Sunday, February 15, 2009

من قال ؟؟؟



من قال خان!!؟؟

لا

بس كسر فيني الأمان


من قال خان!!؟؟


بس.. موّت بعيوني الوفى

أظنتي ....الحب أبد مايعرفه


أظنتي رسمني


للألم عنوان


من قال


من قال خان ؟؟!!


،،،،،،،


لاأبد .. مابعثر أحلامي


لا أبد ماشفته جدّامي


يدمّر حياتي بخيانه


مايشيل بقلبه أمانه


مايتحمّل يكون


إنسان


من قال


من قال خان ؟؟!!


،،،،،،،،


عمره ماغلط بحقي ....نوبــه


عمري ماشفت ....عيوبــــــه


كان ملاك حنون


كان ماي العيون


على هدبها يبان


من قال


من قال خان


لا


بس كسر فيني الأمان

من قال خان


8/1/2009
الخميس

34 comments:

Mamloo7a Q8ia said...

الله الله الله
ابدعت يا وخيي الغالي

اصعب شي في الحب الخيانه

بس كسر فيني الأمان
وايد حلو هالتعبير

تسلم ايدياتك

طموحة مملوحة said...

اول ماقريت العنوان غنيت اغنية نبيل شعيل من قال.. ولمن قريتها حدي تنحت .. وتذكرت سلمان خان مادري ليش لا تسألني ؟؟

بس كلمات عجيبة والله ..

Najmah said...

بس كسر فيني الامان
!!
وايد اثرت فيني
حسيتها حيل
وشفت بحروفها ذاك الامان اللي كان بقلبي
لهم شلون تكسر وراح
دايما تشبع مشاعرنا يابراك
تسلم حروفك

ZooZ "3grbgr" said...

من غير لا ألتفت صوبه
عيني ما تدل غير دروبه
أرتوي من اجفانه
وانكسر من احزانه
من قال
من قال خان
لا بس كسر فيني الأمان
من قال خان



اليوم
عورت قلبي

بنت أحمد said...

كعادتك مبدع

وهالمرة جات مؤثرة

تغلغلت في الصميم

//

أرق التحايا لسموك

صح لسانك لاهنت

وتسلم الأيادي

Fashionista said...

مايشيل بقلبه أمانه
مايتحمّل يكون
إنسان
من قال
من قال خان ؟؟!!

الللله يا براك

تسلم ايدك على هالإبداع

Sweet Revenge said...

بس كسر فيني الأمان
من قال خان!!؟؟
أظنتي.. موّت بعيوني الوفى


كسر فيني الامان روعة براك
بس الي مثل هذا ما يستاهل تموت الوفا علشانه
ما يعرف معناه شلون تبيه يحييه
صح السانج شاعر

|:| DUBAI |:| said...

:)

جميل أن تبرر لمحبوبك خيانته

أو خياناته

في الاخير أنت تهدأ

نفسك

و روعك

و قلبك

حتى لا يثور

أو يكون من عداد الموتى

!!

خان و نص

لكن الدنيا دوااااره

!!

esTeKaNa said...

مايشيل بقلبه أمانه
.
.
.
وهالله هالله بالأمانه
يوم أمنتك بقلبي
===
القلب لي سلمته لشخص يكون أمانة
يحفظها ويصونها ويداريها لأنها امانة
وكلمتك ذكرتني بأغنيه هالله هالله بالأمانة
:)
تدري شنو اقسى كلمة؟
كسر فيني الأمان
!!
والكسر صعب ينجبر
واصعب احساس ان يعيش القلب فاقد امانه بكل الناس



نص مؤلم لدرجة الآه
ولم يكن كذلك لولا ابداع مشاعرك وصدقها
يعطيك العافيه

والموت يعشق فجأة مثلي..والموت مثلي لا يحب الإنتظار said...

العزيز براك

وهل يعتبر العبد الفقير مثلي فنان ..أمامكم

كبير يا براك دائما

كما عهدتك

اهداء عبادي بس معك ... اسمعها على رواق

دمت بخير وسلام

للوش said...

Barrak
//
\\
كلمات قوية معبرة،،
تحمل في طياتها كل الألم
كلماتك قوية و تلامس نبض القلوب،،
و إحساس شديد بالفقد، و أخذت أحاسيسي معك إلى ذلك المكان،،

و لا حرمنا الله قلمك

و دمتَ لنا
وفي انتظار جديدكَ ...

