بتفلسف
بحبك بتفلسف
وعذب الكلام جدّامك
بيتخطرف
والحرف على إحساسي
يتعطّف
يرتجيه يتوسل له
بيترتّب على هوى حبّي
بيتزيّن على هوى شعوري
ابوصفك وماأوعدك بانصفك
بس الأكيد حرفي
بيتكلّف
بتفلسف بحبّك
بتفلسف
.....
بارسم ماشافته عيني
يمكن أقدر
وأبيّن شلون اللحظه معاك
تكون اسعد لحظات سنيني
وشلون
ماألقى حرف
يشرح مافيني
وشلون
ماألقى عون
على وصفك يجدّيني
أتم أرسم
وأقول أقدر
وماأقدر
أدوّر ألوان
وبعيونك تلاويني
أدوّر جنحان
وماألقى إلا جناحين
واحد فيهم خذاني
ورفرف
بتفلسف بحبّك بتفلسف
13/3/2008
الخميس
62 comments:
صباح الورد
ابوصفك وماأوعدك بانصفك
الله عليك وصف روعة وفيه فلسفة حب
براك شهادتي فيك مجروحة
إنت شمعة ببحر ظلام
وبس
بابل
صبـــــــــــاح الخير
وايد حلو هال
part
ابوصفك وماأوعدك بانصفك
كلمات بسيطة من عيار ثقيــــل
اعجاز حروفك كامن في البساطة
تعبت وانا اركز ابى اضلل الاقرب لى من بين كلماتك
ما قدرت
كلها حسيتها
كل سطر فيها حلو
كلها احساس
تفلسف وتفلسف
وهم تفلسف يا براك
يحقلك ويا بختها
وصباحك خير يا ويه الخير
طيرتنى بالسما بهالصباحيه
الحكومة استقالت
و المجلس بينحل
و انت طايحله رومانطيقية؟
والله يا حظها فيك هذي اللي كل يوم يوم تكتب لها هالاشعار
بـابـل
اهلا بصاحب التعليق الاول
اذا بتوصف شي معانيه كبيره اكيد ماتنصفه
اشكرك على لقبي الجديد
شمعه ببحر ظلام
انت راقي
وبس
منو ينسى
صباح الورد
فعلا عيار الكلمات ثقيل
اشكرك سيدتي كلامك اعتز به
شكرا
charisma
اهم شي عندي انك حسيتيها
وياعساك تطيرين بسما الافراح
اشكرك
kila ma6goog
ومن قالك اني رئيس وزراء
او نائب اول او ثاني
تدري شنو مشكلتنا
اننا بوقت الازمات السياسيه نكون كلنا سياسيين
وبوقت نزول البورصه نكون كلنا محللين
وبوقت النكسات الكرويه نصير كلنا رياضيين
مو يمكن اقصد بكلامي اننا محتاجين لفلسفه بحب الكويت؟؟؟؟
فتى الجبل
يمكن اللي اكتب لها ماتكون معشوقتي
ممكن تكون امي ممكن تكون اختي
ممكن تكون بنتي
او اي انسانه طاهره
ممكن تكون الكويت
ممكن تكون فرنسا
علمني براك ابي اتفلسف
علمني خلني أطير وأرفرف
وخوض بحر الشوق وأجدف
أحبها ومستعد أحلف
ومافي مثلها بالزين لو أدور وألف
وماكفاني حبي لها احسة بسرعة يجف
ودي أعطيها أكثر حب وأثنين وألف
علمني يا براك أبي أتفلسف
حسافتج يا كويت
تبيني اعلمك وانا بالحب متكلف
حب اللي يحبك ولكلامك صفصف
والا حياك عندي بالدوانيه شرّف
واسمع غناية خدعوها للمطرف
احنا انتعلم منك يامؤلّف
خل حب الكويت بقلبك يرفرف
براك
ماني بشاعر واللة ولا مؤلف
انا عاشق ومن العشق أنتلف
ويوم إني سألتك تعلمني. لي الشرف
علمني أحب اللي مثلة الحب ما عرف
يوزن البنات كلهم بكف وهو يفوقهم بكف
يا حلو أسمي بلسانة .لا قالة قلبي يرف
تفلسف لان المخ ما يشتغل الا بالشطحات والحب حلاته بشطحاته
حسافتج يا كويت
انت اللحين غيرت القافيه
وهم اقولك
انا نقطه ببحرك
