تخرّج
سوّوله حفله
تزوّج
نص دينه بيكمله
سووله حفله
صار ريّال
ماقام يتبجبج
سوّوله حفله
قال بيروح رحله
سوّوله حفله
ياله ولد
سوّوله حفله
انقرد
طلعتله ضروس
وإلا بكله
سوّوله حفله
خلّص حضانه
سوّوله حفله
خلّص جامعه
تخرّج
ولاشغله ولا عمله
سوّوله حفله
عقل وإستخف
قصر وضعف
صار طمبحله
سوّوله حفله
هالخساير مفروضه
ويقولون نبي زياده
السالفه فوضه
والفوضه صارت عاده
خلوا السهره تحلى
وسووله حفله
27/2/2008
الاربعاء
101 comments:
ههههههه
والله اذكر يوم احنا صغار
كل زواره يوم الاربعا يكتون نون
على اي شي
واحد بدا يمشي
الثاني طلعله ضرس
الثالث نجح بتقدير جيد
الرابع ماقام يسويها على روحه
وعلى قولتك
يبون زياده
ههههههه
يعطيك العافيه
مبدع كالعاده
البرك
تستاهل حفلة واللة
وسلمت يداك
ترى انت مو معزوم
:P
حلوة وايد
Q80 Blogger
شخباري نون
وييه
اشكرك يااصاحب التعليق الاول
حسافتج يا كويت
الله يسلمك ويخليك
مانبي حجي
نبي فعل
منو ينسى
اكيد انا مو معزوم
لاني ماعندي بكله
وماني طمبحله
ana ba3ad abe 7afla :)
hehehe
خل يستانسوووووون
Cat
ليش ؟
رايحه رحله
kila ma6goog
ماقلنا شي بس بسنع
ترى احنا مساكين
شوف الحريم..العزايم و الحفلات اللي على غير سنع
طلعت من الروضة ..حفلة
دشت الإبتدائي ..حفلة
راحت صفها ..حفلة
رجعت من المدرسة ..حفلة
راحت الثنوية ..كبرت شوي قامت تقص على روحها و تسميه استقبال
خذت ليسن ..استقبال
دخلت الجامعة ..استقبال
انخطبت ..استقبال
تزوجت ..استقبال
اولدت ..استقبال
قام يحبي ..استقبال
شات كرة ..استقبال
بعدين عبالك استقبالهم نفس عشواتنا مجبوس دياي و بسم الله !!
لا وين ..لازم بدلة يديدة ..و كروت غير شكل و كراسي ملفوف عليها حرير و و كريستال وورد و الحالة حالة و العشا لازم من الشيراتون ولا يقولون هيلقية
ما علي بس باطلع حرتي شوي
.
.
و مشكور على رايك و ردك اللي اعتز فيه
mtfa2el
مايندرى منو المساكين
ترى الموضوع يصلح للاثنين الحريم والرياييل
فيه رياييل يستخفون بالحفلات عشان يتشيحط جدام ربع زوجته
والعكس صحيح
حلوه شات كره سووله حفله
احب قطاتك
طلع حرتك حبيبي على راحتك
بالنسبه لرايي وردي هذا واجب
وانا لي الفخر ان واحد مثلك ياخذ برايي
انت اللي مشكور
صح صح صح
ولذلك قمنا نخلي كل جم شخص عنده مناسبة مع بعض بنفس الحفلة
أوفر
أريح
:P
أفا عليك ماعرفتني دزلي أيميلك وتيييك العلوم الطيبة
qesat_5ayal
من حبنا لها بنوفر لها
حتى بالحفلات صار فيه توفير
حسافتج يا كويت
قبل لاادز ايميلي اللي موجود بالمدونه
بتسويلي حفله شنو
لاانا راعي بكله
ولا رايح رحله
ولاطمبحله
كلامك يا براك همآ بك تعبوي
غدى يؤلمك وضع الحياة الفوضوي
لن نجد بالدهر أنسان سوي
فالألم لا يختلف حتى أن كان غير مستوي
فالعدل كفتان والمجانين جعلوها كفة ليس بهم سوي
آآآآآآآآآآآه يا براك جرعات ألم وحسرة
لو الحفله نون وبيحذفونا فوق روسنا
راضين
!!
