Monday, November 17, 2008

كودنه



بعد 50 سنه
جم واحد نذكره
جم نائب نذكر صراخه؟
وجم وزير نقول الله يرحمه
كان معيشنا بهنا
بعد 50 سنه


جم إستجواب بنقول فَهَّمْنا
ساعد بتثقيفنا وطوّرنا
ورحم عيالنا وأهلنا
وداوانا كِلِّنا
بعد 50 سنه


الناس تنذكر بالخير بسيرتها
بإخلاصها وتفانيها ومودتها
ياما ناس الأيام طوتها
والتاريخ إعتبرها
كودنه

بعد 50 سنه
كودنه : وهو الشئ الغير مهم
خارج الموضوع : اشكر مدرسة البيان ثنائية اللغه على دعوتهم الكريمه
اول محاضره لي على هذا العنوان
أوان

44 comments:

mtfa2el said...

بو عبد الله
الناس تخاف ما تختشيش
هذول نوابنا ..يخافون ما يختشون

JiBLa CiTY said...

الحكم والأشعار والأمثال كلها يعرفونها بس من يطبقها ويتعظ ؟

تراب الكويت said...

50 سنه
في البدايةاستغربت الرقم
بس بعدين .. اتضح ان هناك من نحتاج لمئات السنين لكي ننسنا ونتجاوز آثار افعالهم
سنذكرهم يا براك .. لكن كيف ستكون الذكرى؟
هذا السؤال الاهم فعلا .. صح كلامك
اتمنى يوصل تساؤلك عقول الغافلين او المتغافلين

راقي يابراك.. تقديري :)

esTeKaNa said...

أنساك
دة كلام
أنساك يا سلااام
Pp~
في ناس تغني لهم الكويت مع ام كلثوم
دة مستحيل قلبي يميل
ويحب بعدك أبدا أبدا
:))
وناس الله يسامحهم
جرحو الكويت وجرحونا
ما ظنتي احد بيذكرهم بخير
ما ينسون
من لويه مسوينها حسافه على ديرتنا
:(

Salah said...

اي والله صاج

Anonymous said...

ليش البوست ابكاني؟


انا دايما اسال روحي
بعد ٥٠ سنة شنو من فعايلنا راح ينذكر؟

بعد ١٠٠ سنة شبتكون بصمتنا بهالديرة
بهالعالم
منو بيذكرنا؟

يابخت سقراط وارسطو
يابخت عبدالله السالم وتوماس جفرسون


:)

.
.

بعد مئة عام
بتتسطر فترة هالزمان
بكتب التاريخ في الثانوي والعام
كفترة مالها والي ولا امان
بلا انجازات ولا امتنان
صانعها الفاسد والفسقان
من قل انجازاتهم يبيلهم تلسب بالخيزران
هذا ان ظل عندنا مدارس ثانوي وعام
بعد مئة عام

^
^
ـ((ياااا شييييين السرج)) هههههههه



.
.

صح لسانك
اعتقد نحتاج سنين لنخرج من الدوامة اللي احنا فيها
وعشرات السنين لاعادة البناء
الله يصبرنا

جميل ما كتبت
والعنوان مؤثر فعلا
شكرا

AK-47 said...

من وصل الكودنه نائب ووزير ؟؟؟
ناس ازقرت :)

Enter-Q8 said...

براك يا خوي انا زهقان هالمرة مو من المجلس و لا الحكومة
هالمرة من الشعب
اهو اللي اختار و اهو اللي يتحلطم

Fashionista said...

صح لسانك يا براك

ma6goog said...

أخوي هناك

نبض الروح said...

اممممممممم فعلا جميل وتساؤلات في مكانها ولكن من يسمع ؟؟؟
سلمت أناملك أخي :)

JuVeNTiNa said...

مبرووووك .. اليوم كنت اتصفح الصوت و قريت كودنه و تحت قريت اسمك وايد استانست

الله يوفقك ان شاءالله

ميرامار said...

وجم واحد نلعنه؟







بالتوفيق براك

:))

حـمد said...

صح لسانك

Shaima'a Alkandari said...

جم

امممممممم

الجواب سهل


شويه ينعدون على الاصابع

Makintosh said...

بعد 50 سنه في احداث راح نذكرنا صارت بالمجلس لانها ماتنسي
--------
في نواب راح يظلون بالذاكره مو عشان اعمالهم الجليله عشان اعمالهم المخزيه
--------
وفي نواب باي باي لانه انا من الحين في نواب ناسيتهم مالهم حس

رجل يحمل مشاعر said...

ألا تلاحظ معي اخي براك انه منذ الثمانينات تقريبا اخفت الرموز الكويتية أصبح الناس في الغالب يسيرون وراء مصالحهم حتى ابناء مؤسسي الكويت لم تعد الوطنية تهمهم كما تهمهم مصالحهم .

