Tuesday, March 17, 2009

خنتريش






خنتريش

منتريش

عنتريش

شوفوا لنا حل

شتامرون فيه

منقار نعامه؟

وإلا شفايف ضب؟

وإلا عيون خفافيش؟

خنتريش

منتريش

عنتريش

,,,,,,,,


من سنين والحظ رِدِي

والتخمبق ورانا طْرِدي

بقلوبنا حرّات

مِتشتتّه الجهات

صفينا على ماميش

خنتريش

منتريش

حنتريش

,,,,,,,,


فيه ناس عندنا فيها زيران

عن الصح صاروا عِميان

كل شي ينشاف بالمقلوب

من ساسهم لي راسهم عيوب

وتيش بريش

خنتريش

منتريش

حنتريش

,,,,,,,

يابلّورتي تشوفين الشعب

غير تراب هالوطن ماحَبْ

ساكتين يطالعون مذهولين

مابقى شي ويصيرون ميانين

مقزرينها يريش

خنتريش

منتريش

حنتريش

,,,,,,,

شيبي الواحد غير السّنع

الفرح عن شوفتنا إمتنع

وخَّر وقال خلّوني

إنتو اللي ماتبوني

ودي بيناتكم أعيش

خنتريش

منتريش

اذا إنخظ البيبسي

يطيش

18/03/09

الأربعاء

24 comments:

nikon 8 said...

الواقع ما يتبدل بالسحر وإنما
بتبديل ما في نفوسنا
وهذا اللي يبي له حمله جماعية وتوعية
والله المستعان
:)

why me said...

منقار نعامه؟


وإلا شفايف ضب؟




==


لاعت جبدي الله يهداك


لووووووووووول


;pp


بليز


لي عرفت طريقه ابي اسويلي انا بعد


ابي اصير غنيه ومابي اداوم

;pp





====



لا يتبدل الواقع .. بس نقدر نغير مساره

:)


تسلم على الابيات

فريج سعود said...

نبي زهيربة عنوانها يا خرطي

Enter-Q8 said...

براااااااك
أه ه اه
يـــا بلد

بنت أحمد said...

هههههههههههههههههههههه

يقطع ابليسك

شارب شي يااخوي

أشوفك قمت تكلم ربعنا تحت !!! شسالفة

بس تبي الصراحة

صح لسانك كلامك بمكانه

يعطيك العافية & تسلم الأيادي

Sweet Revenge said...

"فيه ناس عندنا فيها زيران "

مافيهم زيران يبيلهم زيران تركبهم يالله يالله يتعدلون

الله كريم

فراوله said...

مساالورد والجوري
مبدعنا الراقي
عقب كل شي صار
بذمتك تتأمل خير بالياي
مااعتقد
كل شي خنتريش
):

Kuw_Son said...

صبحك الله بالخير يا بو الحنتريش

الله يحفظ هالديرة .. و الله يعينا على اللوية الياية !

أسيرة اللوحة said...

هههههههههها
و يطيش ليه ما يطيش

ما عليك بالهداوه كل الاحوال تتبدل ,,
و ربك يعين ,,
نصبر و ندعي ,,


كلماتك سحر فحذاري ان تعيد
^^

أتيت متاخرة said...

حنتريش
حنتريش
حنتريش
عيزت اقولها يا براك ماكو فايدة
يبقى الحال كما هو عليه
بالعربي
ماكو فايدة يتصلح الوضع
لو قلناها من هني لباجر

mtfa2el said...

يبيلهم جادووه مال بو خرشد

والموت يعشق فجأة مثلي..والموت مثلي لا يحب الإنتظار said...

العزيز جداً براك

سيدي...

افتقدت تسجيلك...

الصوت يُوَصِل الرسالة اسرع احياناً:)

دمت دائماً بخير وسلام

Barrak said...

nikon 8


صح لسانك

فعلا محتاجين حمله جماعيه

ويوم عالمي للأخلاق


شكرا جزيلا

Barrak said...

why me


منقار نعامه

هذي سهله

بس منقار ضب

هذي مستحيله

ولان مستحيل الواقع يتغير


تسلمين

Barrak said...

فريج سعود

تامر

Barrak said...

Enter-Q8

سلامتك انت والبلد من الآه



آه

Barrak said...

بنت أحمد

شارب المر من كعاني

مابقى الا جذيه شسوي من القهر


حووووووووووووش حووووووش


صح بدنك

Barrak said...

Sweet Revenge

اي والله الله كريم

والله يهدي الجميع


شكرا

Barrak said...

فراوله

مساء النور والعذوبه


الكلمه الصالحه لهذا الوقت

هو دردبيس مايعرف اليمعه من الخميس

Barrak said...

Kuw_Son

انا ابو العنتريش لو سمحت


نورتني يالغالي
والله يعين الجميع

Barrak said...

أسيرة اللوحة


هههههههه


اشكرك على كلامك

ولن اكرر غلطتي

وهم حوووووووووووووشش

Barrak said...

أتيت متاخرة

يعني برايك ماكو أمل


حتى الحنتريش مانفع


عندنا وعندكم خير

Barrak said...

mtfa2el

ياخي بوخرشد لو متجه للتمثيل وايد احسن


ماأحبه

Barrak said...

والموت يعشق فجأة مثلي..والموت مثلي لا يحب الإنتظار

سيدتي الغاليه

اشكرك على ذوقك


ويمكنك الاتجاه الى القسم الثاني من المدونه


تمت اضافة 3 مقاطع جديده