Tuesday, May 6, 2008

الأغلبيه الصامته




الأغلبيه الصامته


ناس شايفه وساكته

ماودها تشاركنا

بحفلة الزار الجماعيه

ماودها تتكلّم

كافيها ضيم الدنيا

أنوارها موجوده

بس خافته

الأغلبيه الصامته

.....

تشوف من بعيد واقعنا

ودها تآزرنا

بس 

يأسها تمكّن منها

والبرود سكنها

تخاف تقرّب

تستاحش تجرّب

الكل منهم رافع جامته

الأغلبيه الصامته

....


تبي الحياة البيت والدّوام

بدون أحلام تنام

ليش تشارك

والوضع متشابك

وأصول الغلط

ثابته

الأغلبيه الصامته

....


ماتحب لوية الإنتخابات

مايهمها التغيير بالحياة

جامده والجمود منها متمكّن

همها وين تاكل ووين تسكن

وكل واحد حر بحياته

الأغلبيه الصامته

24/4/2008
الخميس

59 comments:

mantovani said...

مساك الله بالخير براك

الرسالة في كلاماتك واضحةوجادة

و انا الحقيقة كنت اتمنى ان الكلمات منشورة بشكل اكبر علشان تتحرك و تتكلم الفئة الصامته

مانتوفاني

قلب طفله said...

صح لساااااانك

الاغلبية الصامته اللي

كافيه خيرها و شرها و حتى

رايها و فعاليتها بالبلد

يا ليت يكسرون صمتهم و يطلعون

من صوامعهم يوم 17 / 5

تسلم ايدك و الله

دمت بود

The Voice Within said...

:D

دشت خاطري حفلة الزار الجماعية :p

شنتحجى شنقول الناس مللوا و مو الكل يعبر على اللبحة و أكلت القلب..

في نفوس انكسرت و شاب راسها من الهول و الهويل و الظيم اللي نزل عليها ... يبيلها من يوعيها و يرد فيها الروح مرة ثانية

جود ربك يطرح لبركه بالمجلس الياي علشان ما يكون لهم (الاغلبية الصامته ) علثة و يردون يداحرون النواب و ينشبون اب بلعومهم - مطارح حشا مو ديموقراطية-


نأسف على الاطاله

مبدع على العادة

صح لسانك :D

(روح) said...

كعادتك ..

في هالزمن...نشبه للجمادات
تقريبا..في حرصنا على السلامة
خصوصا الاوضاع الغير المستقرة

وكبت الحريات في بلد الحريات

بحيث ممكن كلمة وحده
تودي اي شخص//ورا الشمس !!

ويا زمان العجايب وش بقى ماظهر...



و كعادتي
فهمته على كيفي



دمت راقياً..

Lip Service said...

وين ال100 دينار اللي اقرها سمو الامير للطلبة الدراسين بالجامعات الخاصة بالخارج ؟

تم اقرار صرفها من 1 يناير والحين دخلنا شهر مايو هل سيتم صرفها بأثر رجعي ؟

الرجاء من المدونين تسليط الضوء على الموضوع جزاكم الله خير

Mohammad Al-Yousifi said...

الأغلبية الصامتة مريحة عمرها

اتمنى اوصل لي هالمرحلة

:)

hamdool said...

عساك عالقوه يا رب

walahna 3alaik w gelt asallem :)

SolaimaN said...

ليش تشارك ،،والوضع متشابك

!!!!!

هالكلمه اهي اللي ماتخليني اروح اصوت

كويــتي لايــعه كبــده said...

صدقت

الصامتين مريحين بالهم من اللويه اللي حنا فيها. نعم راضين عن انفسنا ان شاء الله بتأثيرنا المتواضع على الساحه السياسيه ولكن من فينا ما يتمنى ان يكون مثل اللي ماشي مو هامه ولا يدري وين الله قاطه

الجهل نعمه
ignorance is bliss

وبعدين اللي يعرف يلعب على الاغلبيه الصامته هو الرابح دائما. بس لا ازيد

الله يعطيك العافيه

charisma said...

ما ادرى بس التفاعل يحسسك بانتمائك
بغيرتك بحبك لهالبلد

اصمت وارفع الجام صعبه
:/

Super Woman said...

