Sunday, March 15, 2009

طرّة نور




محتاج حضور

....يروي عيوني وقليبي

محتاج شعور

.....يحسّسني إنك حبيبي


أبيك أكثر .. تداريني


أبيك أكثر .. تحس فيني


حرام أموت فيك


وخاطري مكسور


محتاج حضور


..........

أبي أتفزّز ألقاك يمّي

أبي تذوب ...بدمّـــي

وتسكِن تفاصيل حلمي

ماأنام مقهور

محتاج حضور

...........

مطلبي مو صعب عليك

دارني مثل...ماأداريـك

خلها دايم محاريك

تهل مثل طرّة النور

محتاج حضور

12/02/2009
الخميس

طرة النور : حينما يظهر نور الصباح

19 comments:

esTeKaNa said...

ومتى يطلع النور؟
وينجبر خاطرن مكسور؟
....

:)
مساء رقيق برقة تلك المشاعر التي كتبت طرة النور
تدري؟
نادر ان نعترف بشجاعه بتلك المشاعر
اهنئك على شجاعتك القلبيه

Sweet Revenge said...

اي والله بس مدارات
مو اكثر
يسلملي احساسك الهادي الحلو هذا
:)

حياتي هدف مو عبث said...

أبي تذوب ...بدمّـــي
وتسكِن تفاصيل حلمي
ــــ
عجيب ما شاءالله هالكلام
:)

ميرامار said...

محتاج حضور
وخاطري مكسور

ويه انشلع قلبي


ليش الترجي؟
قول له/لها يصير اقوى من جذي

:)

ميرامار said...

ايييه.. وحبيت كلمة طرة نور :)

يسلم قلمك

AK-47 said...

تدري عاد لو صاحبنا زين الشباب يكتب شعر

طرة نور اول شي يكتبه لانه حده محتاج حضور :)

Kuw_Son said...

أبي أتفزّز ألقاك يمّي

أعجبني وايد هالمقطع .. و توقفت عنده لحظات أفكر شلون الواحد يتفزز بالليل و وده يلاقي يمه حبيبه

والموت يعشق فجأة مثلي..والموت مثلي لا يحب الإنتظار said...

العزيز جداً براك

مساؤك جميل رقيق كرقة ولطافة قلبك الدافيء


جميل هذا البيت

حرام أموت فيك
وخاطري مكسور

الله عليك ...

ذكرني في بيت جميل جداً قائلة شاعر المليون محمد بن فطيس..يقول فيه

تزعل وترجع وتلقاني على خبرك
وانا انكسر لك وأجيك أدور الجبري

سلمت يداك

سيدي

براك

دمت بخير وسلام

للوش said...

الشوق والحنان مسافة طريق, وليس ساعةزمن, وليس انبهار لحظة ....
هو تلك الانتفاضة العذبة التي تجعل الأمل يتجدد ,
والإبداع يصحو , فالشوق معلم عصرى
لأنبل العواطف الإنسانية على الإطلاق,,,
الذين يشتاقوا يحيوا الحياة بشكل أكبر

Barrak
\\
//
تتعثر....!
الكلمات في بعضها...

وهي تتسابق .. كل واحدة منها
تتمنى ان تحظى بشرف معانقة

حروفك التي انتصبت شامخة
لتضيف هيبة للمكان وجمالا للزمان


فما احلا ترانيم الحب ومشتقاته ومعطياته ونظرياته ..


تقبل وافر الود,,,

كل شكري وتقديري وأمتنااني
لشخصك الراائع 000تحيــه صادقــه
أبعثها لك ..

دام وصالك....
لاعدمناك....

Barrak said...

esTeKaNa

حلوه خاطرن


مساء الخير


تدرين


احساسك يدتي هو النادر


اشكرك ياسيدة التعليق الاول

Barrak said...

Sweet Revenge

اي والله مو أكثر

تسلمين سيدتي
الراقيه

Barrak said...

حياتي هدف مو عبث

اشكر ك سيدتي


تسلمين

Barrak said...

ميرامار

بقولهم

وسلامة قلبك

طرة نور


كانت اصل الكلمه


لين طر النور


ولكن طرة النور اعمق


شكرا لك

Barrak said...

AK-47

تعليقك ذكي


وصاحبنا هالايام يعاني من امور اعمق واكبر وأدق من الزلف



تدري لو يدري عنا انا وياك ان احنا نايمين فيه هني وعندك

صدقني راح يصير اهو طارق العلي

وانا وياك كومبارس



ترى ريكيلمي ومارادونا تزاعلوا


لازم نصالحهم ياخوي

Barrak said...

Kuw_Son


التفزز بالليل دايما مو حلو

لكن يصير حلو اذا حلمك لقيته جدامك قبل لاتحلمه

دايما راقي

وتحس فيني

لانك فنان

Barrak said...

والموت يعشق فجأة مثلي..والموت مثلي لا يحب الإنتظار


مساء الرقه

سيدتي


حرام

الواحد يحب وخاطره مكسور

هالاحساس يؤلم وايد



لم اقرا لبن فطيس



ولكن اعتقد انه فنان ذكي

بحسب راي الناس


واستمتعت بقراءة لقاء له في احدى الصحف



كان مقتدرا
وتمكن
والان وجدت الدليل في الابيات التي اخرتيها

سيدتي

اشكرك

Barrak said...

للوش

شقول


بس كلامك قريته مرات


ولقيت فيه فوق رقّته
طرة نور


اشكرك على هذا الحضور

سيدتي العزيزه

esTeKaNa said...

يدتي؟

Barrak said...

استكانه

السموحه
كانت غلطه مطبعيه


احساسك يدتي هو النادر
=
احساسك سيجتي هو النادر

نسينا السين

اسفين


والله يطول بعمر يداتنا ويدّات المسلمين