Wednesday, August 20, 2008

يرّة أذون

تراهنون
جم طراق بنشوف
بالتلفزيون
تراهنون
بنشوف بكسات
بنشوف كمعات
ويرّة أذون
تراهنون
،،،،،،،
أراهنكم على المسلسلات
أراهنكم على المأساة
اللي بنشوفها برمضان
بنشوف المكياج بالأطنان
والقصه من غير
مضمون
تراهنون
،،،،،،،،
بنطالع عرض للدراريع
بكل حلقه بنقول وييع
مثل كل سنه نفس الأوادم
نفس الوييه نفس البراطم
اللي يخرعون
تراهنون
20/8/2008
الأربعاء
طراق : ضربة الكف بالوجه والجمع طراقات
كمعات : ومفردها كَمْعَه بفتح العين وهي ضربة الأصابع من الخلف بوسط الرأس وعادة ماتستخدمها الأمهات سابقا في تأديب البنات ويقولون يبيلج كمعه
يرة أذون : جرّة الأذن
وييع : كلمة تطلق للإشمئزاز من شئ ما
الوييه : ومفردها ويه بتسكين الهاء أي الوجه
البراطم : الشفايف ( بؤق) بالمصري
يخرعون : يخوفون
بجم تراهنون ؟؟؟؟

65 comments:

JuVeNTiNa said...

هاهاهاهاهاهاها ..

عجيييييييييييييبه

يعطيك العافيه

مُحَسّدْ said...

الله يسلم الريموت كنترول

تسلم اخوي براك

MANAF said...

مبروك على الديوان ياخوي

ولو انها متأخره

:))

بس اعتبرها بنفس البريق دام انها من اخوك مناف

..

توني اشوف المقابله بالوطن

وشكلك مألووف جدا بالنسبه لي


اعتقد انا ملتقين قبل هالمره


..



نصيحه

تابع برنامجي على المرينا اف ام

اعتبارا من اول رمضان



اسم البرنامج


يوميات بوهيلان



وخلك من الطراقات والدراريع



واستمتع بالكوميديا



ويهمني رايك





:))

kila ma6goog said...

شوقتني حق رمضان

بشتريلي عشر تلفزيونات عشان لا يطوفني اي مزلزل

AK-47 said...

هاهاههااا
ما اقدر اراهن

فريج سعود said...

انا اراهن من عشرين استكانة شاي
اني ماراح اشوف شي من الي قلته






لاني ماني مشايف التلفزيون من الاساس

why me said...

اي اراهن


لول

Noor said...

مــــــــبروك على الكتاب والمقابله كانت حلوه ومنها للأعلى ان شاء الله

بقى شى فى الديره ما قمنا نتحسف ونترحم عليه وانقول وين ايام زمان

كل شى اخترب فى الديره ومنه الفن الكويتى

ومسلسلات فجر السعيدونايف ابدعت فى تشويه الفن الكويتى ممثلين فاشلين

قصص هابطه ما نفعت مجتعنا كثر ماشوهته جدام باجى الدول

بحجه الجمهور عايز كده، وانه الظاهره موجوده فى مجتمعنا

غير المنتجين الى يفكرون بالارباح اكثر ما يفكرون ان يقدمون عمل فنى راقى

والممثلين صارو يفكرون فى الشهره والظهور اكثر من حبهم للفن

عملاقه الفن الكويتى ماراح يتكررون ومافيه خلفاء لهم اله واحد او اثنين:)

الفن الكويتى بالالفيه مثل ما تفظلت( براطم-ودرارريع -وطن مكياج- وقصه هابطه- وتمثيل فاشل- وتكفخ_وهم وغم
)

وين مسلسلات قبل درب الزلق - الاقدار- الى ابى وامى مع التحيه-مذكرات جحا-خالتى قماشه -ورقيه وسبيجه- وغيرهم من المسلسلات الى ينجذب لها المشاهد بالاداء التمثيلى المميز والقصه الهادفه

لى متى نتحسف على ايام قبل لى متى

بنت سيف said...

