Monday, January 7, 2008

ياحجي - الجزء الثاني

ياوليدي
الله يعينك
ياوليدي
تسلم عينك
اللي اشوفه غير عن قبل
زمانكم كلّه بخل ببخل
محد يضحك محد يبتسم
الحزن رسمتوه رسم
ياوليدي

سنه مرّت وماشفت إلا العنف
مليون مره وانا اقول أف
استجواب بقفى استجواب
لاغدى الشر ولا الحال طاب
ياوليدي

علامكم هالارض شسوّت لكم؟
علامكم هالارض بجت لكم
تبيكم بس تدارونها
ياما حطتكم بعيونها
جم مره بتبجيلكم الكويت؟
ياوليدي

بأيّامنا ماعرفنا قبليه
ماعرفنا شنهي الطائفيه
ماعرفنا غير الحب والألفه
ماغير طريج السّنع نعرفه
ياوليدي
بس اشوف امل مرسوم
يبدد جهل وحسد وهموم
اشوف شاب كله همه
حب ديرته سرى بدمّه
ياوليدي

لاتحسدون بعض وانثروا الحب
لايشيل قلب على قلب
تسامحوا حبّوا ديرتكم
ياما باحضانها شالتكم
خافوا الله بالكويت
ياوليدي
31/12/2007
الاثنين

28 comments:

فرنسا هانم said...

طب والله صدفه خير من 220 ميعاد
اول مره ادخل المدونه
الاقى نفسى البريمو
اول تعليق
جميل جدا
على فكره
انا خبطت مشوار من السويس لهنا بالعجله من غير ما اخد نفسى
ولا اريح كام يوم
وخدت لفه فى المدونه الشعريه المتميزه
وقريت الشعر بتاع عيد ميلادك
وكان نفسى اكون موجوده علشان اشرب الصاقع
سلام
وتحيه لمدونتك

Eng_Q8 said...

اي والله صاج خافوا الله بالكويت

صح لسانك يالبرك

`~MnO YeNSa! ~` said...

صـــــــــــــــــاج و صح لسانك .. والله لما سمعتها قلبي عورني :( ليش ؟!!؟

الله كريم

بنت الشاميه said...

صح لسااااانك
السوس نخر فى النفوس الضعيفة
والفتنة على اشدها بينهم
واحنا وعيالنا الى بنروح فيها
بس كل طريق له آخر

وبننطر ونشوف

Almas said...

قوووووووووة

شلونك عساك طيب

غبت عنكم شوية فترة نكاهة
يعني نقاهة

شهالزين بصراحة أكثر من راح

بس على فكرة بجيتني

في جملة خلتني أوقف ونزلت دمعتي

تعبيرك أكثر من رااااائع

تسلم إيدك

lawyer said...

اييييييييييييييييه ياحجي

ياريييييييييت تتحق الاماني

فتى الجبل said...

الله يحفظ هالأرض الطيبة

Najmah said...

علامكم هالارض شسوّت لكم؟
علامكم هالارض بجت لكم
تبيكم بس تدارونها
ياما حطتكم بعيونها
جم مره بتبجيلكم الكويت؟

يعور القلب هالمقطع

وييين اللي يسمع؟


ربي يحفظج يالكويت

Mohammad Al-Yousifi said...

نفس كلام العم عمر السري في ندوة اليوم

بنت أبيها said...

بس اشوف امل مرسوم
يبدد جهل وحسد وهموم
اشوف شاب كله همه
حب ديرته سرى بدمّه


تمام الكلام

ربنا يهدى

qesat_5ayal said...

يا عمي مشكلتنا ما نتقبل التغيير
يا عمي مشكلتنا تناسينا
بس ما فكرنا نعود
يا عمي ما حطينا في بالنا الا نعود مثل قبل او لا نعود
يا عمي ما حطينا في بالنا الوسط

نسينا ان كل هذا يحتاج صبر ووقت
واحنا كله مستعجلين
فدايما نفشل

يا عمي الحجي
كثرت همومنا
بس تكفي الكويت جامعتنا
وقلوبنا على بعض

شوفنا بالشدايد
واحدنا قلبه على الثاني



ترى احنا طيبين يا حجي
وترانا من نسلكم
:)


صح لسانك يا براك

فريج سعود said...

اي والله خافوا الله بهالبلد
ضميركم مات عقلكم بلد
يا خوي يا البرك عسى ما شر ليش مهون عنّا
عسى موزعلك احد

Selezya said...

وصصصصح لسااانك

وعسا الله يسمع منك ويخلون كل هالشر ويعم بقلوبهم الحب والخير لديرتنا

تسلم ايدك

charisma said...

لاغدى الشر ولا الحال طاب
ياوليدي

علامكم هالارض شسوّت لكم؟
علامكم هالارض بجت لكم
تبيكم بس تدارونها
ياما حطتكم بعيونها
جم مره بتبجيلكم الكويت؟

والله خنقتنى العبره

مسكينه يالكويت

Barrak said...

فرنسا هانم
تشرفت بتعليقك الاول ووجودك الاول

اشكرك على هذا المشوار
وربنا يخليلنا الست فرنسا هانم

كم هو راقي كلام مدونتك
كم هي ارقى تلك الافكار المتواجده بالهانم


وشعر عيد الميلاد كانت عباره عن شرح لتفاصيل رحله

اشكرك

Barrak said...

Eng_Q8

صح بدنك يالغالي

اشكرك

Barrak said...

منو ينسى

ماادري ليش
اشكرك

Barrak said...

بنت الشامية

تصدقين كلمة ننطر ومرادفاتها انطر ونطره وناطرين

للاسف تلك الكلمات السابقه تنخر في عزيمة هذا الوليد

اشكرك

Barrak said...

Almas

يقويك
هلا بيك هلا

شهالغيبه

اشكر وجودك
ونأسف لدمعتك

اشكرك

Barrak said...

lawyer

اعتقد الحجي بيفنقش والاماني وراه

Barrak said...

فتى الجبل

ويحفظك ويحفظنا

Barrak said...

Najmah

لما نشزف اصول التفاهات مرززه ترى الارض تبجي
لما ينتشر الجذب الارض تبجي
لما حب الوطن مانسمعه حتى بإغنيه
نبجي
وتبجي
وابجي

يانجمه

Barrak said...

kila ma6goog

ماعرفهوش

Barrak said...

بنت أبيها

اللهم امين

شكرا

Barrak said...

قصة خيال

بس تكفي الكويت جامعتنا
وقلوبنا على بعض


هذا الحجي ودي ينحس

وبس

Barrak said...

فريج سعود

حبيبي انت

لازم نعرف شنو معنى الخوف على البلد
هالاحساس نحسه

ونترجم هذه الجمله

حبنا لك ماكو مثله
حبنا لك ماكو شكله
حبنا لك عملية ماهي سهله


حبيبي انت

ماعاش من يزعلني وحسك موجود
انا اعترف اني مقصر ولي اسبابي
اولا
اعايش فتره حرجه للمراجعه مع الذات
ثانيا
ماخذ اجازه لمدة 64 يوم ومجابل الكتاب اللي واعدتك فيه وبديت بمرحله جديده مكلفتني ماديا ونفسيا واحتاج منكم المعنويا
مشاله صعبه تخلي الواحد مبتعد عن كل شي

اخوي الراقي

كل تأخيره وفيها خيره
وعلى قولة خشيم الفار

انا اسف انا اسف حبيبي خلاص انا اسف

Barrak said...

Selezya

صح بدنك
واشكرك جدا

Barrak said...

charisma

كلنا مساكين

اشكرك