Voice Within
وكنّي مادريت
صح بدنك
Selezya
غجبتني هالجمله
اهني قلبك فيك
وايضا
الواااو
Om Jaber
شقول
nadeyah
مشكلتي اني مااقرا اللي كتبته وايد
وايد اقرا كتابات غيري
اتجلى فيها
مرات انعكاسات الحروف بحبر القلب تتآلف
ودي اقول شي
بصراحه الى الان مأدري كيف انكتبت ووافقت اني انشرها
ليش كل هذا
ماأدري
اشكرك على دعائك الصادق
charisma
فيه ذكرى تشرح الصدر
وفيه ذكرى تضيع مننا عمر
اشكرك
وتسلمين
latgoool.. ekteb ;p
ام جابر
اوكيه
Post a Comment