تدري .. براك

اشوا إن رهناك بيطلع صحيح

خلنا نتعبد في الشهر الفضيل .. أبرك ..

::

من زمان مقاطعة المسلسلات الخليجية .. تذبحني المبالغة في كل شي ..

::

كل رمضان وأنت طيب



بنت سيف

lawyer said...

و في النهايه ماراح نتابع الا باب الحاره

طائر بلا وطن said...

ههههههه

لا تشوف أحسن .. احتفي بالأجواء نفسها

أو تابع شي يثريك أو يونسك


بس اعجبتني الترجمة
:P
اهم شيء البؤ

طائر بلا وطن said...

مثل كل سنه نفس الأوادم
نفس الوييه نفس البراطم

^
^

البنجرجي واحد


البنجرجي : من يبدّل و يصلح العجل
و بالمصري .. عجلاتي
و إذا كان عايش بالكويت
بنشرشي
:)

عثماني said...

انا ما راح اراهن ..براك

الكتاب باين من عنوانه

:(

esTeKaNa said...

HAHAHAHA
:)
ما يحتاي رهان
من شاف هالدعايات عرف ماذا ينتظرنا في رمضان
!!
نتحلطم ونشوف
:(
مع انه شهر بالسنه
يبيله شدة حيل واستغلال للوقت
الله يعينا على صيامة وقيامة
ومبارك عليك الشهر مقدما

قلب طفله said...

تكسب الرهان يابو عبدالله

من الحين و الجواب يتقرى من عنوانه

و الله يبلغنا وياكم رمضان :)

كويــتي لايــعه كبــده said...

المراهن حرام
:)

"نفس البراطم"
لووول

يمدحون
Discovery on Showtime
وخلك من رفع الضغط

charisma said...

مسااء الورد

ههههههههههههههههه
براك ما قدرت امسك نفسى من الضحك على تعريف البراطم

البراطم : الشفايف ( بؤق) بالمصري

بس اصدق براطم عندى احلى من شفايف
:))


امس ماره الخياطه بالمنطقه
ولا حووسه بالفريج وكشافات وحوسه شالسالفه!!

الا تصويير مسلسل

قلت الله يعيينا علييكم وعلى هوايلكم
://

Najmah said...

لووووووووول
اي والله صح لسانك
وعلى قولة لوير
بالنهاية مانتابع الا باب الحارة

الله يبلغنا هالشهر
ويعيننا على ذكره وطاعته

فراوله said...

مساالورد والجوري
مبدعنا الراقي
انا اولهم براهن
الا
ببصم بالعشر
بعد
بس خلك من كل شي
واهم شي باب الحاره
والباجي
مايبيله كلام
دمت كما انت مبدع وراقي
:))

|:| DUBAI |:| said...

LOOOOOOOOOOOOOL

BanShoof 3jaayb Hay Senah

!!

أتيت متاخرة said...

الله أسمع عن هالمسلسلات لكن ما أشوفها
ربي يبعدني عنها أكثر وأكثر

يعطيك العافية أخوي

Miss-Q8 said...

برّاك .. ما يحتاج رهان
هذا صار شي أشهر من نار على علم ..
خصوصا ً بـ مسلسلات الكويت :>

و على قولة لويّر
باب الحارة و بس ..!

لوول
يعطيك العافية ,

kuwaitya_7saweya said...

لوووووووووووووول
لووووووووووووووووووول
والله مااراهن لانه هذا اللي راح نشوفه واحلى شي
كل سنه نفس الاوادم
نفس الوييه
ونفس البراطم
اللي يخرعون

والله اتوقع هالسنه ببدعون يعني بنشوف بلاوي

Peace said...

عيل خل يعيدون مسلسلات
السنه اللي طافت

:)

MKSARAT SAYED SAAD said...

