Thursday, February 12, 2009

مموَّش





من خيّش؟؟

وعلى أحلامنا كوّش

من اللي إرتاح بدنياه

من اللي بصدره آه

وبهمومه تفلّش

من خيّش؟؟

********

أمانينا تلاعبنا لبّيده

صادنا الجمود صيده

الكل يلم وليدَه

وقاعد يتطمّش

من خيّش؟؟؟؟

******

تصريحات تهد جبال

هذا حرام ذاك حلال

وعمبر أخو بلال

الحلم بداخلنا فنقَش

من خيّش؟؟

****

نهتم بأحوال سوق السّمج

دام التخلف صوبنا دِبَج

ندج المعبوج دج

ونطيحله مموّش

شالمشكله لو صرنا

التلّش

من خيش


20/11/2008
الخميس


الترجمه

خيّش : أي بقي بآخر الترتيب او القائمه

تفلّش : بتشديد اللام وتسكين الشين أي تأذى كثيرا وعاده ماتطلق الكلمه على اي 

شي يتكسر مثال زلق جسوم بالمدربان وتفلّش

لبيده : بتشديد الباء أي أوستغمّايه بالمصري

يتطمّش : أي يشاهد

عمبر اخو بلال : اي لن تتغير الحاله مادام عمبرا أخو بلالا 

فنقش : أي سحب الجيكر أو مات

دبج : أي أتانا راكضا والمفرد دبجه

المعبوج : وتنطق الجيم جيما فارسيه أي الفلفل الحار وهناك من يطلق على

 المعبوج جرَاقي

أموّش : أنظر الصوره

التلّش : أي الأخير مثل ترتيب منتخب الكويت بالتصنيف العالمي للإتحاد العالمي

لكرة اليد

46 comments:

Mamloo7a Q8ia said...

أمانينا تلاعبنا لبّيده
صادنا الجمود صيده

اي والله ياوخيي يا براك
واحنا التلش بعد
:(

حجر كريم said...

funky >>

تعلمت كلمات يديده

ببركاتج ... :)

SHAHAD said...

صح لساااانك

مع إني مااحب المموش :/

Enter-Q8 said...

شعب المموش صار تلش

كويــتي لايــعه كبــده said...

صدقت وصح لسانك
عز الله تلّش


بس جوعتني على هالصورة والدنيا ليل
:)
هني وعوافي
الغدا مال أول على هالأصناف والترتيب
صحة

Fashionista said...

التلّش : أي الأخير مثل ترتيب منتخب الكويت بالتصنيف العالمي للإتحاد العالمي لكرة اليد


لوووول
عجبني التشبيه


فعلا يبيله مموش اليوم

أتيت متاخرة said...

من خيّش؟؟
وعلى أحلامنا كوّش
ومن اللي إرتاح بدنياه
ومن اللي بصدره آه
وبهمومه تفلّش
من خيّش؟؟

واااااااااااااايد ناس
********
أمانينا تلاعبنا لبّيده
صادنا الجمود صيده
الكل يلم وليدَه
وقاعد يتطمّش
من خيّش؟؟؟؟

شعارها يا روح ما بعدك روح
ومال عمك ما يهمك
******
تصريحات تهد جبال
هذا حرام ذاك حلال
وعمبر أخو بلال
الحلم بداخلنا فنقَش
من خيّش؟؟
فرق تسد هذا اللي يبونه
****
نهتم بأحوال سوق السّمج
دام التخلف صوبنا دِبَج
ندج المعبوج دج
ونطيحله مموّش
شالمشكله لو صرنا
التلّش
من خيش

أقصى اهتماماتنا غير مفيدة لذلك نسير في دائرة التخلف

براك ... طرح اجتماعي ناقد باسلوب ساخر
سلمت يداك

عثماني said...

طبيعي نكون بالتلش يا براك

طبيعي

:(

دروازة said...

أخي المبدع براك

صح لسانك

لا تسأل المجروح
مابيده حيله
ما لقى من يشيله
خانته الدنيا
وهدته الجروح
لا تسأل المجروح

وسلامتك :)

شوقتني على المموش

والموت يعشق فجأة مثلي..والموت مثلي لا يحب الإنتظار said...

العزيز براك

صح لسانك يا اخوي

بس العجيب

المعاني

جراقي من وين يبتها؟؟

وانظر الصورة عجيبة

يوعتني

بس ان شاء الله مو تلّش

دمت بخير وسلام

Barrak said...

Mamloo7a Q8ia


امانينا تلاعبنا لبيده

كل ماندورها تنخش
وكل ماتدورنا تنخش


وعلى هالاساس صرنا صيد سهل للجمود والسكون

اي والله صرنا التلش

Barrak said...

حجر كريم


من وين مطلعه فنكي


انا على هالصلعه تكتبيم لي بركاتج

بركاتج


اشكرك على المرور

Barrak said...

SHAHAD


صح بدنك

قيه احد مايحب المموش


لا لا لا

Barrak said...

Enter-Q8

مادري ليش قريت كلامك وتذكرت فيلم دندش مال نيللي

Barrak said...

كويــتي لايــعه كبــده

صحه على ألبك حبيبي

تبي اطرشلك نغصه

Barrak said...

Fashionista

اليوم راح يكون يوم المموش العالمي

Barrak said...

أتيت متاخرة


من خيش

وايد ناس


ههههههههههههههههههههههههههههههه

ضحكت وايد

فرق تسد

ضاق خلقي وايد


مشكوره وايد وايد

Barrak said...

عثماني


طبيعي منك يغارون

ولاتلعب معاهم سوني

والا اعزمني وانا اشلخهم لك

Barrak said...

دروازة

الله يبعد الجروح عن ابناء هذا الوطن

اسعدني وجود شخص راقي مثلك بهذه المدونه


تسلم

Barrak said...

