لو أملك جريده
لو أملك قناة
جان نثرت محبه مسطّره
وخليت للحب بيت وذرى
والبرامج
كلها غناوي
وسمرات
لو أملك جريده
لو أملك قناة
....
....
الكتّاب بكيفهم يكتبون
أعلمهم على الكويت يخافون
وتكون بقلوبهم أمانه صحفيّه
بيكتب الشايب قبل البنيّه
هذي تكتب قصيده
وهذا يرسم للصدق
اثبات
لو أملك جريده
لو أملك قناة
.....
.....
بحط مذيعين غير شكل
بامنع عن المذيعات الكحل
واسوي مناظره عن الفوضويه
واكشف الناس الانتهازيه
بعيّن مضحي وتفيده
وجاسم ومزنه وآيات
لو أملك جريده
لو أملك قناة
25/2/2008
الاثنين
83 comments:
الله أنا أول تعليق؟؟
آخ يابراك
لو الـ (لو) تنفع
كان سوينا بلاوي
بس احلى شي بمنع الكحل عن المذيعات ههههه
الكحل الحين صار ولا شي
يافل ميك اب يا ماتقدم ههههه
ومن زمان عن المركز الأول
=)
.
.
.
.
.
.
كااااااااااااسك ياا وطن
كلامك يعـــــِّور يابراك
تهقة تربح من هالقناة؟
الناس تبي هواش و فتنات
آه يا بلد
ضربت على الوتر
ان شاء الله تكون عندك جريده و قناة
و راح نكون من قراء الجريده
و مشاهدي القناة
وي جان بخت! أنا أول واحدة أزهب لك راس المال
عيال خواتي يعجبونك والمسجد قبال بيتنا... أهدهم عليه جم شهر إلا تكلفة الجريدة والقناة عندك
its gonna be my pleasure to be the first volounter to work with you in that JAREEDA & QANAT ;)
صح السانك علي هالكلام الطيب
قلبت المواجع
تحياتي يا خوي
الله
جانزين عندك هالقناة
جان مسحت كل القنوات
وخليت بس قناتك يا براك
ههههههههه
تفيده عاد
:))
يا ريت الى مثلك وشرواك يملك جريده او قناة
ايييه يا براك الله كريم
الاعلام مو مثل اول
الناس تشدها الفضايح والفتن
والجذب والنفاق
والطق والرقص
://
خلك بينا نقرا ونتفاعل
وعسانا ما ننحرم
بوست بالصميم
تسلم ايدك
وليش تمنع الكحل يا حافظ وتخلينا نشوف عيون حمصه؟
:Pp~
الله يا براك والله انها بتكون قناة كويتيه حتى النخاع
حتى برامج الاطفال نبي خشيم الفار يقدم وعندي بنت عم بثانيه روضه تعجبك
نخليهم مع بعض يقدمون
:))
وانا؟
تخليني اكتب بالجريده عن خاطري
واسطتي رب العالمين وبراك
ترا ما عندي احد
:Pp~
انت تملك اكثر من ذلك
تملك قلم نابض بارك الله لك فيه
تحياتي
سيد سعد
وناسه لو تملك قناة
بصير اول مذيعه تطلع من غير مكياج
واكيد راح توظفوني صح
el mothe3at ele may7e6on ke7el ma7ad yeshtehe y6el bwayehom ba3dain..LOL
eh walah lo el wa7ed 3endah Qanat.. chan 7a6 shaghlat o mina3 shaghlat 3ala kef keefah
bas yallah 7aleyan nektefe ina n9aker el tv laman maye3jebna shay
nice post:)
اخ لو عندنا قناة
بس ترد على قناة وجريدة الحرامية
صح لسانك حبيبي :]
عيون الحب
سيدتي صاحبة التعليق الاول
يمكن مع اللو يسمعونا ويفتحولي على الاقل ملحق بجريده
ركزت على الكحل لان هالايام الكحل صار وضعه مو طبيعي
كانه الوحده صاكينها بكس
اشكرك
عذبه
كاسك
ادري انه يعور بس يشرح الواقع الحالي
اشكرك
kila ma6goog
مثل مافي ناس تبي هواش
هم فيه ناس تبي برامج تغذي الفكر
اشكرك
9ahba'a
اهين يابلد
شقول غير هذا اللي ابي اقوله من زمان
Peace
ان شاء الله وكل شي بأمر الله
قولوا امين
عتيج الصوف
انا اللي راح افتخر فيك لما تتأسس القناة ويتجمع راس مال الجريده
بسوي برنامج لك اسمه عتيج الصوف
بس بشدد الرقابه عليك
صبا
صح بدنك
واشكر مرورك الطيب
