Tuesday, August 26, 2008

قلعة وادرين

لو يدقون اللحين
ويقولون ربحت ملايين
شتبي تسوّي فيهم؟؟
وين بتودّيهم؟؟
أقولهم: ماأعلّم ياملاعين
لو يدقون اللحين
،،،،،،
أول شي أطق رقبه
وأطلب ماي أشربه
وأريّح على القنفه
وتطلعلي عِجْـفه
وقذلتين
لو يدقون اللحين
،،،،،،
أشتري فريجين بباريس
أخلي العموم بالرطوبه يخيس
مايهمني أي أحّد
من هناك اقول شهالمقرّد
شهالمساكين
لو يدقون اللحين
،،،،،،،،
أزرع شعر وزلف
وأخلي القذله عالجتف
أشتري نادال وكاكا
وأشتريلي سته مصاكَّــهْ
يقلعون ناس قلعة وادرين
لو يدقون اللحين
26/08/2008
الثلاثاء
يدقون : يتصلون تلفونيا
أطق رقبه : أي أحرك رقبتي يمينا وشمالا
القنفه : الأريكه ( حلوه الأريكه ) شي
عجفه : ظفاير كما قالت أنغام لو شفتك ويا وحده أخنقها بالظفيره
وأعرف مليون وسيله نوصل لأبعد جزيره
فرجان : ومفردها فريج أي الحي
يخيس : ماادري شقول
المقرد: بتشديد الراء ومفردها مقرود أي سئ الحظ
الجتف : الكتف
مصاكه : ومفردها مصك وهو الشخص القوي البنيه المتعافي مثل تايسون مثلا
يقلعون :اي يقتلعون او يحذفون وتقولها عادة الام في السابق عند شقاوة احد الابناء ولما يتعور تقول قلعه
قلعة وادرين : وهو مكان بعيد يقال انها قلعه بالبحرين أو في تركيا عند جبال الاناضول

68 comments:

Mohammad Al-Yousifi said...

عشم ابليس بالجنة

مو الملايين

القذلة عالجتف

Anonymous said...

اظن تقصد قلعة دارين


ليش مو فيدرر وميسي ؟ :)

honey said...

لو يدقون الحين
ويقولون بيونج جنطة ملايين
و براك بو زلفين

افتح الباب و اقعد انطر بحرارة محترقة جني كنافة بين نارين


لمن يقبلون علي جنطة فيها انواط بالملايين

وفيلم خيالي إمسوينه بالصين

عن براك و القصة إنه طلعلة زلفين

Amphibious said...

وين يبت نادال :)
والله كبير تزهب بنروح باريس

Miss-Q8 said...

لوول يعطيك العافية ,

سالفتك سالفة ياخوي يا براك مع القذلة و الزلف :>

الله يرزقك اياهم .. قول آمين :)

Fskra said...

heheh amen alah yrzgk balayeen
b3d ;p

Jewel said...

يارب يارب يسير عندك شعر طويل طويل
وكرللي تقولو يمين يروح يسار تقولو فوق يروح تحت واذا فكرت تقصو تطلعلك عالم تقوول حرام وتزعل منك
ساعتها تكره اليوم الي سار عندك فيه شعر :P

فريج سعود said...

الزلوف بدينارين

بعد ليش الملايين ؟

نور سلطان العيسى said...

أحلى شيء موضوع البودي جاردز


::مصاكه::

لوازم الوجاهة الاجتماعية


تحياتي

تراب الكويت said...

... لو


:)

SHAHAD said...

ملايين مرة وحده
يالله ارزقنا لووول

Sweet Revenge said...

الله يعطيك ويعطينا
اهم شي تعريف قلعة وادرين

قلعة وادرين : وهو مكان بعيد يقال
انها قلعه بالبحرين أو في تركيا عند جبال الاناضول


تصدق اول مرة اعرف, يديدة هالمعلومة

esTeKaNa said...

