لو يدقون اللحين
ويقولون ربحت ملايين
شتبي تسوّي فيهم؟؟
وين بتودّيهم؟؟
أقولهم: ماأعلّم ياملاعين
لو يدقون اللحين
،،،،،،
أول شي أطق رقبه
وأطلب ماي أشربه
وأريّح على القنفه
وتطلعلي عِجْـفه
وقذلتين
لو يدقون اللحين
،،،،،،
أشتري فريجين بباريس
أخلي العموم بالرطوبه يخيس
مايهمني أي أحّد
من هناك اقول شهالمقرّد
شهالمساكين
لو يدقون اللحين
،،،،،،،،
أزرع شعر وزلف
وأخلي القذله عالجتف
أشتري نادال وكاكا
وأشتريلي سته مصاكَّــهْ
يقلعون ناس قلعة وادرين
لو يدقون اللحين
26/08/2008
الثلاثاء
يدقون : يتصلون تلفونيا
أطق رقبه : أي أحرك رقبتي يمينا وشمالا
القنفه : الأريكه ( حلوه الأريكه ) شي
عجفه : ظفاير كما قالت أنغام لو شفتك ويا وحده أخنقها بالظفيره
وأعرف مليون وسيله نوصل لأبعد جزيره
فرجان : ومفردها فريج أي الحي
يخيس : ماادري شقول
المقرد: بتشديد الراء ومفردها مقرود أي سئ الحظ
الجتف : الكتف
مصاكه : ومفردها مصك وهو الشخص القوي البنيه المتعافي مثل تايسون مثلا
يقلعون :اي يقتلعون او يحذفون وتقولها عادة الام في السابق عند شقاوة احد الابناء ولما يتعور تقول قلعه
قلعة وادرين : وهو مكان بعيد يقال انها قلعه بالبحرين أو في تركيا عند جبال الاناضول
68 comments:
عشم ابليس بالجنة
مو الملايين
القذلة عالجتف
اظن تقصد قلعة دارين
ليش مو فيدرر وميسي ؟ :)
لو يدقون الحين
ويقولون بيونج جنطة ملايين
و براك بو زلفين
افتح الباب و اقعد انطر بحرارة محترقة جني كنافة بين نارين
لمن يقبلون علي جنطة فيها انواط بالملايين
وفيلم خيالي إمسوينه بالصين
عن براك و القصة إنه طلعلة زلفين
وين يبت نادال :)
والله كبير تزهب بنروح باريس
لوول يعطيك العافية ,
سالفتك سالفة ياخوي يا براك مع القذلة و الزلف :>
الله يرزقك اياهم .. قول آمين :)
heheh amen alah yrzgk balayeen
b3d ;p
يارب يارب يسير عندك شعر طويل طويل
وكرللي تقولو يمين يروح يسار تقولو فوق يروح تحت واذا فكرت تقصو تطلعلك عالم تقوول حرام وتزعل منك
ساعتها تكره اليوم الي سار عندك فيه شعر :P
الزلوف بدينارين
بعد ليش الملايين ؟
أحلى شيء موضوع البودي جاردز
::مصاكه::
لوازم الوجاهة الاجتماعية
تحياتي
... لو
:)
ملايين مرة وحده
يالله ارزقنا لووول
الله يعطيك ويعطينا
اهم شي تعريف قلعة وادرين
قلعة وادرين : وهو مكان بعيد يقال
انها قلعه بالبحرين أو في تركيا عند جبال الاناضول
تصدق اول مرة اعرف, يديدة هالمعلومة
لو خيروك مابين الملاين
والشعر الطايح على الجتفين؟
شلي تختاره
:Pp~
اييه يا براك تبي ملاين؟
مالك الا مسابقات رمضان
شد حيلك وركز
:)
اشتر مهمد هايف
و اشتر فيردناند
و خل يراقبه مان تو مان !!
قديماً سأل أحد الأشخاص حكيماً ،
عن كيفية إخفاءه لما اختطفه الدهر من زلف وبوكله ؟
فقال الحكيم . . :
لو يدفعون الحين ؟
الصبغ زين . . زين . . زين
ولو يدفعون الحين ؟
أشتري صبغ بملايين . . يين . . يين
أعانكَ الله . يا زين
على الهامش *
بهالجو وبهالصيف وبهالحر الغامت وتبون شعر ؟
صج الدنيا غريبة =\
ولكن أعانكَ الله . يا زين
هاهاهاهاهاهاهاهاهاهاهاهاهاهاهاها
هاهاهاهاهاهاهاهاههاهاهاهاهاهاها
هاهاهاههاهاهاهاهاهاهاها
واي مت ضحك
مت ضحك
كل هذا بتسووووووووووي ؟؟
انا ابي طياره
وابي عماره في سويس..