انا اكثر واحده بالكويت يمكن كتو عليها نون
:Pp~
بعدين براك شعب يحب الوناسه واليمعه يالله من فضلك حفله وحفلة
واللي عنده خل يستانس ويستهبل
بس المشكله باللي وعليه يا دوب ياكل ومليون حفله واستقبال
بدل لا يفرح بياهل يديد
تلقاه يوقف قلبه على مصاريف ولاده واستقبال
!!
احلى كلمتين بالبوست:
بكله
وطمبحله
موتوني من الضحك
:))
براك بوست يديد اقراه
براااااااك الموضوع موضوع عقـــــــل
مو كل الناس عندها عقل تعرف تحتفل على شنو و لا على أيش !!!
الحمدلله على العافية
الي يضحكني ، استقبال الحج
ليس ماكو استقبال صلاة عيل !!!
واحد يتعبد يباركوله انزين ليش الخبة و الفلوووس و الصرف على هالمناسبة !!
الله كريم و الله يهدي للعقول رشدها
وياما السهرة بتحلى وبتحلى
والله يستر من الحفلات الياية
ودمت بحب وود
بكله
لووووووووووول
وانا على بالي بس الوالد والوالده يقولونها
طلعت صجيه
:)))
الله يسلمك هالحركات لزوم الفشخره والمظاهر
للاسف لانه الناس وايد صاروا سطحيين وتغريهم المظاهر
ودام الخير وايد
الناس ماراح يقصروون
عاد اليوم ياني النون مال ولد رفيجتي بس لظروف خاصه ما سووله حفله
:))
شفت شلون
لوووووووووول
اى والله
احنا عيل
طلعله ضرس عزيمه عشا ونون
قام يقلب
عزيمه عشا ونون
حبا
عشا ونون
مشاا
عشا ونون
مانى قايله
هم عشا ونون
لوووووووووووول
يكرهونك بالياهل
ههههههههههههه
الله يزيد الافراح يا براك
خلهم يستانسون
بهالديره ماكو شى يونس قام
تسلم ايدك
تبى غرض حاجه من العمره
ماشيه بكره باذن الله
الله الله يامبارك
جميل كل مره تتحفنا بكلماتك جميل جدا
اي والله سوله حفله
خلنا نتغنه
بخسايرنا
بس وناستنا تسوه
بالمعقول
مره بس حفله
ماتزيد
ان زادت تراهي بلوه
ماهي مجرد حفله
باجر كل ماقام الصبح
سوله حفله
الله يعطيك العافية أخوي على هالكلمات الحلوة
من صج شي يضحك ويبكي بنفس الوقت
الحين لا صارت حفلة لمناسبة مافي مشكلة
تعال شوف حفلات مالها مناسبة ولا داعي
البنت بتعزم رفيجاتها
سوو لها حفلة ودي جاي وبوفيهات
المرة حامل بالشهر الخامس
تتشرط على خواتها أبي استقبال حق ولادتي لا صار ولا استوى
أنتي قولي يالله السلامة بعدين سوي استقبال
خافي ربج ما تدرين ضناج يطلع سالم والا مريض
ونصيحتي بدال هالفلوس اللي تقطونها
على حفلة رايحة وحفلة ياية
تبرعوا فيها حق محتاج والا دفعة بلا عنكم
والا صدقة جارية تنفعكم بالدنيا والأخرة
قال تعالى
" إن المبذرين كانوا إخوان الشياطين"
أعذروني يمكن قلت كلام مو من حقي
ويمكن يضايق ناس وايد
بس هم يقرقع بقلبي
عاد لا تقولون بقلبي حفلة قرقيعان
لووول
أخوي براك
بوستك جداً رائع
وعسى الله يهدي الجميع ويكثر خيرهم
تقبلوا تحياتي
هذيان
احترم جدا تفكيرك فعلا فالمقصود بهذه الابيات هو ماكتب من قبلك
من يتأمل الابيات يجد ان هناك كلاما تحت السطر لابد من ان نفهمه ونستوعبه
الحفله كنايه عن امور فوضويه لاتعجبني
اشكرك
esTeKaNa
لا لا يااستكانه اكثر واحد كتّوا عليه نون اهو انا
ماتشوفيني صلّعت من كثر ماهالحلاو يقطونه قط على يافوخي شوفي شصار
حتى اللي عنده يستانس بس يخاف الله بوناسته
