محتاج حضور
....يروي قليبي
محتاج شعور
.....محتاج اكثر حبيبي
أبيك .. تداريني
أبيك .. تحس فيني
حرام أموت فيك
وخاطري مكسور
محتاج حضور
.....محتاج اكثر حبيبي
أبيك .. تداريني
أبيك .. تحس فيني
حرام أموت فيك
وخاطري مكسور
محتاج حضور
..........
أبي ألقاك يمّي
أبي تذوب ...بدمّـــي
وتسكِن تفاصيل حلمي
ماأنام مقهور
محتاج حضور
...........
مطلبي مو صعب عليك
دارني مثل...ماأداريـك
خلها دايم محاريك
تهل مثل طرّة النور
محتاج حضور
12/02/2009
الخميس
طرة النور : حينما يظهر نور الصباح
19 comments:
ومتى يطلع النور؟
وينجبر خاطرن مكسور؟
....
:)
مساء رقيق برقة تلك المشاعر التي كتبت طرة النور
تدري؟
نادر ان نعترف بشجاعه بتلك المشاعر
اهنئك على شجاعتك القلبيه
اي والله بس مدارات
مو اكثر
يسلملي احساسك الهادي الحلو هذا
:)
أبي تذوب ...بدمّـــي
وتسكِن تفاصيل حلمي
ــــ
عجيب ما شاءالله هالكلام
:)
محتاج حضور
وخاطري مكسور
ويه انشلع قلبي
ليش الترجي؟
قول له/لها يصير اقوى من جذي
:)
ايييه.. وحبيت كلمة طرة نور :)
يسلم قلمك
تدري عاد لو صاحبنا زين الشباب يكتب شعر
طرة نور اول شي يكتبه لانه حده محتاج حضور :)
أبي أتفزّز ألقاك يمّي
أعجبني وايد هالمقطع .. و توقفت عنده لحظات أفكر شلون الواحد يتفزز بالليل و وده يلاقي يمه حبيبه
العزيز جداً براك
مساؤك جميل رقيق كرقة ولطافة قلبك الدافيء
جميل هذا البيت
حرام أموت فيك
وخاطري مكسور
الله عليك ...
ذكرني في بيت جميل جداً قائلة شاعر المليون محمد بن فطيس..يقول فيه
تزعل وترجع وتلقاني على خبرك
وانا انكسر لك وأجيك أدور الجبري
سلمت يداك
سيدي
براك
دمت بخير وسلام
الشوق والحنان مسافة طريق, وليس ساعةزمن, وليس انبهار لحظة ....
هو تلك الانتفاضة العذبة التي تجعل الأمل يتجدد ,
والإبداع يصحو , فالشوق معلم عصرى
لأنبل العواطف الإنسانية على الإطلاق,,,
الذين يشتاقوا يحيوا الحياة بشكل أكبر
Barrak
\\
//
تتعثر....!
الكلمات في بعضها...
وهي تتسابق .. كل واحدة منها
تتمنى ان تحظى بشرف معانقة
حروفك التي انتصبت شامخة
لتضيف هيبة للمكان وجمالا للزمان
فما احلا ترانيم الحب ومشتقاته ومعطياته ونظرياته ..
تقبل وافر الود,,,
كل شكري وتقديري وأمتنااني
لشخصك الراائع 000تحيــه صادقــه
أبعثها لك ..
دام وصالك....
لاعدمناك....
esTeKaNa
حلوه خاطرن
مساء الخير
تدرين
احساسك يدتي هو النادر
اشكرك ياسيدة التعليق الاول
Sweet Revenge
اي والله مو أكثر
تسلمين سيدتي
الراقيه
حياتي هدف مو عبث
اشكر ك سيدتي
تسلمين
ميرامار
بقولهم
وسلامة قلبك
طرة نور
كانت اصل الكلمه
لين طر النور
ولكن طرة النور اعمق
شكرا لك
AK-47
تعليقك ذكي
وصاحبنا هالايام يعاني من امور اعمق واكبر وأدق من الزلف
تدري لو يدري عنا انا وياك ان احنا نايمين فيه هني وعندك
صدقني راح يصير اهو طارق العلي
وانا وياك كومبارس
ترى ريكيلمي ومارادونا تزاعلوا
لازم نصالحهم ياخوي
Kuw_Son
التفزز بالليل دايما مو حلو
لكن يصير حلو اذا حلمك لقيته جدامك قبل لاتحلمه
دايما راقي
وتحس فيني
لانك فنان
والموت يعشق فجأة مثلي..والموت مثلي لا يحب الإنتظار
مساء الرقه
سيدتي
حرام
الواحد يحب وخاطره مكسور
هالاحساس يؤلم وايد
لم اقرا لبن فطيس
ولكن اعتقد انه فنان ذكي
بحسب راي الناس
واستمتعت بقراءة لقاء له في احدى الصحف
كان مقتدرا
وتمكن
والان وجدت الدليل في الابيات التي اخرتيها
سيدتي
اشكرك
للوش
شقول
بس كلامك قريته مرات
ولقيت فيه فوق رقّته
طرة نور
اشكرك على هذا الحضور
سيدتي العزيزه
يدتي؟
استكانه
السموحه
كانت غلطه مطبعيه
احساسك يدتي هو النادر
=
احساسك سيجتي هو النادر
نسينا السين
اسفين
والله يطول بعمر يداتنا ويدّات المسلمين
Post a Comment