من خيّش؟؟
وعلى أحلامنا كوّش
من اللي إرتاح بدنياه
من اللي بصدره آه
وبهمومه تفلّش
من خيّش؟؟
********
أمانينا تلاعبنا لبّيده
صادنا الجمود صيده
الكل يلم وليدَه
وقاعد يتطمّش
من خيّش؟؟؟؟
******
تصريحات تهد جبال
هذا حرام ذاك حلال
وعمبر أخو بلال
الحلم بداخلنا فنقَش
من خيّش؟؟
****
نهتم بأحوال سوق السّمج
دام التخلف صوبنا دِبَج
ندج المعبوج دج
ونطيحله مموّش
شالمشكله لو صرنا
التلّش
من خيش
20/11/2008
الخميس
الترجمه
خيّش : أي بقي بآخر الترتيب او القائمه
تفلّش : بتشديد اللام وتسكين الشين أي تأذى كثيرا وعاده ماتطلق الكلمه على اي
شي يتكسر مثال زلق جسوم بالمدربان وتفلّش
شي يتكسر مثال زلق جسوم بالمدربان وتفلّش
لبيده : بتشديد الباء أي أوستغمّايه بالمصري
يتطمّش : أي يشاهد
عمبر اخو بلال : اي لن تتغير الحاله مادام عمبرا أخو بلالا
فنقش : أي سحب الجيكر أو مات
دبج : أي أتانا راكضا والمفرد دبجه
المعبوج : وتنطق الجيم جيما فارسيه أي الفلفل الحار وهناك من يطلق على
المعبوج جرَاقي
المعبوج جرَاقي
أموّش : أنظر الصوره
التلّش : أي الأخير مثل ترتيب منتخب الكويت بالتصنيف العالمي للإتحاد العالمي
لكرة اليد
لكرة اليد
46 comments:
أمانينا تلاعبنا لبّيده
صادنا الجمود صيده
اي والله ياوخيي يا براك
واحنا التلش بعد
:(
funky >>
تعلمت كلمات يديده
ببركاتج ... :)
صح لساااانك
مع إني مااحب المموش :/
شعب المموش صار تلش
صدقت وصح لسانك
عز الله تلّش
بس جوعتني على هالصورة والدنيا ليل
:)
هني وعوافي
الغدا مال أول على هالأصناف والترتيب
صحة
التلّش : أي الأخير مثل ترتيب منتخب الكويت بالتصنيف العالمي للإتحاد العالمي لكرة اليد
لوووول
عجبني التشبيه
فعلا يبيله مموش اليوم
من خيّش؟؟
وعلى أحلامنا كوّش
ومن اللي إرتاح بدنياه
ومن اللي بصدره آه
وبهمومه تفلّش
من خيّش؟؟
واااااااااااااايد ناس
********
أمانينا تلاعبنا لبّيده
صادنا الجمود صيده
الكل يلم وليدَه
وقاعد يتطمّش
من خيّش؟؟؟؟
شعارها يا روح ما بعدك روح
ومال عمك ما يهمك
******
تصريحات تهد جبال
هذا حرام ذاك حلال
وعمبر أخو بلال
الحلم بداخلنا فنقَش
من خيّش؟؟
فرق تسد هذا اللي يبونه
****
نهتم بأحوال سوق السّمج
دام التخلف صوبنا دِبَج
ندج المعبوج دج
ونطيحله مموّش
شالمشكله لو صرنا
التلّش
من خيش
أقصى اهتماماتنا غير مفيدة لذلك نسير في دائرة التخلف
براك ... طرح اجتماعي ناقد باسلوب ساخر
سلمت يداك
طبيعي نكون بالتلش يا براك
طبيعي
:(
أخي المبدع براك
صح لسانك
لا تسأل المجروح
مابيده حيله
ما لقى من يشيله
خانته الدنيا
وهدته الجروح
لا تسأل المجروح
وسلامتك :)
شوقتني على المموش
العزيز براك
صح لسانك يا اخوي
بس العجيب
المعاني
جراقي من وين يبتها؟؟
وانظر الصورة عجيبة
يوعتني
بس ان شاء الله مو تلّش
دمت بخير وسلام
Mamloo7a Q8ia
امانينا تلاعبنا لبيده
كل ماندورها تنخش
وكل ماتدورنا تنخش
وعلى هالاساس صرنا صيد سهل للجمود والسكون
اي والله صرنا التلش
حجر كريم
من وين مطلعه فنكي
انا على هالصلعه تكتبيم لي بركاتج
بركاتج
اشكرك على المرور
SHAHAD
صح بدنك
قيه احد مايحب المموش
لا لا لا
Enter-Q8
مادري ليش قريت كلامك وتذكرت فيلم دندش مال نيللي
كويــتي لايــعه كبــده
صحه على ألبك حبيبي
تبي اطرشلك نغصه
Fashionista
اليوم راح يكون يوم المموش العالمي
أتيت متاخرة
من خيش
وايد ناس
ههههههههههههههههههههههههههههههه
ضحكت وايد
فرق تسد
ضاق خلقي وايد
مشكوره وايد وايد
عثماني
طبيعي منك يغارون
ولاتلعب معاهم سوني
والا اعزمني وانا اشلخهم لك