الدنيا مو كلها حفله
الدنيا رحله
بالنسبه للبكله والطمبحله
كل من بقلبه شقى اللي له
هذيان
ان شاء الله
Mai
هلا بهالطله
فعلا الموضوع موضوع عقل
والسنع مطلوب بكل شي
اشكرك
sologa-bologa
احبك لما تفهمني
اشكرك
magnoonah
البكله مايعرفها الا اهل الديره
او مايعرفها الا الكويتي التمبتي
وسإلي الوالد الله يحفظه شنو معنى تمبتي؟
ترى ناطر الرد
charisma
حلوه قام يقلب
والاحلى ماني قايله
هههههه
بالنسبه للعمره
تروحين وتردين بالسلامه
ابي شي واحد ادعيلي
Faisal
منو هذا مبارك
هو مين مبارك ده
انا براك
مبارك كان مأجّر عندنا وطلع
اشكرك على وجودك
حنين الشوق
يعافيك ويخليك
قولي اللي تبينه
ومحد بيتضايق من احد
والظاهر والاكيد بقلبك حفلة قرقيعان
اشكر مرورك
هههههههه
والله ضحكت
تقول ناس ماعندها شغله
تصبّح وتمسّي على حفلات ههههههه
حلو الواحد يستانس بس المبالغة في الشي تفقد تميزها
يعني لو كل يوم والثاني حفلة
ما راح تتميز حفلة هالشي من حفلة هذاك الشي
وفي النهاية الناس اصلا نفسها بتمل
حلاة الشي لما يجي بعد فترة ويستحقه
بس سؤال!!
شو يعني نون ,, وطمبحله؟
اشوفكم تضحكون على هالكملتين ههههههه
عيون الحب
والله سؤالك وردك ضحكني
الله يسعدك
شوفي يابنت الامارات
اولا فعلا المفروض علي اني ابين معاني الكلمات لاني وايد اختار كلمات كويتيه قديمه فالمفروض اني ابين المعنى
ومعذوره
انا اقولج
النون
هي حفله بسيطه كانوا بالسابق يحتفلون بالطفل عندما يتأخر بالمشي ويمشي يسووله نون او الطفل اللي طلعتله ضروس يكتون عليه نون
يكتون النون اي يتوسط الطفل والعاده يكون بمكان مرتفع ويرمون عليه المكسرات والحلويات على راسه ويتسابقون الاطفال لأخذ نصيبهم من الحلويات والمكسرات وهذا للفقراء ام الاغنياء سابقا فكان النون يختلط معه قطعا نقديه بالاضافه للمكسرات والحلويات
الطمبحله
وهو الشخص العريض والقصير اي السمين وكأنه طمباخيه
والطمباخيه هي الكره باللفظ الكويتي
بعد فيه سؤال والا الامور واضحه
يالله عاد سويلي حفله
إي شعليه؟ يستاهل حفلة :p
ezain_kilah
اسقوه من كنافة الامير زهير
يستاهل براك يستاهل
ماوصيكم عاد هالله هالله فيني
يا عزيزي يا براك
كل الي قلتة صح مية في المية
الناس أصبح كل همها الجري وراء المظاهر التافهة والنفخة الكذابة
حتى أصبحنا شعب استهلاكي بجدارة
نحسد عليها
يراد لنا وعيا من نوع آخر حتى نستفيق من هذا الوهم الذي اسمه الصرف العشوائي
عس الله يصحينا لنستفيق من سباتنا وتعود الكويت المختطفة من كل الأشياء والجهات
نتمني يا ابني العزيز
مودتي
منى
برنسيس إيكاروس
صدقت ياسيدتي
فعلا اصبحنا شعب استهلاكي
بالنسبه للاستفاقه من هذا السبات والوهم
مااقول غير الله كريم
واشكرك على كلامك لي في حديقتك اقصد مدونتك
اشرايك نسويلك حفلة
شوف اما هالشئ بالكويت من زمان و انا ما ادرى
او لما كبرنا درينا بالوضع الحزين
تعتقد لو كل شئ بفلوس مثل التعليم و الرعايه الصحيه
و الماى و الكهربا اغلى من الحين
راح يسون حفلات؟؟ما اظن
بيخلون فلوس الحفلات للاهم
براك يا بطل القصة شوف شسويت بالعالم
مدونة حسافتج يا كويت
بوست صاروخي
أهنيك
!!
