باختصار وبدون أية مقدمات وخزعبلات ، شريت قاري وطايحله تمشّي من فريج لي فريج ومن حديقه لي حديقه
قاري
ينسّيني الي راح
واللي جاري
أتمشّى وأتنفّه
وأخذلي لفّه
وأرجع لأيام
برّد بوعلج
والأتاري
قاري
* أطير بالهوى برجابي
وأصحّي طفل بحشاي رابي
وأعيد ذكريات الطفوله
وأرجع للمرحله الأولى
ماكنت فيها أحاتي قراري
قاري
ماتيوّدني غير نسمات الرّبيع
وأمشي بالهدى وامشي سريع
وأنسى قيود المسئوليّه
أشلّل وأطير بالدنيا
ومركبي سمّاري
قاري
أطيح مرّه وأتزلّق
وأمر عالمليق والأملق
وأتكرفس ويقولون قلعه
تستاهل يابو صلعه
مو باقي الا تلبس ساري
قاري
29/1/2008
الثلاثاء
رجابي = الرجاب أو الركاب وتنطق بالجيم الفارسيه هي دوّاسة الدراجه الهوائيه *
62 comments:
عدل يالريجيم
حطيت ايدك على جروح كثيرة
و هم اقول قاري
:(
دير بالك بس من السيارات , ركبلك ليت
مساالورد والجوري
مساالقواري العجيبه
مبدعنا المتألق
شوف عاد احاسيسك كلها كوم
وانك تلبس ساري
كووووم ثاني
!!!!!!!!
بذمتي قوية
ديربالك تسويها
;)
دمت بدفء وعذوبه
ابدا
وبدون ساري
;)))
رائع
:)
صح لسانك
صباح الخير يا ويه الخير
يا سلالالام علييك يا برااك
:))
والله يبيله قارى شوقتنى
سلالامات ودير بالك من المطافيق الى بالشارع
كريزما من الدوام
:/
حدددددددددددها اتعققققققد الكلمااااااااااات :D
وناااسه ابي قااارييي..:)
يعطيك العافيه...:)
ااالله الله يهنيك حدي احتريت خاطري بقاري:(
زين سويت شريت قارى منها رياضه
ومنها ترجع ذكريات الطفوله
بس حط بالك على روحك علشان ترجع لبيت اهلك سالم غانم :)
لوووووووول إسم الله عليك من التزلق, ويامال الملق اللي يتشمتون عليك الزلق
عاد تصدق؟ أنا مرة شكبري صكيت اليوبيل الفضي ولي الحين ما اعرف أسوق قاري
جميل أسلوبك اللي ياخذ ابسط الماديات ويعبر من خلاله عن أعمق المشاعر
ملاحظة: إذا واحدة دقت لك هرن وإنت بقاريك هذي أقرب مالها أنا ;p
تحياتي لك
وأصحّي طفل بحشاي رابي
وأعيد ذكريات الطفوله
وأرجع للمرحله الأولى
ماكنت فيها أحاتي قراري
-------------------------
كلام عجيب صج من القلب
و الله حسيت فيك
صج لما تسوق قاري يمر عليك شريط طويييييل
تعرف تويل بالتاير الوراني ؟
:P
شوقتي اركب قاري
دير بالك و انت تسوق احلى شي تسوقه بالممشي ولا يم البحر يم المركز العلمي
أما الشوارع المياننين وايد
حافظك الرحمن
و اللي يقولك بيشتري قاري و بيي يقاوم وياك
وناااااااااااااسه
صج وناسه
ابيه يالشيبه والله وناسه مالك شغل بكلام الناس والسيايير
عيش دنيتك والله
الله على عمر الطفوله لو يرجع بس جان تغيرت وايد اشياء فينا
شوف يالمتشبب ما اوعدك بس اضمن لك ان شفتك والله لا صورك بالتليفون وانشره بالبلوتوث تحت عنوان
((طفولة اخر زمن))
مع الزوووووووم على الصلعه
:))
وتسلم ايدك على الكلام الحلو
فتى الجبل
سيدي صاحب التعليق الاول
انا اذا سويت ريجيم راح اختفي
kila ma6goog
فعلا هي جروح كثيره
قول قاري وسوها ترى وناسه
مايحتاج اركب ليت نوري كفايه
فراوله
مساء القواري العجيبه
هههههههههههههههههههههه
طلعتي فيها
على فكره انتي سيده مرهفة الحس بس ان قطيتي قطه تطلعين فيها
ماشاء الله عليك
رقه وخفة دم
بالنسبة للساري
يعني واحد اقرع وضعيف واسيمر وراكب قاري مايبيله الا ساري