لو خيروك مابين الملاين
والشعر الطايح على الجتفين؟
شلي تختاره
:Pp~

اييه يا براك تبي ملاين؟
مالك الا مسابقات رمضان
شد حيلك وركز
:)

nEo said...

اشتر مهمد هايف

و اشتر فيردناند

و خل يراقبه مان تو مان !!

Anonymous said...

قديماً سأل أحد الأشخاص حكيماً ،
عن كيفية إخفاءه لما اختطفه الدهر من زلف وبوكله ؟

فقال الحكيم . . :

لو يدفعون الحين ؟

الصبغ زين . . زين . . زين

ولو يدفعون الحين ؟

أشتري صبغ بملايين . . يين . . يين

أعانكَ الله . يا زين


على الهامش *

بهالجو وبهالصيف وبهالحر الغامت وتبون شعر ؟
صج الدنيا غريبة =\

ولكن أعانكَ الله . يا زين

lawyer said...

هاهاهاهاهاهاهاهاهاهاهاهاهاهاهاها

هاهاهاهاهاهاهاهاههاهاهاهاهاهاها

هاهاهاههاهاهاهاهاهاهاها



واي مت ضحك

مت ضحك


كل هذا بتسووووووووووي ؟؟


انا ابي طياره

وابي عماره في سويس..

عثماني said...

براك

الله ما كثر البواريك .. السالفة ما تحتاي ملايين

الله يرزقك و يرزقنا وياك الملايين

قول آمين

كويــتي لايــعه كبــده said...

اذا دقوا عليك قول لي
:)

الفقاره ما يدقون عليهم الا ترشيد
لووول

ما ضحكني أكثر من الكلام الا الشرح بالنهاية

سو دكشنري كويتي كويتي
:)

الله يسعدك يا اخوي

'3air said...

اللهم بارك

هذا بنشوفه بديوان براك 2 :p

على فكرة اخيرا امتلكت ديوانك مؤخرا.. جد ممتع.. كل ماضاق خلقي قريته و وسعت صدري
:-)
والله يوسع صدرك و يسعدك و يرزقك الملايين
:))

DiLLi O MiLLi said...
This comment has been removed by the author.
DiLLi O MiLLi said...

ههههههههه

منو اللي بتقلعهم بقلعة وادرين ؟؟
:)

وأعتقد قلعة وادرين في شمال السعودية
في مدينة تبوك
http://www.alhsa.com/forum/showthread.php?p=4261526359


في مثل كله يقوله لي الوالد الله يحفظه
يقول : زرعتها لو .. طلعت ياريت
:)




الله يرزقك من رزقه
أنشاءالله

:)

kuwaitya_7saweya said...

لووووووووووووووووووول
اهم شي والله القذله على الجتف

تخيل شكلك شلون راح يصير
لوووووووووووووووول

عجيب انته والله

فراوله said...

مساالورد والجوري
مساالزلوووووف والشعر اللي علي الجتوووف
هههههههههههههههه
اقولك اقتراح
هذا شهر فضيل
ودعي ربك
جود الله والكريم يرزقك زلوف
وشعر علي الجتوووف
دمت كما انت
راقي ومبدع
وخفيف طينه
:)

Shather said...

عاد هالله هالله لي قبضتهم ..

لا تنسانا :)

حتى احنا عندنا مخططات ثلاثيه و خماسيه و عشرينيه بعاد بس مو بالقذله :P

Vera said...

اهلا يابراك
ضحكتني اوي
انا بقا حجات تانية خاااااالص
هخلص حقي من الدنيا
كل سنة وانتا طيب ورمضان كريم

أتيت متاخرة said...

برااااااااااك
ماعندنا بالبحرين قلعة وادرين
عندنا قلعة البرتغال بس

ذكرتني بامي لما نقعد نقول لو و لو

ترد علينا وتقول: لو تنزرع الــ لو
جان العميان في الطريج اندلوا

يا خوي هاللو ما توكل عيش
خلها على ربك

DanDash said...

