ناس تفكربالإحتباس الحراري
وضاع وقتها ببحوث وقراية كتب
ناس تحاول تطوّر قوانين للقواري
و ناس المناصب عليها تُخُب
و ناس مركبهم دوم سمّاري
احوالهم ريشه تطير وتطب
ناس إصنعوا لنا صاروخ واتاري
وإزرعوا العولمه طيب غصب
ناس تعالج العجز الإكتواري
وناس ان قالت لأ ممكن تنقضب
ناس طايحينله مربيَن عيش بخاري
وناس وقتها للبحوث وقراية الكتب
7 comments:
وناس قاطته خامس وحياتها فل
وناس ذابحين أعمارهم ويفكرون بالكل
هذا حال الدنيا بس المشكلة ان الناس اللي تقرا كتب عندنا في اضمحلال
والله يابراك الي مايقرا عن الاحتباس الحراري ماراح يستفيد عندي اضيع وقتي بهالموضوع ولا موضوع ثاني لأنه مشكلة عالمية والا المواضيع البيئية تستحق قصيدة تساهم في تشجيع الناس لأن الموضوع مو هين
وصح لسانك :)
صدقت
سبحان اللي خلق وفرق
ناس همها فكري ومبدئي
وناس همها عيش ومرق
ناس تطالع جدام وفوق
وناس حتى القاع فيها خفق
يقولونلك بينونك تمسك
حتى لو انفضح وانفهق
لو بروحه ما يشوف شر
لكن الديرة فيها شعب شهق
الشرهة مو على الغلطان
الا على اللي من وراه نهق
Yara
حلوه قاطته خامس
الناس اللي تقرا في اضمحلال لان الدوله ماترعى الفكر
مابي اكمل
شكرا
طموحة مملوحة
فعلا سيدتي هي مشكله عاليمه
وهناك عدة مشاكل عالميه وإقليميه
ونحن الى الان نبحث عن حل لمشكلة مواقف سيارات الجامعه
صح بدنك
اللي لايعه جبده
لكن الديره فيها شعب شهق
وبعض الناس يبيلهم تفق
وسبحان من خلق وفرق
ليش ياخوي كل الناس طالعين فوق
واحنا لي تحت
ليش
وفيه ناس مركبهم دوم سمّاري
ayybbbaaa !!
Post a Comment