اخوي المبدع الراوي براك


في يوم من الأيام فكرت اني اكون من الاغلبيه الصامته
اللي اداوم وارجع لا سلام ولا كلام كافيه خيري شري

بس طبيعتي البشريه ما قدرت
ما اقولك اني ملقوفه واتدخل بكل شي

بس ما اقدر اشوف شي واسكت
يا يعجبني وابدي رايي او ما يعجبني و اسكت او احاول اغيره على حسب الشي يعني

الاغلبيه الصامته انا فهمتها انك ما تقصد بس بالانتخابات
يمكن كان قصدك بامور البلد ككل !؟

انا اعتقد يمكن بعضهم كان مو من هالمجموعه
يمكن كان يبدي رايه ويعطي تعليقه بس لما محد سمعه او سكتوه انحاز حق الاغلبيه الصامته ؟

يمكن كانت تييله مشاكل اذا قال رايه ؟

الراوي براك

انا اعتقد لو ان كان في طريقه حوار راقيه
ومحد ياكل الثاني اذا قال رايه
ولو كانوا يسمعون حق بعض بدون لا يقاطعون بعض
جان الاغلبيه الصامته راح تتكلم
راح تتفاعل


كلمات جميله
كالعاده مــبــدع

ولكن سؤالي هو
شدخل الكور اللي تكسر السيارات بالاغلبيه الصامته ؟

هل لان هذي الكور تمثل الحدود بين الحارات
فالاغلبيه الصامته تحط بينها وبين غيرها حدود ؟؟

ام ان هذي الكور موجوده منذ الازل بس اذا مشيت عليها تهز السياره
والاغلبيه الصامته موجوده وصامته ولاكن اذا تكلمت راه تهز شي فيك من ردها ؟

حاول اربط الموضوع بالصوره بس اتمنى انك توضحلي اكثر !!؟


وشـــــــكــــــــرا

Sn3a said...

نورها خافت
تدري
انا وحده شوي واأيس من الوضع

أأيس لما اشوف ناس يوصلون من رشاهم
واأياس لما اشوف ناس وعودهم سنين
وخلفو بهالوعود سنين
ووصلو

وأيس لما القى ناس بعمرنا مجندين بالجامعه يشترون اصوات

ليش السمعه ماقام تهم احد
خلو السمعه
ليش الذمه ماعادت تمنع احد

الله كريم

esTeKaNa said...

صمت طيبة الخاطر
صمت اللي عاف الامل
صمت اللي يصد الانسان
يخليه ساكت
!!
تقوله تعال وشارك
فكر بديرتك
بمستقبل عيالك
فكر بباجر
يطالعك بنظرة ألم
يقولك اي باجر؟
هو بقى فيها امل؟
يا يبه هالديرة من زمان انست
خلنا منها
خلنا عايشين
بلا لويه ولا تفكير بباجر
:(

الزين said...

شقول بس

ابداعك يربط لساني

يعجزني عن الكلام

ربي يسعدك يارب
ولا يحرمنا من كلامك

ومانكون من الأغلبية الصامته يا براك
اللي استسلموا وخلوا الحياة تمشيهم مو اهم يمشونها

Barrak said...

mantovani

مساك الله بالورد ياصاحب التعليق الاول

لو اضيعك يوم بالتالي اطير جبال



شسويت فينا الله يهداك


نخش بالموضوع

صدقني اكبر من قلوبكم ماراح القى

انا علي اكتب وارسم لحظه اتمنى تنحس

واللي يسعدني انها مو بس تنحس
كل شي بين السطور ينفهم

وهذا المهم

صج ان اه يابلد عالمي الخاص

بس احب انقل رساله
للاغلبيه الصامته
اللي فعلا كثرت بالديره
لو كل واحد يسأل نفسه يكتشف انه اهو اصلا من الاغلبيه الصامته
جامد
بحياته
بكلامه
حتى بعطلته

الجمودد مرض
يهلك
سؤال مهم يختصر اللي بقوله
ليش احنا الدوله الوحيده بالعالم اللي من الساعه 7 الى 3 واحنا شاغلين خطوط المطاعم
استاذي

اشكرك

Barrak said...

