من قال خان!!؟؟
لا
بس كسر فيني الأمان
من قال خان!!؟؟
بس.. موّت بعيوني الوفى
أظنتي ....الحب أبد مايعرفه
أظنتي رسمني
للألم عنوان
من قال
من قال خان ؟؟!!
،،،،،،،
لاأبد .. مابعثر أحلامي
لا أبد ماشفته جدّامي
يدمّر حياتي بخيانه
مايشيل بقلبه أمانه
مايتحمّل يكون
إنسان
من قال
من قال خان ؟؟!!
،،،،،،،،
عمره ماغلط بحقي ....نوبــه
عمري ماشفت ....عيوبــــــه
كان ملاك حنون
كان ماي العيون
على هدبها يبان
من قال
من قال خان
لا
أظنتي ....الحب أبد مايعرفه
أظنتي رسمني
للألم عنوان
من قال
من قال خان ؟؟!!
،،،،،،،
لاأبد .. مابعثر أحلامي
لا أبد ماشفته جدّامي
يدمّر حياتي بخيانه
مايشيل بقلبه أمانه
مايتحمّل يكون
إنسان
من قال
من قال خان ؟؟!!
،،،،،،،،
عمره ماغلط بحقي ....نوبــه
عمري ماشفت ....عيوبــــــه
كان ملاك حنون
كان ماي العيون
على هدبها يبان
من قال
من قال خان
لا
بس كسر فيني الأمان
من قال خان
8/1/2009
الخميس
من قال خان
8/1/2009
الخميس
34 comments:
الله الله الله
ابدعت يا وخيي الغالي
اصعب شي في الحب الخيانه
بس كسر فيني الأمان
وايد حلو هالتعبير
تسلم ايدياتك
اول ماقريت العنوان غنيت اغنية نبيل شعيل من قال.. ولمن قريتها حدي تنحت .. وتذكرت سلمان خان مادري ليش لا تسألني ؟؟
بس كلمات عجيبة والله ..
بس كسر فيني الامان
!!
وايد اثرت فيني
حسيتها حيل
وشفت بحروفها ذاك الامان اللي كان بقلبي
لهم شلون تكسر وراح
دايما تشبع مشاعرنا يابراك
تسلم حروفك
من غير لا ألتفت صوبه
عيني ما تدل غير دروبه
أرتوي من اجفانه
وانكسر من احزانه
من قال
من قال خان
لا بس كسر فيني الأمان
من قال خان
اليوم
عورت قلبي
كعادتك مبدع
وهالمرة جات مؤثرة
تغلغلت في الصميم
//
أرق التحايا لسموك
صح لسانك لاهنت
وتسلم الأيادي
مايشيل بقلبه أمانه
مايتحمّل يكون
إنسان
من قال
من قال خان ؟؟!!
الللله يا براك
تسلم ايدك على هالإبداع
بس كسر فيني الأمان
من قال خان!!؟؟
أظنتي.. موّت بعيوني الوفى
كسر فيني الامان روعة براك
بس الي مثل هذا ما يستاهل تموت الوفا علشانه
ما يعرف معناه شلون تبيه يحييه
صح السانج شاعر
:)
جميل أن تبرر لمحبوبك خيانته
أو خياناته
في الاخير أنت تهدأ
نفسك
و روعك
و قلبك
حتى لا يثور
أو يكون من عداد الموتى
!!
خان و نص
لكن الدنيا دوااااره
!!
مايشيل بقلبه أمانه
.
.
.
وهالله هالله بالأمانه
يوم أمنتك بقلبي
===
القلب لي سلمته لشخص يكون أمانة
يحفظها ويصونها ويداريها لأنها امانة
وكلمتك ذكرتني بأغنيه هالله هالله بالأمانة
:)
تدري شنو اقسى كلمة؟
كسر فيني الأمان
!!