والله يخليكم لبعض
وان جان تبيني اكتب قصيده على بو انه من تأليفك ترى الحرف بعشر دنانير
وفيه عروض خاصه
ولازلت اقول انك شاعر
Mishari
بتفلسف
واللي ابيه منكم
تصفون صفين وتقولن لي
لايوقف لايوقف
أتعبتني براك وياك وأنا الف
من بيت لي بيت اشيل الحرف واصف
علمني من شوق المحبين لو حرف
اهدي بة الغالية احلى وصف
علمني شقول للي خلت القلب إنغرف
وأموت وحيا لا مسها سو أبطرف
أما حب الكويت فما مثلة شرف
لا تخاف علية هذا مايضيع ومثلك عرف
وتسلم يا ملك التفلسف .. استسمحك بروح الحين وبذلف
:)
حسافتج يا كويت
ههههههههههههههههههههههههههههههه
الله يحفظك
قعلا
احيانا احس اني
بس بتفلسف
اقول كل اللي بخاطري
واحلل كل شي
واربط الاشياء ببعضها
واقول اشياء مالها تفسير واضح
احب اتفلسلف على شخص احبه
يكون فاهمني
يسايرني
ويرد على فلسفتي بفلسفة
:)
والحب بروحه فلسفة
يبيله بوست قوي عن انحلال المجلس =)
كلمات جميلة جدا
تحياتى ليك ولمدونتك وكل اهل الكويت
الله الله الله
تفلسف يا براك
ابوصفك وما أوعدك بانصفك
وشلون
ماألقى حرف
يشرح مافيني
وشلون
ماألقى عون
على وصفك يجدّيني
أتم أرسم
وأقول أقدر
وماأقدر
وهذا حال كل محب
يصف الحب فى صمت عندما تعجز الكلمات عن وصفه
نزار قباني يقول
لأن كــــلام القوامـــيــيس مـــات
لأن كــــلام المكاتــــيــب مــــات
لأن كــــلام الروايـــــات مــــات
أريد اكتشـــــاف طـــــريقة عشقٍ
أحــبـــــكِ فيــها .. بـــلا كلــــمات
تحـــــــياتي
:)
رفرف
كلمات حلوة كالعادة
:)
يلي تشتكي من حالنا اليوم لا تحاتي
بأرسلك الوضع الصحيح وفوقه تحياتي
وضع النقاش وصل عندنا لوضع وضيع
أما من المغضوب عليهم وإلا لازم تطيع
نقاشتا كله ترى تحت مسمى غاية
والغاية دائمآ يحكمها اللعب بالنهاية
نختلف وكلآ يقول أنا كلامي الصح
ونبحث عن عقل الكلمة ونلقاه بالمصح
والحجي لا يحمل عقل ولا منطق
كله تفلسف المهم أنه نطق
كلنا نحجي ونحجي وبس نقول؟
بالآخر ما نسمع إلا صدى الخبول
كلامنا تراه كله بأسم الحرية
حتى السب تكفلة اليوم لنا الديمقراطية
يلي تقول الوضع وشلون
أخاف أكمل وعيوني يبكون؟؟
مع تحياتي لك براك
قول كل اللي بخاطرك ياخوي
كلنا نحب كلامك
ونتفاءل فيه
انا بعد وياك
بتفلسف
:))
البرك ماكو زهيرية عن الوضع الحالي ؟؟
تكفى اطربنا طلعنا من الجو الكئيب
Najmah
ايتها الفيلسوفه القديره
تطلبين ان تتقني الفلسفه وهي لعبتك المفضله
دام ان قلبك ابيض
الله يعطيك على قد نيّتك
تفلسفي
على الاقل فلسفة النجوم راقيه يانجمه
Manooya
ماأعتقد
لاني باختصار ابي الناس تحب وبعدين تفهم شالسالفه
ابي الشخص يتفلسف بحبه لوطنه
فلسفة جميله تملؤها الاخلاص
انا عن نفسي ماحبيت ان اتطرق لاي موضوع سياسي حاليا
الين اشوف اهل الكويت منو بيختارون
لان بالنهايه احنا اللي نقدر ندخل قاعة عبدالله السالم ناس كفو ونقدر بعد ندخل قاعة عبدالله السالم ناس لفو
