Sunday, January 4, 2009

متيمِّــــــــــــد






شلون أبْـــــرِد

وكلّك يسعِــــد

شلون أَبْـــــــرِد

وبعيونك تفاصــــيل الدفى

ومعاني الإخلاص والوفى

من أشوفها

أشوف النّور

وورود منثوره

وعصافير تغرِّد

شلون أبرد

.......



إستحاله يلمسني بِرد... أبد

أصلا البَرد منك.... إرتعَد

دافيه ملامحك ....وتدفِّي

يوفي وروحي وكفِّي

يصير القلب موَرِّد

شلون أبرِد

......




يَبرِد اللي يوفه ماحَبْ

اللي مايحـس فيه قلب

ولا إرتعشت أشواقه

وسكن حُبّه بأعماقه

يصير كيان متيَمِّــد(متجمّد)

ويَبْـــــــرِد


4/1/2009

الأحد

36 comments:

عثماني said...

حبيبي براك

من زمان عنك يا خوي

حسحسنى البرد

نبي شي يدفينا

:)

Kuwait said...

اي والله متيمديين ;p
يعطيك العافيه عالكلمات الحلوه بهالبرد السحتني ;D

Sweet Revenge said...

الدفا كلماتك الوفيه
براك
موفـــق :)

`~MnO YeNSa! ~` said...

وااااو
براك
حبيت

البرد اكثر
و حروفك تدفينا

SHAHAD said...

براك عاد انا حدي متيمدة !
بس خوش كلمات كلها دفى

esTeKaNa said...

وش ذا البرد اللي جانا؟
:pP~
شي يدخل من الاصبع لي الخيشوم
وين الخيشوم مادري
بس برد ما يغشمر
!!
وكنت افكر..شلي يخلي هالجو يبرد
ولقيت جوابي عندك
:)
حمدلله على سلامتك وسلامة الاسره الكريمه
اتمنى استمتعتو بهذي الاجازه
ووسعتو صدر صاحب السمو خشيم الفار
:pP

why me said...

الدنيا برد حده


والصوره متيمده .. مع كلماتك


بردت حدي


تسلم ايدك على الكلمات الحلوه

Purplecious said...

صباح البرد

براك

بحروفك تفاصــــيل الدفى

الحين بس دفيت

:)

و الصورة عجيــــــــــــبة سبحان الله

Super Woman said...

برد برد برد
وزمهرير

حسيت اني فاقده شي
قعدت احوس بالنت

طحت على مدونتك

بدت تدفى اطرافي من اشتغلت الموسيقى
ودفا الاحاسيس نلقاها بين كلماتك


روعه
وابداع
كالعاده

Najmah said...

دايما هالمكان يدفي
البرد بره مو طبيعي
واحساس هالحروف دفاااا

تسلم ايدك براك
والحمدلله على سلامتكم
:)

Kuw_Son said...

من أجمل ما قرأت لك .. صح لسانك

Anonymous said...

دافيه ملامحك

مو اي واحد يقدر يفهم، يعرف ويحس دفى الملامح
وانت قدرت

لانك مو اي واحد
....

من الاماكن اللي احرص على زيارتها لمن تضيق الدنيا بعيني .. مكانك هذا

عسى ايامك ومشاعرك كلها دفى ووفى

تراب

The Voice Within said...

walla zein no more istishwaar (wasilat iltadi2a il akthar naja3atan)
oo no more daffaya :P



tislam idayaatik 5ayyo

Shaima'a Alkandari said...

الحمدلله على السلامه بشر شصاررر على الاتفااااقيه تمت وبحمد الله ولا في حركه خيانه :)





براك صاحب الحرف الجميل
اللى نستمتع بحروفه دوما

براك لن ولن تتجمد حروفك
لانها ستروينا دوما

بنت أحمد said...

متيمد

كلمة غريبة وتدوينة جديدة

واحساس رائع

كلمات حلوة من قلب مبدع



دوماً كلماتك تعجبني

دمت بخير :$

Barrak said...

عثماني

حبيبي صاحب التعليق الاول
اي والله من زمان عنك

اه ياحسحسني هذي الكلمه انا مسجلها بإسمك


تبي شي يدفيك ؟

لايكون إنت بعد متيمد

Barrak said...

Kuwait

يعافيك ويخليك ويسلمك ويحفظك

اشكرك

Barrak said...

Sweet Revenge

اشكرك الشكر الجزيل

كلك ذوق

Barrak said...

منو ينسى

مشكوره

وعلى قولتج منو ينسى

اشكرك

Barrak said...

SHAHAD

زادوا اعداد المتيمدين

اشكرك

قلب طفله said...

على هالبرد منو

اللي مو متيمد :)))

صح لسانك

و الحمدلله ع السلامه بوعبدالله

|:| DUBAI |:| said...

حروفك
دفتنا
: )

!!

Barrak said...

esTeKaNa

بالنسبه لليرد فعلا مايغشمر

ومأذي خياشيمنا كلها

الله يدفي ايامك

والله يسلمك ويخليك
وخشيم الفار يبعثلك تحياته القلبيه عن طريقي انا العبد الفقير ابوه



اشكرك

Barrak said...

why me

الدنيا برد حدها

مو حده

اشكرك

رجاءا البدليات

Barrak said...

Purplecious
اي نعم القى تفاصيل للدفى

اشوفها
احسها

صباح الورد

Barrak said...

ShLaLaT

اشكر الشكر الجزيل

واحنا دفينا بوجودك

Barrak said...

Najmah

الله يسلمك ويخليك

وبحب عباده يدفيك

اشكرك

Barrak said...

Kuw_Son

كلامك يونس

وانا اقول جذيه بعد

صح


صح بدنك

Barrak said...

تراب
انتي قلتيها
مو اي واحد

صح لسانك

Barrak said...

The Voice Within

والله مافهمت الا خيّوا

Barrak said...

Shaima'a Alkandari

الظاهر انا اللي بخوّن

وجودك يروي


شكرا

Barrak said...

بنت أحمد

كلامك كبير علي يابنت احمد


اشكرك وايد

Barrak said...

قلب طفله


يسلمك ويخليك

الله يدفينا بالعافيه

اشكرك

Barrak said...

دبي

ووجودك بعد

Romia Fahed said...

براك ...عساك بخير وعافية ..

لا تزال مدونتك تطل بالجميل وأرى في شعرك تطور مميز للمفردة والأسلوب..

مزيد من التقدم أتمناه لك..

دمتَ لمن تحب

Barrak said...

روميـه فهد

كلامك وسام على صدري

وبصراحه يشرفني



اشكرك على وجودك

لاتقاطعين