qesat_5ayal
صح بدنك
اشكرك
كريزما من الدوام
اختي العزيزه
سيدتي الذكيه
فعلا انا بهذه القصيده ان جاز التعبير احببت ان اتطرق لعدة مواضيع
هل من الممكن لاي سيده او انثى فوق ال عشرين مثلا ان تقود دراجه هوائيه
ماهي نظره الناس لها
ولماذا لاتأخذ راحتها بالتجول بأحد الاماكن الترفيهيه بالقاري
مع وجود محرم
هذه القصيده تتحدث عن امورا عده خاصه بي وخاصه بكم
جم واحد محتاج لجاري
Q8ya
هلا فيج
انصحك بالذهاب الى محلات القواري بشارع خالد بن الوليد واختاري واحد
ونصيحه اشتري من اي شخص ايراني لانه امين
ANGEL HEART
ويهنيك ويسلمك
تبين قاري
بتاير والا باربع
Noor
اهلا بهذا النور
بصراحه الناس مادري شفيهم مايحترمون الصلعان اهل القواري
فقررت ان اتجول بالقاري فقط بالحدائق اللي مايدري عنها الا المقيمين
عشان اسلم
ezain_kilah
فعلا انت الزّين كلّه
ماادري ليش لما امشي بالقاري
أحس بملاقه حواليني
حتى قبل لاأطيح
اذكر مره علمت اختي على القاري اول شي سوّته دعمت خالتي
جميل أسلوبك اللي ياخذ ابسط الماديات ويعبر من خلاله عن أعمق المشاعر
اسلوبي يعبر عني
بصدق
بعمق
بمنتهى الشفافيه
ذكر لي احد الاصدقاء جمله عندما بدأت الكتابه في عالم المدونات
قال النت عباره عن مسرح وردود الافعال ستشاهدها بتلقائيه ووسرعه
صدق كلامه وصدقتي
اشكرك
nEo
استاذي
اتشرف بوجودك
وأصحّي طفل بحشاي رابي
ايقظ طفلا لم يله بدنياه لحظة واحده
لانه تربى فيني
وأعيد ذكريات الطفوله
استلهم تلك المرحله ذكريات مرحله لم اتغنى بها
وأرجع للمرحله الأولى
وهنا تضع 100 علامة استفهام
رغم اختلاف مراحلنا الاولى الا انننا متشابهين بالبراءه رغما عنا
ماكنت فيها أحاتي قراري
عندما تصل لمرحلة التفكير مليا باي قرار
كن على يقين بأنك نضجت فعلا
انا ترى مسالم بالقاري
بس عندي مشكله ازليه اخوي الحبيب
ياخي كل ماعمري ركبت قاري بحياتي الا والصنقل يطيح
تهقى ليش
DanDash
لاتحاتين
انا اكثر واحد رافع شعار من خاف سلم
اشكرك
mtfa2el
الوعد بخط صبحان
واللي يفوز اكتب فيه بيتين شعر
magnoonah
تصدقين
احلى انسان يقول كلمة وناسه هو الاثرم
ونااااثه
بصراحه وناسه
والجو العليل بس هالايام الجو مادري شفيه
من شريت هالقاري والجو انقلب
عيل غبار بارد
اذا ناويه تصورين
كتبي عنوان البلو توث
الشايب المسمسم
اشكرك
shayyashtny 3ala elgwary ;p elyom ana ray7ah sharg oo makhthah wa7ed 7amar oo bo sharaye6 emlawenah ba3ad ;p welwa3ad mamsha mishref ;)
عاش عاش
صج وناسه القاري , شكلي بروح ادق قاري اخوي الصغير سلف و افتر بالفريج
ياريت أقدر اسوي مثلك
عساك عالقوة
:)
mashalllaaa .. ana mata 3al garey bas 7adey bo arba3 twaaayer wana mn ashad el mushaji3eeen lil guwaary bas allah isalmik ilbint ili foog el 20 mategdar etsoog gary lannha tabee tekshakh wit7i6lik theeek el7omra el 9aarkha bedal el laaaitat wo talbislik ka3ab wainhi wain etsoog garyyy chan eb awal shabbba:P
إي والله قاري يا البرك
يا ليت تردفني وياك يا اخوي
أخوك بو محمد
تلبس سااااااري
ههههههه
لو جونا طول السنه حلو
جان الكل يركب قواري
انا احب القااااري
مبروك وعقبال ما تشتري طياره