مروة الزارع
اولا تشرفت بوجودك سيدتي
ثانيا تحياتي لاهل مصر
والله يعينكم على بلواكم
DiLLi O MiLLi
والله مابعد كلمات نزار قباني كلمات
اشكرك
دائما تعليقك له رونق خاص
بعثرة مشاعر
اعتقد انك تخيلتي وياي الصوره اللي حاولت ارسمها
تخيلي جناحين
بس واحد فيهم يرفرف والثاني يحضني
هذي الصوره اللي ابيها توصل
مثل صورة طير النورس اللي تعمدت اني احطها
تقولين مااحاتي وبحاول ماأحاتي
وبقول بتنفرش بالورد دروب حياتي
وضع النقاش اشبه بدلال قاعد يبيع
همه يربح وماعنده صدر وسيع
نقاشنا حالته مثل حالة المايه
اليوم رايحه ومن باجر يايّه
مفهوم الصح هالايام ياوخيتي شح
والصوت تعب ومل وانبح
وين الناس اللي بحبها تنطق
العموم باكاذيبه متشردق
كل اللي بقوله انها شدّه وتزول
وللحين ممكن نلقى امل للأصول
الحريه هذي ياناس اكبر هديه
هالديره محتاجه مننا شويّة حنيّه
صدقيني ياهذيان بتهون بتهون
فرحي عيونك لا ياوخيتي لايبكون
تحياتي لك هذيان
MANAF
اهلا فيك اخوي
وكلنا نحب وجودك
ونتفاءل فيه
وتفلسف اخذ راحتك ياشاعر
فريج سعود
اهلا اخوي
ماعندي زهيريه عن الوضع الحالي ولا فيه شي يستدعي اقول ان الوضع كئيب
بس فيه مثل وانا اشوف هالاوضاع طرى ببالي وقالوه اجدادنا قبل
يقول المثل
ماتقوم موجه إلا وحاديها هوا
والحادي معناته الدافع بقوّه
والمعنى ان الموج لايحصل الا عن هواء دافع له ، لان الموج يظهر في البحر قبل وصول الهواء
من كتاب الامثال الدارجه في الكويت
للمرحوم عبدالله النوري
barrak
ما أجمل كلماتك
فما أجمل من آذان منصته و واعية و مدركة لحديث المدينة يومها يكون المنصت عقل عشق مدينته وقلب هوى الكويت
شكرآ عزيزي شكرآ لأنصاتك لحديثي
رفرف القلب مع كلماتك يالبرك رفرف
رووعة
مادري شقول شقوول
غير إني أعشق كلماتك
:)
أجمل تحياتي
مع تلك الموسيقى
حلقت بخفة مع كلماتك العذبة
كم اشتقت ذلك الشعور الراقي
الحب النقي
الجمال في أرواح من نحب
أعدتني إلى الوادي الأخضر
والشمس المشرقة
والغيم المتناثرة
هكذا الحب مع كلماتك يطير بنا
دمت بحب
مع من تحب
مساالورد والجوري
مساالترفرف بسما
التفلسف الراقي
مبدعنا
دائما ماتكون تلك اللغة التي تعتلي
محيا تعابيرك
تحمل لذة بطعم خاص لا يستسيغه الا من عاش
مرحلة من مراحل تلك التعابير
:))
هالتعبير يستقر باقصي مدي بالضمير
" يجديني "
تعبير تمبتي من قلب
باختصار كلامك ينحس وبعدين ينشاف
:)
دمت بدفء وعذوبه
وبتفلسف
ابدا
:))
تفلسف
:) يعطيك العافية
تفلسف يا براك .. شورانا غير التفلسف في الحب :)
والله لو تصير ارسطو ماكو فايده
ما يعجبهم
براك حلو بكالشي حتى لو يتفلسف
هذا مو تفلسف
هذا احساس يرفرف
هذي بساطة تدش القلب
تدري اشلون تدش؟
دعوووم دعوم
:)))
تدري براك؟
مرات يكون للبعض لسان متكلف
يبدع بالتعابير
ويرسم لك احلى الكلمات
بس ما يدش القلب ابدا
ومرات انسان باحساس يرفرف
وكلمات تعتقد انها تتفلسف
يدش القلب من اوسع ابوابه
!!
