Sunday, November 9, 2008

متاي



على البسطه أمّاعين حزني والبياله

وبالقند قصتي تحلّي الشاي

باسجّل على دثرتي إثبات حاله

وبتسندني الزلابيه ولهوم الحواي

تسندني الدوه والبيز ببساله

تقول لهمومي بالسلامه باي

أنا بقلبي ياناس فاتح بقاله

فيها بفك  ودثره ومتاي

والمتاي اصل تكوينه سيباله

وأكله جميله للفقارى والحفاي

هذي سوالفي قبل لاتنكت البياله

قايلكم مره ثانيه لاتصبون شاي


الترجمه


البسطه : كلمة مأخوذه من البساط

أمّاعين : الأواني المنزليه

البياله : كوب الشاي او الحليب

القند : مكعبات السكر

دثرتي : ومفردها دثره وهي عباره عن اغراض مبعثره

الزلابيه : نوع من الحلو المشبّك

اللهوم :حبيبات نباتيه مثل الحلبه والسويداء (حبة البركه) والفلفل الأسود والكركم يسف في الفم ويشرب عليه الماء

الحواي : اي الحواج وهو بائع الادويه الشعبيه

الدوه: بتشديد الواو وهي المنقله يوضع فيها الفحم للتدفأة ويسكّر عليها الشاي

البيز : قطعه من القماش تخاط من بقايا القماش لمسك الأواني الساخنه

المتاي : بتشديد التاء وهي مقالي هنديه مجففه

بفك : رقائق الذره

علوج : العلكه



33 comments:

صبا said...

الاولي

:))

صبا said...

غوري


وشاي

وقند

ومتاي

صج هالجو مال دوة شاي
ومتاي حااار

أكيد قلبك عنده فرع ثاني بالبحرين

ma6goog said...

:)

لا تشهيني

why me said...

يم يم


متاي وشاي

Salah said...

عاد متاي؟

ما حبه!

أبي شعر عن التمر!

:)

Bluetiful Nostalgia said...

الله

شوقتني ويوعتني من الصبح
:)

صباح الخير

كويــتي لايــعه كبــده said...

بسطه ومتاي؟

ليش؟

ما حاشك من الكم مليار اللي قطوهم على التجار شيء؟

ميرامار said...

راد من البحرين؟

Shaima'a Alkandari said...

براك يابراك

خليتني اوله على البحرين وحبايب قلبي بالبحرين

وانا اقولك صب بياله ثانيه وثالثه
وخلنا نبسط معاك

الزين said...

:)

لأ لأ لأ يابراك

من صجي حبيت هالنص

حسيت بريحة اهلي فيه

احم

يازين البحرين ومتايها

الله لا يخليني من نصوصك ولا من ابداعاتك

:)

Mamloo7a Q8ia said...

عاد توني ياوخيي يا براك
ماكله ذاك المتاي
مع استكانة الشاي
:))

جابل دثرتك وقول لهمومك
مع السلامه .. باي باي


فاتح بقاله في قلبك؟؟؟

الله يحفظ قلبك الكبير يا وخيي

Barrak said...

صبا

اهلا بك سيدتي صاحبة التعليق الاول

المتاي عباره عن مقالي مخلطه

والكلام اللي كتبته مثل احساسي مخلط

اشكرك

Barrak said...

ma6goog

عاد ارخص شي عندنا المتاي


ارخص من المارلبورو

Barrak said...

why me

بدال يم يم



المفروض


ايباه

Sweet Revenge said...

عقب فوز السمي تطلع لنا بمتاي بـــــــس اقل من قوزي مانرضا
:P

AK-47 said...

كبير كبير

تراب الكويت said...

على البركه براكيات

تستاهل الخير براك :))

الله يوفقك

GUCCI-q8 said...

اتينن

بسيطه وحلوه

خفيفه

وذكرتنا بلحظات

يعطيك العافيه

|:| DUBAI |:| said...

هني و عافية يا براك

: )

Barrak said...

Salah

مافي عن التمر

فيه عن البيذان

Barrak said...

Bluetiful Nostalgia

صباح الورد والياسمين
والرياحين النديه

Barrak said...

كويــتي لايــعه كبــده

عاد هالموضوع مافيه سياسه لازم تكسر فينا


قلبك وايد متروس

تبي الصج

معذور

Barrak said...

ميرامار

لا والله

انا قاعد بالديره

Barrak said...

Shaima'a Alkandari

براك يابراك

تذكرت بشار يابشار هيا الى العمل

مالحقتي عليها يمكن

استانست وايد بعودتك للتدوين

Barrak said...

الزين

احم احم

مشكوره



انا احب البحرين بالشتا بس

Barrak said...

Mamloo7a Q8ia

بجابل دثرتي وبتسمر

شسوي بعد



اشكرك

Barrak said...

Sweet Revenge

بعد يوم 20 يناير

عازمكم بالبيت الابيض بالحديقه

Barrak said...

AK-47


الكبير الله سبحانه


يامتألق

Barrak said...

تراب الكويت

يبارك فيج ويخليج



التوافيج هالايام تمام

Barrak said...

GUCCI-q8


حلوه تينن

بس ترى اهي شكلها خفيف

لكن المعاني ثقيله

فيها سحنة جبد

Barrak said...

دبي


على قلبك


مشكوره

رجل يحمل مشاعر said...

وعقب هالشقا يا براك عسى كروتك كانت تسوى :)

بقاله قلبك إذا ما زارها الحب ومر عليها الشوق ووقفت على بابها الصداقة فأظن ان التجارة فيها خسرانه :) صكها وافتح لك جمعية الزباين أكثر :)

افتقدت التعليق على مدونتك لها نكه خاصه :)

Barrak said...

رجل يحمل مشاعر

والله انا اللي فاقدك

ايها الانسان الراقي

بصراحه انت قلت كل اللي ابي اقوله

ياخي انت تحمل كنز