الدنيا ماشيه
ناس تموت وتنولد
ناس تغيب ماتنفقد
ناس هايمه
وناس لاهيه
والدنيا ماشيه
،،،،،
ناس تزرع بقلوبنا تذكار
ناس وجودها بيناتنا عار
ناس مع الحق متوالمه
ناس على الطّل حالمه
ورايحه بداهيه
الدنيا ماشيه
،،،،،،
الدنيا ماهمها منو راح
ولامنو عن كرسيه إنزاح
عالم نكسيه بمفاهيمنا
عالم نسقيه غرابيلنا
وعليه بالعافيه
الدنيا ماشيه
،،،،،
كل إنسان له مدّه
والموت محد يردّه
عيش يومك بشوية عقل
وشوية جنون شوية ثقل
ونتيفة أحاسيس دافيه
الدنيا ماشيه
22 comments:
مع ان ما احب الشعر
ولا النثر
ولا من متذوقي اللغة
اقدر اقول ان هالبوست
حيل
حيل
حيل
معبر ورائع
ناس تزرع بقلوبنا تذكار
ابي اكون من هالناس
والدنيا ماشية فينا وبليانا بس حلو تكون لك بصمة
:)
ناس تموت
وناس تنولد
وناس تغيب
وناس ما تنفقد
والدنيا ماشية
.
.
في كل الأحوال ماشيه
عمر الدنيا ما وقفت لاحد
عمر الدنيا ما سئلتنا:
منو اللي انفقد؟
بشوية حب ،وبأكثر من نتيفه احساسنا ،نمنح هالدنيا الحب،نمنحها كثير من ايامنا،نسعدها،نلونها ،نمنحها الفرح والسعادة
فدامها ماشيه ماشية
ليش ما نستلذ بسعادتها
وليش ما نعيش فرح ايامها؟
:)
وعليكم بالعافية
وصباح الخير
ناس تزرع بقلوبنا تذكار
ناس وجودها بيناتنا عار
ناس مع الحق متوالمه
ناس على الطّل حالمه
ورايحه بداهيه
الدنيا ماشيه
------------
اي و الله ماشيه
رضينا و لا انرضينا
و الله يعافيك على هالكلمات المميزه
:)
ليش عاد نتيفة احساس؟
ماعتقد عقب هالكلام انتيفونة احساس تنفع
لالالالا مو قبول زيد من الاحساس
جميل انك تترك اثر وتذكار من عقب حياتك لكن المهم ان هالتذكار يخلي الناس تذكرك بالخير والطيب
حاولت اقتباس شيء من كلامك ماقدرت
كل سطر أحلى وأصدق من السطر اللي قبله
يعطيك العافية
أكثر من رائع
في مقطع من اغنية اصاله اقول
نبني الدنيا وحنا نوقف بنفس المكان
على قولتك براك
عيش يومك بكل الاشكال
براك .. مبروك .. و سامحنا على القصور و عدم الحضور ..
عزيز و غالي طال عمرك ..
على مأظن يالبرك انك اعطيتنا اجابة بنهاية ابياتك لكل التساؤلات اللي طرحتها عن زحمة و ازعاج واقعنا في بداية كلامك
عيش يومك بشوية عقل
وشوية جنون وشوية ثقل
ونتيفة أحاسيس دافيه
الدنيا ماشيه
انت رائع
كل إنسان له مدّه
والموت محد يردّه
عيش يومك بشوية عقل
وشوية جنون وشوية ثقل
ونتيفة أحاسيس دافيه
الدنيا ماشيه
احلا شى
مساء الفل
Baraak
مـأإجمل حروفك الذي حفرت في اراضي
آه يا بلد فـ انتجاءت معـأإني تبهر الاعيون
من رقته وجمـأإل صفـأإءهأ..
يعطيك الــ 1000 ـف عـأإفيه على الطرح الراقي الذي
تلذذت في كل حرف سطر في متصفح ـأتك
والله لايحرمنــأإ من جديدك المنتظر بكل شوق وله
ولك مني ارق واجمل واطيب التحيه
أنثر اجمل الورد الجوري لـ روحك الطـاهره
4
حتى لو ماتحب الشعر
وجودك يشرفني
وكلامك يسعدني
اشكرك
Sweet Revenge
كل شخص بيده انه يكون بيوم من الايام تذكار
بأخلاقه
بأفعاله
بتواضعه
بمواقفه
مااعتقد انج بعيده عن هالامور
esTeKaNa
الله يعافيج
ويخليج
عمر الدنيا ما وقفت لاحد
عمر الدنيا ما سئلتنا:
منو اللي انفقد؟
عندج القدره على انج تحللين كل كلمه
بلمحه سريعه
ماشاء الله عليج
ويابخت عقلج فيج
قلب طفله
الله يسلمج ويخليج
مشكوره
وماشيه
هالدنيا اماشيه
كبرياء انثى
انتيفونة احساس تنفع هالايام
لان مع الاسف الاحساس صاير نادر
مثل الطيبه
بنت أحمد
الله يعافيج
ويسلمج
ويخليج
نورتينا يابنت احمد
اشكرج
انور عبدالله
وقالت اصاله
للاسف ينقص وفانا مع مرور الأزمنه
نورتني ياأنور
Kuw_Son
الله يبارك فيك
مامن قصور
انت اخو عزيز
وانا عذرتك
لانك كنت مشغول بالمهرجان الإنشادي
وسامحتك لانك رفعت روسنا
الفال لعيالك
Enter-Q8
ياخوي
احنا قطره ببحر احاسيسك وابداعاتك
charisma
مساء الورد
اشكرج ياوخيتي الغاليه
للوش
كلامج كبير علي ياسيدتي الرقيقه
مااقدر اقول اكثر من جذيه
Post a Comment