براك
الله ما كثر البواريك .. السالفة ما تحتاي ملايين
الله يرزقك و يرزقنا وياك الملايين
قول آمين
اذا دقوا عليك قول لي
:)
الفقاره ما يدقون عليهم الا ترشيد
لووول
ما ضحكني أكثر من الكلام الا الشرح بالنهاية
سو دكشنري كويتي كويتي
:)
الله يسعدك يا اخوي
اللهم بارك
هذا بنشوفه بديوان براك 2 :p
على فكرة اخيرا امتلكت ديوانك مؤخرا.. جد ممتع.. كل ماضاق خلقي قريته و وسعت صدري
:-)
والله يوسع صدرك و يسعدك و يرزقك الملايين
:))
ههههههههه
منو اللي بتقلعهم بقلعة وادرين ؟؟
:)
وأعتقد قلعة وادرين في شمال السعودية
في مدينة تبوك
http://www.alhsa.com/forum/showthread.php?p=4261526359
في مثل كله يقوله لي الوالد الله يحفظه
يقول : زرعتها لو .. طلعت ياريت
:)
الله يرزقك من رزقه
أنشاءالله
:)
لووووووووووووووووووول
اهم شي والله القذله على الجتف
تخيل شكلك شلون راح يصير
لوووووووووووووووول
عجيب انته والله
مساالورد والجوري
مساالزلوووووف والشعر اللي علي الجتوووف
هههههههههههههههه
اقولك اقتراح
هذا شهر فضيل
ودعي ربك
جود الله والكريم يرزقك زلوف
وشعر علي الجتوووف
دمت كما انت
راقي ومبدع
وخفيف طينه
:)
عاد هالله هالله لي قبضتهم ..
لا تنسانا :)
حتى احنا عندنا مخططات ثلاثيه و خماسيه و عشرينيه بعاد بس مو بالقذله :P
اهلا يابراك
ضحكتني اوي
انا بقا حجات تانية خاااااالص
هخلص حقي من الدنيا
كل سنة وانتا طيب ورمضان كريم
برااااااااااك
ماعندنا بالبحرين قلعة وادرين
عندنا قلعة البرتغال بس
ذكرتني بامي لما نقعد نقول لو و لو
ترد علينا وتقول: لو تنزرع الــ لو
جان العميان في الطريج اندلوا
يا خوي هاللو ما توكل عيش
خلها على ربك
عجبتني الترجمة :)
أغنية انغام ويييه من وين مطلعها
انا فيا عيوب كتيرة عصبية وكلي غيرة و خصوصا في المحبة اعمل من الحبة أوبة و ان شفتك ويا شابة اخنها بالظيفرة ولكن ميزتي الوحيدة اعرف مليون وسيلة نوصل لأبعد جزيرة
لوول جنه بعد تصويرها على مركب بالنيل
الله يرزقنا وياك بالحلال
ان شاء الله
الصحة وراااحة البااال اهم شي
و القذلة و العجفة عليك بزيت الخروع خوش شي
يخيس : يعنى يعفن
;P
وتستاهل الملايين
وتستااهل كل خير
لوووووووول ونااسه انا الصراحه تخيلت شنو راح اسوي لوووووووو ربحت المليون و سرحت و نسيت البوست لول
بس عادي اسال سؤال احم
شنو يعني نادال و كاكا
امبي عادي اخذني علىى قد عقلي اذا السؤال عبيط لول
salamz....
بس لو يدقون
عجبني وايد التعليق مشكور وايد وايد
وابدعت مثل ما عرفتك
بس لو يدقون بس اللحين يعطونك (( miscall
ما يدقون
اذا دقوا علي
بخليهم يدقون عليك
اهمه خل يدقون ويصير خير
؛)
امبي ولا القذله ,,, ’’’ اشلون بتطلعلك قذله
يبيلها شغل
الله يرزقنا ويرزقك
انا ابي فيلا في فيينا
علي قمة الجبل
لو.....
