Wednesday, January 21, 2009

قـَمره مبتَـسمـَــــــه






تهلّين


مثل قمره مبتسمَـه

تهلّـين

بنسمه متعطره متعشمه

ذكرى مرتويه بلحظه

دنيا من حسِّك ماتفضى

تـَسكن الروح

قبل العين

تهلين

،،،،،


لأن كل مابالدنيا إنتي

لأنك من العذوبة تكوّنتي

ملزوم أطريج بحياتي

ملزومه تطريج كلماتي

الوله بزود


وأبي من يعين

تهلّين

،،،،،


بأوراقي ألقاج موجوده

انتي وطن الحب حدوده

إنتي شي مايتخيّله إنسان

إنتي  معنى الأمان

كل شي يروح

بس إنتي تبقين

وتهلّين


29/09/2008

الأثنين

21 comments:

esTeKaNa said...

تهلّين
وبقلبج دفا وحنين
تهلّين..وبقلبه تسكنين
!!
عيونج له وطن
وفي روحج حب لغيره ما يفز ويبين
.
.
.
يا حلاتها من كلمات
لها انعكاس القمر بقلوبنا
وكلماتها بالعشق تفيض:
مرتويه
وحسك
والوله بزود
يا عساك يا براك ما تنحرم من كل قلب تحبه

انا وايد حبيت هالبوست
شكرا شكرا شكرا
:))

7osen said...

الله

تهلين

بصرحة .. بصرحة

اشتقت لكلماتك إللي من هالنوع
وإللي بهالاحساس

صاير حيييل مقل بهالكتابات إللي تعيشنا بمشاعر جميلة

وتخلينا نحس الجمال ونتذوقه

لأن كل مابالدنيا إنتي
لأنك من العذوبة تكونتي

الله
روووعة

تسلم على هالاحساس
وتسلم على هالكلام

دوووم مبدع ومتميز

Salah said...

يا سلام

صح السانك

mtfa2el said...

إنتي بإختصار معنى الأمان
.
.
الله عليك يا بو عبد الله
و الله نروح و نرد و نغط و نقرا لك و لغيرك
بس تبقى مدونتك و كتاباتك لها طابع خاص
شفاف أبيض مثل قلب صاحبها
تسلم على الروح الطيبة اللي نلقاها عندك

كويــتي لايــعه كبــده said...

هلت عليك العافية

Sweet Revenge said...

الوله بزود
وأبي من يعين


الله يعينك يابراك ,كلمات ولا احلي شفتها معاك واهي هاله بابتسامتها
وشفتها باوراقك لما لمحتها
صـــــــــح السانك

Najmah said...

تهلين
..
من العذوبة تكونتي
..
معنى الامان
..
الله
شي عجيب
شي يلمس كل زاوية بقلوبنا
براك
دايما تجمع الاحاسيس الدافية بحروفك
شكرا من الاعماق
وربي يوفقك بكل امورك

AK-47 said...
This comment has been removed by the author.
AK-47 said...

لما قريت هالبوست حسيت مثل لما سمعت دنيا الوله اول مرة :)

قلب طفله said...

تهلّين
بصورة قمره مبتسمَـه
تهلّـين
بنسمه بالعذوبه متعشمه
ذكرى مرتويه بلحظه
دنيا من حسِّك ماتفضى
تـَسكن الروح
قبل العين
تهلين

----------

روووووووعه يا براك
يا كثر ما تهل علي حبيبة قلبي لشتقت لها و بغيتها و احب القمره
لاني اشوفها فيها

صح لساااااااانك

صبا said...

ماذا عساي أن أقول ؟؟

كل مره تتحفنا بشي جميل يا براااك
روعه في صياغة الاحرف والتشبيهات عجيبه


محظوظه
هالقمره
:)

Barrak said...

esTeKaNa

سيدة التعليق الاول

عجبتني كلمة يبين


اشكرك
الوله بزود

من هنا بدأ الكلام يهل

ياعساك دزم بخير

اشكرك اشكرك

Barrak said...

7osen
حبيبي
انا اعترف انني مقل بالكتابات بصوره عامه


يمكن لاني اكتب بالمدونه كل شي بصدق

وبصراحه اللي احسه اهو اللي ينكتب


واوعدك اول ما الجو شوي يتعدل ويكف عني البرد

راح اغرد


ترقب

يااستاذ الاحساس

Barrak said...

Salah


صح بدنك


شكرا

Barrak said...

mtfa2el

الروح الطيبه اهي روحك

مهما رحتوا ورديتوا
مالي غناة عنكم


وانت بالذات


اشكرك

Barrak said...

كويــتي لايــعه كبــده

يعافيك ويخليك


هلت عليك اطياب الدنيا

ياطيب

Barrak said...

Sweet Revenge

صح بدنك


قمره مبتسمه


هي رسمه
لحاله


بالعطف متعشمه


اشكرك سيدتي

Barrak said...

Najmah

دائما نجمه


اشكرك

معنى الامان هذه الجمله


هي طموحي الدائم


اشكرك


وايد


وايد

Barrak said...

AK-47

اذكر

وتذكر ؟؟؟
لما سمعتني اغنية

سبحانه وقدروا عليك اول مره

Barrak said...

قلب طفله


صح بدنك

وايد الغاليين يهلون

بس كل واحد يرسم رسمة هل الهلّه

Barrak said...

صبا

وماذا عساي ان افعل


شخبارك صبا



نورتينا