يامه
كنت الصدر الوسيع
لي ضاقت فيه أيّامه
يامه
كنت أحضنه بيوفي
ماأعرف إلا أوفي
كنت ليلي ماأنامه
يامه
....
....
وشخذيت من اللي سويته
خذلني اللي عطيته
وراح وخلاني
قصّة حب تنقال
يحجون عن وفاي
يحجون عن هواي
يقولون
شهالحب اللي بقلبه
يقولون
كان غير حبه
من كثر شوقي
كانوا يقولون
علامه
يامه
......
......
هذي تالية اللي يعيش طيّب
بإسم الطيبه
يضحّي بروحه
بإسم الطيبه
يصير حبّه طموحه
ويعيش يوفي
ويتنفّس أشواقه
بإسم الطيبه
يصدق بكل حرف بكلامه
يامه
......
......
إيه يالدنيا ماخاب الرجا فيج
كنت أدري تالية الهيام ضياع
كنت أدري
تالية اللقا وداع
كنت أدري
إنّي متوهّم
كنت أدري
كنت أدري
وماتفيد الندامه
يامه
38 comments:
يامه
عرفنا الحب وسنينه بس ما منه انتهينا
يامه
صح السانك يابو عبدالله
اسمك بو عبدالله؟
تالية اللقا وداع !
//
كذا الدنيا يابوعبدالله
(ياهي صعبة..بالحيل صعبة)
..
عجزت أستوعب كمية الحزن هنا!
ت خ ن ق
عسى هالنص يندرج تحت:
((يقولون مالا يفعلون))
وعسى الفرح واللقا//الهنا فالك ..
هذي آخرتها معاك ؟؟
رميت حبي وراك؟؟
قلبن عطاك الوفا
مجنون لو ما نساك
نتفانى في الحب و العطاء لدرجه نبي مقابل و لو كان بسيط
الحب علاقه بين اثنين فيه حب و عطا متبادل
بس مرات نصير احنا مضحيين زياده
ونعطي بلا حساب
لين ننفجر في النهايه بعد الجحود
مرات اصرخ من قمه راسي
انت مو ولدي
وقلبي مو هيئه خيريه لاعانه الناس
انا بشر
مرات انفجر صج و اقول
ان الحب راح يقتلني لو استمر فيه بهالطريقه
ومع ذلك نستمر و نمشي بالطيبه
ليش بابراك؟
لان عمري ما عطيت احد يسدد حساب الثاني
الي خاب الرجا فيه الله حسيبه
و يبقى الامل في الدنيا
وتبتدي قصه طيبه مع الغير
مع بدايه جديده
والاهم تبقى الروح بالداخل
براك
و الطيبين
وشعقبه الندامه
قول الحمدلله
بس انتبه العمر يركض و الحساب ماشي و الزمن ماينطر احد
ياالله
يبتها على الجرح يابراك
:(
ليش الطيب صار ماله مكان؟
الراوي بو عبدالله
احنا في زمن الطيب لازم يلعبون بمشاعره او يضحكون عليه
ليش ؟؟ لانه طيب
الطيبه حلوه وماكو احلى من القلب الابيض الطيب
بس في فرق بين الطيبه والسذاجه
ولازم ما نخلط بينهم
انا احب شخص احترمه طيبه معاه اعطيه كل شي وما اطلب منه شي
بس ما اشوفه يروح لغيري وارد اعطيه
لا
كل شي له حدود
مثل ما انا احبه لي حق اني اطلب منه لو شويه اهتمام
لو حس صج اني مفتحه عيني وافهم كل شي يسويه
يمكن كان ما لعب علي ولا ضحك على طيبتي الزايده
اخوي براك .. ان شاء الله انت ما مريت بهالموقف
وصدقني الطيب راح يلقى واحد طيب مثله يحبه
والخبيث يلقاله خبيث
القصيده عجبتني
تعور القلب بس واقع
تسلم مشاعرك واحاسيسك
راح زمان الطيبه والناس
الطيبه تنعاف
إيه يالدنيا ماخاب الرجا فيج
كنت أدري تالية الهيام ضياع
كنت أدري
تالية اللقا وداع
كنت أدري
إنّي متوهّم
كنت أدري
كنت أدري
وماتفيد الندامه
يامه
اى والله كنت ادرى كنت ادرى
وبعد الصدمه تييك ردت فعل قويه
وتصير انسان ثانى
بس تبقى الطيبه للى يستاهل الطيب
مثلك وشرواك يا براك
تسلم ايدك
انا عندي
قناعة
...
