قمت أحبّك أكثر
وصار الوله يتنثر
صارت غاية أمنياتي
أشوفك ثواني
صارت معالم حياتي
أوله وأعاني
وبدروبي أتعثر
واحبك اكثر
،،،،،،،
توِن بيوفي أَََنـّه مختفيَه
بألامي ماقصّرت موفيَه
اللي كان كان
كانت هالجمله مكفيَه
وعلمتني شلون
أتصبّر
واحبك اكثر
،،،،،،،،،،
لأني وايد ولَهْت
لإني وايد تِهْت
مالقيت ذرى لأوهامي
ومالقيت أحد جدّامي
غيرك
تصوّر؟؟
13/07/2005
الأربعاء
31 comments:
واااااااااو
وايد وايد
حبيت حرفك هالمرة
براك انت انسان راقي
صاحب احساس شفاف
لكن
شقي لدرجة الابداع
بلحنها وابيعها والمقسوم بالنصيفة
ماشي
ياعيني عليك وانا من اهدك جم يوم ايي الاقيك مبدع
:)يبيلنا نشوف ريفالدو
العزيز براك
الله عليك يا سيدي ..
سيدي ...
تعبير اختناق الدموع في الصدر
خنق عبرتي
فعلا
تصوير جميل للشوق و الوله
شعور الغصة..تختنق
ابداع منك سيدي
أحسنت ..وصفاً وتصويراً
دمت بخير وسلام
صح لسانك
يعطيك العافية على هالابداع
Barrak
آسْتَمْتَعتُ بــِ كَلِمآتُكــَ وَبِهدوءْ حَرْفُكــَ ..،
فـَ مَدآدُ مَحبْرتُكــَ يَنزْفُ بــِ آرَقْ آلمَشاعِرْ
قَلمٌ رَقيقْ مُتَسلسلٌ فآضَ بـــِ نَدى الإبْدآعْ ..،
سَلمَتْ يُمنآكــَ يآمُبْدعَ ..
لــِ قَلْبُكــَ آلزَيْزَفونْ ..~..
وحتى انا صرت اتعبر معاك
عجيييب يا براااك
مساالورد والجوري
مبدعنا الراقي
يازينه من تبعثر
وياحلاته من تصور
وياعذوبته من تذكر
:)
بذمتك بعد كل هذا وما يتعبر
؟؟؟؟
!!!!
دمت بدفء وعذوبه
ابدا
:))
//
لاني قمت أحبّك أكثر
//
احياناً من شده الحب لا نجد سوا الدموع و العبرات لتوضح احساسنا و مشاعرنا ,,
هنيئاً لك بقلبك و قلمك
كُن بخير ^^
منو ينسى
اشكرك ياصاحبة التعليق الاول
ماعليج زود
وعمر الشقي بقي
فريج سعود
انا كلي لك
بس بشرط اللي تغنيها انغام
والموزع هاني فرحات
AK-47
قايلك لاتهدني
ترى اشط وايد
ياخوي الابداع تعلمناه منك ومن ريفالدو
بس السؤال المهم
ليش صاحبنا بكل مناسبه يجيب لنا كنافة نو ر الاقصى ؟؟
والموت يعشق فجأة مثلي..والموت مثلي لا يحب الإنتظار
سيدتي الراقيه
هناك مقطع لسامريه لسيدة الغناء الكويتي المرحومه عايشه المرطه
وهذا السامريه من يتأملها يخرج بقصائد عده
سبب قلبي عيونه هيضني
تولع خاطري والتاع بيه
الى ان تقول
تهل العين والعبره خفيّه
اشكرك ياسيدتي على كلامك الكبير علي
شكرا
بنت أحمد
صح بدنك
الله يعافيك ويخليك
للوش
سيدتي
الحرف الهادئ لايأتي من فراغ
بل من معاناة مختلطه بتأمل واحساس يحاول ان يترجم ماأشعر به بصدق
دائما راقيه بوجودك وبتعليقك
SHAHAD
سلامتج من العبره
اشكرج
فراوله
مساء الفل
بيظل يتعبر
ويتنطر
والوله يتنثر
كل اللي يبيه
يلقى مايتمناه مو أكثر
اشكرك
أسيرة اللوحة
الهيام هو حاله
نحاول ان نترجمها بصدق
أصبح في هذا الزمن القليل من حب يعفون ماهو هذا الحب
وماهيته
اشكرك
يمكن لأني وايد ولَهْت
يمكن لإني وايد تِهْت
ومالقيت ذرى لأوهامي
ومالقيت أحد جدّامي
الله يالبرك
دائماً كلماتك فيها شي غير
لأنك إنت غير
حيييل عجبني الكلام
خصوصاً هالمقطع
ما لقيت أحد جدامي غيرك ..