لووووووول
غترة وعقال .. وقذلة وعجفتين
لا ماتركب ^_^
انزين منو الملاعين
وبقلعة وادرين؟
وليش الاجرام
:Pp
kila ma6goog
اخوي صاحب التعليق الاول
شكلها لالملايين ولا القذله
المهم الصحه والعافيه
حجي فقاره
مُحَسّدْ
يقال استاذذي العزيز ان قلعة وادرين تنطق احيانا قلعة دارين
وهناك من ينطقها قلعة واردين
ولكن الكتب المختصه باللهجه الكويتيه
قالت انها قلعة وادرين
كما ذكرها الاستاذ ايوب حسين في كتاب يختص باللهجه المحليه الكويتيه
واكثر من 7 شياب
اعمارهم فوق السبعين
نسيت اقولك
ليس مو فيدر وميسي
اولا لاني مااحب فيدرر
ثانيا لاني مااحب ميسي
لاني اشجع نادي الارسنال
shahad
لو يقولون لي ان شهد
بالصين
وعندها كنافة بين نارين
اروحلها بتاوين
اقولهم مابي الكنافه
اتعنالها
واقولها بس تسلمين
ههههههه
AK-47
انا اقولك من وين يبت نادال
دشيت الصاله ببيت الوالده والا ميمعه العيايز وقاعده تشوف نهائي بين نادال وفيدرر
وطلعوا يشجعون نادال
قلت بس
هذا الالهام
بالنسبه لباريس
انا جاهز
بس ناطر اليورو ينزل
لانه بهذلنا
Miss-Q8
يعافيك ويخليك
سالفتي ماتنقال مع موضوع الشعر
الله يرزقني امين
ترى راضي بشعرتين
Fskra
انا ملايين وبتطلعلي عجفه
بالله عليك بلايين شبيطلعلي
اعتقد بيطلعلي عصعص
ويه شخباري عصعص
Jewel
اخ لو بس شعري يكون حرير
اعتقد اني بس بالفح بالهوا
ترى صج والله من سنة 1996 وانا مامشطت شعري
ترى حرام والله
فريج سعود
لا لا لا
مابي الزلوف مالت سوق المباركيه اللي يم مطعم العقل
لا لا لا
ابي زلف صجي
والزلف الصجي فوق الدينارين
بنت سيف
بعد مايبيله
مصاكه عشان امشي وأكفخ
بالله عليك شلون ربي بيرزقني ملايين وانا هذي احلامي
تراب الكويت
ادري تفتح عمل الشيطان
بس اخذيها من مبدأ الفرفشه والضحك
الجو رطوبه
الناس تبي تتنفه
SHAHAD
شطالب انا
بس ملايين
خو حلم
Sweet Revenge
الله يرزق الجميع
التراث الكويتي يحمل في طياته العديد من الكلمات الرائعه
اشكرك
esTeKaNa
اكيد باختار الشعر اللي طايح على الجتفين
من صجك
وانتي تدرين اصلا معاناتي مع الشعر
اللي باط جبدي ان الوحيد اللي شعره مسرسح اهو خشيم الفار
الله يحفظه
ويحفظ شعره
شلون الابو ماكو شعر والولد يمشط
مايصير
بذمتك انا مال مسابقات رمضان
هذا وانتي قاريه قصيدة حظوظ رديه
انا مافزت حتى بلوميه
nEo
ههههههه
ترى انت عجيب
ولو اني شرهان عليك
اللحين ادزلك ايميل
ولا تعطيني ويه
ليش عاد
بس شسوي احبك
بالنسبه لمهمد هايف
بشتريله مدافع متخصص بالركبه
تعرف بومبوسونج الخال مال يوفنتوس
هذا ويا هايف مان تو مان يصير الحبيب عبود
إحساس
انا من اول ماشفت اسمك ودخلت المدونه حسيت اني بعالم ملئ بالاحاسيس
وفعلا تعليقك اكبر دليل على احساسك الراقي
عموما
مايخالف
انا عندي نقص بموضوع الشعر
محد راح يحسه
وهذا النقص مايعرف صيف والا شتا
lawyer
تصدقين
اول ماخلصت هالقصيده ان جاز التعبير
ضحكت ضحك قلت انا شسويت
بالنسبه للطياره انا حاضر
بس ماهقيتج جذيه
تبين عماره بسويس
السويس هذي منطقه بجمهورية مصر العربيه
الوفره احلى منها
اما اذا قصدك بسويس يعني سويسرا
مااعتقد راح اشتريلك هناك
اعتقد السويس تنفعك
هناك راح يحسدونك
هذا انا مادقوا علي وجذيه صاير بحيم
وييييييييييييييه
لوير
من وين انا مطلع بحيم
البحيم : هو الشخص شديد البخل
