تهلّين
قمره مبتسمَـه
تهلّـين
نسمه بالندى متعشمه
ذكرى مرتويه بلحظه
دنيا من حسِّك ماتفضى
تـَسكن الروح
قبل العين
تهلين
،،،،،
كل مابالدنيا إنتي
من العذوبة تكوّنتي
ملزوم أطريج بحياتي
ملزومه تطريج كلماتي
الوله بزود
وأبي من يعين
تهلّين
،،،،،
بأوراقي ألقاج موجوده
يا وطن الحب وحدوده
يا شي مايتخيّله إنسان
يا معنى الأمان
كل شي يروح
بس إنتي تبقين
وتهلّين
29/09/2008
الأثنين
21 comments:
تهلّين
وبقلبج دفا وحنين
تهلّين..وبقلبه تسكنين
!!
عيونج له وطن
وفي روحج حب لغيره ما يفز ويبين
.
.
.
يا حلاتها من كلمات
لها انعكاس القمر بقلوبنا
وكلماتها بالعشق تفيض:
مرتويه
وحسك
والوله بزود
يا عساك يا براك ما تنحرم من كل قلب تحبه
انا وايد حبيت هالبوست
شكرا شكرا شكرا
:))
الله
تهلين
بصرحة .. بصرحة
اشتقت لكلماتك إللي من هالنوع
وإللي بهالاحساس
صاير حيييل مقل بهالكتابات إللي تعيشنا بمشاعر جميلة
وتخلينا نحس الجمال ونتذوقه
لأن كل مابالدنيا إنتي
لأنك من العذوبة تكونتي
الله
روووعة
تسلم على هالاحساس
وتسلم على هالكلام
دوووم مبدع ومتميز
يا سلام
صح السانك
إنتي بإختصار معنى الأمان
.
.
الله عليك يا بو عبد الله
و الله نروح و نرد و نغط و نقرا لك و لغيرك
بس تبقى مدونتك و كتاباتك لها طابع خاص
شفاف أبيض مثل قلب صاحبها
تسلم على الروح الطيبة اللي نلقاها عندك
هلت عليك العافية
الوله بزود
وأبي من يعين
الله يعينك يابراك ,كلمات ولا احلي شفتها معاك واهي هاله بابتسامتها
وشفتها باوراقك لما لمحتها
صـــــــــح السانك
تهلين
..
من العذوبة تكونتي
..
معنى الامان
..
الله
شي عجيب
شي يلمس كل زاوية بقلوبنا
براك
دايما تجمع الاحاسيس الدافية بحروفك
شكرا من الاعماق
وربي يوفقك بكل امورك
لما قريت هالبوست حسيت مثل لما سمعت دنيا الوله اول مرة :)
تهلّين
بصورة قمره مبتسمَـه
تهلّـين
بنسمه بالعذوبه متعشمه
ذكرى مرتويه بلحظه
دنيا من حسِّك ماتفضى
تـَسكن الروح
قبل العين
تهلين
----------
روووووووعه يا براك
يا كثر ما تهل علي حبيبة قلبي لشتقت لها و بغيتها و احب القمره
لاني اشوفها فيها
صح لساااااااانك
ماذا عساي أن أقول ؟؟
كل مره تتحفنا بشي جميل يا براااك
روعه في صياغة الاحرف والتشبيهات عجيبه
محظوظه
هالقمره
:)
esTeKaNa
سيدة التعليق الاول
عجبتني كلمة يبين
اشكرك
الوله بزود
من هنا بدأ الكلام يهل
ياعساك دزم بخير
اشكرك اشكرك
7osen
حبيبي
انا اعترف انني مقل بالكتابات بصوره عامه
يمكن لاني اكتب بالمدونه كل شي بصدق
وبصراحه اللي احسه اهو اللي ينكتب
واوعدك اول ما الجو شوي يتعدل ويكف عني البرد
راح اغرد
ترقب
يااستاذ الاحساس
Salah
صح بدنك
شكرا
mtfa2el
الروح الطيبه اهي روحك
مهما رحتوا ورديتوا
مالي غناة عنكم
وانت بالذات
اشكرك
كويــتي لايــعه كبــده
يعافيك ويخليك
هلت عليك اطياب الدنيا
ياطيب
Sweet Revenge
صح بدنك
قمره مبتسمه
هي رسمه
لحاله
بالعطف متعشمه
اشكرك سيدتي
Najmah
دائما نجمه
اشكرك
معنى الامان هذه الجمله
هي طموحي الدائم
اشكرك
وايد
وايد
AK-47
اذكر
وتذكر ؟؟؟
لما سمعتني اغنية
سبحانه وقدروا عليك اول مره
قلب طفله
صح بدنك
وايد الغاليين يهلون
بس كل واحد يرسم رسمة هل الهلّه
صبا
وماذا عساي ان افعل
شخبارك صبا
نورتينا
Post a Comment