:)))
ياعيني عليك يابراك
عجيب ومبدع دوووووم
اهم شي التكرفس
Om Jaber
الله يخس بليسج
شرايط ملونه عاد
ايه ولاتنسين تحطين سله جدام
هههههههههههه
AnGlOpHiL
عاش من قال
ترى القاري مايدقونه سلف
بس اطمر عليه واطلق سيقانك للريح
وبالسلامه
عيون الحب
الله يقويك
هذا هو السؤال المطروح
لماذا المراة في مجتمعاتنا الخليجيه لاتستطيع ان تقود الدراجه الهوائيه
اشكر مرورك سيدتي رغم تقصيري
shakshaka
سيدتي الراقيه
اشكر لك مرورك الراقي
هههههه
قاري بأربع تواير شخباري
على فكره انتي طرحتي موضوعا مهما هل اهتمام بناتنا صار بالحمره اكثر من اهتمامها بنفسها وصحتها
موضوع رائع ونقد أروع
بو محمد
تامر امر يابو محمد
اردفك فوق راسي
vancouver
فعلا المعضله الوحيده هي الجو
بس بحاول اتغلب على الجو واسوق قاري صيف وشتويه
من وين طالعه الشمس اليوم
Shaima'a Alkandari
هلا فيج يالراقيه
مشكوره
ويقولون التكرفس كلمه ينطقونها اهل جبله اكثر من اهل شرق
يااااااااااه يا البرك
يسلم الراس و راعية
و عسى الله يبلغك منيتك إن شاء الله و يسهل دروبك قول آمين
عالبركه
عاد القاري احسن رياضه
و دام الجو حلو
مالكم شغل بالناس
الـلــــــــه وناسه و عليك بالعافية ...ركبت سلة :)
والله زين تسوي الجو يننن صج مال قاري
بس مشكلتي ماعرف اركب قاري إلا لما يحطونلي التواير الصغار اللي ورى
:)
صح إلسانك
اي والله انه القواري اول لها شنه و رنه ..
كل عطله قاري يديد لازم :)
خوش كلمات
barrak
tara bamoooog 3laikom ya barrak 3ugb hal kalam wo basoog gary bo tayraaaain! wo lil asaf el7umra awalan wil 9i7aaa #10 shooof mageltleek thaneyan la laa seeda negazna laih 10:S
بو محمد
آمين ياخوي امين
الله يسلمك ويخليك
بعثرة مشاعر
الله يبارك فيج
انتي صح
والجو صح
واللي انا سويته هم صح
MnO YeNSa
عافيج ويخليج
ماركبت سله ركبت اريل
سدرة العشـــاق
صح بدنك
ههههههه
ضحكتيني والله
بس صدقيني الاربع تواير اضمن
عشان مايضحك المليق والاملق
الخيلاء
القواري لها قبل حلاوه
واللحين هم بعد لها حلاوه
ياحلو ال بي ام اكس
ويكون صوب المطاره تحت مكتوب الوحش
الله
shakshaka
يحقلج تموقين
وفعلا عاشرا صارت الصحه
عاشرا صار النشاط
واولا الحمره والرباده
اشكرك للمره الثانيه سيدتي
القاري حلو و ممتع.. بس المشكله وين ممكن تسوقه :)
take care :)
يا عيني و الجو يساعد بعد
: )
يا حظك والله
!!
وااااي انا ذايب قلبي على قاري
!!
عليك بالعااااافيه
زين تسوي
انطلق يا براك
واي تذكت طفولتي كان عندي قمة الشجاعه اللي يعرف حق قاري بو تايرين
لاني طولت بمرحله اربع تواير مالت اليهال
ويوم عرفت حق بو تايرين
ابوي الحجر دششني ما قمت اطلع بالسكة
hehehehe
:))
rwatan
بالنسبه للذكور مافي مشكله
ياحديقة الجابريه
ياحديقة الفنطاس
بالنسبه للإناث
لازم يكون عندهم بيت فيه ارتاداد كبير ويمكن يقدرون
Selezya
ان شاء الله
|:| DUBAI |:|
بدينا بالحسد
خو كله قاري خو
esTeKaNa
انطلق
الله ياحلو هالكلمه
اتذكر ايام الرجل الحديدي
والله يخلي لك الوالد الحجر ويطول بعمره
اللهم امين
والحمد لله عالسلامه
سؤال بما انك يبت طاري القاري!!
في اي سنه تم استخدام القاري بالكويت؟؟
bu saad
علمي علمك
Post a Comment