ومشتقه من كلمة البحامه
عثماني
اللحين انت اخو وعزيز
وطاحت الميانه
واخرتها تنصحني بالبواريك
هذا وانت بعد شايف معاناتي
بذمتك انا وباروكه شصير
جني من عدائين كينيا
حرام عليك
هههههههه
انا ماراح ازعل عليك تدري ليش
عشان كلمة حسحسني البرد
ههههههههههه
كويــتي لايــعه كبــده
ههههههههه
حلوه ترشيد
يبتها ييب
انا تصدق محد دق علي
بالنسبه للقاموس الكويتي الكويتي والله فكره
بصراحه راح افكر فيها بجديه
'3air
ربي يبارك فيك ويخليك
بالنسبه لبراك تو هذا موضوع تو الناس عليه
على فكره
الشرف لي انك اقتنيتي ديواني
اشكرك
جدا جدا
DiLLi O MiLLi
اللي بقلعهم انتي عارفتهم
مايحتاي نقول
اعتقد ان معلومات ايوب حسين ادق من اهل الحسا
عموما الكلمه قديمه جدا
وتفسيراتها كثيره
الله يطول بعمر الوالد
اللهم امين
kuwaitya_7saweya
اذا انا وحطولي قذله لي الجتف
اصير بوب مارلي
هههههههههه
والله انتي العجيبه
فراوله
ههههههههههه
مساء الزلوف والشعر عالجتوف
انتي ترى والله عجيبه
او بالكويتي
عجبه
تصدقين
انا من 1984 وانا اصوم
وادعي
والله كريم
Shather
يقولون النفوس تغير النفوس
شوفي اذا عطوني ملايين
بعطيج الف دينار
بس بعد
تبين زود كتبيلي فيهم وصل امانه
انا للحين ماربحت شي وجذيه لعين
ههههههههه
emoo
كل عام وانتي بصحه وسلامه
اختي العزيزه
اشكرك على مرورك الراقي
وحكلمك بالمصري
شوفي يااوختشي العزيزه
انا حاخد الملايين وححولهم جنيه مصري واديلك شويه
وحشوف حتعملي ايه
اشكرك
أتيت متاخرة
لا عندكم قلعة وادرين
بس انتي ماتبين تعلمين
الله يطول بعمر الوالده
وبصراحه كلامها صح
اشكرك
هالمره مو متأخره زين أشوه
DanDash
هههههه
شفتي الكحل اللي حاطته انغام بهالاغنيه
تقولين لاخّينها بكس
انا ترى اثري بالأغاني
لو انغام تقرا هالقصيده تقول
الواد براك ده من فين مطلع الاغنيه دي
قولولي
حطينا زيت وخروع ماكو فايده
بس باجي نحط اسميت
charisma
تذكرين مسرحية ضحية بيت العز
وخاس ومات
بصراحه ماعرفت اترجم يخيس
حسيت اني لو بترجمها بافصل على الاوادم
اشكرك
خروفا
نادال
هو لاعب كرة مضرب اسباني. حاليا هو المصنف الأول عالميا و أصغر لاعب يحتل هذا التصنيف منذ اللاعب الألماني بوريس بيكر.
وانا بصراحه عاجبني هالريال
كاكا
هو لاعب كرة قدم برازيلي الجنشيه حاليا يلعب بنادي ميلان الايطالي
وهو من اب واب متدينيين جدا
وكاكا ونادال عندهم شعر
بس الله لايوريك
شي يخرع
يعني عكسي تماما
كأنك تقارنين ادي ميرفي بستيفن سيجال
هههههههه
GUCCI-q8
الله يسلمك
بالله عليك منو بيدق علي بيقولي انت ربحت ملايين
حظوظنا رديه ياوخيتي
اشكرك يالراقيه
Enter-Q8
احلق حواجبي
صبا
اذا كنتي شاريه نسخه من ديواني
راح اوفر لك طلباتك
اما اذا لا
يمكن اأجرلك يومين بشاليهات الخيران
صاير لعين انا
هههههههههههه
Najmah
ههههههههه
شكلي بصير فؤاد بطاش ماطاش
منو الملاعين
الملاعين يقولونها الناس الحزره لما يربحون اي شي
واللي بقلعهم ناس وايد ببالي
ويمكن ببالك
براك وربي ما عندنا قلعة وادرين
اهيا البحرين هالنتيفة
وفيها 3 قلاع
قلعة البرتغال نسبة للبرتغاليين الي بنوها في ضواحي المنامة
وقلعة عراد في منطقة عراد
وقلعة الرفاع في منطقة الرفاع
وبس خلصت البحرين
اهيا من كبرها البحرين نص ساعة تلفها مرتين
ماكو عندنا
أتيت متاخرة
خلاص صدقتك
Post a Comment