والكسر صعب ينجبر
واصعب احساس ان يعيش القلب فاقد امانه بكل الناس
نص مؤلم لدرجة الآه
ولم يكن كذلك لولا ابداع مشاعرك وصدقها
يعطيك العافيه
العزيز براك
وهل يعتبر العبد الفقير مثلي فنان ..أمامكم
كبير يا براك دائما
كما عهدتك
اهداء عبادي بس معك ... اسمعها على رواق
دمت بخير وسلام
Barrak
//
\\
كلمات قوية معبرة،،
تحمل في طياتها كل الألم
كلماتك قوية و تلامس نبض القلوب،،
و إحساس شديد بالفقد، و أخذت أحاسيسي معك إلى ذلك المكان،،
و لا حرمنا الله قلمك
و دمتَ لنا
وفي انتظار جديدكَ ...
سأصفق للألم هنا
وأقوووول اللللللللللللللللله
على هذه الرائعة
بس كسر فيني الامان
براك ابسألك : ليش انت كلماتك تيي على الجرح
ياخي ارحم مشاعرنا شوي
كسر فيني الأمان
ورسمني للألم عنوان
براك .. في أقسى من هالتعبيرين !
شوي شوي علينا ..
احساسك جدا عالي ويوصل القلب
يازين الحجي الكويتي لي ياك بأبيات شعـر ..
قواك الله وصح لسانك :)
حين يبهرك شيءٌ ما ..
يلجمك تماماً ..
هذا ما أحدثه نصك ..
أبدعت بقووووة ..
صج الخيانه تكسر الثقه والامان :(
تسلم الايادي
تحياتي
مساالورد والجوري
مبدعنا الراقي
من الصعب ايجاد الحب بهذا الدنيا
التي نعيشها
وعندما نلقاه ويصبح نصب أعيننا
فجأه وبدون
سابق انذار
يغفو...ويحلم..ويصحو
علي صفعه أبديه
تسمي بالخيانه
آآآآآآآآه يالقلب
المسكين
ما تقوى علي تلك الطعنه
خنت حيلي
):
دمت كما انت بدفء وعذوبه
ابدا
وحشتني ينابيعك
الصادقه
:))
Mamloo7a Q8ia
سيدتي صاحبة التعليق الاول
اصعب شي بالدنيا الخيانه
غلطت أنا غلطت أنا
الله يسلمك
طموحة مملوحة
عاد سلمان خان مااواطنه
لانه عنده شعر
لا وناعم بعد الصنم
Najmah
ممكن اقول حرق
حرق فيني الامان
أو
انطفى فيني الامان
بس الغدر دايما يكون له صوت باليوف يوجع
ودايما الكسر يوجع وصوته يوجع أكثر
اشكرك
ZooZ "3grbgr
اليوم انتي بدّعتي
بنت أحمد
سموي مره وحده
احنا تلاميذك يابنت أحمد
الله يحفظك
Fashionista
الله يسلمك ويخليك
اشكرك
Sweet Revenge
صح بدنك
اشكرك سيدتي
دبي
اي والله دواره
اشكرك ياسيدتي
واشكر تواصلك
وماتشوفون شر
esTeKaNa
تذكرت شي بااغنية هالله هالله بالامانه
شاءت الأقدار يازين الطباع في فؤادي تطبعك
اخ بس يااستكانه اخ
اشكرك
والموت يعشق فجأة مثلي..والموت مثلي لا يحب الإنتظار
اشكرك سيدتي
الكبير ربنا سبحانه
بس معك
اي سنه كان هالالبوم
؟؟؟
للوش
اشكرك على وجودك
وتلك الكلمات تكونت بفعل لحظات كانت قاسيه بعض الشي
ومثل ماقلت
من قال
اشكرك
أتيت متاخرة
انتو بعد رحموني من احساسكم بالحروف
بالمعاني
انتو رحموني
بنظرتكم للكلمات
انتو رائعين
حتى بفهم تكوين اللحظه
شكرا لكم
ولك سيدتي المتأخره
SHAHAD
أحساسك اعلى
وأرقى
اشكرك سيدتي
Kuwait
صح بدنك شكرا جزيلا
شغبـ أنثى
ماكتب بصدق يصل بصدق
اشكرك سيدتي على صدقك
تشرفت بهذا المرور
ANGEL HEART
الله يسلمك
والقلب الطيب دايما رايح جفي
فراوله
ينابيع صادقه
ودايما الينابيع الصادقه تنبت حواليها فراوله
اشكرك سيدتي الراقيه
وايد
Post a Comment