مايخالف تحملوني
Aldenya
مشكوره سيدتي الراقيه
راح اسوي برنامج لك باسم الدنيا
بعد شتبين
charisma
طبعا تفيده لها مغزى بس ماراح ينقال
شرواك الطيب ياوخيتي
صدقيني حتى لو اللي احلم فيه يصير راح اكون بينكم
اصلا فيه برنامج يومي لمده ساعتين يتحدث عن جديد المدونات
من اعدادك وتقديم نرفانا
شكو نرفانا ماادري
esTeKaNa
ياحولو كلامج الكويتي العتيج
عيون حمصه شخباري حمصه
هههههه
خشيم الفار ماراح يصلح حق برامج الاطفال
الظاهر بسوي فقره دينيه
لانه هالايام من يشوفني يقول الحمد لله والشكر لله
مسوي الهوايل ويقول الحمد لله والشكر لله
وراح اطرح موضوع بنت عمك على خشيم الفار وننتظر موافقته
الحمد لله والشكر لله
الجريده تحت امرج
بس انا مالي راي
خشيم الفار اهو اللي يقرر
انا عبد المامور
MKSARAT SAYED SAAD
سيدي السيد
اشكرك على مرورك الراقي
اسعدني تواجدك وتعليقك
انت رائع كما هي كتاباتك
شكرا للإطراء
السؤال هل القلم النابض له مكانه بهذا الزمان ؟
kuwaitya_7saweya
المكياج مسموح بس بدون كحل
اذا راضيه لازم تجتازين اختبار خشيم الفار
انا مالي شغل
Ni3Na3aH
اشكر وجودك المنعنع
صدقيني راح تكون هناك غربله لمفاهيم الاعلام بقناتي
حلوه قناتي
Maximelian
ماراح ارد على احد
بس اعتقد راح اسحب البساط منهم
الله يرزقك
مافي شي بعيد عن رب العالمين
إييييه
تكفى براك .. امنع البف بكل أنواعه
لأنه مضر بالصحة
أحسه ثقيل عالراس
والله يا ريتك تملك
عشان نشوف شي راقي
ويتعدل الذوووووق العام
اخوي براك
ان شاء الله تكون عندك جريده و قناة
وتشيل كل شي معفن وتحط بداله يديد
الله يوفقك وييسر لك الخير اللهم امين
يارب العالمين
هذا اللي تتمناه
بس الواقع ان معظم اللي يملكون الجرايد همهم نفسهم وبس
ya salam 3alek wallah at7a66 m3ak 0 asaowy sharakah 3ala hal8anat ;)
كافي إن عندك إحساس ومدوّنة
أحسن وأصدق من عرب سات
تسلم يابراك
مدهش والله
وبس
بابل
why not? :)
بالجريدة
بالقناة
تحط ناس يتكلمون كويتي مو مكسر؟
لان مليت من اللي يتكلمون مكسر
:\
اييي والله..
صدقني قناتك تربح ..
الكويتيــــن شيبون غير الوناسة بس اللي على اصول ..
عــــاد شنور راح تسمي القناة
و الجريدة
لا تقولي خشيم الفار يقرر :P
Almas
الله يرزقنا ويرزقك
ولو اني مااعرف شنو البف
بس عشانك راح امنعه
البف مو نفس البفه
والبفه اهو الشخص المتين
او باللهجه الكويتيه الطريفه الطمبحله
lawyer
مانبي اماني وامنيات لازم تشاركين بالحمله البراكيه للقنوات التلفزيونيه
بالنسبه للذوق العام
من غيري بيعدله
عدل ؟
هـــدب
جريده وقناة مره وحده
انا راضي بشي واحد
واشكرك على دعائك الصادق
فتى الجبل
دام الاحلام ببلاش
والاماني هم ببلاش
يحق لي احلم
وترى حلمي بسيط
بس همتكم معاي
اشكر مرورك ياصديق
strawberry
بذمتج انتحاطط على جم
الا عاد اذا انتي دفعتي مليون وانا ميتين دينار
ممكن الحلم يصير حقيقه
ها اعطيك رقم حسابي ؟
بـابـل
الله يخلي لي هالاحساس
وهالمدونه
بس هم نبي ناكل خبز حالنا حال خلق الله
اشكرك
G and L
الاسباب متعدده ومتشعبه ومتفرعه
الا اذا عنكم واسطه وراس مال هذا موضوع ثاني
اشكرك على مرورك الاول
qesat_5ayal
انتي من صجك
انا يسموني صائد البدليات
تبيني احط ناس يتكلمون مكسر
مستحيييييييييل
والدليل اني راح اسوي مناظره عن البدليّه
لاتحاتين
`~MnO YeNSa!