من يرخص
طيبك وللاسف باعة
..
ترخص يا براك
حتى
بالصمت
وداعه
...........
هذا ردي البسيط من الهام حروفك
GUCCI-q8
سيدتي صاحبة التعليق الاول
يامه
اخذتها من اغنية لعبدالحليم
يامه قلبي داب من عذاب الحب يامه
صح بدنك سيدتي
kila ma6goog
لا اسمي براك
ولقبي بو عبدالله
عشون عيل
روح
كلام كبير فيه كلمات مابين السطور عرفتها فهمتها
قالها الجميري هكذا الدنيا فراق واجتماع
مااظن انه حزن يمكن وقفه مع النفس
راح يندرج النص تحت
عطني عمر واشبع طماشه
اشكرك ياسيدة الذوق
lawyer
قال عبدالمجيد وعبدالمجيد صادق
كلامج ادق واحلى واعمق من كلامي
هذا اللي بقوله
ومايحس بالنار الا رجل واطيها
اشكرك اشكرك وايد
Najmah
الطيب صار ماله مكان لانه صار اسمه بقاموس الانذال مغفل
اشكرك يانجمه
ShLaLaT
انتي قلتي كلمه فعلا الواحد لازم يفهمها عدل مدل
كل شي له حدود
اي والله
الطيبه يامه ضيعت الناس يامه
اشكرك سيدتي
طليتي بالتانكي ؟
charisma
إيه يالدنيا ماخاب الرجا فيج
كنت أدري تالية الهيام ضياع
كنت أدري
تالية اللقا وداع
كنت أدري
إنّي متوهّم
كنت أدري
كنت أدري
وماتفيد الندامه
ايه هذي فيها مشاعر مختلطه حيره وندم على شوية ابتسامه مصطنعه
كنت ادري
كنت ادري
كررتها اكثر من مره لاني قلت ايه لاني اخاطب نفسي
ودائما عندما يخاطب الانسان نفسه يكون صريح جدا جدا
بس شتفيد الصراحه وشتفيد الندامه
يامه
اشكرك
منو ينسى
صح لسانك
وانا هم عندي قناعه
ألم جرحي ولا أطلب شفاعه
اشكرك
و تاليها مع قلبك؟؟
انا ناقص وجع !!
يقولك :
بعض الغلا ياخذلخ ايام و يروح
وبعض الغلا ياخذله سنين ما يروح
وبعض الغلا متمكن داخل الروح
لا فض فوك اخي البراك...اسعدني تواجدك في مدونتي..وكذلك تواجدي بمدونتك
حياك
هذي الكويت تشتكي من عيالها
يصلح نقول هالكلام حق ضيف الله بو رمية ؟؟
و الله بو عبد الله شوف دعايته بالتلفزيون ..ذكرني بالبيت المسكون حق المسلم
دايما سهل ممتنع يا براك !!
طليتي بالتانكي ؟
اي طليت للحين فايض مشاعر
يقدر يروي الكل وعمره ما يوقف
الله يوفقك
والله كتاباتك وحروفك تتحجى بروحها
ليش الطيّبة؟! صارت عيبة.. وكلمة وييي يحليله/يحليلها على نيِِاته/نيِِاتها نسمعها وايد!!