قلب طفله

مو بس يطلعون من صوامعهم حق يوم الانتخابات ويردون
لا
يعرفون ان
بالحركه بركه

Anonymous said...

هل تعتقد أن هناك أغلبية صامتة ؟!!

Barrak said...

The Voice Within

اول شي انا عندي استفسار
خبرج انا عليمي بالرموز الانترنتيه

شنو يعني d

و

p

وثاني شي

خل نطالع الامور من فوق

اللي همه شنو ياكل شنو يلبس
ووين ينام
شنسميه

الجمود يعلم الواحد السكون
والتطبع باطباع جامده

انا اخاطب فئه معينه صامته

انتو اكبر نسبه بيدكم التغيير

انت ياابو
لاتصير من الاغلبيه الصامته
تفنن بتغيير حياتك للافضل
اخذ المفيد من الوقت

بس لاتسكت

السكوت ياوخيتي يدمر


اشكرك

Barrak said...

روح


سيدتي

سؤال خطر على بالي


ليش احنا المسلمين بالذات

نسكت

كل اللي يصير
ونسكت

ليش

الكلمه هناك باوربا يكرمون قائلها
واحنا يخنقون ابو واللي خلف يد قائلها


شي يقهر
شي يحر

الشي اللي يسعد

انك فكرتي بالموضوع وشفتي الصوره بصوره اكبر واوضح

اشكرك

Barrak said...

باسجيل

ان شاء الله

Barrak said...

kila ma6goog


تبي توصل لمرحلة وين تاكل وتسكن ؟

مااعتقد

the.thinker said...

تسلم ايدك .. وماكو صمت يطول للأبد :) يعطيك الف عافية

Barrak said...

hamdool

يقويك
وتوله عليك العافيه

Barrak said...

SolaimaN


اذا ماصوت مو تقول ذبحونا النواب عطلوا مشروع التنميه

اللحين الاغلبيه الصامته ناقصين يزيدون عليهم واحد


بس هم كيفك

الدنيا حر

Barrak said...

كويــتي لايــعه كبــده

المشكله ان الاغلبيه الصامته
فاهمه شايفه عارفه
محد يقدر عليهم

راضيين يكونون بعيدين

اشكرك

Barrak said...

charisma

التفاعل يحسسك بانتمائك للبلد
التفاعل يحسسك بانتمائك للمجتمع



اكثر كلمه تنقال هالايام يامعود ارفع الجام


وايد تتكرر للاسف

Barrak said...

شلالات


الغلبيه الصامته

انا مااقصدها اهي تقصدنا

الاغلبيه الصامته
هم مجموعه من البشر انا ذكرت اوصافهم
لااقول انهم صح
ولا هم غلط
احببت ان اصفهم لكم

وانتم تحكمون
من هم
وهل هم بيننا
في ديرتنا
في اقاليمنا العربيه

Barrak said...

اسف اختي

بالنسبه لسؤالك عن الصوره

الكور اللي قلتي عنها الناس تطوروا قام يسمونها قحافي

المهم

شوفي الصوره

فيها عدة اتجاهات
هذي نظرة الاغلبيه الصامته للدنيا

هم وصفوها بكلامي

Selezya said...

احسنلهم اريح والله !!

U-Turn said...

ثلث ترباع الديره صارت صامته !!
والسبب "محــد يسمــع " لبــح صوتهم ..,, بس فقدوا الأمل وقالوا نكف خيرنا وشرنا أحسن لنا !!

والمشــكله الأغلبيه الصـــامته أهم من أصل البلــد أهم أهلهــا !!

لازم ايي وقت وينكســر هالصمت ..,, وتشتعل الغيره على ديرتهم :]


يمكن حالهم يكسر الخاطر !!
بس بالنسبه لهم مرتاحيين وايد

ما أقول إلا الله يعطييك العافيه
وعساك على القوة

The Voice Within said...
This comment has been removed by the author.
The Voice Within said...
This comment has been removed by the author.
The Voice Within said...
This comment has been removed by the author.
The Voice Within said...