!! وااايد احب الحفلات
واذا سويت حفله بعزمك
اقول براك؟ تذكر تشكيلة اول مجلس امة في الكويت؟
تتخيلهم يطالبون بزيادة 50 دينار؟
شفينا صرنا جذي؟
صباح الخير براك
لنك جديد
فتى الجبل
انطر خل تطلعلي بكله
على نفسها جنت براقش
اعتقد راح يستمرون بالحفلات
اشكرك
حسافتج يا كويت
انا ماسويت انت اللي سويت
حتى لو القصه خياليه
هم وايد علي
اشكرك
دار الحي دبي
حلوه صاروخي
اشكرك
صبا
مابي كلام
ابي افعال
انا ناطر
وبنشوف
9ahba'a
تدرين ليش صرنا جذيه
يبونا جذيه
فيه شي انا كتبته واعتقدت انك راح تصيدينه
ناطر اكتشافك
هذيان
صباح النور
من غير لاتقولين انا وصلت
مبارك !!
مو براك
صبا
والله براك
مادرى ليش يت هالاغنيه على بالي
امي مسافره وحعمل حفله
الناس يدورون ياخوي الوناسه ومايهمهم السالفه الاصليه بس اسمها حفله والسلااااااام
ابهمس للقوافي وأوزنها أيات وأقصد
وابدع للعشق احرف قلب العاشق يغنيها
وبأكتب لهوى نفسي شئ ما قالته أهل نجد
أبي أرضي غرور النفس وأميز حب غاليها
وأجمل الشعور بوصف ما يجيبه قلبي أحد
وأجنن الحروف بمعنى وأنا هذيان وأسويها
حبيبي كن حكم كسرى تملك قلبي لأقصى حد
ووقع على صك روحي بختم السرايا شاريها
لايبيعك بالنخاسة ولا يحرر من سطوته عبد
من يخلص روحك منه نزعة هولاكو معتليها
يعني مثل ما قيل بالغصب واللين والعند
هو حبيبي الروح وبأسكت لا أجنن قوافيها
صباح الخير يا براك
تلك الكلمات أهداء لك ولمن أتعب قلبك
وجعلك تصيغ كلمات جميله في مدونتك
لا أريد أعادة وزن الأبيات ولا كتابتها بمسودة ولا أعرف ما كتبت
لكني من خلال كتاباتك أستشفيت نوع من معاناة القلب في نفسك
والله لا أعرف ما كتبت ولكني وصلت إلي صورة من داخل نفسك
تلك أهداء لك ولمن في قلبك
من صديقتك هذيان
لله في خلقه شؤوون :)
يعطيك العافيه براك على احساسك الحلو :)
سوله حفله
كويتي و يستاهل
سوله حفله
حكومته طمبحله
سوله حفله
من حقه البلد تفرحله
و حكومته تطنشه و ما تعزه
بإختصار
مولد و صاحبه ضايع
مساالورد والجوري
مساالحفلات والطمبحلات
مبدعنا الراقي
هذا سلك الكويتين باغلب المناسبات
كلما نطز شي سوله نون وعشا
الله يزيد ويبارك
ويزيد المعاشات بعد
هههههههههههههه
دمت بدفء وعذوبه
ابدا
:)
لوووووووول
نبي بوووست رومانسي
قصيدة من كلامك إللى يدش القلب
:)
ههههههه حلوة .. يالله صفقة .. و سوله حفلة
:P
وااااي جنك حاس فيني
كله اتحلطم على هالحفلات الي مالها داعي .. اخر شي ضحكني من قلب حفلة استقبااال بصالة كبيرة ومعروفة ودي جي وبوفيه وفعاليات الي تبيه عشان مولوده يديده =\
انزين بالله هذي شفهمها بالي قاع يصير حوالينها لوول بس شعب يحب الفرفشة شتقول =)
خلهم يستانسون يبااا
المشكلة انهم يبون هديه :P
