حوار بين مواطن وإبنه قبل انتخابات مجلس الامة وهذا المواطن اسمه براك وذاك الإبن اسمه خشيم الفار
والسيد خشيم الفار يقول بأنه يجب ان تقرأ كلمة يبا على وزن قرطبه
يبا
لاتعطي صوتك
لأي واحد يطلبه
يبا
ياللي خلّيت حب الكويت
فينّا ربى
يبا
الديره محتاجه من يحسنا
يكفينا ماشفناه وبسنا
حكّم عقلك بإختيارك
خاف الله بدارك
امسح عيون الديره
المصبصبه
يبا
دوّر على اللي يخاف
على هالارض
بصوتك تفرض الصح
فرض
لاتهمّك صور ودعايات
واعلانات مخبخبه
يبا
شوف عيوني جم حلم فيها
تدري بصوتك تقدر تورّيها
وتمنّيها بمستقبل جميل
يبا ادري الحمل ثجيل
بس مو وايد اللي
نطلبه
يبا
ولدك لصوتك يترجاك
يبا برّاك يبا برّاك
يبا قبل لاتصوّت تذكّرني
البلد بخير اسمعها منّي
يبا
يبا
25/3/2008
الأربعاء
66 comments:
أي والله البلد بخير
بـــس
للي يعرف قدرها
وهذا اللي قلناه
الكويــــت أمــــانة بـرقبتــــكم
حكمـــوا ضمايركـــم باللي راح تنتخبــــونة
ملح الدنيا .. خشيم الفار
أسم الله علية
ربي يحفظه
وينور طريجه
:)
شوف عيوني جم حلم فيها
تدري بصوتك تقدر تورّيها
سالفة طوييييلة إختصرتها بكلامك الحلو
كثر من هالسوالف
هذا حكيم زمانه مو خشيم الفار
اسمع كلامه يا البرك وما ياك بويهي
لاتهمّك صور ودعايات
واعلانات مخبخبه
لووول ملابس مو اعلانات :P
الله يقدرنا نسوي اللي يرضي ربنا و يصلح شان بلدنا
:)و صح لسان قايل هذا الشعر
يحليله
خشيم الفار
الله يخليه لك ان شالله و يحفظه
صااج والله
و اسمع كلامة
و صح لسانك :)
خووووش كلام
وخووووش ولد
اي و الله بخير
صح السانك
كلش و لا عيال قرطبة
ولدك فيه علامات النبوغ .. شكله بيصير عضو مجلس أمه ..
دير بالك على صوتك :)
ليس أجمل من حب الوطن
أطيب الأمنيات
أن يحقق المجلس الجديد
أمنيات خشيم الفار
دمت بحب
تحياتي
شوف عيوني جم حلم فيها
تدري بصوتك تقدر تورّيها
وتمنّيها بمستقبل جميل
يبا ادري الحمل ثجيل
بس مو وايد اللي
نطلبه
يبا
حبيت هالمقطع خاصة أول بيتين
الله يحفظ بلادكم يارب
شكرا على الرساله
فعلا الصوت امانه
ترا انا بهالمزيون انجبرت
:Pp~
الله يحفظة
ويكمله بعقله
ويبلغك فيه باعلى مناصب الدنيا والدين قول آميييين
:)
امسح عيون الديرة المصبصبة
!!
تعبير مؤلم لحد الآه
كثيرا ما اتخيل عيون هالديرة تنظر لنا بعتب..
تترقق فيها الدمعات
وتنتظر منها وقفات
وكلمة مصبصبة..كلمة معبرة
وانا أٌقرأها شعرت بدموع كل اللحظات
انته مبدع
تبهرني باختصار الكثير من الأفكار بكلمات بسيطة وراقية تدخل القلب بدون استئذان
الله يحفظك
ويسعد لي صباحك وممساك
:)
يحلاته
مشالله
الله يحفظه
زوقة
..
