Wednesday, February 4, 2009

الصين



كتبت بعد أن قرأت أن الصين ثالث دوله بالعالم تقوم بطلعه للفضاء الخارجي وتوقفت عند لحظه عظيمه عندما رأيت رائد الفضاء (جاي جيانج) ينفذ أول طلعة للفضاء الخارجي خارج المركبه ويحمل علم بلاده لمدة 15 دقيقه وقد قال (( أحيي من هنا الشعب الصيني وشعوب العالم )) إلى أن قال (( نحن فخورون جدا بأمتنا العظيمه )) تخيّلت لو كنت أنا بمكــــــــــان ((جاي )) وألوّح بعلم الكويت وأقول أشعر بالفخر وأحيي الشعب الكويتي
وسألت نفسي ليش؟؟
؟؟؟؟؟؟؟
؟؟؟؟
؟؟

ليش ما نسوّي سواة الصين

أكثر منهم إحنا مرتاحين


عندنا فلوس وناس ودين


ودي تفهموني اللحين


ليش ما نسوي سواة الصين

******

ليش ما نوصل القمر

بالتخلّف  مالله أمر


متى نشوف الفضائي عمر؟


وأسامه وحسين و عبادين


ليش ما نسوى سواة الصين



*********

نسوّي مركبه اسمها مسكان


نبني بالفضاء مدربان


نعطي للعالم برهان


شوفوا همّة الكويتيين


ليش ما نسوي سواة الصين

*********

متوفره كل الإمكانيات

بإيدينا نصنع حياة


ونجعل للتقدم إثبات


وإلا أحنا بس 
بالتحلطم

 شاطرين


ليش ما نسوي سواة الصين


31/9/2008

الثلاثاء

29 comments:

`~MnO YeNSa! ~` said...

اي و الله
ليش ؟!؟

انا كله .. اقول
عندنا الادكياء

بس يا اما ماكو تشجيع
و لا هم ماكو تشحيع و تقدير

ولا يمكن الحرمان
يولد الرغبة بالوصول
و انا كل شي زاهب مزهب



فقدت هالمكان
و اعذرني
من زمان ما زرتك

`~MnO YeNSa! ~` said...

و اولى بعد ّ!!؟
لا لا اليوم انا خطيرة
:P

و ترى نصك
عفوى ..خفيف
و راقي
كالعادة

فريج سعود said...

مانسوي سواة الصين

لانهم فارغين

فاضيين

والاهم انهم وايدين

يلعن خيرهم

تعدادهم مليار وملايين

Amphibious said...

لانه أكثر منهم إحنا مرتاحين


خل اقولك مثال على واحد من الأسباب
في واحد توسطوله يصير طيار قالولهم ما ينفع وحنوا عليهم لين صار طيار عقبها سوا حادث وماتوا اللي بالطيارة الله يرحمهم شلون تبي نروح الفضاء والله لو عندنا غرندايزر جان صار سكراب

Anonymous said...

::::::::::::::::::::::::::::::

::::::::::::::::::
أسال الله تبارك وتعالى أن تكون بخير وبأحسن حال
:
كلمات رائعة تحكي عن حلم يحلق بعيدا عن عالمنا
وقد يكون الحلم في واقع بيوم ما والله أعلم ..
:
كل ذلك بسبب الاعتماد على الغير إلى جانب ذلك
لو نملك مركبات فضائية قد يدخل الرعب في قلوب الأجانب أنها عملية تهريب :)
:
حفظك الله ..
:::::::::::::::::::::

Bloggerista said...

الفضاء يخرع

يبيله قلب

أي غلطة بدال لا انت رافع العلم تلقى
نفسك ضايع بالفضاء

حزتها يستجوبون منو؟

الدســتور said...

الله يهداك
الربع ليلحين يفكرون
بيعطون اليهال وجبات غذائية ولا لأ
وتبيهم يوصلون القمر

enter-q8 said...

يبيلك ديوان محاسبة و لجنة مناقصات و مجلس امه و مؤسسة الكويت للتطور العلمي
الا شخبارها هالمؤسسة اللي خابينا فيها
شنو سوت

SHAHAD said...

