Sunday, January 25, 2009

معسّل تفّاح




زمان أوّل راح

تنام على سهمك

وانت مرتاح

ماينفعك لو تبرِّد

المؤشّر معرٍّد

مايشوف إلا تحت

والله وسواها البخت

 عقب الكشخه

ماعندك ثمن

معسّل تفّاح

زمان أول راح

،،،،

راح زمن الآجل والنّقدي

اللحين كلّش مايمدي

إقضب أرضك وإسكِت

أول الدينار عليك يتِكتكَت

طيحله اللحين نواح

زمان اول راح

،،،،

الطمع  يودّي بداهيه

جيبولي  خسران أوايهَه

شسوّيت للديره بفلوسك ؟؟

يامسافر يامسنّع ضروسك

طاح حظّك طاح

زمان أول راح

22/1/2009
الخميس

23 comments:

esTeKaNa said...

مساء الخير يا براك
انا اول ما قريت العنوان
قلت انا مالي شغل بهالسوالف
بس لما قريت عرفت ان الكلام اليوم عن واقع الله يستر منه
!!
وكلمه معرد وايد معبره
:))


الله يسعد صباحك وومساك

مركبنا said...

صح لسانك

enter-q8 said...

إقضب أرضك وإسكِت

صاج

الدســتور said...

العنوان يغري
:)

بس مصايبنا تضيق الخلق

هونها وتهون انشاءالله

Anonymous said...

العزيز براك

لازالت الدنيا بخير:)

والتجارة دوم ربح وخسارة


دمت بخير وسلام

عثماني said...

صح السانك يا خوي

:)

راحت البيزات

:(

mtfa2el said...

راحت البيزات و دشينا بالطوفة

بس ان شا الله نكسة وراها صعود لو بعد جم سنة

تفائلوا

Salah said...

قعدنا عالحديده

فراوله said...

مساالورد والجوري
مبدعنا الراقي
كلامك يعور القلب
رغم صدقه
وصدق الحاله اللي نمر فيها
الله يرحم الحال
ويستر علينا بستره
آمين
دمت مبدعا
ابدا
:))

Barrak said...

esTeKaNa


يسعد صباحك وممساك


معسل التفاح هالايام هو الملجأ لهذه الأزمه


اشكرك

ياصاحبة التعليق الاول

Barrak said...

مركبنا

صح بدنك

اشكرك على المرور


حلو اسم مركبنا

Barrak said...

Enter-Q8


قبل الدينار كان مثل الشعر على اليافاوخ يتكتكت


اللحين مالك الا ارضك

Barrak said...

abu eldestor

من ناخية يغري يغري


بس لو سلوم افضل وأنطع

Barrak said...

من لا تحب الإنتظار

فعلا الدنيا بخير


طهقان زعلان متضايق
خسران المهم انتعلم

Barrak said...

عثماني

صح بدنك

اهي بس البيزات

حتى الخرده راحت


معوضين

Barrak said...

mtfa2el

تفائلوا الياي احلى

ولو


تفائلوا



اي هيّن

Barrak said...

Salah

يارك الله

Barrak said...

فراوله

مساء الورد سيدتي


الحاله كسيفه

والاوادم قانوا يمشون ويدقون هرنات


الله كريم

صبا said...

صح السانك

وكل شي باااح

والعوض على الله

يا براك

صبا said...

صح السانك

وكل شي باااح

والعوض على الله

يا براك

Barrak said...

صبا

صح بدنك
اي والله باح وراح

Sweet Revenge said...

الطمع دايما يودّي بداهيه

مقيوله من طمع طبع

Barrak said...

Sweet Revenge

من ناحية انه طبع
فهو طبعان طهقان متدايق




ومن عاشر الذيب يتحمل مخاليبه

(شكو)