Tuesday, January 13, 2009

غتره بدون قحفيه




إحذروا من لِبَسْ غتره بدون قحفيّه

تراه مو سهل إخذوها منّي

تطل القذله جنها طرف زوليّه

مرّات إسمه خلف  أو حمنّي

لاتتحرش فيه  يأذّيك أذيه

إن وخّرته عنّك اهو يدني

إن كلّمته  يحوكك بصمّيّه

يغربل يشقِي يأذّي يِعنّي

اذا حاشه بفاق ترى  عاديه

 شغلوله غناية عينه رمنّي

بيقط بالدقيقه مليون بدليه

ومحاولاته تروح مِلح عالهبنّي

حاولوا تسوون له شرّوكه و قطّيه

إن بغى يفارج مدحوا له سِدني

بالكم عليه من الناس الجمبازيّه

حواليه ناس تتكوكس تغنّي

حواليه ناس مثل الهتليّه

هو راكد  كله وقار ومتأني

الحذر من الغتره بدون قحفيه

إفهم يافهيم وإخذها  مني

13/01/2009
الثلاثاء

39 comments:

SHAHAD said...

لووول عيل راح اقول لـ يدي يلبس قحفية لوووول

خوش قصيدة : )

SHAHAD said...

احم انا اول رد
صدق او لا تصدق لووول

Sweet Revenge said...

تلقى القذله تطل جنها طرف زوليّه


ايباه هذي الاناقة ولا بلاش
انت شعرفك براك ادري محتر لانه عنده قذله مو مثل بعض الناس
:p

Enter-Q8 said...

كااااااااااااااااك
قوية قوية

AK-47 said...

هذا اكيد كووووووورياااا :))

abu eldestor said...

بقول حق داوود حسين

ma6goog said...

جواد عاشور

ستايل

esTeKaNa said...

looool!
هذي قمة الاناقه
ذكرتني بشي
ماحب اشوف واحد قاعد بالبيت ومرتاح لابس بس قحفيه
يا تلبسها كامله
يا تخليها كامله
:Pp~
الحين عقب هذا البوست منك عرفت ان حالتي طبيعيه
والحكمه هي:
يا تلبسها كامله
يا تقطها كامله
:))

قلم حبر said...

loooooooooooool
:)
love it

بنت أبيها said...

حملة المقاطعة

لا تستطيع ان تجاهد

لا تستطيع ان تتظاهر

لا تستطيع ان تتبرع بالمال

اذاً قاطع

وادعو غيرك لمقاطعة منتجات كل من يدعم العدو

7osen said...

هههههههههههه

عجيبة والله


الله يعطيك العافية

ضحكتني

خوش كلام

بس منو يلبس غترة بدون قحفية ؟

هههههههههه

Mishari said...

انت تدري منو يلبس غترة من غير كحفية ؟
:)))

كويــتي لايــعه كبــده said...

والعقال بدون غتره
والغتره على الكتف؟
:)

the.thinker said...

تسلم ايدك يالبرك ^_^

وين العقال عيل :P

GUCCI-q8 said...

امبيه

ما تيوز

بالعظم

هههه

ولهنا علي كتاباتك

kAiKa-MGroMa said...

looooool

اهم شي القذله تطلع جنها طرف زوليه

ومدهنه بعد

:P.

mtfa2el said...

هههههه
بو عبد الله كاتبين على سيارتك شي ؟؟
ترى شغلهم يكتبون ذكرى بو عذاب

بنت أحمد said...

قووووية

جبتها صح هالمــــرة

انتبه واربط حزام الأمان

رووووووووعه بصراحة

:)

تسلم الأيادي

ميرامار said...

شبابنا مصلعين

يحتاجون قحفية وسحكية بعد

:p

قلب طفله said...

لووووووول

ليت اهل الغتر من غير قحافي
يقرونها بيزهبون القحفيه
قبل كل شي :P

تسلم ايدك :)

Barrak said...

SHAHAD

الله يطول بعمره

قوليله خل يلبس احسن له

ياسيدة الرد الاول

Barrak said...

Sweet Revenge

انا شعرفني هاااا


اوكيه

سجليها عندج

راح اعلن عليج الحرب

الدنيا دواره

اه ياقلبي

Barrak said...

Enter-Q8



يمكن تكون قويه


بس النيه صافيه

Barrak said...

AK-47

هههههههههه

لالا

كوريا مايعترف بالغتره والعقال ابد

رغم انه بيتهم بالفيحاء

Barrak said...

abu eldestor

داوود مو مشكله امون عليه

بس لاتقول حق عبدالرضا عباس

Barrak said...

ma6goog

حتى محمد كرم ستايل

Barrak said...

esTeKaNa


في واحد اعرفه
توفى الله يرحمه

كان يلبس قحفيه وفوقها كاب

او كبوس بالكويتي

Barrak said...

قلم حبر


شكرا شكرا

Barrak said...

بنت أبيها


قبل ان نقاطع لابدا ان نتسامح مع بعضنا البعض


اشكرك

Barrak said...

7osen

لك وحشه

خوش سؤال

اولا ترى والله مو شي سهل ان الواحد يلبس قحفيه لازم تكون هناك مواصفات معينه
لابد من وجود نوعيه معينه من اليبهات ونوعيه معينه من قمة الراس
ترى شي مو سهل هذي في حالة الغتره والعقال بدون قحفيه
انا بالنسبه للغتره بدون قحفيه هذي بعد مو سهله يبيلها راس صح
وجبهه صح

بالنهايه ابيكم تلتفتون لامور بسيطه مابيها تمر عليكم مرور الكرام

اشكرك يااستاذ الاحساس

Barrak said...

Mishari

لا من قال

لا ماأدري


انت شلونك
زين؟


ماتعبت وقوف
ليه ماتتكي

Barrak said...

كويــتي لايــعه كبــده


اول مره ماتنام بالحكومه


هههههههه

Barrak said...

the.thinker

يسلمك حبيبي

العقال موجود بس على حسب فهمك للكلام المكتوب

Barrak said...

GUCCI-q8

لايمكن اني ايوز

طول ما المظهر عندنا اهم من الجوهر

انا قاعدلهم


مالي مصلحه ياوخيتي

بس احب ديرتي

وايد
وايد

Barrak said...

kAiKa-MGroMa

دائما اللي محروم من شي

يحاول انه يفضفض

وانا محروم من موضوع القذله

Barrak said...

mtfa2el

لاوالله

شغلهم هالايام اكبر من التشخط

قاموا يشخطون بالاصول

Barrak said...

بنت أحمد

وجودك هو الروعه

اشكرك يابنت احمد

اونه الحزام يفيد وياهم

Barrak said...

ميرامار

شقصدك؟؟؟؟

Barrak said...

قلب طفله

يسلمك

اي والله ياليت


وعلى قولة فيروز

كلمة ياليت عمرها ماعمرت بيت