وانته بهالكلمات رفرفت
ما تفلسفت
ودشيت دعوم دعوم
:))
أتم أرسم
وأقول أقدر
وماأقدر
أدوّر ألوان
وبعيونك تلاويني
أدوّر جنحان
وماألقى إلا جناحين
واحد فيهم خذاني
ورفرف
بتفلسف بحبّك بتفلسف
ياليت الناس كلها تفلسف نفسك
ياحلو كلامك البلسم البنادول
بين زحمة و زخمة الحروف و الجمل
تفلسف علينا تفلسف
الله يفتح عليك .
تذكرت وانا اقرا ابيات قالها يزيد بن معاوية ..
نَالَتْ عَلَى يَدِهَا مَا لَـمْ تَنَلْـهُ يَـدِي
نَقْشاً عَلَى مِعْصَمٍ أَوْهَتْ بِهِ جَلَـدِي
كَأنـهُ طَـرْقُ نَمْـلٍ فِـي أنَامِلِـهَا
أَوْ رَوْضَةٌ رَصَّعَتْهَا السُّحْـبُ بالبَـرَدِ
بارك فيك الرب
هذيان
شكرا لوجودك سيدتي
7osen
مو انت تبي رومانسيه
هذي رومانسيه
عشون عيل
qesat_5ayal
نعم سيدتي
اريد ان يطير بكم هذا الحب
تحلقون مع الحب
حب الوطن
حب الاهل
حب الامل
حب الام
لايحلق الا قلبا راقيا
وعقلا ملما بما تحويه هذه الكلمات
اشكرك سيدتي
فراوله
من شفت كلمة تعبير تمبتي ابتسمت
اشكرك سيدتي
وتجديني هي كلمه تنشاف
قبل لاتنحس
ويالله الجدوه
اشكرك
Peace
ان شاء الله
ابداااع كعادتك براك
يعطيك العافيه :)
احلى فلسفه
فلسفة الحب
ان جان ما تتفلسف بالحب بشنو بتعور راسك وتفكيرك وتفلسف فيه
ويا زيـــــــنها من فلسفه
الله لا يحرمنا منها
Mok
يعافيك
Kuw_Son
اي والله شورانا
استانس لما اشوف تعليقك
اشكرك
الاخ اللي علق وانمسح تعليقه
اشكرك استاذي
وكلامك عني فخر لي
وأعدك بان خلال الايام المقبله ستجد ماقلته في تعليقك الممسوح
انور عبدالله
غبت علي وايد ياانور
الحلاة نتعلمها منك
esTeKaNa
بس شفت دعوم ابتسمت
وحسيت كيف الكلام وصل
اعرف الدعوم
اللي يوصل لاخر نقطة بالاحساس
كلامج فعلا يخليني ارفرف
اشكرك
Enter-Q8
ياحلو وجودك
اخوي العزيز
دائما كلامك يشجعني منذ اول بداية لي في ابريل 2006 الى الان
دائما اتشرف بوجودك
افضالك علي وايد ياخوي
هذا من طيب اصلك
moowa6en
حرام عليك
من امس وانا افتر من سايت لي سايت اذكر ان هذا الكلام الرائع قد تغنوا به سابقا
ابي اسمع نالت على يدها شلون اللحين
اشكرك يااستاذ
ياقلبي ابتسم
اشكرك
واتمنى ان يكون قلبك مبتسما
magnoonah
ولا يحرمنا منك ومن وجودك
ومن جنونك
Post a Comment