والموت يعشق فجأة مثلي..والموت مثلي لا يحب الإنتظار



صح بدنك

ياصاحبة الذوق الموسيقي المرهف

بالنسبه للجراقي هذا لقب يطلق على المعبوج الحار

وهذا اللقب اخترعه من هم من مواليد الستينيات

اصحاب الغتره على الجتف


بالنيبه لانظر الصوره

اذكر جازي القديم الكحلي اللي قبل الازمه

مكتوب على لون العينان ولون الشعر انظر الصوره


وشكرا لك

ومنتظر المقطوعه الخليجيه

7osen said...

الصراحة الصورة عجيييييبة
ذكرتني بغداي اليمعة اللي طاف

احب المموش لما قريت العنوان على طوول ركضة على بلوقك

ههههه

توظيف عجيييب للمفردات والافكار

ابداع مستمر

يعطيك العافية

Fahad Al Askr said...

صح لسانك

بس سؤال

شنو يعني مدربان؟

nikon 8 said...

عوافي عليك المموش
تتهنى فيه وتلحفه بالرقي المفلش
وعقبها تدور وينك يا فراش تراني متليش
الرفعة والعزة لك وعدوينك التلش

a7ibich yl KWT said...

والحلم داخلنا فنقش

صاج

كلامك يعور القلب

DUBAI said...

صعبة كلماتكم الكويتية البحتة
قلت يمكن لها معنى
بس شفت مب موجودة في قاموسنا
حالنا ما يسرش يا أخوي
!!

charisma said...

اايييه يا برااك
الشكوه لله

:(


صح السانك

esTeKaNa said...

البوست ريحته مموش
:)
اللي يونسني بهالنوع من النصوص
الترجمه الاخيره
وخاصه لما تنحط الكلمة بجمله مفيده:
زلق جسوم بالمدربان
هههههههههههه
وهالمرة صايره الترجمه بالمصري
وهذا نوع اخر من الثقافه ما شاء الله
:)))
يعطيك العافيه اخوي العزيز دائما براك

ZooZ "3grbgr" said...

مبدع كالعادة يا براك

ويه عسى الحلم ما يفنقش دتخلنا

شنتريى لي منا راح

ما بقى شي ننشده غيره





طبعاً الكل تشوق عالمموش

عليك بألف عافيه

آنا مو من ربع العيوش

بالمناسبات بس

شوقني الرقي

ههههههههههههه

بس شنو اللي على اليسار

روب ولا كبة بلبن؟؟

AK-47 said...

كبير والله

والموت يعشق فجأة مثلي..والموت مثلي لا يحب الإنتظار said...

العزيز براك

اسمع ... الاغنية عزفتها


دمت بخير وسلام

والموت يعشق فجأة مثلي..والموت مثلي لا يحب الإنتظار said...
This comment has been removed by the author.
والموت يعشق فجأة مثلي..والموت مثلي لا يحب الإنتظار said...

بنزلها بالليل

Barrak said...

7osen

اول شي شلون راسك

عساه اشوه

لازم اسوي خلطه تجمع المموش بمشاكلنا

عشان تكون القضسه قضيه محليه بحته



تسلم ياخوي

Barrak said...

Fahad Al Askr

المدربان ياطويل العمر يعني ممر

Barrak said...

nikon 8


اثاريك شاعره واحنا ماندري

مااقدر اجاريك

اشكرك على مرورك سيدتي

Barrak said...

a7ibich yl KWT


المشكله بس انا وياج والناس اللي قلبها هالبلد اهم اللي يحترون


اما الباجي

طنش


اشكرك على مرورك

Barrak said...

دبي


هلا فيج يادبي


اللحين احنا كلمنا اللي صعب


اوكيه
بما اني عشت في الامارات سنه ونصف
عندي القدره على فهم جميع لهجاتكم المحليه ابتداءا بالعين وانتهاءا بام القيويون

بس عندي سؤال

اللحين لما اقول حق واحد شي يقولي هيييه

انا علبالي حاط قول

شنو هيه

قول ايه وخلصنا

بذمتك بشكاره باي قاموس تلقينها

Barrak said...

charisma

صح بدنك ياوخيتي

Barrak said...

esTeKaNa

لا وانتي الصاجه

البوست ريحته دقوس صبار

دايما احاول اني ابسط الكلام بالترجمه مع شوية بهارات

مشكوره ياوخيتي العزيزه

تسلمين

Barrak said...

ZooZ "3grbgr


العيوش اهي اللي موديتنا بداهيه


بالنسبه لاستفسارك

هذي الصوره مو انا مصورها لقيتها بالنت
ماادري شنو اللي موجود عاليسار

بس اظن جراقي

Barrak said...

AK-47

الكبر لله
وابن ادم دوم صغير

Barrak said...

والموت يعشق فجأة مثلي..والموت مثلي لا يحب الإنتظار


مو قلتلك انك فنانه

|:| DUBAI |:| said...

هاهاهاهاها

اي

ما يستوي

عندنا

يعني تخيل شحفان القطو

يقول اي؟

ما تركب

خخخخخ

عيل سمعت بدختر؟

لوول

Barrak said...

دبي


الدختر هذي عندنا

يعني الدكتور


بس لما واحد يقولي اخوي انت تدوخ

قلت بيعطيني بندول

طلع قصده انت تشرب زجاير

ماابي اقول بعد

بس كافي

انا مااقول الا
باروح للسيدريك صوب الماحابيبي

Sweet Revenge said...

هذا مموش وجذي لو بنغديك مربين شبيطلع معاك
عوافي :)

Barrak said...

Sweet Revenge

ربي يعافيك ويخليك


وترى المربين مو زين بالشتا