مِتْرَتْبَه
الأوضاع متْرَتّبه
بعناية بدقه
كل شي له رف
كل شي له علبه
مترتبه
الاوضاع مترتبه
.....
خلهم يتحلطمون
خلهم يستجوبون
خلهم يتدودهون
كل شي له حِسبَه
مترتبه
الاوضاع مترتبه
....
بالقلم و بالمسطره
نشوف فوضى ودندره
ونخلي التفنتق محبره
تثبت الغلط وإتكِتبَه
مترتبه
الاوضاع مترتبه
.........
تمثيليه من فصول
احداثها تحجي وتقول
تدفن مواثيق الأصول
وتعيّشنا بكذبه
مترتبه
الاوضاع مترتبه
......
مايبيلها كلّش فهاميه
فهموا ابعاد القضيه
منو خله الديمقراطيه
هالأيام مَسبّه
مترتبه
الاوضاع مترتبه
....
20-11-2009
الخميس
22 comments:
صح السانك ولسان حالك وحال البلد
صدقت
بافي فصلين بس
صح؟
تعودنا الترتيب يريح العين والقلب
علامه هالمره يخوف
:/
أهم شي انه
الاوضاع مترتبه
صح لسانك
كلمات مترتبه :)
متلخبطة
الاوضاع متلخبطة
بسوء إدارة
وشيء بتعمد
متلخبطة
الاوضاع متلخبطة
خلهم يوهمون
خلهم يحاولن يصلحون
محنا هادين الفلوس بالهون
متلخبة
الديرة متلخبطة
بالجر والدندرة
نشوف علن المسخرة
والجرايد المجيرة
لا من حق تكتبه
متلخبطة
الناس متلخبطة
ديرة تنباع بكم أقول
بمجلس ردي من بعد فحول
اكثرهم ذيل بين رجول
متلخبطة
الحسبة متلخبطة
خرب الديرة نفوذ الحرامية
ولعبهم صار من الأمور العادية
يخرب ويقط اللوم على البقية
متلخبطة
نظرة الشعب متلخبطة
حال لسان الديرة يقول
يا ناس ويا مسؤول
كلامي معاكم لا يطول
انقذوني قبل لا أثور
ترا عزي وعزكم الدستور
ما ينفع الكلام لي طارت الطيور
عيدك مبارك وتقبل الله طاعتك
العيد عليك يتبارك وعساك من العايدين الفايزين :)
صح لسانك =)
كل عام وانت بخير
ينعاد عليك بالصحه والعافيه يارب
Blog 3amty
صح بدنك ياخوي العزيز
اهل شرق
شكرا لاهل شرق
بو عبيد
منك نتعلم الصح
ياصح
ZooZ "3grbgr
لانه كل شي له علبه
مترتبه
Peace
اخاف بس
بنت احمد
صح بدنك
اقصوصه
اشكرك ِ
كويتي لايعه جبده
صح لسانك
استاذي الغالي
بنت الشاميه
ايامج سعيده
فيج الخير
بلوق عمتي
كل عام وانت بخير
Faith
علينا وعليكم
امين يارب العالمين
Post a Comment