باراااااااااك
الصديق اللي واحشنى جدا
فينك كل ده
فعلا يا باراك هتلاقي مسلسلات جديدة كلها ملهاش لازمة وفيها تزايد كبير
بس انت عارف لو مكنتش عملت الترجمة للمترادفات اللي في اخر البوست
ولا كنت فهمت حاجه خالص
بس الحمد لله
كل سنه وانت طيب
تحياتي
سيد سعد

Sweet Revenge said...

التلفزيون بالكبت من اول رمضان مالي خلق تخرع بهالشهر الفضيل
كل عام وانتوا بخير

Enter-Q8 said...

ان ما كبرت ما بتصغر
لازم بعد كم دورتين ثلاث

لما مالوت عمليات التجميل يقولون خلاص
عقبها
ما راح نشوفهم

ليتهم يسمعون و يعون يالبرك

الـــوجـــــــد said...

::::::::::::::

نراهن

والله المستعان
كلمات قوية وتصف واقع مر والغريب من يشجع ويقف مصفقا لتلك الوجوه والمواقف
كان الله في عون من يتابع وينتظر تلك المسلسلات مسكين حالهم والله
أبعدك الله عن مشاهدتها ورزقك روح العبادة بلغك الله رمضان وأنت بأحسن حال وإلى الله اقرب ..

دمت مميزا ومتألقا في سماء الإبداع
:
حفظك الله
:::::::::::::::::::::::

بـنـت بـطنـهـا said...

باصير دعله مثل بنت خالي واحنا يهال

المراهن حرام لووووووول لما تكون متأكده ان كلامي صح

صح لسانك وياليت تنفع معاهم يرة الاذون


همسة على كتر: حلو انك حطيت المفردات ومعانيها :)

Shather said...

اهم شي البراطم بالموضوع :P

كاريكاتير said...

السلام

اذا على مسلسلات رمضان خلاص صار الواحد "يتفطر" طراق ويتسحر "ملاقة" برامج رمضان تخلي الواحد يفكر ويقول هالممثلين والمنتجبين ما يعرفون يشتغلون الا برمضان وفوق هذا تعال شوف تعامل الناس بهالشهر كأنهم مو صايمين 6 او 7 ساعات كأنهم صايمين سنتين كل واحد نفسه بخشمه تقول احنا اللي حرمناه من الأكل ...

مبارك عليكم الشهر مقدما

كاريكاتير said...

السلام

اذا على مسلسلات رمضان خلاص صار الواحد "يتفطر" طراق ويتسحر "ملاقة" برامج رمضان تخلي الواحد يفكر ويقول هالممثلين والمنتجبين ما يعرفون يشتغلون الا برمضان وفوق هذا تعال شوف تعامل الناس بهالشهر كأنهم مو صايمين 6 او 7 ساعات كأنهم صايمين سنتين كل واحد نفسه بخشمه تقول احنا اللي حرمناه من الأكل ...

مبارك عليكم الشهر مقدما

Barrak said...

JuVeNTiNa

سيدتي صاحبة التعليق الاول

الله يعلفيج ويخليج
مشكوره
واسف على التأخير

Barrak said...

مُحَسّدْ

اي والله صاج

لوما الريموت كنترول جان يخترب علينا رمضان

Barrak said...

مناف


هلا بمناف حياك الله
اتشرف لو كنت انا وياك ملتقين من قبل

تبقى اخو عزيز

بس ابي اعرف وقت الربنامج
وبالتوفيق ياخوي

Barrak said...

kila ma6goog

على فكره

عجبتني مقالتك بالقبس

ولو اني عندي جم انتقاد

بس دايما مبدع

Barrak said...

AK-47

انت عقب السفره

زين لاقي تاكل

Barrak said...

فريج سعود

هذا مراهن يديد

يسمونه مراهن الإستكانه

احسن لك وخر عن التلفزيون
الراديو برمضان جميل جدا

Barrak said...

why me

بنشوف منو بيفوز

Barrak said...

Noor

الله يبارك فيج ويخليج
مشكوره يااختي الغاليه
هذا من ذوقج الراقي

الله يصبرنا عليهم

قولي امين

والله يفكنا منهم
هم قولي امين

Barrak said...

