شفتوا شكثر نحب الديره
شفتوا شكثر كلمتنا كبيره
شفتوا شلون عمينا عيون
وجدينا عيون ضريره
شفتوا شكثر نحب الديره
،،،،،،،،
إحنا شعب نتنفس ديمقراطيه
إحنا شعب إنتنشق حريه
إحنا شعب نمحي الإنتهازيه
بأرواحنا حب وبقلوبنا غيره
شفتوا شكثر نحب الديره
،،،،،،،،،
مو سهله ينضحك علينا
نصنع المستقبل بإيدينّا
إيه نعم كفينا ووفينا
وكتبنا بحب الوطن سيره
شقتوا شكثر نحب الديره
19 comments:
اييييييييييي يا برااااااااااك
نحبها نحبهاااااااا
صج صج
"
كتبناااااا بحب الوطن سيره
"
صح لسااااااانك
احنا ويا هالبلد بنكون اسطورة
احنا ويا هالبلد طيبنا مثل البخورة
يمكن الظالم يزيد جوره
ويمكن الحرامي تغزر بحوره
ويمكن الديمقراطية بتكون هشه مثل البلورة
ورغم كل هذا
بنكون احنا مثل ما احنا
كويتيين بحسنا باصالتنا بروحنا بمعنوياتنا ورغبتنا بالتغيير
همه
وعزم
وكلمة
انا وايد فرحانة يا براك
وايد
صح لسانك يالبركي
حبها يسري بعروقنا يابراك
وكلنا طموح بديرتنا
وكلنا عز بديمقراطيتنا
وكلنا اصرار على الكفاح
الله يحفظها لنا
وصح لسانك
:)
صـــــــــــــــــــــــح لســــــــــــــــــانـــــــــــــك
صح لسانك يا صوت الكويت وصوتنا
الكبير يظل كبير :)
وكافي ان الديرة كبيرة بعيونا مومهم باجي العالم شنو نظرتهم لها
ويسلم راسك :)
عسى دوووم
:)))
الله يحفظ لنا ديرتنا
Kuwait
مايحتاي ياسيدة التعليق الاول تقولين نحبها
حبها بيّن بوجودكم
بتغيراتكم
بكبر عقولكم
الله يحفظكم
الزين
انا بعد فرحان
مو فرحان عشان النتيجه لا
فرحان عشان الشعب يحب الديمقراطيه
مقالات وايده بره الكويت تقول شوفي الديمقراطيه شسوت بالديره
واصواتنا ومشاركتنا ردت عليها
سيدتي
الصحافه العالميه العاقله نقلت صوره حلوه لنا
صورة شعب يحب التغيير
يقدر نعمة الديمقراطيه
رسالة الى العالم
احنا نحب هالارض
والرساله الثانيه
فيه جيل يديد فاهم وشايف وماينضحك عليه
ma6goog
صح بدنك
Najmah
الله يحفظها لنا
ويخلي الناس اللي تفكر وبعدين تقرر
الله يحفظك ياكويت
Purplecious
صح بدنج
chــاي أخضر
صح بدنك
هالكلام كبير علي وايد
بس هم يونس
كبرياء انثى
يسلمك ويخليج
لا ياوخيتي
لازم نشوف العالم شقال عنا ونفتخر
معظم جرايد العالم تكلمت عنا
تميزنا عن غيرنا بارادة هالشعب
وايد يقولون انا اتكاليين وينضحك علينا
وعندنا ديمقراطيه اكبر منا
يوم السبت اللي فات كنا كبار وايد
بعيونا وبعيونهم
مشكوره
تراب الكويت
اللهم امين
مشكوره
Kuw_Son
اللهم آمين
ياخوي الغالي
hamada
اشكرك الشكر الجزيل
اتمنى ان يكون هناك ترشيح للمدونين على من يشارك
والتقييم ايضا اتمنى ان يكون من اصحاب المدونات العريقه
Post a Comment