اعاده لما سبق نشره ليش ...؟ ماأدري
مادقّوا علي ماعطوني وزاره
ولاحسّوا بإمكانياتي الجباره
ولا رقمي سألوني عنّه
ولا بالغلط عطوني رنّه
ياقاصدينها ياعياره
ماعطوني وزارة
....
ودّي أعرف شنهي المعايير
يبوني أهوّس وإلا أطير
ودي أفهم شنهي المواصفات
يبون ضمير حي وإلا مات
يبون ناس مريشه
وإلا فقاره
ماعطوني وزاره
....
على الأقل وزارة التخطيط
خل يعطون ويه للزعاطيط
يمكن يلقون فيهم حلول
خل أصبر يمكن أنول
يمكن تنفع الطراره
ماعطوني وزارة
....
انفع للأعلام والأشغال
يمكن أعدّل أصلح الأعطال
يمكن أسمح لبرنامج للمدونات
يمكن أهدي لشعبي حياة
وتكون بيدي مكامن السّنع
وأسراره
ماعطوني وزارة
31/07/2007
السبت
ولاحسّوا بإمكانياتي الجباره
ولا رقمي سألوني عنّه
ولا بالغلط عطوني رنّه
ياقاصدينها ياعياره
ماعطوني وزارة
....
ودّي أعرف شنهي المعايير
يبوني أهوّس وإلا أطير
ودي أفهم شنهي المواصفات
يبون ضمير حي وإلا مات
يبون ناس مريشه
وإلا فقاره
ماعطوني وزاره
....
على الأقل وزارة التخطيط
خل يعطون ويه للزعاطيط
يمكن يلقون فيهم حلول
خل أصبر يمكن أنول
يمكن تنفع الطراره
ماعطوني وزارة
....
انفع للأعلام والأشغال
يمكن أعدّل أصلح الأعطال
يمكن أسمح لبرنامج للمدونات
يمكن أهدي لشعبي حياة
وتكون بيدي مكامن السّنع
وأسراره
ماعطوني وزارة
31/07/2007
السبت
20 comments:
عطو الكويت "خيارة" الله كريم
Q8 chili
افا عليك بس
بس وزاره الا ثنتين وثلااااااث انت طب وتخير شنو تبي
لك اللى تبي
افا علييييييييك بس
ولا تدري شلون
يبه اختاروا الرجل الغير مناسب وحطووه بالمكان الغير مناسب له
عادي مو خربوطه خربوطه السالفه
يمكن يبون حكمة جحا و حمارة!
أو يبون ألطم بالحسنية على مغنية و الدموع من عيني جرارة!
أو أخذلي قطعة عالبحر أبنيها مشروع مو مرخص و اللي يكلمني أسدل على كلامه الستارة
مستغلين علي وزارة الخارجية او الدفاع إشناقصني أصلا إشزيني لا شهادة و لا خبرة و لا مهارة
ورقمي سهل بمحكمة العدل إبملف الادلة الناقصة بالخط الاحمر القاضي حاط يمة إشارة
ياأخي الواحد شسوي اكثر من جذي عشان يصير وزير إبهل إمارة
في جميع دول العالم الكل يرغب بالتوزير الا بالكويت :)
ليش ما يعطونك وزاره
خالف تعرف ويعطونك الديره بالي فيها
!!!
وعلي الدنيا السلام
تستااهل
ليه مايعطونك؟
غلطانين بصراحة :)
يمكن لو نزل الديوان اللي لك
سنين تكتب عنه
تمسك الاعلام
ويا سلاام
صدق بنشوف
وبنسمع اشياء تسوى
واهم شي الاماانة والثقة :)
تستاهل بو عبدالله
وربي ينولك الخير :)
تستاهلها يا بو عبدالله
اللي خذوها مو احسن منك بس
بالاول لازم يكون لك ملف بأمن
الدوله او عليك قضيه و ساعتها
تستحقها بجداره
:(
انا بين قراءة البوست وبين اني قاعد اشوف The Bourne Ultimatum
ما امل من هالفلم
على اي حال راحت اللقطة الحلوه وخلني اكتب قبل لا تجي
لقطة احلى
... انا اقول يمكن انت امقدم انك تبي معاش اكثر من ثلاث آلاف
وتدري بما ان ميزانية الكويت على سعر البرميل لمن كان 20 دولار
فأرجوك لو توافق على الثلاث آلاف تراها زينه.
والله يوفقك للي فيه الخير
!!!!
كفاية
::
:(
Q8 Chili
ياصاحب التعليق الاول
مافهمت كلامك
الكويت انبل من اننا نعطيها ثمرة
لانها هي الاصل
وتقول ليش مدونتي انوخذت
Shaima'a Alkandari
اذا وزارتين
ابي وزاره الاعلام
وبسوي وزاره للوناسه
وبغير اسمي من براك الا مؤنس
اخر جمله قلتيها بالصميم ياشيماء بالصميم
وكثرت آهاتك يابلد
shahad
هالمره انتي قويه وايد
اقوى مني
بس برد على موضوع الحسينيه
بصراحه وزير البلديه انا احترمه شخصيا بغض النظر عن اللي صار
لكن خل نشوف الموضوع من فوق
الترضيه عمرها مابنت دوله
ياقويه
مُحَسّدْ
انا اقولك ليش
لانك ان صرت وزير راح تتخيل عيالك يشوفون جلسه من جلسات مجلس الامه
وولدك يشوف واحد مايسوى بيزه يصارخ ويزف
اشتري كرامتي وراحتي وخلي عيالي يشوفوني بصوره محترمه وانا بينهم بالبيت
واه يابلد
صبا
شفيكم اليوم
الموضوع غشمره خليتوه جد
شفيكم قلوبكم متروسه
علامكم
لا النتخابات عاجبتكم
ولا التشكيل الوزاري
شتبون
ادري شتبون
تبون الافضل
الافضل بعيدين عنه وايد ياصبا وايد
روح
عندنا مايبوني
حتى ماعطوني رنه
شوفيلي وزاره عندكم
بالنسبه للديوان
ايه ياروح
خلصنا وصدقيني ابي اقدم شي قوي ويسوى
ابي دعواتكم بس
صدقيني مايبتدي موسم السفر الا كل شي خالص بامر الله
قلب طفله
لايامعوده
الحمد لله لاقضيه بامن الدوله ولا قضيه مرور حتى
بس الظاهر بعد تعليقك
بتحوشني قضيه
هههههههههههههههههه
هم انتي بعد قويه
مع ان قلبك قلب طفله
2cool2care
عاد الفيلم اللي انت تشوفه جنه فلم هندي
عموما انا ماابي شي
السؤال المطروح
اذا انا مو قبلي ولا اتبع طائفه معينه ولا حزب معين ولاتاجر ولا من اصحاب الملايين
وابوي ضحى سنين عشان الكويت
وامي ضحت سنين عشان الكويت
وجنسيتي اولى
كل هالشي مايشفعلي اصير وزير
شهادتي علوم سياسيه
عشر سنين خبره
اكتب شعر كويتي بحت
سياراتي كلهم اقساط
كل هذا مايشفعلي اصير وزير
عجبي
تراب الكويت
حرااام
:))))))))))
like it
قلم حبر
اشكرك
Post a Comment