مفهوم المواطنه ربما أصبح محل شك إن لم يكن معدوم لدى الكثيرين ، السؤال هنا هل نعي نحن من نقرأ شعرك الراقي أين سنكون بعد 50 سنه وما هي البصمه التي سنتركها؟

راقي كعادتك

لك ودي اخي

SHAHAD said...

بعد 50 سنة
راح تظل سيرتك عطرة مثل ما هي : ))

كويــتي لايــعه كبــده said...

وكم واحد تقول الله يلعنه وكم واحد راح تقول الله يلعنه؟!

دستورنا ما كمل 50 سنه وشوف الناس اللي تشتغل ضده من اليوم الاول الى اليوم

Barrak said...

mtfa2el

سيدي صاحب التعليق الاول

انا اقول اللي مايختشيش اهم الشعب اللي اختاروا هالنواب

Barrak said...

JiBLa CiTY

والله انك صاج

صاج

Barrak said...

تراب الكويت


وانا بعد وياج اتمنى

الظاهر هالايام الكلام ماينفع

Barrak said...

esTeKaNa

وايد عورتني هالكلمه

جرحوا الكويت

اي والله ياوخيتي جرحوها

والكويت ماتستاهل من انها تنجرح من هالاشكال

Barrak said...

Salah

اشكرك

اتمنى اني مااكون صاج

بس هذا الواقع

Barrak said...

Anonymous

بصراحه

تعليقك

او تعليقج

المفروض يكون مقاله وتنكتب بجريده

وايد حلو كلامك
او كلامج

اشكرك
او اشكرج

Barrak said...

AK-47

محد بيوديني طلحه الا انت

Barrak said...

Enter-Q8

والله انك صح

الشعب اهو السبب

يعني شنسوي

نجيب بدالهم بنغال

او افغان

Barrak said...

Fashionista

صح بدنج

اشكرج

Barrak said...

ma6goog

ماشفته

بس لايكون اسمه احمد

Barrak said...

نبض الروح

اي والله من يسمع

اشكرج على مرورج

Barrak said...

JuVeNTiNa

اشكرج

واللي وصلني هالمواصيل بعد الله تعالى
هو انتو

Barrak said...

ميرامار

اقولج شي

والله العظيم تحسفت اني نشرتها بعد ماقريت تعليقج


طافتني


اشكرج

Barrak said...

حـمد

صح بدنك

Barrak said...

Shaima'a Alkandari

من صجج؟؟؟؟؟

Barrak said...

Makintosh

للاسف كلامك صح


بس هذا الواقع للاسف

LonDonY said...

فعلا
لو الواحد يلتفت على الاستجوابات
اللي عدت.. مثل ما تفضلت
ما راح يلقى ايجابيات تذكر
نشيلها معانا ونذكر بأهميتها
وكل ما نخرج فيه هو ان استجواب
فلان لـ فلان
هو مجرد مضيعة للوقت بهدف
تعظيم "نفوذ" انسان على.. آخر

وانا مؤيد لكلام اخوي
Enter-Q8 بوليد
لمن ذكر انه زهقان من الشعب لمن
يختار غلط

وانا اقول
ان الناخب هو الكودنه
مو النائب


قواك الله براك
دمتم بخيرر


عندي ملاحظة صغيرة بخصوص صوت الموسيقى
ياريت يكون في ميزة البوز او الستوب
لانه يشوش على اللي يبي يشوف
كليب المقابلة.. والمتابعة تكون صعبة

alsaronah said...

صح لسانك ...

حال مايسر والله :(

بنت الشاميه said...

مبروك ...وهذا ان شاء الله الخطوه الثالثه ...... بعد الديوان
وبراكيات

مين اقدك يااااعم
كل التوفيق والتميز لك يارب

Barrak said...

رجل يحمل مشاعر

ياسلام عليك فعلا مفهوم المواطنه

هذه الكلمه التي لاأعلم كيف يحسسسها ابناء هذا الشعب

رائع كعادتك سيدي الفاضل

Barrak said...

SHAHAD

الله يقدرنا وتصير سيرتنا زي الجنيه الدهب

مكشوره على كلامج

اتمنى اني استحقه

Barrak said...

كويــتي لايــعه كبــده

لعن الله اللي مايحب الكويت

Barrak said...

LonDonY

الله يقويك ويخليك
مشكور ياخوي الراقي

من زمان عنك

وينك

اشتقنا

بالنسبه للملاحظه

والله ياخوي ماأعرف اسوي بوس او ايقاف للموسيقى ولكن عندي حل

اول ماتدخل على رابط المقابله اطلع من المدونه بالضغط على اكس
او اكتب بجوجل barrak alsouri

اشكرك

Barrak said...

alsaronah

صح بدنك

الله يسهلها

Barrak said...

بنت الشاميه

يبارك فيج

هذا فضل من الله
ووقفتكم وياي

انتو اللي خليتوني اوصل هالمواصيل

لوما انتو جان حتى بجريدة الوسيط ماحطوا صورتي