عجبتني الترجمة :)

أغنية انغام ويييه من وين مطلعها
انا فيا عيوب كتيرة عصبية وكلي غيرة و خصوصا في المحبة اعمل من الحبة أوبة و ان شفتك ويا شابة اخنها بالظيفرة ولكن ميزتي الوحيدة اعرف مليون وسيلة نوصل لأبعد جزيرة
لوول جنه بعد تصويرها على مركب بالنيل

الله يرزقنا وياك بالحلال
ان شاء الله
الصحة وراااحة البااال اهم شي

و القذلة و العجفة عليك بزيت الخروع خوش شي

charisma said...

يخيس : يعنى يعفن
;P

وتستاهل الملايين
وتستااهل كل خير

5roofa said...

لوووووووول ونااسه انا الصراحه تخيلت شنو راح اسوي لوووووووو ربحت المليون و سرحت و نسيت البوست لول

بس عادي اسال سؤال احم

شنو يعني نادال و كاكا

امبي عادي اخذني علىى قد عقلي اذا السؤال عبيط لول

salamz....

GUCCI-q8 said...

بس لو يدقون


عجبني وايد التعليق مشكور وايد وايد

وابدعت مثل ما عرفتك

بس لو يدقون بس اللحين يعطونك (( miscall

ما يدقون

enter-q8 said...

اذا دقوا علي
بخليهم يدقون عليك

صبا said...

اهمه خل يدقون ويصير خير
؛)

امبي ولا القذله ,,, ’’’ اشلون بتطلعلك قذله

يبيلها شغل
الله يرزقنا ويرزقك

انا ابي فيلا في فيينا

علي قمة الجبل

لو.....

Najmah said...

لووووووول
غترة وعقال .. وقذلة وعجفتين
لا ماتركب ^_^

انزين منو الملاعين
وبقلعة وادرين؟
وليش الاجرام
:Pp

Barrak said...

kila ma6goog

اخوي صاحب التعليق الاول
شكلها لالملايين ولا القذله
المهم الصحه والعافيه

حجي فقاره

Barrak said...

مُحَسّدْ

يقال استاذذي العزيز ان قلعة وادرين تنطق احيانا قلعة دارين
وهناك من ينطقها قلعة واردين

ولكن الكتب المختصه باللهجه الكويتيه

قالت انها قلعة وادرين
كما ذكرها الاستاذ ايوب حسين في كتاب يختص باللهجه المحليه الكويتيه
واكثر من 7 شياب
اعمارهم فوق السبعين

Barrak said...

نسيت اقولك

ليس مو فيدر وميسي

اولا لاني مااحب فيدرر
ثانيا لاني مااحب ميسي
لاني اشجع نادي الارسنال

Barrak said...

shahad

لو يقولون لي ان شهد
بالصين
وعندها كنافة بين نارين
اروحلها بتاوين
اقولهم مابي الكنافه
اتعنالها
واقولها بس تسلمين


ههههههه

Barrak said...

AK-47

انا اقولك من وين يبت نادال

دشيت الصاله ببيت الوالده والا ميمعه العيايز وقاعده تشوف نهائي بين نادال وفيدرر

وطلعوا يشجعون نادال

قلت بس
هذا الالهام

بالنسبه لباريس

انا جاهز

بس ناطر اليورو ينزل

لانه بهذلنا

Barrak said...

Miss-Q8

يعافيك ويخليك

سالفتي ماتنقال مع موضوع الشعر

الله يرزقني امين

ترى راضي بشعرتين

Barrak said...

Fskra

انا ملايين وبتطلعلي عجفه

بالله عليك بلايين شبيطلعلي

اعتقد بيطلعلي عصعص

ويه شخباري عصعص

Barrak said...

Jewel



اخ لو بس شعري يكون حرير

اعتقد اني بس بالفح بالهوا


ترى صج والله من سنة 1996 وانا مامشطت شعري


ترى حرام والله

Barrak said...

