Monday, February 11, 2008

ماأناديك




ماأناديك

هذي دقات قليبي

شفقانه فيك

ماأناديك


...

من كثر ماأحبك


قلبي دقاته تنسمع

ترفّق 

وبقلبي 

ماأوصّيك

ماأناديك

....

بداخلي هيام وأشواق 


أنا عاشق 

زاده بدنياه حلمه 


بدقة قليبي كلمة

أبيك

ماأناديك


...

أحبك ياحشاشة يوفي


أحبك يانظري وشوفي

يابعد قلبي ياروحي 


احتارت حروفي

مادري شسميك

ماأناديك


65 comments:

kila ma6goog said...

مادري احسدك عليها و الا احسدها عليك؟

مستقلة كويتية said...

الحاجة طاغية للطرف الثاني عبر كلماتك

مادري إن كنت توجه كلامك لأنثى فأنا ماحب مخاطبة الأنثى كذكر

أحييك اخوي

Barrak said...

kila ma6goog

احسدها
ياصاحب التعليق الاول

Barrak said...

مستقلة كويتية

أولا أشكرك على مرورك الاول
ثانيا
وجهة نظر احترمها
ثالثا
اوجه كلامي لانثى والانثى اما ان تكون اما او حبيبه

`~MnO YeNSa! ~` said...

الله الله

الكلمات مو صج .. مشالله

لا مانبي حسد ولا شي اسمالله عليكم .. الله يخليكم حق بعض

Barrak said...

منو ينسى

يقولون عينج بارده

اشكرك

فتى الجبل said...

ان شاء الله آخر هالحب خير

Najmah said...

هذي دقات قلبي شفقانة فيك

اييي القلب مايسكت حتى لو خانه اللسان :)

تسلم حروفك يابراك

Ni3Na3aH said...

يا عيني على الاحساس

فريج سعود said...

أحبك ياحشاشة يوفي
أحبك يانظري وشوفي
هذا الي يسمونه الحب العذري الي افتقدناه
تسلم

فراوله said...

مساالورد والجوري
مساالنداء الأعذب من العذوبه
نفسها
مبدعنا الراقي
احاسيسك ترجمة عذوبه كامنه بدفء مشاعر
افتقدها زمان الحب
الجميل
لذلك عذوبتك لامست
أقصي مدي للضمير
هنا تكمن فلسفة القدر
دمت بدفء وعذوبه
ابدا
:)

magnoonah said...

بتسميني حكيمه
ويدلعوني حكوكه
ونااااااااااااسه

____________________

ما اناديك؟؟
بالصميم هالمره حسيتها من القلب لاقصى الروح


روعه والله روعه
واحساس صرت اشتاق له وامل منه


ما ادري
بس هالفتره احس اني ابي اجرب كل المشاعر


تحياتي لقلب اعتاد العشق ولقم تعلم الابداع ولروح ابت ان تسمو الا بالحب

SHAHAD said...

ماأناديك هذي دقات قليبي شفقانه فيك
يا سلام عليك : )

DanDash said...

.........

:(
:"(
ليه كده بأأأه

Selezya said...

بداخلي هيام وأشواق
أنا عاشق هام ومافاق
زاده بدنياه حلمه
بدقة قليبي كلمة
أبيك
ماأناديك
---
no comment :)

strawberry said...

nice kalamk waid bas enta mowajh kalamk 7ag meno? lazem a3aref 3ashan a7km :pp

bo rashed said...

كلامك يا خوي هذا من ايام الزمن الجميل
اللي كان فيه الحب مترفع عن الماديات والشكليات
رجعتني وايد ورى ياخوي وخليتني اتحسر
الله يسامحك
الكلام اللي يطلع من القلب دايما يترك اثر جميل
براك
صح لسانك

هذيان said...

لست أدري ما بعيني غير أني لم أنم
حيرة في السهد تبدو ثم يغشاها الألم
طيف ليلات الغرام ثم أطياف الندم
ثم أغدوا كالغريق بين أمواح العدم

Barrak said...

فتى الجبل

عندما يستقر في انفسنا وارواحنا الحب
لا نترقب الا كل الخير
دمت بخير

Barrak said...

Najmah

الله يسلمك ويخليك يانجمة السما

Barrak said...

Ni3Na3aH

بعضا مما لديكم

Barrak said...

فريج سعود

هذا اللي يسمونه العشق اللي تحسه بدقات قلبك

Barrak said...

فراوله

مساء القرنفل
حلوه القرنفل


هذه الاحاسيس او هذه الكلمات نشرت سابقا في البلوج المبيوق
واحببت ان اعيد نشرها
لكي استمتع بردودكم العذبه
اشكرك

Barrak said...

magnoonah

مااسميك انتي صج حكيمه

والدلع حكمكم

كلامك اخجلني
كل مااقوله اشكرك سيدتي المجنونه
اسف اشكرك حكمكم

Barrak said...