عشان جذي يوله و يتعبر ..يحق له
و لام الله اللي يلومه
براك
امس كنت بجلسه نقاشيه عن المدونات واخذت انت حيز كبير من النقاش
وكلنا اتفقنا انك تعاني من ابداعك
انا اقولك ليش
انت قبل لاتكون شاعر انسان تملك احساس ساحر وهذا كلام معظم المدونيين وتحب الكويت بطريقه نادره
وانت شاعر متمكن من أدواته الشعريه ومحدد مساره وأهدافه
ارجع لمحور الموضوع
براك
تدري ليش انت تعاني من ابداعك لان الناس اللي ترد عليك وعلى اشعارك مع احترامي لهم بعضهم مايناقشك بكلامك وليش قلت هالكلمه بدل هالكلمه
وانت نوعك ماتتكلم الا لما يسإلونك
براك
لازم توضح للناس انت شقاعد تقول
انت انتقلت من مرحلة الهاوي الى الشاعر المتمكن لك ديوان ولقاءات وندوات وجمهور كبير من المدونين خارج الكويت وداخلها
واحترم فيك انك لم تتطرق لاسم اي شخص بشعرك حتى لو ماتحترمه وهذا الشي محببنا فيك
ادخل على الموضوع
وصار الوله يتنثر
ويتطاير مع ذكرياتك
هذي صوره جميله وله يتنثر كان ممكن تقول وله يتطاير وذكرى تتنثر ولكنك كنت تحب تأكيد ان الوله أعمق من الذكرى وأثقل
يمكن لأني وايد ولَهْت
يمكن لإني وايد تِهْت
ومالقيت ذرى لأوهامي
ومالقيت أحد جدّامي
مالقيت ذرى لأيامي
جلسنا البارحه أكثر من ساعه لتحليل هذا المقطع
الذرى وتذرّى والذروه
كل هذه الكلمات تعني المكان الأمين
العاده ان الانسان يتذرى تحت شجره خوفا من الشمس
ودي تفهم اخواني وتفهمني
مع اني ادري انك خاش شي مع انه واضح
براك مرات يضيق خلقي لما اشوف بوست منك كبير بمعانيه وماالقى الا 10تعليقات
ياناس اقروا مابين السطور هذا الريال قاعد يتعب ويدللكم باحساسه
براك ترى فيه وايد ناس تحبك وانت داخل بتفاصيل حياتها
اسمع هالكلمه برويّه
7osen
لانك حساس
وراقي
ولاني وايد ولهت على تعليقك هني
اشكرك
mtfa2el
هلا فيك اخوي
انت صح
اختصرت كل اللي بقوله
تسلم
qaqoqa
شي يشرفني لما تتناقش بكلامي مع ناس راقيين مثلك
وانا امثل جزء بسيط من هذا العالم حالي حال باقي اخواني المدونيين
انا اعاني من ابداعي
اولا اذا كان كلامي هو ابداع فهذا من فضل الله ومن وجود اخواني المدونين هم الذين صقلوا موهبتي بأسئلتهم وبوجودهم وبتعليقاتهم
فعلا انا ماأحب اتكلم لانه هذا انا احب اقول اللي بقلبي وأبتعد
هذه شخصيتي وتكوينها
اللي يسأل يلقى الاجابه لكني احاول اوضح اللي بقوله ماأقدر او ماأبي
ماادري ليش
