Monday, May 25, 2009

نبي موقف


نبي موقف
يمنع جروحنا تنزف
نبي موقف
مايخلي الوطن
دمعاته تذرف
نبي موقف
،،،،،
نبي للرئيس مواقف رجوليه
مايهاب أحد أبد موليّه
ماتهمه مصلحة شركاته
ولايحب تنترس مخباته
نبي رئيس يشرّف
نبي موقف
،،،،،،
من متى صارت الرئاسه تفشّل؟
الكل فيك يابوصباح متأمّل
واللي يسلمك أحسن الإختيار
وإرحم عيال وطن النهار
لايوصل للرئاسه
اللي يبُخ ويسلّف
نبي موقف
،،،،،،،
نبي شخص كفو يستلم المطرقه
ترى ارواحنا بإختيارك معلّقه
ترى الشعب سوّا اللي عليه
مانبي نقول حسافة وولّيه
ولانبي الريج ينشِف
نبي موقف

12 comments:

Kuw_Son said...

اي والله نبي موقف .. قلت كل اللي بخاطري بجم بيت يا البرك .. قواك الله

مــعـــارض said...

لا بد من استكمال مسيرة "حسن الاختيار" لمن يمثل ضمير الأمة... في رئاسة مجلس الأمة!


"الأمة مصدر السلطات جميعاً"
فهل سيتم قبول النداء؟!
nida2q8y.blogspot.com

مـي said...

إيـــــــــه وانت الصاج

نبي موقف

الله المستعان ،، مايندرى الديرة رايحة لي وين..

lawyer said...

ايييييييييييي والله نبي موقف

لي متى


بس انهد حيلنا من اللبحه

انور عبدالله - القصر الأحمر said...

كفو والله كفو

صح السانك

Barrak said...

Kuw_Son
سيدي صاحب التعليق الاول

الله يقويك

تهقى ممكن نشم ريحة موقف

؟؟؟؟

Barrak said...

معارض


الله كريم

مع اني متشائم

بس لازم الواحد يشارك

لازم

Barrak said...

مي


كل الاطفال تبي موقف

كل الشباب يبون موقف

كل الشياب يبون موقف


نبي الامور تتعدل خطوه خطوه

Barrak said...

lawyer

ايه والله لي متى

لبحه
وحنه
وفوضى واذيه


نورتينا يالوير

Barrak said...

انور


صح بدنك ياخوي

بنت أبيها said...

نعم

فالرجال مواقف

نتمنى المواقف من جميع المسئولين في الوطن العربي

Barrak said...

بنت أبيها

لانملك إلا أن نتمنى

تشرفت بهذا المرور الراقي