SHAHAD

لما الواحد يكون ساكت ويحس بدقاته اهي اللي تنادي

كل اللي يقدر يقوله
مأناديك
اشكرك سيدتي

Barrak said...

DanDash

تذكرت اغنية انغام

ماعرفش ليه
كل لما اشوفه والقى عينيه اصاد عينيه
بحب نفسي

Barrak said...

Selezya

تخيلي لما دقات القلب
وحده تدق عشان اعيش ووحده تدق وتقول ابيك

Barrak said...

strawberry

مايحتاي اقل حق منو
لكن اذا قريتيها ممكن نتخيل امهاتنا اباءنا اي شخص نحبه


تشرفت بوجودك

Barrak said...

bo rashed

هلا فيك اخوي الكبير

انا امثل هذه المرحله مرحلة الستينات والخمسينات
امثل ذاك الزمن الجميل

زمن حمد الرجيب وسعود الراشد وعايشه المرطه
مع العلم انني لم اعش تلك الفتره ولكنني احسسها

اشكرك كلامك ونسني

Barrak said...

هذيان

الله

صح لسانك

DiLLi O MiLLi said...

تدري أن قلوب المحبين لها عين
تمتاز بأنها ترى حقيقة المشاعر والأحاسيس
فلا يوهمها ما يوهم عين البصر
فعندما تحس القلوب بهذه المشاعر
تنادي بأعلى صوتها عندما تشتاق لبعضها البعض



فما أخلبك أيتها النغمات للقلوب
وما أقدرك لسلب الشعور والوجدان





من أروع ما رأيت
من لوحــاتك الشـــعرية
أمتعــت قلـــوبنا
يـــا بــراك

الوجد said...

كم هي رائعه كلماتك يا استاذ الحب



كثير استمتعت بقرائتها

بو محمد said...

عدل يا البرك
تدري عاد أو انا أخوك
احتراما لكلماتك و أحاسيسك
أقول
علها يوما تجود لك بالوصل أو الوصل يجود لك بها

mtfa2el said...

انااقول طول عمرك كبير بس منت مصدق
و يا الغالي اذا على المدونة
المدونة و راعي المدونة و حارس المدونة كلهم تحت امرك ..بس خل اعرف و احطك بالصف الأول تدخل متى ما تبي
و لو هي ذبيحة ما عشتك

Barrak said...

DiLLi O MiLLi

حقيقة المشاعر لاتظهر بصوره راقيه الا اذا امتزجت بنكهه كويتيه خالصه تنقيها مفردات عفا عليها الزمن ولكنها لن تختفي عن وجداني لان هناك قلوبا راقيه مثلك تعشق رؤيتها وتحس فيها

اشكرك

Barrak said...

الوجد

اشكرك سيدتي
وانا الى الان تلميذا للحب

Barrak said...

بو محمد

سهود ومهود لاتحاتي يابو محمد من غير علها

اشكرك ايها الراقي

Barrak said...

mtfa2el

احنا تلاميذك ياخوي

مشكور وهذا العشم
لاننا نحبك نبي نكون يمّك


احرجني كلامك
صلعتي صارت حمره من الخجل

Mamloo7a Q8ia said...

الله عليك يا خوي يا براك الله عليك
لك اسلوب في الكتابه وايد حلو والمفردات اللي تستخدمها عجيييييبه
تطلع من القلب وتدخل للقلب
الله يحفظك يا وخيي

charisma said...

ولهت على ااه يا بلد
اتمنى تكوون بالف خير يا براك



أحبك ياحشاشة يوفي
أحبك يانظري وشوفي
يابعد قلبي ياروحي
احتارت حروفي
مادري شسميك

يا سلام على تعبيرك الى يدش القلب
ويهيج المشاعر


ابييه براك انا جنى قاريه هالكلمات منك من قبل ولا يتراوالى؟؟

نومت العافيه
وتصبح على الف خير

|:| DUBAI |:| said...

يا سلام

: )

بعثرة مشاعر said...

احساس جميل

لكن آخر جملة ( شفقانه فيك )1
جنها تنقال شفقانه عليك مو فيك
مادري يمكن فهمتها غلط

لكن لاتقلل من روعة ماكتبت
:)

Faisal said...