فريج سعود

لا لا لا

مابي الزلوف مالت سوق المباركيه اللي يم مطعم العقل

لا لا لا

ابي زلف صجي


والزلف الصجي فوق الدينارين

Barrak said...

بنت سيف

بعد مايبيله

مصاكه عشان امشي وأكفخ


بالله عليك شلون ربي بيرزقني ملايين وانا هذي احلامي

Barrak said...

تراب الكويت

ادري تفتح عمل الشيطان

بس اخذيها من مبدأ الفرفشه والضحك

الجو رطوبه

الناس تبي تتنفه

Barrak said...

SHAHAD

شطالب انا

بس ملايين


خو حلم

Barrak said...

Sweet Revenge

الله يرزق الجميع


التراث الكويتي يحمل في طياته العديد من الكلمات الرائعه



اشكرك

Barrak said...

esTeKaNa

اكيد باختار الشعر اللي طايح على الجتفين

من صجك

وانتي تدرين اصلا معاناتي مع الشعر

اللي باط جبدي ان الوحيد اللي شعره مسرسح اهو خشيم الفار

الله يحفظه
ويحفظ شعره


شلون الابو ماكو شعر والولد يمشط


مايصير


بذمتك انا مال مسابقات رمضان

هذا وانتي قاريه قصيدة حظوظ رديه

انا مافزت حتى بلوميه

Barrak said...

nEo

ههههههه

ترى انت عجيب
ولو اني شرهان عليك

اللحين ادزلك ايميل
ولا تعطيني ويه

ليش عاد

بس شسوي احبك


بالنسبه لمهمد هايف
بشتريله مدافع متخصص بالركبه

تعرف بومبوسونج الخال مال يوفنتوس

هذا ويا هايف مان تو مان يصير الحبيب عبود

Barrak said...

إحساس

انا من اول ماشفت اسمك ودخلت المدونه حسيت اني بعالم ملئ بالاحاسيس
وفعلا تعليقك اكبر دليل على احساسك الراقي



عموما

مايخالف

انا عندي نقص بموضوع الشعر

محد راح يحسه

وهذا النقص مايعرف صيف والا شتا

Barrak said...

lawyer

تصدقين

اول ماخلصت هالقصيده ان جاز التعبير
ضحكت ضحك قلت انا شسويت

بالنسبه للطياره انا حاضر

بس ماهقيتج جذيه

تبين عماره بسويس

السويس هذي منطقه بجمهورية مصر العربيه

الوفره احلى منها


اما اذا قصدك بسويس يعني سويسرا

مااعتقد راح اشتريلك هناك

اعتقد السويس تنفعك

هناك راح يحسدونك

هذا انا مادقوا علي وجذيه صاير بحيم

وييييييييييييييه


لوير


من وين انا مطلع بحيم


البحيم : هو الشخص شديد البخل

ومشتقه من كلمة البحامه

Barrak said...

عثماني

اللحين انت اخو وعزيز

وطاحت الميانه

واخرتها تنصحني بالبواريك

هذا وانت بعد شايف معاناتي

بذمتك انا وباروكه شصير


جني من عدائين كينيا


حرام عليك

هههههههه

انا ماراح ازعل عليك تدري ليش

عشان كلمة حسحسني البرد

ههههههههههه

Barrak said...

كويــتي لايــعه كبــده

ههههههههه
حلوه ترشيد


يبتها ييب


انا تصدق محد دق علي


بالنسبه للقاموس الكويتي الكويتي والله فكره

بصراحه راح افكر فيها بجديه

Barrak said...

'3air

ربي يبارك فيك ويخليك

بالنسبه لبراك تو هذا موضوع تو الناس عليه


على فكره

الشرف لي انك اقتنيتي ديواني


اشكرك

جدا جدا

Barrak said...