:D
الله يهداك براك سويتها رموز انترنتيه نوبة وحدة

:D < هذا الله يسلمك ويه شاق الحلج ..حد الكشرة.. حايشه بو لويوه فصايرة الظحكه على كتر


:p< اما هذا ف ويه مطلع لسانه و يظحك مو على عياب ‏..‏ على عبط و هبال.. طبعا من ناحيتي آنا..‏ يعني ظحكة عبط...‏ جنه اسكت ابرك ‏:p ‏


عسى بس الشرح كان وافي :p
‎؟

قلم حبر said...

نو كومنت :)
لأني منهم ههههههه :)

Peace said...

الأغلبيه الصامته

يتهمهم البعض بالسلبيه

لكن من وجهة نظرهم

يدورون

راحة البال

Barrak said...

Sn3a

اختي العزيزه
اليأس مصيبه يبتلى فيها الشعوب الخامله


تفاءلي

Barrak said...

esTeKaNa

سيدتي وهل كلامهم وافعالهم صح
مجرد سؤال


يااستكانه صاروا وايد بالديره وايد وايد

Barrak said...

الزين

اشكرك ياسيدتي

انا مو صامت قاعد اشارك بقدر مااستطيع

بس ماتعودت اسكت
واقول اهي خاربه خاربه

انا جذيه

احب هالديره وناسها وايد

Barrak said...

مُحَسّدْ

لااعتقد انا متأكد

Barrak said...

the.thinker

يسلمك ويخليك

وعطني عمر واشبع طماشه

Barrak said...

Selezya

تهقين ؟

Barrak said...

U-Turn

ماأقول الا الله يعافيك ويخليك ويسلمك

Barrak said...

The Voice Within

الشرح انعاد 4 مرات شلون مو وافي


وافي ونص

Barrak said...

قلم حبر

هههههههههههه
احب صراحتك

Barrak said...

Peace

اذا راحة البال تدمر الامل مانبيها

فتى الجبل said...

وهالشي من اكبر اخطائنا

فتى الجبل said...

طبعا اقصد السكوت عن اللي قاعد يصير

Shaima'a Alkandari said...

في ناس تحجوا ليمه تعبوا واسكتوا ويمكن خذوا الصمت وسيله للهروب من الواقع المرير


بس هالشي غلط

لازم محد يصمت يتكلم ويتكلم ويتكلم ويدافع عن ديرته ونفسه بكل شي

فريج سعود said...

والله ولهت على كتاباتك
الاغلبية الصامتة اذا بتظل صامتة بتروح فيها

Najmah said...

براك
مادري شقول
صح لسانك
ويدوم ابداعك

ولا زلنا نتفاءل
:)

Barrak said...

فتى الجبل

هذا شي من شيات

اتمنى ان كلامي وكلام الاخوه والاخوات المعلقين يكون حرك في نفوسهم شوي

اشكرك

Barrak said...

Shaima'a Alkandari

سيدتي الراقيه

مانبيهم يتحجون

نبيهم يتفاعلون ويتحركون

الحجي مامنه فود

اشكرك

Barrak said...

فريج سعود

انا ولهت على كلامك

هلا فيك شرفتني

ترى انا اللي مقصر وياك مو انت


اي والله بنروح فيها

Barrak said...

Najmah

لاتقولين



يكفيني وجودك

اشكرك

سيدة نفسي said...

كأنك تدري بالحال يا خوي

:)

انا مو مقيدة ولا راح اعطي صوتي لأحد

Anonymous said...

لاتلومنا يابراك..
الوضع ماعاد ينطاق
لاتلومنا يابراك..
لي صار الكل ينهاك
والديرة اشكره تنباق
لاتلومنا يابراك..
الوضع فيها كالأشواك
اللي حتى الديِِِِن فيها بوََاق
لاتلومنا يابراك..
صوتنا أمانة وحق اللي رباك
وعليه بلا مفتاح إنتخابي بلا طلاََق


دليمية

Barrak said...

سيدة نفسي
اهلا سيدتي

انتي مو مقيده اشوه

انا اللي شاط عمري وقاعد اكتب عن الاغلبيه الصامته ماادري وين جنسيتي


انا اشك بخشيم الفار

Barrak said...

دليمية

لا والله الا الومكم والومكم والومكم

اذا انا اقول بس مااقدر
وانتي تقولين بس مااقدر

منو اللي بيقدر

لا والله الومكم