Tuesday, February 5, 2008

آه يابلد

قرأت في هذا اليوم عدة مقالات في الجرائد وفي المدونات، وقرأت خبرا اليوم يقول ان وزير المواصلات سوف يراقب المدونات ولاأعلم ماهي الاسس الرقابيه التي سيستعين بها الوزير أو المكلفين بهذا الموضوع 
السؤال الذي يطرح نفسه من هو صاحب النظره الثاقبه في ادارة امورنا ومستقبلنا ومستقبل ابناءنا 


نظره ثاقبه

ماهمها تشوف الصّح

ماودها تنصح

تبي التدوده منتشر

والجذوب غالبه

نظره ثاقبه

....

تنوزن الأمور بالعدال

وينمحي رونق الجمال

وينفرض الفراغ والملل

ماله داعي العمل

وهي خاربه

نظره ثاقبه

....

اكتب دلايل لللخمبقه

اشحادك يالمسمار قال مطرقه

تطورق بالأوضاع بقوّه

أمّنهم بحجوه

وأقوال متضاربه

نظره ثاقبه

....

إمنعهم يشوفون حلول

انسى السّنع والأصول

خل منطقك ماكو شي

وهقهم شوي شوي

وقول كيفي للي موعاجبه

نظره ثاقبه

30 comments:

magnoonah said...

ايي صح لازم يراقبونه

لانه احنا احسن منهم ولان اهم ما عندهم شغل وقاعدين فاضين لو مجابلين شغلهم جان الله ما...............


بس شكوتك لله
ويكفينا فخر بس انه وجودنا ولو انه بسيط مسوي غصه ببلعومهم


انت متخيل انه اسامي مستعاره وصفحات يطبع عليها كلام يعبر عن راي الكاتب مخرعهم جذي ومدودهم لدرجه انهم يبون يراقبونه


ما اقول الا الحمدلله والشكر

وقولي نظره ثاقبه

kila ma6goog said...

اذا الحكومة قوية لي درجة تراقب العنترنت

خل يعدلون الديرة على دربهم و يحبسون تجار الاقامات و المخدرات و اللي كل يوم نايمين بشرطي

mtfa2el said...

انا ابويا آلي انت ما تعرفش حاجة
ما تسمعش حاجة
ما تأولش حاجة

فريج سعود said...

ستوضح دلاليل الخنبقه
اشحادك يالمسمار قال مطرقه
صدقت

Very.Q8ya said...

بهذه المناسبه السعيدة, ذكرت مقطع من مسلسل محظوظه و مبروكه

الفئران اتيه احمووووا الناس من
الطاعون

فتى الجبل said...

لا أسس ولا بطيخ
اهما يبون يصكون حلوجنا وبس
بس حامض على بوزهم

vancouver said...

صحححححححححححح لساانك براك


اي والله انسى السنع والاصول
!!

وخلكم جواسيس على الناس وافكارهم
!

صح لسااانك


_____________

شخبااااااارك
براك
لي الحين ماكو شعر
اقصد بالراس
مو عالورق
لووووووووووول

`~MnO YeNSa! ~` said...

صــــح لسانك ..

محد يقدر يسكتنا ترى

Selezya said...

والله عقلهم صغير صدقووني
خلو شغل الديره ويوو صووبنا

فراوله said...

مساالورد والجوري
مبدعنا الراقي
كلامك كله علي العين والراس
لان مايختلفون عليه
أثنين
بس باختصار شديد
اللي بالجدر...يطلعه الملاس
ههههههههههههه
دمت بدفء وعذوبه
ابدا
:))

qesat_5ayal said...

لا أقرأ الجرائد
ولما قرأت العنوان قطيتها من يدي


شيء مؤسف
!

Barrak said...

مجنونه

بعد هذا الكلام الواضح والصريح والراقي منك
اطلب منك تغيير اسمك من مجنونه
الى الحكيمه

Barrak said...

kila ma6goog

شتحاجي شتقول شيعدلون

حلوه يعدلون الديره على دربهم

Barrak said...

mtfa2el

والله زين تسوي
بس تعال لحظه

انا ابي ادش بلوجك يقولون لازم فيزا وتدفع رسوم ولازم يضيفك راعي المدونه

ابي انضاف شلون ؟

واذا ماتبي انا ابي

Barrak said...

فريج سعود

ستوضح دلاليل الخنبقه
اشحادك يالمسمار قال مطرقه

لو حبيت تستوضح اي دليل لاي خنبقه او عفسه او عدم التزام
الجواب واحد
المطرقه

المطرقه تمثل الفوضى والتخلف اللي يدق ويدك هالمسمار

Barrak said...

Very.Q8ya

تصدقين اللي قالت الفئران اتيه فيه وحده يمها بالسرير اللي قبالها ام كشه تصدقين احلى من اللي اصدر قرار مراقبة المدونات

Barrak said...

فتى الجبل

عاد انت من صجك اكو كويتي ينصك حلجه ؟

Barrak said...

vancouver

صح بدنك

وابشرك طلعلي شعر ومن كثره مااقدر اكتب لانه قذلتي طايحه عالكيبورد

احس عبيد ولدي يقول حسبي الله عليك يايبا
لانه مستقبل شعره زاهر وباهي مثلي

مادري من وين طالعه باهي !!

Barrak said...

منو ينسى


منو ينسى
ومنو يقدر يسكتنا


لان احنا شعب ماتعلمنا عالسكوت

Barrak said...

فراوله

مساء الورد سيدتي

واحنا ناطرين الجدر وملاّسه

Barrak said...

qesat_5ayal

زين سويتي


وفعلا قراءة الجرائد الكويتية خصوصا متعبه

انصحك بقراءة جريدة الشرق الاوسط

Barrak said...

Selezya

انا مصدقج

بو محمد said...

أخي الغالي براك
كلامك جميل و لولا عذوبة ما يطرح منك و من الكثير من الإخوة و الأخوات لما اشمأزت منه الأنفس الرديئة

Peace said...

في مثل مصري
الفاضي يعمل قاضي

bu saad said...

يقولك المثل:((ابوي ما يقدر الا على امي))



هاها....روحوا زين!! عبالهم الكويتي بيسكت!!

Shaima'a Alkandari said...

يبه فراغه فاضيييييييين قالوا خلونا نشد حيلنا ونسوي بلبله شوي وبعدين نطخ ونخرع البعض


يبه عادي

طنش تعش تنتعش

Barrak said...

بو محمد
اشكرك استاذي واصل العذوبه منك ينهمر

Barrak said...

Peace

صح لسانك

Barrak said...

bu saad

اي والله صدقت روحوا زين

Barrak said...

Shaima'a Alkandari

من وين مطلعه فراغع
اي والله فراغه
بس لازم مانطنش

عشان عيالنا