أتيت متاخرة said...

سأصفق للألم هنا
وأقوووول اللللللللللللللللله
على هذه الرائعة
بس كسر فيني الامان

براك ابسألك : ليش انت كلماتك تيي على الجرح
ياخي ارحم مشاعرنا شوي

SHAHAD said...

كسر فيني الأمان
ورسمني للألم عنوان

براك .. في أقسى من هالتعبيرين !
شوي شوي علينا ..

احساسك جدا عالي ويوصل القلب

Kuwait said...

يازين الحجي الكويتي لي ياك بأبيات شعـر ..
قواك الله وصح لسانك :)

شغبـ أنثى !! said...

حين يبهرك شيءٌ ما ..

يلجمك تماماً ..


هذا ما أحدثه نصك ..



أبدعت بقووووة ..

ANGEL HEART said...

صج الخيانه تكسر الثقه والامان :(


تسلم الايادي

تحياتي

فراوله said...

مساالورد والجوري
مبدعنا الراقي
من الصعب ايجاد الحب بهذا الدنيا
التي نعيشها
وعندما نلقاه ويصبح نصب أعيننا
فجأه وبدون
سابق انذار
يغفو...ويحلم..ويصحو
علي صفعه أبديه
تسمي بالخيانه
آآآآآآآآه يالقلب
المسكين
ما تقوى علي تلك الطعنه
خنت حيلي
):
دمت كما انت بدفء وعذوبه
ابدا
وحشتني ينابيعك
الصادقه
:))

Barrak said...

Mamloo7a Q8ia

سيدتي صاحبة التعليق الاول

اصعب شي بالدنيا الخيانه

غلطت أنا غلطت أنا

الله يسلمك

Barrak said...

طموحة مملوحة


عاد سلمان خان مااواطنه

لانه عنده شعر
لا وناعم بعد الصنم

Barrak said...

Najmah

ممكن اقول حرق

حرق فيني الامان

أو

انطفى فيني الامان

بس الغدر دايما يكون له صوت باليوف يوجع

ودايما الكسر يوجع وصوته يوجع أكثر


اشكرك

Barrak said...

ZooZ "3grbgr

اليوم انتي بدّعتي

Barrak said...

بنت أحمد

سموي مره وحده


احنا تلاميذك يابنت أحمد


الله يحفظك

Barrak said...

Fashionista

الله يسلمك ويخليك


اشكرك

Barrak said...

Sweet Revenge

صح بدنك


اشكرك سيدتي

Barrak said...

دبي


اي والله دواره

اشكرك ياسيدتي

واشكر تواصلك


وماتشوفون شر

Barrak said...

esTeKaNa

تذكرت شي بااغنية هالله هالله بالامانه


شاءت الأقدار يازين الطباع في فؤادي تطبعك


اخ بس يااستكانه اخ



اشكرك

Barrak said...

والموت يعشق فجأة مثلي..والموت مثلي لا يحب الإنتظار

اشكرك سيدتي


الكبير ربنا سبحانه



بس معك

اي سنه كان هالالبوم


؟؟؟

Barrak said...

للوش

اشكرك على وجودك

وتلك الكلمات تكونت بفعل لحظات كانت قاسيه بعض الشي

ومثل ماقلت

من قال



اشكرك

Barrak said...

أتيت متاخرة

انتو بعد رحموني من احساسكم بالحروف

بالمعاني

انتو رحموني

بنظرتكم للكلمات


انتو رائعين


حتى بفهم تكوين اللحظه


شكرا لكم

ولك سيدتي المتأخره

Barrak said...

SHAHAD

أحساسك اعلى

وأرقى



اشكرك سيدتي

Barrak said...

Kuwait

صح بدنك شكرا جزيلا

Barrak said...

شغبـ أنثى


ماكتب بصدق يصل بصدق


اشكرك سيدتي على صدقك


تشرفت بهذا المرور

Barrak said...

ANGEL HEART

الله يسلمك

والقلب الطيب دايما رايح جفي

Barrak said...

فراوله

ينابيع صادقه


ودايما الينابيع الصادقه تنبت حواليها فراوله



اشكرك سيدتي الراقيه

وايد