ذكرتني بولد عمتي الصغير
كلله يقول انا بصير رائد فضااء :/

إن شااء الله هو اللي يروح القمر ويرفع علم الكويت : )

Mohammad Al-Yousifi said...

هارد لك على الصوت

:(

Anonymous said...

ايران تحت حصار من سنين الطواعين
وطلعوا من كذا حرب طويله
وامس اطلقوا قمر صناعي يدور 24 مره على الارض باليوم

شناقصنا احنا
:/

Mamloo7a Q8ia said...

خلنا احنا واحد يحسد الثاني
خلهم حق التدقر والتهبط
في الكفاءات
والعقول المتميزه
خلهم يفكرون شلون يبوقون
خلهم شلون يتناجرون ويتداحرون
وينهم وين الفضاء يا خلاف عليهم

بس يا وخيي يا براك
ما اعبر اكمل
عواااار قلب
:(

ان شاء الله يبلغك بخشيم الفار ووخيه يرفعون راسك
ويحققون اللي تتمناه

كويــتي لايــعه كبــده said...

"
وإلا أحنا بالاستجوابات
بس شاطرين
"

ولا تنسى الفساد المقصود اللي حنا فيه

شناقصنا؟
النية الصافية
والقدوة الحسنة

|:| DUBAI |:| said...

هي والله

ليش ما تسوون؟

: )

Barrak said...

منو ينسى


سيدتي صاحبة التعليق الاول

ليش

من غير ليشات

لو يبون

جان كل شي يصير

على فكره

هم هالمكان فقدك وايد

Barrak said...

فريج سعود

الصينيين فاضيين؟؟؟


واحنا اللي مشغولين

ماتشوف قمنا ننافس السويد

Barrak said...

AK-47

الله يرحمهم
وتفولي بعد ماعندك واسطه هناك


كل للي بقوله الواسطه بهالديره لها مفهوم غريب عجيب يالحبيب

Barrak said...

الــوَجــدْ

وينج انتي يابنت الحلال

فقدناج وفقدنا دعاؤك الصادق
سيدتي

يبونا ننام ومانصحى

مع ان بيوم من الايام كان العلم والثقافه والدين متواجد على ارضنا


للاسف

اشكرك

Barrak said...

Fashionista


والله بالديره فيه ناس عشان رفعة الكويت تموت قلوبهم


ولو شيصير اهم شي هالارض ورفعتها


بس عطوهم ويه

ايام الغزو العراقي اكبر دليل

Barrak said...

abu eldestor

ايه والله وانت الصاج


بس ترى لو يبون يقفطون اليابان

Barrak said...

Enter-Q8


انت شتقول


مرات احس ان احنا سبب هالتخلف

Barrak said...

SHAHAD

انا ماادري ليش تذكرت التنين الصغير


ابي ابي

ماذا تريد ياولد

لما لااعمل بالاطفاء
هذا عمل فيه عناء

Barrak said...

ma6goog

ليش هاردلك

بالعكس استفدت معنويا
وتعلمت شنو معنى انك شاعر وعندك مبدا

تعلمت امور وايده

وعلى فكره هذا التوقف مؤقت

Barrak said...

Anonymous

ايران وين واحنا وين


ناقصنا العقل

Barrak said...

Mamloo7a Q8ia

والله يعور القلب كلامج

بس كلامج اهو الصح من غير مجامله


اشكرك ياسيدة الذوق

Barrak said...

كويــتي لايــعه كبــده

والله انك صح

لا والله صحين

Barrak said...

دبي


ناطرينكم انتو الاول

mtfa2el said...

أول خل يسقطون القروض بعدين تشوف ربعنا ما يوقفهم شي
بس أول يسقطون القروض و يستجوبون ناصر المحمد
و كل شي تالي

Barrak said...

mtfa2el

صدقني ابسط من البساطه مشاكلنا

بس المشكله احنا مانبي نحلها

لان الحل ممكن يطوي ناس كثيره


اشكرك ياصديقي المتفائل