أبي أركب صاروخ
يودّيني أي مكان
كوكب كلّه أمان
مافيه عقل يفكّر
وقلب مفضوخ
أبي أركب صاروخ
،،،،،
يقطني بعيد
لاجرايد لابريـــد
بتعرّف على كائنات فضائيه
ماتعرف اللّويه والأذيّه
كلها عزّه وشموخ
،،،،،،
يلوي فيني على المجرّات
آكل ببلوتو سكر نبات
وأتعشّى بأورانس والمشتري
وأرد على المريخ قَــــــــــرِي
وبعطارد أدوخ
،،،،،،،
بتكوكس بدون جاذبيه
أتمـــقّط وأهيهي شويّه
ويسموني الرائد : براك
أصير سفير الأفــــــــلاك
وأخلّي همي مشدوخ
،،،،،،
بالقمر أبني لي عرزاله
وأتأمّل نوره وجماله
وأشرب بيالة شاي
ويمّي دولكــــة ماي
وبفك متفوخ
أبي أركب صاروخ
27/11/2008
الخميس
مفظوخ : فضخ أي مزّق وعادة مايقولون للشخص الحساس قلبه فضيخ
يلوي فيني : أي يسير معي بإتجاهات متعدده
قري : أي إلى الخلف مثال صبحي قطّه قري
بتكوكس : ومفردها كوكسه أي الشقلبه من الأمام إلى الخلف والعكس وهناك
نشيده ترددها الامهات لأبنائهن عندما يلعبن معهن تبدأ بكوكسه إلى أن تنتهي
بالمدرسه
نشيده ترددها الامهات لأبنائهن عندما يلعبن معهن تبدأ بكوكسه إلى أن تنتهي
بالمدرسه
أتمقّط : بتشديد القاف أي أفرد ذراعي يمينا وشمالا وعاده مايتمقط الانسان بعد
استيقاظه من نومه
استيقاظه من نومه
أهيهي : أي أمشي بلا هدف
مشدوخ : أي ساقطا على الأرض
عرزاله : وهي عبارة عن جلسه مرتفعه تصمم عادة على شاطئ البحر أو في البر
بيالة شاي : قدح من الشاي وعادة الشاي بالكويت يقدم بالكوب أي البياله
والاستكانه أي الطبق الصغير والقفشه أي الملعقه
والاستكانه أي الطبق الصغير والقفشه أي الملعقه
دولكه : أي قنينه كبيره
متفوخ : أي منتفخ
،،،،،،،،
فاصل فكاهي
،،،،،،،
سألوا غبي شنو الحيوان اللي عنده أربع ريول ؟؟
قال
^^^^^^^
^^^^^
^^^^
^^
^
دجاجتين
46 comments:
هههههههههه
حلوه يا وخيي الغالي
اي والله حتى انا ودي
اطير بالصاروخ
واهم شي البفك المنفوخ
بس على شرط
البفك بوسفينه
هههههههههههههههههه
حلوه النكته
ههههههههههههههه
الله يوسع صدرك يا وخيي يا براك
صج صج محتاجين نضحك
حلاة البفك المتفوخ
مع
.
.
.
.
.
.
دقوس بوديج
هههههه
ان شاءالله تركب صاروخ
يوصلك للي تتمناه
يا براك
:)
ترى الغبي اللي بالنكته
عنده
وجهة نظظظظظظظظظظر
لووووول
يا حلو كلامك براك
يالله يا ربي يهدي بالك
ويبرد على قلبك
هههههههههاي حلوه
وان بعد ودي اطير بطياره
لانه مو حاصلي صااااروخ
يا زين حروفك يا بو عبدالله
تحياتي
إذا لقيت حجز
احجز لي معاك براك
:(
نبى رومانسية
نبى بوست
جي يحاكي القلب
من زمان ما قرينا
: )
براك كاتب البوست وانت يوعان :P
مافيه عقل يفكّر
اذا لقيت هالكوكب عفيه قولي عنه بروح
معاك بصاروخك
انا مو رادني ورا الا هالعقل
انا ابي برّد بو صاروخ
صح لسانك.. الكل وده يشلل
:)
حسبي الله و نعم الوكيل
شسالفة التكوكس؟
:Pp
احيانا فعلا
اتمنى اركب صاروخ
واروح كوكب ثاني
:(
ضح لسانك براك
ما تحتاج صاروخ عشان تتعرف على فضائي
http://megamyth.blogspot.com/
صواريخ موجه للمريخ من كل جهه
ذكرت برد صاروخ
ههههههههههههه
التكوكس دارج بالبوستات :))
صح لسانك
بوست يشرح النفس
بالقمر أبني لي عرزاله
وأتأمّل نوره وجماله
خوفك يمر عليك رئيس الازالة
و حلمك يتحول دام بالكويت يخليه خرابه
:)
:)
ابي اروح
Mamloo7a Q8ia
هال باختي الغاليه
صاحبة التعليق الاول
بفك بو سفينه موشي
انصحك ببفك الامارات