دروازة
الله يبعد الجروح عن ابناء هذا الوطن
اسعدني وجود شخص راقي مثلك بهذه المدونه
تسلم
والموت يعشق فجأة مثلي..والموت مثلي لا يحب الإنتظار
صح بدنك
ياصاحبة الذوق الموسيقي المرهف
بالنسبه للجراقي هذا لقب يطلق على المعبوج الحار
وهذا اللقب اخترعه من هم من مواليد الستينيات
اصحاب الغتره على الجتف
بالنيبه لانظر الصوره
اذكر جازي القديم الكحلي اللي قبل الازمه
مكتوب على لون العينان ولون الشعر انظر الصوره
وشكرا لك
ومنتظر المقطوعه الخليجيه
الصراحة الصورة عجيييييبة
ذكرتني بغداي اليمعة اللي طاف
احب المموش لما قريت العنوان على طوول ركضة على بلوقك
ههههه
توظيف عجيييب للمفردات والافكار
ابداع مستمر
يعطيك العافية
صح لسانك
بس سؤال
شنو يعني مدربان؟
عوافي عليك المموش
تتهنى فيه وتلحفه بالرقي المفلش
وعقبها تدور وينك يا فراش تراني متليش
الرفعة والعزة لك وعدوينك التلش
والحلم داخلنا فنقش
صاج
كلامك يعور القلب
صعبة كلماتكم الكويتية البحتة
قلت يمكن لها معنى
بس شفت مب موجودة في قاموسنا
حالنا ما يسرش يا أخوي
!!
اايييه يا برااك
الشكوه لله
:(
صح السانك
البوست ريحته مموش
:)
اللي يونسني بهالنوع من النصوص
الترجمه الاخيره
وخاصه لما تنحط الكلمة بجمله مفيده:
زلق جسوم بالمدربان
هههههههههههه
وهالمرة صايره الترجمه بالمصري
وهذا نوع اخر من الثقافه ما شاء الله
:)))
يعطيك العافيه اخوي العزيز دائما براك
مبدع كالعادة يا براك
ويه عسى الحلم ما يفنقش دتخلنا
شنتريى لي منا راح
ما بقى شي ننشده غيره
طبعاً الكل تشوق عالمموش
عليك بألف عافيه
آنا مو من ربع العيوش
بالمناسبات بس
شوقني الرقي
ههههههههههههه
بس شنو اللي على اليسار
روب ولا كبة بلبن؟؟
كبير والله
العزيز براك
اسمع ... الاغنية عزفتها
دمت بخير وسلام
بنزلها بالليل
7osen
اول شي شلون راسك
عساه اشوه
لازم اسوي خلطه تجمع المموش بمشاكلنا
عشان تكون القضسه قضيه محليه بحته
تسلم ياخوي
Fahad Al Askr
المدربان ياطويل العمر يعني ممر
nikon 8
اثاريك شاعره واحنا ماندري
مااقدر اجاريك
اشكرك على مرورك سيدتي
a7ibich yl KWT
المشكله بس انا وياج والناس اللي قلبها هالبلد اهم اللي يحترون
اما الباجي
طنش
اشكرك على مرورك
دبي
هلا فيج يادبي
اللحين احنا كلمنا اللي صعب
اوكيه
بما اني عشت في الامارات سنه ونصف
عندي القدره على فهم جميع لهجاتكم المحليه ابتداءا بالعين وانتهاءا بام القيويون
بس عندي سؤال
اللحين لما اقول حق واحد شي يقولي هيييه
انا علبالي حاط قول
شنو هيه
قول ايه وخلصنا
بذمتك بشكاره باي قاموس تلقينها
charisma
صح بدنك ياوخيتي
esTeKaNa
لا وانتي الصاجه
البوست ريحته دقوس صبار
دايما احاول اني ابسط الكلام بالترجمه مع شوية بهارات
مشكوره ياوخيتي العزيزه
تسلمين
ZooZ "3grbgr
العيوش اهي اللي موديتنا بداهيه
بالنسبه لاستفسارك
هذي الصوره مو انا مصورها لقيتها بالنت
ماادري شنو اللي موجود عاليسار
بس اظن جراقي
AK-47
الكبر لله
وابن ادم دوم صغير
والموت يعشق فجأة مثلي..والموت مثلي لا يحب الإنتظار
مو قلتلك انك فنانه
هاهاهاهاها
اي
ما يستوي
عندنا
يعني تخيل شحفان القطو
يقول اي؟
ما تركب
خخخخخ
عيل سمعت بدختر؟
لوول
دبي
الدختر هذي عندنا
يعني الدكتور
بس لما واحد يقولي اخوي انت تدوخ
قلت بيعطيني بندول
طلع قصده انت تشرب زجاير
ماابي اقول بعد
بس كافي
انا مااقول الا
باروح للسيدريك صوب الماحابيبي
هذا مموش وجذي لو بنغديك مربين شبيطلع معاك
عوافي :)
Sweet Revenge
ربي يعافيك ويخليك
وترى المربين مو زين بالشتا
Post a Comment