بنت سيف

هلا فيج والله

فعلا المبالغه فيه كل شي
هذا دليل افلاس

Barrak said...

lawyer

عاد بوعصام مو وياهم
ماادري شلون بيصير المسلسل

Barrak said...

طائر بلا وطن


حتى انا عجبتني البوق


البنشرجي

هو من تحتاجه اذا بنجرت عليك السياره

عدل

هههه

Barrak said...

عثماني

ليش


قول حق المملوح يراهني

Barrak said...

esTeKaNa


على قولتهم المكتوب مبين من عنوانه

الله يبلغنا هالشهر الفضيل
اللهم امين

Barrak said...

قلب طفله
اللهم امين


اللي بيراهن راح يخسر

قوليلهم ياوخيتي

Barrak said...

كويــتي لايــعه كبــده

واللي يسوونه اهم موحرام


ههه

Barrak said...

charisma


تذكرت مقطع من انتخبوا ام علي

العجيمي يقول
بوق شفاااايف



الله يعينكم يعني المأساة بتبتدي من فريجكم

Barrak said...

Najmah

صح بدنك
مشكوره

وكل عام وانتي بخير

Barrak said...

فراوله

مساء المسك والعنبر

هلا فيج اختي الراقيه

مايحتاج نزيد ونعيد

المسلسلات راح ترفع ضغطنا


الله يحفظنا
ويحفظك

Barrak said...

دبي

الله يعينا ويعينكم

Barrak said...

أتيت متاخرة

احسن لك والله ماتشوفينها

شلك بالاذيه

كل عام وانتي بخير

Barrak said...

Miss-Q8

من ناحية مايحتاي رهان فهذا شي اكيد


وان شاء الله باب الحاره تكون زينه

Barrak said...

kuwaitya_7saweya

هالسنه البراطم راح تكون غير

اتوقع راح تنافس الكوشيات

Barrak said...

Peace

وشلون يريحون

Barrak said...

MKSARAT SAYED SAAD

اهلا فيك سيدي العزيز

من هنا ورايح حتكون هناك ترجمه

عشانك وعشان الراقيين امثالك



بعدين انا اسمي
براك

مع الشده فوق الراء

Barrak said...

Sweet Revenge

شهالتلفزيون اللي ينحط بالكبت


وبصراحه

احسن لكم

وشكرا على المرور

Barrak said...

Enter-Q8

شلون تبيهم يسموعون وييوعون

والملايين تنهمل عليهم كل سنه

مثل هالحزه

استانس بوجودك استاذي الفاضل

Barrak said...

الـــوجـــــــد

الله يصبرنا ويصبركم عليهم

ومشكوره على هذا الدعاء الراقي

مشكوره وايد

Barrak said...

بـنـت بـطنـهـا

عاد انتي دعله

ماأظن


حلوه على كتر

صج بنت بطنها

Barrak said...

Shather

من غير براطم مايعيشون


قواري مو أوادم

Barrak said...

كاريكاتير


اولا شكرا على مرورك الراقي

ثانيا

خلوهم يترزقون الله برمضان على حساب عيونا وفكرنا


اشكرك

حـمد said...

مافهمت الكمعة بس اكيد اهي غير مجعة الشعر

تحية لك مبدعنا

fatoom said...

انا مو باط جبدى الا الي يدقون بالعيد ويمدحون بالمسلسلات جنه صج ... يعني لى متى النفاق ... وكلنا ندري انه المسلسلات تلوع الجبد ودي افهم منو هذليله الي يدقون وهل يا ترا قاعدين يطالعون نفس المسلسلات ولا شي ثاني؟

Gooo Barak ... spread the Truth

يعطيك العافيه

Barrak said...

حـمد

المعه ياحمد شوف شلون اصابعك تتجمع وتطق الباب
جذيه الكمعه بس بدال الباب قمّة الراس


عرفت شلون