بس
سمالله
سمالله
عليــــــــــه
حكيم
:P
يخليه لك ويخليك له
DiLLi O MiLLi
سيدتي صاحبة التعليق الاول
اي والله البلد بخير للي يعرف قدرها
وخشيم الفار وابوه يبعثولك تحياتهم
حسافتج يا كويت
هلا فيك اخوي
السالفه مو طويله
السالفه جدا بسيطه
خافوا الله بديرتكم وبس
مااحب اكثر من هالسوالف
فريج سعود
قول لااله الا الله
انا سامع كلامه
يا وليدي ،،هذا صعب اللي تطلبه
احنا بلاوينا
متخومه ومتبتبه
فيها هم
فيها حسد
وفيها زود الربربه
،،
ماشالله ،،الله يبلغك فيه يا براك
صح إلسانك
و عسى الله يحفظ اوليدك من كل شر و يشوف احلامه كلها تتحقق بحياتك ان شاء الله
: )
Shather
كان هناك نقاشا طويلا مع والدتي العزيزه عن موضوع الخبخبه
فقد ذكرت الغاليه شلون تقول مخبخبه المخبخبه تكون الدشداشه ويقولون الدشداشه تخب
او العباة ويقولون العباة تخب
وذكرت لها تعليلي لاستخدام هذه الكلمه مخبخبه
اولا
كلمة مخبخبه اصلها كلمة الخبه
والخبه هي الصيحه او ناس وايد يتحجون مع بعض
وتنطق مرات من غير الالف واللام أي خبه بتشديد الباء
وبما ان الملابس المخبخبه هي الملابس الواسعه
اخذت هذه الكلمه وطورتها
كالتالي
لاتهمّك صور ودعايات
واعلانات مخبخبه
اي لاتهتم بكثرة صور المرشحين والدعايات التي تجملهم بعينك واعلانات تخب عليهم
لاننا راينا مرشحين سابقين لمجلس الامه برامجهم الانتخابيه وشعاراتهم تخب عليهم
اي اطول منهم
او اكبر منهم
لماذا اكبر منهم لانهم لم يستخدموها في اثناء تواجدهم تحت قبة البرلمان
بل استخدموها كوسيله كاذبه للضحك على عقول الناس
كانه خشيم الفار باختصار يقولي يبا لايقصون عليك
التفتت علي ام براك وقالت انت صح
اشكرك ياشذر
نورتينا
بعثرة مشاعر
اكيد باسمع كلامه
طبعا مو بكيفي غصب علي
اشكرك
الزين
وخوووش وجود لك
اشكرك
nEo
عاد انت موتصدق
Kuw_Son
قول لااله الا الله
الله يصلحهم ويرزقك
ويخليك
NewMe
وليس اجمل من وجود تعليقك سيدتي في هذه المدونه
شرفتينا
عيون الحب
اقولج شي
والله العظيم
انزين انا شكو احلف
المهم كنت قاعد اقول هالشطر بالذات منو اللي راح يحسه
لاني من اقراه يعورني قلبي واقول شلون كتبته ماادري
اشكرك ياحساسه
Peace
العفو
اشكرك
وان شاء الله الكل يعرف شنو تكوين كلمة امانه
esTeKaNa
لاتسمعك لولووه ممكن تنظم عمليه اغتيال والسبب خشيم الفار ديري بالج
انا خايف عليج مو عليه
ترى لولووه شرانيه
ولولوه اهي اللي وياه بالمدرسه مره قالتلي اذا طقيته اقول حق ابوي يوديك المخفر
ديري بالج
دائما استكانه تقرا مااكتب بصوره صحيحه
الله يحفظك
ومشكوره على دعوتك
كل ماتدعين لي وتدعين لهم اشوف الخير
بس هالمره دعيتي وصار غبار
شالسالفه
منو ينسى
الله يسلمج ويخليج
وترى اهو يقرا كل كلمه عنه
واذا مافهم انا اترجمله
SolaimaN
سليمان عندنا
من قدنا
يابختنا
انت وينك
صج صج انت تتغلى
شدعوه يبا
نبي شويه من قطاتك وبس
الله يسلمك بس هذا اللي اقوله
سدرة العشـــاق
الله يسلمك ويخليك ويحميك
اشكرك
الله يا براك
يا حلو الاحساس الى حسيته والطمانينه بهالحوار
ان شاااءالله خير
ان شاءالله الواحد يطلب ويتمنى والله يكتب كل خير وصالح للكويت
لانها تستاهل
استمتعت يا بو خشيم الفار
وعساك ذخر لهم
والله لا يخليك منهم
امين
ومنا لخشيم الفار ونقوله يبا اسمع كلام ابووك !!
الله يحفظه لك ان شالله =)
أخوي العزيز الغالي براك
ولدك صاج يا البرك
فكر فيه من تصوت
و مثل ما قال لك
إن شاء الله البلد بخير و عافية
دام فييها ناس قلوبهم بيضة مثلك
الله يحفظ لك الصغير و كل غاليينك
و يبارك لكم بكل شي إن شاء الله
براك
مريت على مدونة الدوائر الخمس واسمك يمهم قلت امر اسلم عليك دامي قريب
مساالورد والجوري
مبدعنا الراقي
صدق والله خشيم الفار عسا ربي يخليه لك
البلد بخير
ودايما بتظل بخير
دام فيها أمثالك " ولا هانوا الباقين"اللي لين اللحين فيهم عرج ينبض بحب هالتراب الطاهر
:)
قول آمين عس ربي يحفظ خشيم الفار واخوه
ويخليك ذخر ودايما فوق راسهم
يارب
:)
دمت بدفء وعذوبه
ابدا
:)
من أمن العقوبة أساء الأدب
يحدث في الكويت ... التظاهر بسبب تطبيق القانون !!!
