Thursday, November 20, 2008

أرسِمَــــــــه




أتوسّد بقايا ذكرياتك وأهيم بطواريها

وأتخيّلك هوى بيوفي أشهَقْ أتنَسّمه

ذكراك جميله وجميله أكثر معانيها

تطري ببالي وأحسني معلّق بالسِّما

أحس بصوتِك يمطر الدنيا يرويها

يخليها  بقطرات حسِّك متوَسِّمَه

الذكرى للناس لحظه تمُرْ بما فيها

وذكراك عندي لحظه وقفت متبسِّمَه

ذكرى تدلّي أشواقي و تجدّيها

وبصدر الوقت تاخذ طاريك ترسِمَه

أتوسّد بقايا ذكرياتك أهيم بطواريها

انت هوى بيوفي أشهَق أتنسِّمَه


20/11/2008
الخميس

24 comments:

Manal said...

مشتاقة لديرتي الكويت

وكل يشتاق للي يهمة

:)

charisma said...

تسلم ايدك

الذكرى للناس لحظه تمُرْ باللي فيها
وذكراك عندي لحظه وقفت متبسِّمَه

يا سلام
:)

Anonymous said...

روعه

ماقول إلا ربي يزيد إلهامك


أبدعت يا براك

Kuwait said...

صح لسـانك :)
الجميل بأبياتك أنك تستخدم الكلمات الكويتيه الحلوه وكأنك تخاطبنا مباشره :)

ميرامار said...

ياربي على هالكلام الحلو والقمرة اللي تطل علينا

عاد بدر السما استحى وراح من يومين

:)

تراب الكويت said...

Speechless

Najmah said...

أتخيِّلك هوى وبيوفي أشهَق أتنسِّمَه

الله براك
حبيت هالتعبير وايد

كلماتك جميلة
واحساسك اجمل

ربي يحفظك

بنت أحمد said...

صح لسانك

شو هالابداع

خطيييييييييير

سلمت يدينك

ربي يحفظك

ويدوم عزك

Shaima'a Alkandari said...

كعادتك يا براك

ترسم البسمه على محيانا وعلى قلوبنا من خلال قرائتنا لحروفك

SHAHAD said...

أتخيِّلك هوى وبيوفي أشهَق أتنسِّمَه

عجيييب هالتعبييير
خياالي

Barrak said...

Manal

الله يردك لديرتك
سالمه غانمه

عشان تنور ديرتنا

اشكرك ياصاحبة التعليق الاول

Barrak said...

charisma

اي والله وقفت مبتسمه للحين

اشكرك

Barrak said...

Bluetiful Nostalgia

اللهم امين

اشكرك

Barrak said...

Kuwait

صح بدنك

ولو ان هناك العديد من الناس لايهتمون باللهجه الكويتيه
ولكني سأستمر بها لانها هي النور الي نسير عليه

اشكرك

Barrak said...

ميرامار

مشكوره

الكلام صار حلو
لان الذكرى للحينها بعيوني حلوه

اشكرك

Barrak said...

تراب الكويت

thanks

Barrak said...

Najmah

يمكن انتي حبيتي هذا التعبير
انا بصراحه عايشته وحسيته

والله يوميه احسه

اشكرك

Barrak said...

بنت أحمد

احنا نقطه ببحركم

اشكرك

Barrak said...

Shaima'a Alkandari

كلامك شرف لي

سلميلي على الوالده
وقوليلها وين الوعد

Barrak said...

SHAHAD

اشكرك

ياشهد الروح

اتمنى يكون خيالي

قلب طفله said...

عجييييييب يا براك

تسلم و الله ويسلم احساسك

:)

ضـاد said...

براك يا براك!

أحلى شي قريته لك.. أرسمه

والله ماكو غير ( صح لسانك ) مرة و مرتين و وثلاث و أربع ..........................................



آه يا براك

Barrak said...

قلب طفله

الله يسلمج
انتي وقلبج

Barrak said...

ضـاد

سلامتك من الآه

تعليقك هذا وسام