DiLLi O MiLLi

اللي بقلعهم انتي عارفتهم

مايحتاي نقول

اعتقد ان معلومات ايوب حسين ادق من اهل الحسا

عموما الكلمه قديمه جدا

وتفسيراتها كثيره

الله يطول بعمر الوالد

اللهم امين

Barrak said...

kuwaitya_7saweya

اذا انا وحطولي قذله لي الجتف

اصير بوب مارلي


هههههههههه

والله انتي العجيبه

Barrak said...

فراوله

ههههههههههه
مساء الزلوف والشعر عالجتوف


انتي ترى والله عجيبه

او بالكويتي

عجبه

تصدقين

انا من 1984 وانا اصوم

وادعي

والله كريم

Barrak said...

Shather

يقولون النفوس تغير النفوس

شوفي اذا عطوني ملايين

بعطيج الف دينار

بس بعد


تبين زود كتبيلي فيهم وصل امانه


انا للحين ماربحت شي وجذيه لعين



ههههههههه

Barrak said...

emoo

كل عام وانتي بصحه وسلامه

اختي العزيزه

اشكرك على مرورك الراقي

وحكلمك بالمصري

شوفي يااوختشي العزيزه

انا حاخد الملايين وححولهم جنيه مصري واديلك شويه

وحشوف حتعملي ايه


اشكرك

Barrak said...

أتيت متاخرة

لا عندكم قلعة وادرين
بس انتي ماتبين تعلمين

الله يطول بعمر الوالده

وبصراحه كلامها صح


اشكرك

هالمره مو متأخره زين أشوه

Barrak said...

DanDash

هههههه

شفتي الكحل اللي حاطته انغام بهالاغنيه

تقولين لاخّينها بكس


انا ترى اثري بالأغاني

لو انغام تقرا هالقصيده تقول

الواد براك ده من فين مطلع الاغنيه دي

قولولي


حطينا زيت وخروع ماكو فايده

بس باجي نحط اسميت

Barrak said...

charisma

تذكرين مسرحية ضحية بيت العز

وخاس ومات

بصراحه ماعرفت اترجم يخيس

حسيت اني لو بترجمها بافصل على الاوادم



اشكرك

Barrak said...

خروفا


نادال
هو لاعب كرة مضرب اسباني. حاليا هو المصنف الأول عالميا و أصغر لاعب يحتل هذا التصنيف منذ اللاعب الألماني بوريس بيكر.

وانا بصراحه عاجبني هالريال

كاكا

هو لاعب كرة قدم برازيلي الجنشيه حاليا يلعب بنادي ميلان الايطالي
وهو من اب واب متدينيين جدا

وكاكا ونادال عندهم شعر

بس الله لايوريك

شي يخرع

يعني عكسي تماما

كأنك تقارنين ادي ميرفي بستيفن سيجال


هههههههه

Barrak said...

GUCCI-q8

الله يسلمك

بالله عليك منو بيدق علي بيقولي انت ربحت ملايين

حظوظنا رديه ياوخيتي

اشكرك يالراقيه

Barrak said...

Enter-Q8

احلق حواجبي

Barrak said...

صبا

اذا كنتي شاريه نسخه من ديواني

راح اوفر لك طلباتك

اما اذا لا

يمكن اأجرلك يومين بشاليهات الخيران


صاير لعين انا

هههههههههههه

Barrak said...

Najmah

ههههههههه

شكلي بصير فؤاد بطاش ماطاش


منو الملاعين

الملاعين يقولونها الناس الحزره لما يربحون اي شي


واللي بقلعهم ناس وايد ببالي

ويمكن ببالك

أتيت متاخرة said...

براك وربي ما عندنا قلعة وادرين
اهيا البحرين هالنتيفة
وفيها 3 قلاع
قلعة البرتغال نسبة للبرتغاليين الي بنوها في ضواحي المنامة
وقلعة عراد في منطقة عراد
وقلعة الرفاع في منطقة الرفاع
وبس خلصت البحرين
اهيا من كبرها البحرين نص ساعة تلفها مرتين
ماكو عندنا

Barrak said...

أتيت متاخرة


خلاص صدقتك