الله يسلمك ويخليك
vancouver
اثاري البفك المتفوخ صيته واصل لي كندا
ياسلام
اخر سائح فضائي دفع 55 مليون دولار عشان يركب الصاروخ
انا علي مليون والباجي عليج
الغبي اللي بالنكته ماله خلق عوار راس كلش
Bluetiful Nostalgia
اشكرك
الله يسلمك ويخليك يارب
صبا
مو حاصلك صاروخ وانا موجود
جم واحد تبين
هلكوبتر تبين
انا بحاول اكلم المسؤلين عشان موضوعك
الزين
خلاص بس الحساب على منو ؟
دبي
على امرك
بس خل يوصل شهر ديسمبر
لانه شهر الرومانسيه
Sweet Revenge
اي والله يوعان
كلنا ذابحنا العقل
والمشكله محنا عارفين شلون نريحه
انا بسوي صندوق بسميه صندوق الصواريخ
ضاد
ماتبون برد بو علج
صح بدنك
نجمه
والله سالفة التكوكس هذا سر
ماراح اقوله
شنو قصدك
ضح لسانك
تبيني اضحي بلساني
يعني ماأشتري خروف اضحي فيه
ليش جذيه يانجمه
البدليات ديري بالج كثرت
ههههههههههه
ma6goog
يامطقوق
اللحين حاطلي عنوان مااقدر ادشله
ليش
terkwaz
التكوكس منتشر هالايام
اشكرك على وجودك
Enter-Q8
تصدق اذا عندي صاروخ
لارئيس الإزاله ولا غيره يقدر على عرزالتي
اصلا احط لكل مواطن عرزاله وبياله
ودولكه
Shaima'a Alkandari
دزيلي مليون وربع دينار وانا حاضر
بس رجاءا نقدي مو شيك ولا تحويل
سو لي مكان بييب دقوسي وايي
فريج سعود
هههههههههههههه
اذا دقوس بو ديج حياك الله
اذا تاباسكو اسمحلي
لاتحاتي بحطلك مكان يم الدريشه
عليك كتابات خيالية ماشاء الله
يعني بخواطرك واشعارك تخلي الي مايفهم يفهم ... ماتييبها بطريقة معقدة ماشاء الله عليك
ههههههههههه صاروخ مره وحده؟؟
اي الله ينولك
تسلم ايدك
براك
لمن افتح مدونتك
الموسيقى تذكرني بكل شي
باول رد
برعشة اليد
بالتردد
وخجل انرسم فوق الخد
استمد من مكانك هذا ثقة بمشاعر
وايمان بالممكن
وحوار مع كل شي .. كل شي
تفاصيلك راقيه دائما يابراك
* شفت الصورة ( حنان ) عاد انا كله اقول يعجبني الشاذي اكثر في عيونه شي ثاني !! :)
راقي يابراك راقي ياخوي
الله يحفظك
حتى انا ابي اركب صاروخ
بس يردني قبل الدوام اخاف يخصمون عليي ؟؟
الحساب علي أفا عليك
بس انت احجز وبلغني
:)
اهم شي وين الوجهه؟؟
لووووووووووووووووووول
لووووووووووووووووووووول
ابيه ابيه
الكبر شين يابراك
:P
بتكوكس بدون جاذبيه
بتمغط وأهيهي شويه
هههههههههههههههه
هذا كله من كتاب معرض الكتاب:
كيف تتكوكس؟
بس الظاهر كتابك اللي شاريه حيل متقدم لانه ضايف على الكوكسه :
كيف تهيهي؟
اخيه يا قلبي الفضيخ
اللي عاف هالكوكب ويبي يطير
لي دليت ذاك الطريج
لا تنسانا يا براك
:)
اثاريني قدح من الشاي
كلمة قدح حسيت ممم
أهم شي الترجمة
هههههههههههههههههههههههه
ترا على فكرة
هذا البوست وايد ضحكني
مادري ليش
:)
الله
بلوتو فيه سكر نبات :)
وين ليش ما تروح الزهرة
ما تبينا.. بنات حواء؟
أو اربع وزراء
كل واحد ينقز علي رجل
alsaronah
اشكرك وايد
كلامك يونس
أو بالكويتي البحت
يسرسح
Meme
مابغيت شي
بس صاروخ
اشكرك
الله يسلمك
تراب الكويت
بل انتي اللي تفاصيلك ارقى واروع
ماخليتيلي شي اقوله
الا شي واحد
شكرا
mtfa2el
سأحاول دراسة طلبك سيدي المتفائل
الزين
الوجهه اكيد قلعة وادرين
Najmah
هههههههههههههههههههههههههه
esTeKaNa
شفتي شلانتي اللحين قدح بس يدلعونك استكانه
هههههههه
ميرامار
الزهره مايمدحونها
يقولون هناك فيه بق
كويــتي لايــعه كبــده
ههههههههههه
Post a Comment