بالنسبه للديوان وللندوات هذا لان عالم المدونات بالكويت عالم قوي يساعدك على التميز والاتقاء بالناس وكلنا اخوان نحاول نساعد بعض
صار الوله يتنثر
افرح كثيرا عندما ارى تعليق على كلامي بهذه الصوره النقديه المتمكنه
فعلا اتعب عشان اكتب سطر مو عشان اتميز لا
عشان اني ادري ان الناس اللي تقرا مو سهله ناس فاهمه تلقى فيهم الدكتور المتخفي او الطبيب او صاحب القرار او صاحب فكر متحرر او متقوقع
انا عامل حساب لكل هالناس البسيطه والمعقده
رغم ايماني بأن المدونه هي انت وماتحس به لاتهتم بغيرك فكر بما تريد ان تقوله سواء كان جاد او هزلي
يمكن لأني وايد ولَهْت
يمكن لإني وايد تِهْت
ومالقيت ذرى لأوهامي
ومالقيت أحد جدّامي
جرت العاده ان من يتذرى فإنه يتذرى عن الشمس الى الفي او ظلال الاشجار كما قلت
ولكن اردت ان ابين للقارئ الكريم ان ماأحسسه هو فوق المعقول
لانني اتذرى بأوهامي
اي ان الشمس عندما تحرقني
او الوله عندما يحرقني من كثرته يجبرني على الاستنجاد بالاوهام
تخيل صارت الاوهام ملاذ من هول الوله
وايد اسعدني وجودك والى الان انا اقرا امثالك التي اخترتها
ارجوك لاتبتعد عن عالم المدونات
ولاتبخل علي بأسسئلتك
قاقوقا
نسيت نقطه اسف
بالنسبه لموضوع التعليق
صدقني سهل انك تلقى اكثر من تعليق على موضوع معين هناك أمورا كثيره لو تكلم عنها اي شخص ببوست ممكن تكون التعليقات كثيره
ولكن هل كثرة التعليقات هو هدف بحد ذاته
لا سيدي العزيز
انا يكفيني تعليق واحد يحس بكلامي
او شخص يقرا كلامي ومايعلق بس يفهم اللي بقوله ويستفيد منه وهذا المهم
لاني ماأكتب عشان يعلقون اكتب عشان اقول اللي فيني وبس
وهذا هدفي
ومالقيت أحد جدّامي
غيرك
تصوّر؟؟
!!!!! تصـــوّر
احيانا تصير مُتعب يابراك :(
ما لقيت جدامي غيرك
تصوّر
الله الله الله
احس ان هالموقف تحول الى محور حياة
صدقني يبيلي سنه اصفق لك تحية على هالمقطع بروحه
بوركت ياخوي :)
شي جميل والله يعطيك العافيه
وصح لسانك :)
و الله قمت اتعبر مع كلماتك
ياربي كلمة اتعبر تعور القلب كافي اتخيل ويه ادمي يتعبر حيييييل يعور
فما بالك بحبيب ولهان و يتعبر
:(((
رووووووووعه براك
صح لسانك و عسانا
ما نخلى منك و لا من ابداعك
تراب الكويت
دائما راقيه في تعليقك
شقول
محور حياة كلمة جميله
تجعلني أعيد قراءة ماكتبته
اشكرك ياسيدتي العزيزه
Hashemy
صح بدنك
شكرا
الجميل وجودك
قلب طفله
صح بدنك
والله يبعدك عن التعبّر
اللهم آمين
اشكرك سيدتي
الراقيه
Post a Comment