يبا لا تعطي الصوت لكل من أطلبه
وهو في كوره فاصل يبي يلعبه
اللللللله يا براك
الديرة بخير بأذن الله بخير
وسّلم قلبه بعد يعرفون يتحجون بالسياسة
اسم الله عليه
تبارك الرحمن
صح لسانك يا خشيم الفار
بس من يسمع
امسح عيون الديرة المصبصبة
هزتي هالعبارة
.
.
ي والله
/صح لساانه خشيم الفار
ربي يخليه لك ويحفظه من كل شر
بهذه المناسبة أهدي خشيم الفار هذه الكلمات:
أحبك لو تحب غيري
وتنساني وتبقى بعيد
عشان قلبي بيتمنى
يشوفك كل لحظة سعيد
:Pp~
الاحساس بالأمان اهم من الحب
ولولوه سبع عجبتني صراحة
:)
الله يسلمك يا براك ويحفظ لك كل غالي تحبه
هالمرة غبرت ميخالف
يت على غبار مو شي اكبر
بس لا تخاف
االخير بقبال
:pP
الكويت لسه بخيييييييييير
وبتكون بخير لو شعبها حبوا انهم يكونون بخير
ربي يخليه لك كلامه عييين الصوااب اسمعه وطبقوووه ياعالم
وصح لسانك
allah ywafeg inshalla belyay ow ye6ra7 elbaraka
kalam jameel ow mo2ather 6ale3 men elgalb ow dasg globna :)
يا استاذي
وطنيتك
خيالك
رومانسيتك
محبتك
أبوتك
مظلتك
قلبك الكبير
خشيم الفار
....
كلهم على راسي
و مادري ليش احس اني اعرفك
مانتوفاني
charisma
فعلا سيدتي الذكيه
هذا ماأحببت أن أقوله
الدنيا بخير
وعيالنا بخير
والديره بخير
كل اللي ابي قوله ياناس الامل
هالكلمه غرسوها بنفوسكم
الامل
ياحلو دعواتك جزاك الله خير
اشكرك
Manooya
ويابراك إسمع كلام خشيم الفار
اشكرك سيدتي
بو محمد
يازينك ياأبو محمد
ياحلو كلامك
وكل شي بخير مادام فيه يهال تضحك وشاب مايتشكّى
حسافتج يا كويت
حياك الله
وعساك دوم قريب
يالحبيب
فراوله
قولي آمين
بعد آمين
الله يسعدك
ويحفظك
مُحَسّدْ
الكويت للحين بخير
حتى إسأل خشيم الفار
هذيان
مو بس انا اقول بخير
الواقع يقول جذيه بعد
DanDash
اذكر وني كنت محتار شلون اختار اسم دلع لاي واحد من اليهال
بصراحه عندي اسامي غريبه
يعني مثلا اي طفل عمره اقل من سنه أسميه أنّوش
ليش انوش ماادري
ليش قاعد أقولج هالسالفه
هم ماأدري
Najmah
وتهز هالعباره اكثر لما يكون كل اطفالنا يقولون نفس هالكلام
esTeKaNa
ويرد خشيم الفار ويقول
سنين وسنين وأنا صابر
وراح أصبر كمان وكمان
عاد تخيلي خشيم الفار يقول كمان
االخير بقبال
بالله عليج واسم الله عليج
هالكلمه مايقولونها اللحين الا اللي فوق التسعين
الله يحفظك
Shaima'a Alkandari
تصدقين عاد
انتي اختصرتي كل السالفه بجملتك
ماشاء الله عليج
Selezya
صح بدنك
الله يخليج ويسلمج
Selfridges Girl
الله يسلمك ويسلم قلبوكم
اشكرك على وجودك
mantovani
يسلم الراس وراعيه
تخيل وجودك شرف لي
فما بالك اذا تعرفني
اشكرك ياسيدي الفاضل
الله يسلمك و يخليك يا براك
انا حقيقة ما اعرفك و لا عمري اجتمعت وياك
لكن المشكلة ان كل الكلام اللي انت تقولة احس ان طالع من قلبي
و هالشي احسن من اي معرفة
مانتوفاني
mantovani
يسلملي قلبك
يالغالي
أتمنى
كل أمنية
تمناها هذا الملاك الصغير أن تتحقق
أن يكون هذا الحوار
هو البند الذي سيسير عليه عقول المواطنين
شكرا يا براكنا
Aldenya
هم لايملكون غير الحلم
ونحن لانملك الا ان نوعدهم بتحقيق هذا الحلم
وايد عجبتني براكنا
حتى انت خشيم الفار
لووووووووووول
MSHALLA 3aJeBaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaa!
chatterbox
عندنا وعندج خير
Mai
اشكرج
Post a Comment