راح اسميها
قناة الاخبار لخشيم الفار
انا مااقدر اشك خيط بابره من دون شوره
امس يقولي ليمتي انت بتصير ابوي
شقوله هذا
شعرك وايد حلو ويشرح الواقع .. انزين نبي قناة وطنية وتخاف على الديرة وبرامجها حلوة .. أمنية .. شرايك نتحاطط :)
كويتي متعصب
اشكرك على وجودك
وعلى اطرائك
اذا بنتحاطط انا وياك مانقدر انجرلنا كورولا موديل 90
عاد كان عندنا كورولا موديل 90 بس انباعت :) ... انا ودي انه التجار الوطنيين يسوون قناة على مستوى عالي منها يربحون ومنها يفيدون البلد ويكون صوت الوطنيين
أنا أحيي قناة الوطن .. لو تصير هي تلفزيون الكويت الرسمي يكون أبرك
كويتي متعصب
ليش بعتوها
ياااه
التجار الوطنيين او غيرهم مادري شفيهم خاملين
Kuw_Son
من حقك تقول رايك
ومن حقي اقول رايي
تبي قناة الوطن تلفزيونا الرسمي
تبي موضوع الطائفيه ينتشر مثل مانشروه
تبي يهللون بولد راعي المحطه
تبي قناة الوطن تكون التلفزيون الرسمي وهي همها بازالة الدواووين اكثر من همها على الديره
الحلو فيها ان اللي يشتغل فيها اهم كويتيين
عموما
رغم تحفظاتي على قناة الوطن الا انها قناة المل يشاهدها مو من زينها لا
لاننا محرومين من شي فيه ريحة الكويت
الانسان السعودي عندما يشتاق لبلده يجد اكثر من محطه
والمصري واللبناني
اما احنا
شقول
اشكرك
براك
انا عندي طلبات صراحة ..ابيك تاخذ النقل الحصري حق كاس اوربا و كاس العالم و كاس افريقيا و كاس اسيا و كوبا امريكا و الجامبيون ليق و الدوري الأسباني و الدوري الإيطالي و الدوري الإنجليزي و الدوري الألماني- لا الألماني مو لازم - و الدوري الفرنسي
بعدين ابيك تحطني معلق مع أحمد الطيب و الأخضر بريش
و ابي مباريات برشلونة أنا اللي أعلق
تم ؟
أخي العزيز براك
إن شاء الله تصير عندك قناة و جريدة
و تكشف الكذاب و تربط ايده
مثل المردم تحكره و تصيدة
تدري يا البرك
عندك اللي أحسن من الجريدة، عندك هامدونة العامرة اللي ما شاء الله تبارك الرحمن دوم عامرة بحسك و حس زوارها، و إذا الجرايد تنباع ب 100 فلس فمدونتك ما يازنها طن ذهب
أسأل الله لك و للجميع التوفيق
لوتملك قناه وجريده جان سويت سواه موطبيعيه ياخوي
وصح لسانك
لو
و
لو
و
لو
لو يملك براك قناة او جريده
كان شفنا هجوم عليه
بمجلس الامة
لو يملك براك قناة او جريده
كان ما خلوه سبب خراب هالامه
بس براك يملك اكبر من القناة و الجريده
محبة من ناس ما يعرفهم و لايعرفونه
وراحة بال راح يفتقدها
لو ملك
القناة و الجريدة
ريح بالك يالبرك
لو ما تسوي شي
كلامك يه على الجرح أخوي الكويت تستاهل كل خير
وللأسف في ناس ماهم غير انهم ينشرون الفتن الداخلية
وحروفك صدقني توصل وتأثيرها أكبر من قناة أو جريدة
وانت ولد الكويت وان شاء الله يكون صوتك مسموع
الله يعطيك العافيه ويحميك للكويت ويحميها لنا
كثيرا ما افكر
كيف لي ان اجعل الناس
يحبون انفسهم ويحبون بعضهم بعض
جريدة أو قناة
جميل أن يكون لا يزال لديك بعض من الأمل
واتمنى لو تحققت امنيتك
ربما حينها كنت ساتابع التلفاز
دمت بحب
تحياتي
