Wednesday, November 26, 2008

بفك متفوخ




أبي أركب صاروخ

يودّيني أي مكان

كوكب كلّه أمان

مافيه عقل يفكّر

وقلب مفضوخ

أبي أركب صاروخ

،،،،،

يقطني بعيد

لاجرايد  لابريـــد

بتعرّف على كائنات فضائيه

ماتعرف اللّويه والأذيّه

كلها عزّه وشموخ

،،،،،،

يلوي فيني على المجرّات

آكل ببلوتو سكر نبات

وأتعشّى بأورانس والمشتري

وأرد على المريخ قَــــــــــرِي

وبعطارد أدوخ

،،،،،،،

بتكوكس بدون جاذبيه

أتمـــقّط وأهيهي شويّه

ويسموني الرائد : براك

أصير سفير الأفــــــــلاك

وأخلّي همي مشدوخ

،،،،،،

بالقمر أبني لي عرزاله

وأتأمّل نوره وجماله

وأشرب بيالة شاي

ويمّي دولكــــة ماي

وبفك متفوخ

أبي أركب صاروخ

27/11/2008

الخميس

مفظوخ : فضخ أي مزّق وعادة مايقولون للشخص الحساس قلبه فضيخ

يلوي فيني : أي يسير معي بإتجاهات متعدده

قري : أي إلى الخلف مثال صبحي قطّه قري

بتكوكس : ومفردها كوكسه أي الشقلبه من الأمام إلى الخلف والعكس وهناك 

نشيده ترددها الامهات لأبنائهن عندما يلعبن معهن تبدأ بكوكسه إلى أن تنتهي

 بالمدرسه

أتمقّط : بتشديد القاف أي أفرد ذراعي يمينا وشمالا وعاده مايتمقط الانسان بعد

استيقاظه من نومه

أهيهي : أي أمشي بلا هدف

مشدوخ : أي ساقطا على الأرض

عرزاله : وهي عبارة عن جلسه مرتفعه تصمم عادة على شاطئ البحر أو في البر

بيالة شاي : قدح من الشاي وعادة الشاي بالكويت يقدم بالكوب أي البياله 

والاستكانه أي الطبق الصغير والقفشه أي الملعقه

دولكه : أي قنينه كبيره

متفوخ : أي منتفخ

،،،،،،،،

فاصل فكاهي

،،،،،،،

سألوا غبي شنو الحيوان اللي عنده أربع ريول ؟؟
قال
^^^^^^^
^^^^^
^^^^
^^
^
دجاجتين

46 comments:

Mamloo7a Q8ia said...

هههههههههه
حلوه يا وخيي الغالي

اي والله حتى انا ودي
اطير بالصاروخ
واهم شي البفك المنفوخ
بس على شرط
البفك بوسفينه

هههههههههههههههههه
حلوه النكته
ههههههههههههههه
الله يوسع صدرك يا وخيي يا براك
صج صج محتاجين نضحك

vancouver said...

حلاة البفك المتفوخ

مع

.
.




.
.





.
.







دقوس بوديج
هههههه

ان شاءالله تركب صاروخ
يوصلك للي تتمناه
يا براك

:)




ترى الغبي اللي بالنكته
عنده
وجهة نظظظظظظظظظظر
لووووول

Bluetiful Nostalgia said...

يا حلو كلامك براك

يالله يا ربي يهدي بالك
ويبرد على قلبك

صبا said...

هههههههههاي حلوه


وان بعد ودي اطير بطياره

لانه مو حاصلي صااااروخ

يا زين حروفك يا بو عبدالله

تحياتي

الزين said...

إذا لقيت حجز

احجز لي معاك براك



:(

|:| DUBAI |:| said...

نبى رومانسية

نبى بوست

جي يحاكي القلب

من زمان ما قرينا

: )

Sweet Revenge said...

براك كاتب البوست وانت يوعان :P

مافيه عقل يفكّر

اذا لقيت هالكوكب عفيه قولي عنه بروح
معاك بصاروخك
انا مو رادني ورا الا هالعقل

ضـاد said...

انا ابي برّد بو صاروخ

صح لسانك.. الكل وده يشلل
:)

حسبي الله و نعم الوكيل

Najmah said...

شسالفة التكوكس؟
:Pp

احيانا فعلا
اتمنى اركب صاروخ
واروح كوكب ثاني
:(

ضح لسانك براك

ma6goog said...

ما تحتاج صاروخ عشان تتعرف على فضائي

http://megamyth.blogspot.com/

terkwaz said...

صواريخ موجه للمريخ من كل جهه

ذكرت برد صاروخ
ههههههههههههه



التكوكس دارج بالبوستات :))


صح لسانك
بوست يشرح النفس

Enter-Q8 said...

بالقمر أبني لي عرزاله
وأتأمّل نوره وجماله

خوفك يمر عليك رئيس الازالة
و حلمك يتحول دام بالكويت يخليه خرابه

Shaima'a Alkandari said...

:)


:)



ابي اروح

Barrak said...

Mamloo7a Q8ia

هال باختي الغاليه
صاحبة التعليق الاول

بفك بو سفينه موشي
انصحك ببفك الامارات

الله يسلمك ويخليك

Barrak said...

vancouver

اثاري البفك المتفوخ صيته واصل لي كندا

ياسلام
اخر سائح فضائي دفع 55 مليون دولار عشان يركب الصاروخ
انا علي مليون والباجي عليج

الغبي اللي بالنكته ماله خلق عوار راس كلش

Barrak said...