انزين ما عليك امر تحجزلي صالة بسوي حفلة استقبال بمناسبة وظيفتي اليديده لوول ;P
كاااااااااااااااااااك
سوله حفلة
انت عجيب عجيب عجيب :)
هالخساير مفروضه
ويقولون نبي زياده
السالفه فوضه
والفوضه صارت عاده
وصح لسانك ولا هنت يابراك
براااااك شلونك يا خوي؟؟
يا خوي شر البلية ما يضحك
و الديرة من كثر البلاوي اللي فيها صارت تضحك
اقولك شي ؟؟
سمعت عن وحدة سوت حفلة ليش ان الحلاقة الفلبينية اللتي تقص شعرها ردت من اجازتها
مسخرة
لوووووووووووووووووول
لوووووووووووووووول
اي والله
لا وزادوهم وماعجبهم بعد
براك شفيك عليهم
ناس مطربه حالها
وتبي تونس نفسها
تسوي حفلة على الفاضي والمليان
انت ما تشوف اللبنانيين
انطقوا سووا حفلة
طقوا سووا حفلة
ماتوا لهم عشرة سووا حفلة
ماماتوا هم سوووا حفلة
ناس تحب الحياة
ولهت على التعليق هنيه
Shaima'a Alkandari
هلا فيج اختي
فيه واحد بأغنية امي مسافره طمبحله
هذيان
اهدائك تشرفت به قبل ان يصل
كم انت راقيه
طبيعيه اسطرك وصلت بعمق
اشكرك
ياقلبي ابتسم
الشمس من وين طالعه اليوم
شهالغيبه
عليج غياب وغرامه
Enter-Q8
هلا فيك يالغالي
حكومته مو طمبحله
حكومته عدله
بس جنها رايحه رحله
فراوله
هههههه
ضحكت على كلمة الطمبحلات
عاد صج ماادري شنو جمع طمبحله
اشكرك على مرورك
faithy
لول لول
7osen
عطني جو رومنسي
اعطيك شعر رومانسي
بهالغبار ماأقدر الا على الحفله
Kuw_Son
لا الحفله من غير صفقه
الحفله لازم يكون فيها ردحه
Manooya
على هالطله من بعد غياب نسويلج حفله بصاله
بس بشرط
كل المصاريف عليج
احنا بس راح نردح
Mishari
اشكرك
هـــدب
صح بدنك
عثماني
هلا فيك استاذ عثماني
ياخي ولهت عليك
هذي اللي سوت حفله عشان الحلاقه الفلبينيه انا اقولك شقصتها
اهي سوّت حفله لانها بغياب الفلبينيه انكشف ماكان خافي بين ويهها وشعرها الهوله
وبعد ماوصلت الفلبينيه اكيد بتسوي حفله لانه محد يعرف حق عناقيصها الا اهي
الحمد لله والشكر
kuwaitya_7saweya
انا قدساوي متعصب
بس من من بعد سنة 1993 واانا مااشتهي اشوفهم
واذا تعدلت اوضاعهم بسوي حفله
اشكرك
الزين
انا مافيني شي بس لازم ابين لهم انه النعمه زواله والله زواله
وبالنسبه للبنانيين اكثر ناس ينطبق عليهم ترى النعمه زواله
ومثل ماولهتي على التعليق هني
هني وله على تعليقك
شرفتينا
اقول براك حبيب قلبي
من بعد الظمأ اتينا نفرح خرج الينا كل متبجح وقف فرحتنا ..قال لما تفرح يافقير يا بان الفقير ..قلنا لللنسى فقرنا وهمنا اولا ترى القيود على اردلنا وايدينا فهل تقف امام فرحتنا وان ضحكنا وا انشدنا ..فقال ابن المتبجح كافكم ضحك يا ابن الفقراء كافكم ضحك يا حثاله المجتمع نحن الاغنياء لنا الحق فقط للضحك ولا لغيرنا له الحق ان يضحك ..وان رياناكم تفرحون قسما عظما لانجلعنكم اضحكوكه على كل المعايير ..
