Wednesday, November 4, 2009

الاحتباس الحراري




ناس تفكربالإحتباس الحراري

وضاع وقتها ببحوث وقراية كتب

ناس تحاول تطوّر قوانين للقواري

وفيه ناس المناصب عليها تُخُب

وفيه ناس مركبهم دوم سمّاري

احوالهم كما الريشه تطير وتطب

ناس إصنعوا لنا بيجر واتاري

وإزرعوا العولمه طيب غصب

ناس تعالج أسباب العجز الإكتواري

وناس ان قالت لأ ممكن تنقضب

ناس طايحينله مربيَن عيش بخاري

وناس وقتها للبحوث وقراية الكتب

7 comments:

Yara said...

وناس قاطته خامس وحياتها فل
وناس ذابحين أعمارهم ويفكرون بالكل

هذا حال الدنيا بس المشكلة ان الناس اللي تقرا كتب عندنا في اضمحلال

طموحة مملوحة said...

والله يابراك الي مايقرا عن الاحتباس الحراري ماراح يستفيد عندي اضيع وقتي بهالموضوع ولا موضوع ثاني لأنه مشكلة عالمية والا المواضيع البيئية تستحق قصيدة تساهم في تشجيع الناس لأن الموضوع مو هين

وصح لسانك :)

كويــتي لايــعه كبــده said...

صدقت

سبحان اللي خلق وفرق
ناس همها فكري ومبدئي
وناس همها عيش ومرق
ناس تطالع جدام وفوق
وناس حتى القاع فيها خفق
يقولونلك بينونك تمسك
حتى لو انفضح وانفهق
لو بروحه ما يشوف شر
لكن الديرة فيها شعب شهق
الشرهة مو على الغلطان
الا على اللي من وراه نهق

Barrak said...

Yara

حلوه قاطته خامس


الناس اللي تقرا في اضمحلال لان الدوله ماترعى الفكر

مابي اكمل


شكرا

Barrak said...

طموحة مملوحة

فعلا سيدتي هي مشكله عاليمه
وهناك عدة مشاكل عالميه وإقليميه
ونحن الى الان نبحث عن حل لمشكلة مواقف سيارات الجامعه

صح بدنك

Barrak said...

اللي لايعه جبده

لكن الديره فيها شعب شهق

وبعض الناس يبيلهم تفق

وسبحان من خلق وفرق



ليش ياخوي كل الناس طالعين فوق
واحنا لي تحت

ليش

|:| DUBAI |:| said...

وفيه ناس مركبهم دوم سمّاري

ayybbbaaa !!