Bluetiful Nostalgia

اشكرك
الله يسلمك ويخليك يارب

Barrak said...

صبا

مو حاصلك صاروخ وانا موجود

جم واحد تبين
هلكوبتر تبين

انا بحاول اكلم المسؤلين عشان موضوعك

Barrak said...

الزين

خلاص بس الحساب على منو ؟

Barrak said...

دبي

على امرك
بس خل يوصل شهر ديسمبر

لانه شهر الرومانسيه

Barrak said...

Sweet Revenge

اي والله يوعان

كلنا ذابحنا العقل
والمشكله محنا عارفين شلون نريحه

انا بسوي صندوق بسميه صندوق الصواريخ

Barrak said...

ضاد

ماتبون برد بو علج

صح بدنك

Barrak said...

نجمه

والله سالفة التكوكس هذا سر

ماراح اقوله

شنو قصدك
ضح لسانك

تبيني اضحي بلساني
يعني ماأشتري خروف اضحي فيه

ليش جذيه يانجمه


البدليات ديري بالج كثرت

ههههههههههه

Barrak said...

ma6goog

يامطقوق

اللحين حاطلي عنوان مااقدر ادشله

ليش

Barrak said...

terkwaz

التكوكس منتشر هالايام

اشكرك على وجودك

Barrak said...

Enter-Q8

تصدق اذا عندي صاروخ

لارئيس الإزاله ولا غيره يقدر على عرزالتي
اصلا احط لكل مواطن عرزاله وبياله
ودولكه

Barrak said...

Shaima'a Alkandari

دزيلي مليون وربع دينار وانا حاضر

بس رجاءا نقدي مو شيك ولا تحويل

فريج سعود said...

سو لي مكان بييب دقوسي وايي

Barrak said...

فريج سعود

هههههههههههههه


اذا دقوس بو ديج حياك الله

اذا تاباسكو اسمحلي


لاتحاتي بحطلك مكان يم الدريشه

alsaronah said...

عليك كتابات خيالية ماشاء الله

يعني بخواطرك واشعارك تخلي الي مايفهم يفهم ... ماتييبها بطريقة معقدة ماشاء الله عليك

Meme said...

ههههههههههه صاروخ مره وحده؟؟
اي الله ينولك
تسلم ايدك

تراب الكويت said...

براك

لمن افتح مدونتك
الموسيقى تذكرني بكل شي


باول رد
برعشة اليد
بالتردد
وخجل انرسم فوق الخد

استمد من مكانك هذا ثقة بمشاعر
وايمان بالممكن
وحوار مع كل شي .. كل شي


تفاصيلك راقيه دائما يابراك


* شفت الصورة ( حنان ) عاد انا كله اقول يعجبني الشاذي اكثر في عيونه شي ثاني !! :)


راقي يابراك راقي ياخوي

الله يحفظك

mtfa2el said...

حتى انا ابي اركب صاروخ
بس يردني قبل الدوام اخاف يخصمون عليي ؟؟

الزين said...

الحساب علي أفا عليك


بس انت احجز وبلغني


:)



اهم شي وين الوجهه؟؟

Najmah said...

لووووووووووووووووووول

لووووووووووووووووووووول

ابيه ابيه

الكبر شين يابراك

:P

esTeKaNa said...

بتكوكس بدون جاذبيه
بتمغط وأهيهي شويه

هههههههههههههههه
هذا كله من كتاب معرض الكتاب:
كيف تتكوكس؟
بس الظاهر كتابك اللي شاريه حيل متقدم لانه ضايف على الكوكسه :
كيف تهيهي؟

اخيه يا قلبي الفضيخ
اللي عاف هالكوكب ويبي يطير
لي دليت ذاك الطريج
لا تنسانا يا براك
:)

اثاريني قدح من الشاي
كلمة قدح حسيت ممم
أهم شي الترجمة
هههههههههههههههههههههههه
ترا على فكرة
هذا البوست وايد ضحكني
مادري ليش
:)

ميرامار said...

الله


بلوتو فيه سكر نبات :)


وين ليش ما تروح الزهرة
ما تبينا.. بنات حواء؟

كويــتي لايــعه كبــده said...

أو اربع وزراء

كل واحد ينقز علي رجل

Barrak said...

alsaronah

اشكرك وايد

كلامك يونس

أو بالكويتي البحت
يسرسح

Barrak said...

Meme

مابغيت شي

بس صاروخ

اشكرك
الله يسلمك

Barrak said...

تراب الكويت

بل انتي اللي تفاصيلك ارقى واروع

ماخليتيلي شي اقوله

الا شي واحد


شكرا

Barrak said...

mtfa2el

سأحاول دراسة طلبك سيدي المتفائل

Barrak said...

الزين

الوجهه اكيد قلعة وادرين

Barrak said...

Najmah

هههههههههههههههههههههههههه

Barrak said...

esTeKaNa

شفتي شلانتي اللحين قدح بس يدلعونك استكانه


هههههههه

Barrak said...

ميرامار

الزهره مايمدحونها

يقولون هناك فيه بق

Barrak said...

كويــتي لايــعه كبــده

ههههههههههه