ماأناديك
هذي دقات قليبي
شفقانه فيك
واحاتيك
من شوكه تأذيك
واناديك
ياقليبي حذاريك
اداريك
بيدي اداويك
عساها فيني ولا فيك
يابعد قلبي
ما اناديك
هذي دقات قلبي
شفقانه فيك

وصح لسانك اخوي براك
طول عمرك كبير ورائع
احساس مرهف وجميل
صراحه انا كل ما ادخل مدونتك
واقرا شعرك
ارد لك بتعليق نفس هذا
محاوله مني بسيطه ماتقدر بكتاباتك
ووالله والحقيقه انها تطلع مني لاشعوريا من اقرا كلامك

اعتقد عرفتني
مغير بلوقي ونكي صراحه لضروف حدثت اليوم
واتشرف اني ارد واقرا روائعك
تحياتي

Barrak said...

Mamloo7a Q8ia

مشكوره ياوخيتي
وتسلمين
ونورتينا

Barrak said...

charisma

حتى اه يابلد ولهت عليك

شهالغيبه

وترى هذي القصيده ان جاز التعبير نشرت بالمدونه القديمه اللي انباقت
ولانك صادقه بكل شي
فنفس هذا المقطع اعجبك بالسابق وقد كتبتي نفس الكلام تقريبا

اشكرك

Barrak said...

|:| DUBAI |:|

اشكرك

Barrak said...

بعثرة مشاعر

اشكر سيدتي على وجودك
بالنسبه لنقدك الراقي

شفقانه عليك
جرت العاده بالاوضاع الطبيعيه ان نقول ان العين او الروح شفقانه عليك
ولكن لان الوصف والحاله غير طبيعيه ولم تذكر من قبل بحسب تصوري
فهنا الشفقان ليس العين لكي نذكر شفقانه عليك ولا الروح ولا القلب بل دقات القلب

اشكرك

Barrak said...

Faisal


اشكرك على كل كلمه قلتها
واشكر وجودك حتى لو تغير الاسم
كلامك كبير علي ياليت استاهل ربعه


بس بصراحه ماعرفتك شرايك تبعثلي ايميل لانك اذا اللي ببالي ممكن اني ازنطك على هالغيبهه

عيون الحب said...

الله اشحلوها الكلمات هذي
دقات قلبي شفقانه عليك
احساس رائع لامس قلبي الرهيّف

احييك واحسدها
الله يديم هالمحبه
:)

Barrak said...

عيون الحب

بدون اي حسد
اشكرك سيدتي

9ahba'a said...

ولهت على تلك المشاعر الدافئة

Barrak said...

9ahba'a

والله احنا اللي ولهنا

يابختي بهالمرور


اشكرك سيدتي

هـــدب said...

العزيزالرائع براك كلماتك حركت بداخلي اشواق قديمه وبهديك هذي الابيات حافظتها بالذاكره
انا مهما قسي قلبي
بكلمه منك احسه ذاب
انا من كثر عشقي لك عشقت العنبر
والعود في ثيابك
انا يا ليت مغرم فيك انا كلي في غرامك شاب
احسك جزء من روحي ولا اتحمل غيابك
وتسلم وكل الشكر لك والله يوفقك

sweeta said...

nice

Shaima'a Alkandari said...

الله عليييييك يابراك

ياعيني على هالتميز

مشالله عليك دوما تتحفنا بالرائع

وتخلينا نتعطش للقادم

Barrak said...

انا مهما قسي قلبي
بكلمه منك احسه ذاب



الله على بساطة التعبير وقوته

صح لسانك ويسلم قلب حس وايد كتبت

Barrak said...

sweeta

اشكرك

Barrak said...

Shaima'a Alkandari

اشكرك اختي العزيزه

والقادم ان شاء الله احلى

Barrak said...

للتجربه

Selfridges Girl said...

nice blog
mashalla 3endek 7es ketaby 7elo
ma3a elwagt ra7 ye6la3 mennik shy mo 9ej
e7sasa 6ele3 men elgalb wenshalla yo9al lelgalb....:P

Barrak said...

Selfridges Girl

اشكرك على وجودك
وعلى رايك
تسلمين

Aldenya said...

مشتاقة لهذا المكان
ذو الرائحة المعتقة بأعذب الأحاسيس والمشاعر
ودائما انت يا براك
تدهشنا بعبير كلماتك
ورقة قلبك

Almas said...

قوووووة

دائما وأبدا هالمدونة تشعل احساسي الحقيقي

برقة الكلمة وصدق المعنى

رائع

صح لسانك

Barrak said...

Aldenya


هلا فيج اختي
رغم الغياب حياج الله
شهالغيبه

معذوره قبل لانسمع اعذار

هالمكان بعد مشتاقلك
اشكرك على كلامك

Barrak said...

Almas

قوتين

لا اليوم فيه شي

حياج الله

تسلمين على كلامك

وقفشاتك