Saturday, January 10, 2009

خِنينَه




بارسم لكم مدينه

تاخذ السّنع وتدينه

محتاره مذهوله

ماكو شي على أصوله

كل ماقالت : شالسالفه

قالوا : الأحوال زينه

برسم لكم مدينه

،،،،،،

كانوا أهلها ينهمون اليامال

كانوا أهلها غاصه وبحّاره

كان مافيه كلام بس أفعال

الجار يباري لزيجه وجاره

يسنده ويحبّه ويعينه

برسم لكم مدينه

،،،،،،

كانوا ناسها نواخذه

يحبون مدينتهم ويعمرونها

والكل حقّه ماخذه

كانوا بأفكارهم ينورونها

كانت أفكارهم خنينه

برسم لكم مدينه

،،،،،،

شوفوا رسمتي تمعّنوا حروفها

وليش أنا  رسمتها اليوم

شوفوا كلماتي واللي بيوفها

وحسّوا بألم بصدري مكتوم

الكل يقراها

ويغمّض عينه

هذي إهي المدينه

08/01/2009
الحميس

22 comments:

Purplecious said...

صح لسانك

:)

أوووووولى

:))

Mamloo7a Q8ia said...

الله عليها من مدينه
يارب يحفظها من كل شر

لعبوا فيها لعب
بعد عمري عمرها
:"(

ابدعت يا وخيي الغالي
تسلم على هالابيات العجيبه

SHAHAD said...

واعليه على هالمدينة
ماقول إلا الله يحفظها من كل شر
وصح لساانك : )

esTeKaNa said...

الكل يقراها ويغمض عينه
.
.
.
.
ويوم ان غمض عينه
هلت من عينه دموع
عسى ربي يحفظها ويردها اجمل مدينة



مسائك وصباحك خير ونور
:)
الله يحفظ خشيم الفار
واصله سلاماته القلبيه
اشتقنا له
يبيله بوست باخر التطورات
:Pp~

Kuwait said...

صح لسـانك :)
@@
توقعت بلاقيك كاتب عن الازرق :\

AK-47 said...

صح لسانك
وينك من زمان عنك :)

Fskra said...

askr 3yooni o ashoof derty el kuwait ..

o tnzl dm3ty mn klmat 7lwa gret`ha

shewaya 3lihaa klmt wlhana ya kuwait wlhana ya ahli walahaan ya re7t obooy o ydi

wlhana 3la el b7r .. wlht 3lich yal ghaliyaa 3sa alah y7fthch mn kil shar

mshkor Barrak 3la kil 7rf tktbaa o t7s feeh .. :)

abu eldestor said...

صح لساك
هذا اللي اقوله

shahad said...

مدينة أشعار
الكلام الحلو من كل مكان ينهال
و الكلام الشين ما تقوله حتى الأسرار


مدينة أفعال
الرجال فيها ماهي بس أقوال
و صاحب الرذيلة رجله ما تدل هالدار

مدينة أجيال
الام فيها تربي و تسنع بهالعيال
والخادمة ما نخلق اللي عليهااقطا ليهال

مدينة خيال


مبدع براك مبدع

أتيت متاخرة said...

يا ربي ....
تميت أتخيلها في بالي ....

بس ... وينها في في الواقع ؟
ممكن تتحقق فينا احنا اذا بغينا

تحياتي لك

Barrak said...

Purplecious

ثح بدنك ياصاحبة التعليق الأول


اشكرك

Barrak said...

Mamloo7a Q8ia

اي والله بعد عمري عمرها

ابدعتي انتي بوجودك الراقي

اشكرك

Barrak said...

SHAHAD

صح بدنك

حلوه واعليه


شكرا

Barrak said...

esTeKaNa

غمضي عينك يااستكانه احسن لك

الزيف كسى هالمدينه

بالنسبة لخشيم الفار


بصراحه اخر تطوراته تفشل

ماتنقال



كلش ملش

Barrak said...

Kuwait

تابعونا في جريدة الصوت

قبل مباراة السعوديه


صح بدتك

Barrak said...

AK-47

انا موجود بالدور الاول ابتداءا من

الخامس من شهر يناير سنة تسعة وألفان

Barrak said...

Fskra

تواصيف مدينتي مالها اسم

يمكن لما مايدينون السنع

يبين الاسم



مشكوره على ذوقك

Barrak said...

abu eldestor

صح بدنك استاذ

Barrak said...

shahad


وجودك جروفك يرسم مدينه للجمال

Barrak said...

أتيت متاخرة

قصدك اذا بغوا مو اذا بغينا

اشكرك سيدتي المتأخره

|:| DUBAI |:| said...

: )

Barrak said...

دبي


اشكرك