Monday, November 23, 2009

مترتبه



مِتْرَتْبَه

الأوضاع متْرَتّبه

بعناية بدقه

كل شي له رف

كل شي له علبه

مترتبه

الاوضاع مترتبه

.....

خلهم يتحلطمون

خلهم يستجوبون

خلهم يتدودهون

كل شي له حِسبَه

مترتبه

الاوضاع مترتبه

....

بالقلم و بالمسطره

نشوف فوضى ودندره

ونخلي التفنتق محبره

تثبت الغلط وإتكِتبَه

مترتبه

الاوضاع مترتبه

.........

تمثيليه من ٧ فصول

احداثها تحجي وتقول

تدفن مواثيق الأصول

وتعيّشنا بكذبه

مترتبه

الاوضاع مترتبه

......


مايبيلها كلّش فهاميه

فهموا ابعاد القضيه

منو خله الديمقراطيه

هالأيام مَسبّه

مترتبه

الاوضاع مترتبه


....
20-11-2009
الخميس

22 comments:

Blog 3amty said...

صح السانك ولسان حالك وحال البلد

أهل شرق said...

صدقت

AK-47 said...

بافي فصلين بس
صح؟

ZooZ "3grbgr" said...

تعودنا الترتيب يريح العين والقلب

علامه هالمره يخوف

:/

Peace said...

أهم شي انه
الاوضاع مترتبه

بنت أحمد said...

صح لسانك

اقصوصه said...

كلمات مترتبه :)

كويــتي لايــعه كبــده said...

متلخبطة
الاوضاع متلخبطة
بسوء إدارة
وشيء بتعمد
متلخبطة
الاوضاع متلخبطة

خلهم يوهمون
خلهم يحاولن يصلحون
محنا هادين الفلوس بالهون
متلخبة
الديرة متلخبطة

بالجر والدندرة
نشوف علن المسخرة
والجرايد المجيرة
لا من حق تكتبه
متلخبطة
الناس متلخبطة

ديرة تنباع بكم أقول
بمجلس ردي من بعد فحول
اكثرهم ذيل بين رجول
متلخبطة
الحسبة متلخبطة

خرب الديرة نفوذ الحرامية
ولعبهم صار من الأمور العادية
يخرب ويقط اللوم على البقية
متلخبطة
نظرة الشعب متلخبطة

حال لسان الديرة يقول
يا ناس ويا مسؤول
كلامي معاكم لا يطول
انقذوني قبل لا أثور
ترا عزي وعزكم الدستور
ما ينفع الكلام لي طارت الطيور

بنت الشامية said...

عيدك مبارك وتقبل الله طاعتك

Blog 3amty said...

العيد عليك يتبارك وعساك من العايدين الفايزين :)

Faith said...

صح لسانك =)

كل عام وانت بخير

ينعاد عليك بالصحه والعافيه يارب

Barrak said...

Blog 3amty

صح بدنك ياخوي العزيز

Barrak said...

اهل شرق


شكرا لاهل شرق

Barrak said...

بو عبيد

منك نتعلم الصح
ياصح

Barrak said...

ZooZ "3grbgr


لانه كل شي له علبه
مترتبه

Barrak said...

Peace


اخاف بس

Barrak said...

بنت احمد

صح بدنك

Barrak said...

اقصوصه


اشكرك ِ

Barrak said...

كويتي لايعه جبده


صح لسانك

استاذي الغالي

Barrak said...

بنت الشاميه

ايامج سعيده
فيج الخير

Barrak said...

بلوق عمتي





كل عام وانت بخير

Barrak said...

Faith


علينا وعليكم

امين يارب العالمين