عيبي طيّب
الطيبة معدن وساس
واللي ساسه الماس
مايتبدل حتى لو تبدلوا الناس
ولو أحاول أجاري هالأجناس
وأسلخ جلدتي علشان ماأنداس
بينقلب حالي وأعيش محتاس
وتلقاني أضرب أخماس بأسداس
وأنزوي بحالتي الصعبة عن كل هالناس
لأن يبقى الساس دساس
وأبقى طيّب
وصح السانك يا طيّب>> برََاك
دليمية
هذي تالية اللي يعيش طيّب
اي والله
صح لسانك
عوار قلب كلامك يا براك
عوار قلب
تسلم ايدك اخوي براك .. ماكو شي بهالدنيا دايم .. مادايم الا وجهه سبحانه
يعطيك العافية طال عمرك :)
"كنت أحضنه بيوفي ماأعرف إلا له أوفي"
كيف يأتي الوداع بعد كل هذا الحب !؟
كــلمات مؤثره و كلهاإحســــــاس
و مادري ليش طرت على بالي أغنية عبدالمجيد...
إذا تفارق شخص عادي مصيـــــــبه
وشلــــــــون لو فارقت منهو تحبه
شعور مؤلم
و تسلم يا براك :)
اللي مثله يستاهل تتركه
براك اصلا انت منو يشبهك
.
.
ناطرين منك كتاب اشعار
كافي عوار قلوب بالنت
نبي عوار قلوب على الورق
مساالورد والجوري
مبدعنا الراقي
للحب فلسفه غريبه وعجيبه
بالوقت ذاته
قمة السعاده عندما نجد من يبادلنا
الذره بالذره
ذاتها من ناحيه الاحاسيس
طبعا
ولكن
اقسي طعم لذلك الحب هو الخذلان
والاصعب عندما يكون من ذلك
الصدر الحنون
ولكن بالنهايه
الطيبه ماله وجود
بغابة ذئاب المشاعر
....
دمت بدفء وعذوبه
ابدا
:))
يامه و يامه
قلوب بالطيبه عمرانه
تنطعن بالخيانه و المهانه
و يامه و يامه
بتتحطم قلوب للحب وفيه وشفقانه
دنيا غريبه يا براك
تسلم ايدك ياخوي دوم مبدع
دمت بسعاده
اخيييه
والله عورت قلبي
حسبي الله عليه
نجل فيها
مبدع دائما يابراك
إلى ما الخُلف بينكمُ إلى ما !!؟
و هذه الضجة الكبرى على ما !!؟
يامه و يامه بنشوف أكثر لعشنا
:)
bu saad
انا قلبي مشكلته مشكله
هذا الغلا بياخذله لحظتين وبيروح
منورني ياخوي
شرفتنا
يااااامه !
كان ودي اعلق
كلام يقرقع بقلبي
بس كل بيت يسولف عن روحه
الابداع عنوانك
تسلم ايدك
صح لسانك خيو
ندري
نتوهم
وهم ندري
صاحب القلب الطيب تعود على العطاء حتى عندما يغدر به يظل قلبه ضعيف
لا يحتمل القسوة على من احب
يبتلع حزنه .. يبتسم رغم دموعه
هكذا هو دائما
كما انت دائما صاحب احساس عالي
يلامس المشاعر فتُحتضن بكلماتك
إيه يالدنيا ماخاب الرجا فيج
كنت أدري تالية الهيام ضياع
كنت أدري
تالية اللقا وداع
ليش كلامك حلو ويعور القلب.. ليش كلامك دايما صح
ثانكس
كنت أدري تالية اللقا وداع
كنت أدري إني متوهم
كنت أدري وما تفيد الندامة !
في الحب يا سيدي نحن مسيرون لا مخيرون، يقتحمنا بـ جنون.. فـ نتبعه بـ نفس الجنون..!
حتى ولو كنا على يقين بأننا سنتألم بالنهاية.
سعيدة بما قرأت هنا،
تقبل فائق شكري :)
يامه ويامه ويامه
بس عشان نشوف احلى ابتسامة
:(
صح السانك
Post a Comment