عيرونا فقرنا وقلنا نعم نحن فقراء ولنا الاخرة
تحسدنا على وناستنا يا براك خلنا ننسى همنا شنو يعني اذا فرحنا حق ياهل ولا حق ولد تخرج وسوى ونجح
ماتبينا نفرح علشان احنا عيال فقر ؟؟
يابراك اثروا فيك الرامس المالين الحشرات
اثرو فيك هذول الي يقولون اذونا البياسر قامو يصيرون جيرانه
اثروا فيك ؟؟؟
ماهقيتك جذي صج صج ماهقيتك جذي
تعاير الفقير لانه فرح وستانس
واذا ستانس وفرح ماله حق يزيد من مدخوله
هذا دليل لعدم حاجته للزياده جذي وصل فيكم الحال
بـوبـحــر
بما اني حبيب قلبك بآخذ راحتي بالرد عليك
انا ماأتأثّر إلا في الشي الراقي
وين معايرتي للفقير
وين المعاير اصلا
هذه القصيده ان جاز التعبير اقصد فيها امورا لم تستوعبها انت بالذات
هي اكبر من موضوع حفله وأكبر من موضوع زياده
ومنو اللي حاسدكم على وناستكم
استانسوا بحدود المعقول
استانسوا وفرحوا لسبب عشان تكون للفرحه لذه
مثل مافيه ناس يكتون نون على ياهل توه بدا يمشي بحفله بسيطه فيه ناس يجيبون فنانين بالاف الدولارات لساعه وحده
دائما عندما اكتب موضوعا اهول فيه الامور لتصل الصوره وان لم تصل مالي ذنب
لك حق انك تصورني باي صوره تشتهيها
ولك حق تنتقد وماتوافقني بالراي
ولك حق تقول ماتبيه انا فاتح مدونه عشان اتقبل كل الاراء
ماهقيتني جذيه مادري شنو جذيه
عموما
ملزوم علي اني اشكرك
لاني حبيب قلبك
مساء الورد
:)
إي والله شكثر في من هالنوعية
تسلم يابراك
وبس
بابل
صح
هذا الواقع
احنا كل ماصار شي سوينا حفلة
مو ماكو شغل
ومرة وحده
يمعه ووناسة
:>
تسلم هالايادي يا براك
واحنا شمأذينا غير هالمجاملات
صباح الخير براك
براك ما سر ذاك الشقاء
وأمل أطفئ في ظلمة المساء
فربما غدك يحمل الفرح والهناء
فجميعنا ينظر إلي الله بعين الرجاء
فحديثك يا براك يرجع الشجون
ودمع حبسته الأيام في وسط العيون
وآمال ضاعت بين همآ وضنون
فالجميع يخالفون ما يقولون
لوووووووووووووووووووووووووول
ونجح وياب الشهادة
ورجع من كندا
سووووووله حفله
!
لا لا حفلاااات
شنو حفله
؟
الموديل اليديد
وحده تطلقت
سوت حفله
لوووووووووووول
والله من صجي
من كثر ماكان ملووووع جبدها
ههههه
تصدق
هم سوت حفله
!!
بـابـل
مساء الفل
الله يكبرهم بعقولهم
اشكرك
Aldenya
ماكو شغل
هذي الكلمه اللي موديتنا بداهيه
Peace
احنا أصلا عايشين عشان نجامل
هذيان
صح لسانك
جميل ماقرأت
والاجمل احساسك
vancouver
اذا رجع من كندا بنسويله حفله
وبنكت عليه نون بعد
بالنسبه للي تطلقت هذا اكيد الزوج من النوع اللي طول عمره منفّس على ماميش
اللي يعيش ياما يشوف
خلينى اناديك
اه يابلد
صباحو عسل فى الاول
اول زياره لمدونتك
وشكل مرارتك انفقعت من بلدكوا كلها والحال من بعضه يا معلم
وكده دليل على الوحده العربيه
شوفت متوحدناش غير فى الهم
عموما زيارتك اسعدتنى جدا
بس رايك مش صحيح
عموما سعيده بمعرفتك
اشطات
قلوب بتغنى
فعلا اه يابلد معبره اكثر من براك
صباحك فل ونرجس
اهلا بهذه الزياره
بلدنا شويه احسن اوضاعها منكم
بس فاضل كم حاجه وحنحصّلكوا
واشكرك
الكويتي التمبتي
هو الكويتي ابا عن جد
يعني تاسيس مو تجنيس
ونظره بطرف العين
هذا المختصر وماراح اقولك شسوا الشايب العود يا الشيوب
عناد فيك
:P
magnoonah
انتي صح
Post a Comment