البف .. الله يسلمك أخيي
أهو إنتفاخ موديلات حجاب 2008
يا ربي هالموديل من وين طلع؟
غريب
أمبيه ذكرتني بقبل لما المتين يطيح
نغنيله طاح طاح طمبحله
طاح طاح طمبحله
وغالبا ماتصير هالمواقف بالعيد
المسكين كاشخ ومتزقرت .. وبالآخر طيحة واحراج
المسكين يعصب من صجه
يحليلنا والله
مساالورد والجوري
مبدعنا صاحب جريدة وقناة
المستقبل
والله لو واحد مثلك وشرواك
يملك تلك القناة والجريدة
جان تعدلت احوال
كثيرة
بس شنقول
الله المستعان
:(
دمت كما انت
ابدا
:)
mtfa2el
انت تامر امر
طبعا اخذ مني حجي
اولا تبي نقل حصري لكل هالمباريات
شقالولك براك ولد شهبندر التجار
انا اذا نقلت لكم الدوري السوري زين
بالنسبة لتعليقك لمباراة برشلونه انا موافق
بس لازم اخذ رد ميسي وتورام واحتمال اكسافي
طلبك مجاب ياعنتر
بو محمد
ياحلو كلامك
تصدق من اقرا تعليقك افرح
واحب صراحتك
هالمدونه فاضت بمحبة زوارها
من غيرهم مخليني استمر
الله لايحرمني منهم ولا منك
Shaima'a Alkandari
تهقين اقدر اسوي شي
Enter-Q8
عاد انت لاتصدق
كلها قصيده
ابي ابين فيها ان اللي قاعد يصير وينكتب بالجرايد غلط
واللي قاعد نشوفه بالتلفزيون هم غلط
تذكر مره كتبت ابي اروح المريخ
السالفه بدت تبيخ
هذي القصيده على نفس الوتيره
حلوه وتيره
اشكرك ولو اني شرهان عليك
بس شسوي مااقدر
E6eba_Ethb7tny
الله يسلمك ويخليك
تشرفت بهذا المرور
وترى الطيبه ماتذبح
تقوي
اشكرك
NewMe
جميل ان اجد تعليقك على صفحات هذه المدونه
وجميل ايضا ان تكون لنا احلام
والاجمل انه بعد ان استلم القناة ستكون لدي مشاهده من ناس راقيه امثالك
اشكرك
وايد طولتي علينا
Almas
اشكرك على هذه المعلومه
وللعلم من اول ماطرينا الطمبحله
كتبت قصيده
عن الطمبحله
بس اخاف انشرها يفقصوني الطمبحليين
يعني جمع طمبحله
فراوله
مساء النور
شنو شتقولين
الامور الماليه راح تكونين انتي مسؤله عنها
بس بنظام المكافآت
قولي تم
لو تفتع عمل قناة الوطن وجريدتها
حسافتج يا كويت
اسف مافهمت
براك
إن كلمة لو تفتح عمل الشيطان
(حديث شريف)
حسافتج يا كويت
اشكرك على ردك الثاني
وكل اللي اقوله صدقت ياسيدي يارسول الله
من الحين اقولك أنا وياك
بس لا تطلب مني بيزات
الحالة تعبانة يا ليلى خطبة مافيش
إنتي غنية يا ليلى واحنا الدراويش
لو
ياليت
جان زين
جان البخت
كلمات سهلة بس التطبيق ؟
و صح إلسانك
لو تملك جريده
لو تملك قناة
اشتغل عند بلاش وما اغث احد
؛؛؛؛؛؛؛
تحياتي
sologa-bologa
عاش بو درويش
حتدفع يعني حتدفع
سدرة العشـــاق
انتو عطوني بيزات وأنا اعلمكم التطبيق شلون بيصير
صبا
اتشرف بوجودك بجريدتي وقناتي
اصلا انا بحط برنامج اسمه صبا
مساالورد والجوري
مبدعنا الراقي
تم
وما بعد كلامك كلام
دمت بدفء وعذوبه
ابدا
:)
فراوله
اشكرج ياسيدة الذوق
بارااااااااك العزيز
كما يوجد ملح يوجد سكر ولولا وجود الأثنين ما عرفنا الفرق بينهم
دمت بكل ود عزيزي
سيد سعد
MKSARAT SAYED SAAD
اشكرك ياصديقي على مرورك
رغم تقصيري
اشكرك جزيل الشكر وصح لسانك
Post a Comment